Trúum á guð, vísindin segja það

Einn þekktasti trúleysingi Bretlands, ef ekki vesturlanda, Richard Dawkins, færir þau vísindalegu rök fyrir réttmæti guðstrúar að rannsóknir sýni að samfélag sé starfhæfara með trú en án hennar.

Við brjótum siðalögmál síður. að ekki sé talað um veraldleg lög og rétt, ef við trúum að alsjáandi augu guðs fylgist með okkur.

Af er sem áður var að rök vísindanna stóðu gegn guði. 

 

Dawkins varar við því að trúarbrögð verði afnumin

RÚV breytir frétt: hannar nýjan veruleika

Frétt á RÚV um Samherjamálið var breytt í kvöld. Í útgáfu fréttarinnar var harmað að frumvarp forsætisráðherra um vernd uppljóstrara myndi ekki vernda starfsmann Seðlabanka Ísland sem lak upplýsingum til RÚV um húsleit hjá Samherja.

RÚV leggur ofurkapp á að fá vernd fyrir samstarfsmann sinn í Seðlabankanum. Fréttamaður RÚV sakaði Katrínu forsætisráðherra um hræsni í fréttaviðtali í gær vegna málsins.

Seinni útgáfa fréttarinnar í kvöld var breytt til að draga athyglina frá samvinnu RÚV og Seðlabanka í aðförinni að Samherja sem upphaflega fréttin afhjúpaði.

Í lok nýrrar útgáfu fréttarinnar segir RÚV: ,,Fréttinni hefur verið breytt. Í upphaflegri útgáfu stóð að frumvarpið næði ekki yfir fyrrverandi starfsmenn fyrirtækja." 

Fyrirsögnin í upphaflegu fréttinni krafðist verndar fyrir seðlabankamanninn sem lak trúnaðarupplýsingum í RÚV.

RÚV hannar nýjan veruleika í takt við áróðursstöðuna hverju sinni. Í Efstaleiti er ekki stunduð fréttamennska heldur áróður.

Umfjöllun Kveiks einhliða

Albanskur hælistúrismi, Namherji og RÚV-dramatík á alþingi

Fyrir viku bjó RÚV til handrit að sólarhringsdrama á alþingi vegna albanskrar fjölskyldu í leit að velferðaraðstoð hér á landi. RÚV-leikritið í þessari viku heitir Namherji.

Áhrifin eru þau sömu. Þingmenn Samfylkingar, Pírata og Viðreisnar taka heljarstökk í takt við fyrirskipanir frá Efstaleiti. Í síðustu viku voru Íslendingar mannfjandsamlegir; í dag spilltir.

RÚV-leikritin svara eftirspurn eftir sjálfshatri.

„Spillingarbæli“ eða óþarfa dramatík?

RÚV: Namibía fyrirmynd Íslands

Fyrsta frétt RÚV í gærkvöldi var að namibískir ráðherrar hefðu sagt af sér vegna spillingarásakana frá ríkisfjölmiðli í landi hvítra norður við Dumbshaf. Afrískir stjórnmálamenn eru næmir á vilja ríkisvalds hvítra Þróunaraðstoð gæti verið í hættu þegar þeir hvítu byrsta sig.

Frétt RÚV segir drjúgleg að ,,fátt annað sé rætt á kaffistofum" í Namibíu. En þar liggur einmitt sérhæfing ríkisfréttastofunnar, að búa til umræðu þar sem fólk slúðrar.

Í beinu framhaldi er sjávarútvegsráðherra Íslands kallaður á teppið í Kastljósi RÚV og spurður hvort hann ætli ekki að segja af sér líkt og þeir namibísku.

Ástæðan?

Jú, hann fór á makrílveiðar við Íslandsstrendur á einu skipa Samherja.

Glottið á RÚV-spyrlinum sást alla leið til Namibíu.

 

„Láttu ekki svona, Einar“

RÚV í valdabaráttu, sakar Katrínu um hræsni

RÚV sakar Katrínu Jakobsdóttur forsætisráðherra um hræsni og vill að lögreglurannsókn verði hætt á hlutdeild RÚV í samsæri með Seðlabankanum vegna húsleitar hjá Samherja. Í hádegisviðtali fréttamanns RÚV við Katrínu (7:10) er forsætisráðherra spurður hvort það sé ekki ,,hræsni" að láta lögreglu rannsaka samsæri RÚV og Seðlabankans um aðför að Samherja vegna gruns um brot á reglum um gjaldeyrisviðskipti.

Í útskrifaðri frétt RÚV af viðtalinu við Katrínu segir: 

Katrín sagði enga mótsögn í því að leggja fram lagafrumvarp um vernd uppljóstrara á sama tíma og hún hefði sent lögreglu erindi um hugsanlega uppljóstrun starfsmanna Seðlabanka Íslands við fréttamann RÚV um húsleit hjá Samherja vegna gruns um brot á skilaskyldu gjaldeyris.

Samherji var sýknaður fyrir dómstólum í gjaldeyrismálinu. Lögreglurannsókn stendur yfir á samvinnu starfsmanna Seðlabankans og RÚV í aðförinni að Samherja.

Namibíu-fréttaflutning RÚV af málefnum Samherja verður að skoða í ljósi tilraunar RÚV að knésetja Samherja í húsleitarmálinu.

Kristinn Hrafnson, sem er í samstarfi við RÚV í Namibíumálinu, viðurkennir óbeint að hér sé á ferðinni valdabarátta. Hann segir í frétt mbl.is:

Ég held líka al­mennt séð að þessi birt­ing og þessi um­fjöll­un sé ákveðin próf­steinn og prófraun á ís­lenskt sam­fé­lag, og einnig á ís­lenska fjöl­miðla, hvernig þeir mat­reiða og verka þessi mál, sér­stak­lega með til­liti til þess hvernig eign­ar­haldið er þar víða. (undirstrikun pv)

Kristinn hefur sem sagt áhyggjur af dreifðu eignarhaldi fjölmiðla. Almennt er það talið jákvætt í lýðræðisríki að eignarhald fjölmiðla sé dreift, fleiri raddir heyrast og ólík sjónarmið. En samstarfsmaður RÚV vill einn sterkan ríkisfjölmiðil til að ,,matreiða og verka þessi mál". RÚV á sem sagt að fá sem mest völd til að sækja, verja og dæma í opinberum málum. Eitt ríki, ein þjóð, einn fjölmiðill. 

„Þarna var augljóslega saga“

RÚV játar falskar forsendur í Samherjamáli

Helgi Seljan RÚV-ari skrifaði forstjóra Samherja tölvupóst 15. október síðast liðinn. Þar sagði:

Á næstunni ætlum við í Kveik okkur að fjalla um þróunaraðstoð Íslendinga í sjávarútvegi og aukin umsvif íslenskra sjávarútvegsfyrirtækja erlendis.

Helgi ætlaði ekki að tala um ,,aukin umsvif" Samherja heldur bera fram ásakanir um stórfellda glæpastarfsemi Samherja í Namibíu. Helgi vildi fá forstjóra Samherja í viðtal til að sýna hann sem sekan mann. Enda var RÚV búið að ákveða niðurstöðuna fyrirfram. Í handritið vantaði aðeins senu með sekum forstjóra. (Sem RÚV þó náði síðar með því að gera Þorsteini Má forstjóra fyrirsát, sbr. Kveiks-þáttinn).

Samherji stendur í deilum við namibísk yfirvöld og fyrrum viðskiptafélaga. Fyrrum starfsmaður fyrirtækisins er genginn til liðs við namibísk yfirvöld. Allt þetta hlaut Þorsteinn Már forstjóri að vita.

Einnig mátti Þorsteinn Már vita að RÚV er í hefndarhug gagnvart Samherja eftir að hafa sýnt sig ómerkilegt verkfæri vinstristjórnar Jóhönnu Sig. í húsleitarmálinu. Samherji fékk þar sigur fyrir dómstólum og RÚV-arar sátu uppi með klámhögg.

Eðlilega hafnaði forstjóri Samherja boði RÚV um niðurlægingu fyrir framan myndavélar ríkisreknu Gróu á Efstaleiti.

RÚV birtir bréfaskriftir við Samherja

RÚV-stillt atlaga að Samherja

Tveir íslenskir RÚV-arar, blautir á bakvið eyrun en í hefndarhug, fara til Afríku eins og börn heimsækja Disney-land, og koma tilbaka með þá sögu að Samherji sé nýlenduherra í Namibíu og níðist á innfæddum.

Þetta er í stuttu máli RÚV-kveikur gærkvöldsins.

Eftirvinnslan er gamalkunn úr fyrri atlögum RÚV að íslenskum einstaklingum og fyrirtækjum. RÚV safnar liði til að trúa tilbúningnum. Píratar og stúdentar horfðu á Kveiksþáttinn er frétt á Efstaleitismiðstöðinni strax í kjölfarið. Afhjúpandi setning úr fréttinni: 

„Ég mundi segja að staðurinn sé svona 80 prósent fullur,“ sagði barþjónninn.

Sighvatur Björgvinsson fyrrum formaður Alþýðuflokksins veit hvað klukkan slær enda gamalreyndur í múgæsingarfræðum:

Sig­hvat­ur seg­ist ekki kunna að meta það hvort eitt­hvað sak­næmt hafi átt sér stað. Koma verði í ljós hvort brot­in sem þarna hafi verið fram­in séu fyrnd. Hann seg­ist spennt­ur að sjá viðbrögð þjóðar­inn­ar því viðbrögð stjórn­mála­manna fari oft eft­ir viðbrögðum þjóðar­inn­ar. Þá bend­ir hann á að ís­lenska rík­is­stjórn­in sé núna að leggja til að lækka veiðileyf­a­gjöld á Sam­herja um stór­fé.

Einmitt. Sekt eða sakleysi skiptir ekki máli. Aðalatriðið er ,,viðbrögð þjóðarinnar." Og RÚV sérhæfir sig í að kalla fram ,,rétt viðbrögð" þjóðarinnar.

Samherji er alþjóðlegt fyrirtæki en ekki góðgerðafélag. Fyrirtækið stundaði viðskipti í Namibíu og virðist hafa gert það gott. Deilur spruttu upp á milli namibískra viðskiptafélaga og Samherja. Þeir namibísku voru nátengdir þarlendum stjórnvöldum sem núna rannsaka starfsemi Samherja og hafa fengið til liðs við sig fyrrum starfsmann Samherja.

RÚV vill láta okkur trúa að stjórnvaldið sem núna rannsakar Samherja sé ,,góði kallinn" en stjórnvöldin sem fyrirtækið átti í samstarfi við ,,vondi kallinn". Veruleiki RÚV er eins og handrit að Disney-mynd. RÚV starfar eftir þeirri forskrift að íslenska þjóðin sé fábjáni. Og líklega erum við það: við borgum RÚV til að framleiða ofan í okkur einfeldningslega Disney-veröld. 

 

Svo kom Samherji

RÚV-krimmar í Afríku

Íslensk fyrirtæki seldu ekki skreið til Nígeríu nema með mútugreiðslum. Það er 50 ára gömul staðreynd. Afríka er spillt. Fyrirtæki sem stunda þar viðskipti taka þátt í siðum þarlendra. Annars verða engin viðskipti.

RÚV-Kveikur um viðskipti Samherja í Namibíu er ósannfærandi samsuða þar sem ásökunum er haldið á lofti í 63 mínútur, forstjóra Samherja veitt myndavélafyrirsát og dulbúnum arabískum sjónvarpsmönnum haldið að namibískum stjórnmálamönnum til að hanna frásögn um spillingu í Afríku. Hvað er næst að frétta frá Efstaleiti? Er ís á Grænlandi? 

Skemmtilegasta senan í tilbúningnum er þegar RÚV-ararnir Helgi og Aðalsteinn sviðsetja mútugreiðslur með rauða íþróttatösku. Þeir tóku sig vel út sem hvítir krimmar í svörtu álfunni.

Í alvöru talað: RÚV byggir upp væntingar um stórkostlega afhjúpun á Samherja en við fáum klukkutímalangan kjánahroll.

Mútur til að komast yfir fiskveiðikvóta

Samherji og Baugur, Þorsteinn og Jón Ásgeir

Samherji er samkvæmt skilgreiningu saklaus eins og hvítvoðungur, rétt eins og Baugur á tímum útrásar. Þeir sem efast um skilgreininguna eru vondir menn og illgjarnir, segir Þorsteinn Már núna og Jón Ásgeir Baugsstjóri á sínum tíma.

Annað tveggja eru Þorsteinn Már og Jón Ásgeir óvenju hreinlífir menn sem mega ekki vamm sitt vita eða óvenju ósvífnir, telja sig hafna yfir lög og rétt.

Í öllu falli kann hvorugur tvímenninganna, sem áttu og stjórnuðu Íslandsbanka fyrir hrun, að hanna ímynd af sér sem almenningur trúir. Báðir þykjast bjargvættir, Þorsteinn Már í norðlensku atvinnulífi og Jón Ásgeir að selja almenningi ódýran mat, en eru fyrst og fremst dugnaðarforkar sem sjást ekki fyrir.

Bjargvættur fórnar sér fyrir almannahagsmuni en duglegi auðmaðurinn skarar eld að eigin köku. Almenningur sér í gegnum tvöfeldni þeirra sérgóðu sem þykjast annað en þeir eru.

Tvöfeldni er í sjálfu sér enginn glæpur. En hún eykur ekki trúverðugleika.

 

Rannsaka starfsemi Samherja í Afríku

Rússland og vestræn alþjóðahyggja

Frjálslyndir og vinstrimenn á vesturlöndum óttast Rússa meira en efni standa til. Hillary Clinton segir Rússa ráða niðurstöðu forsetakosninga í Bandaríkjunum, þegar Trump sigraði, og séu ráðandi afl í bresku stjórnmálalífi. Til Íslands kemur Nató-foringi og segir Rússa ógna vestrænum hagsmunum á norðurslóðum.

Raunsæismenn í alþjóðastjórnmálum, t.d. Harvard-prófessorinn Stephen M. Walt, hafna Rússagrýlunni með gildum rökum. Rússland er með efnahagskerfi á stærð við Ítalíu, telja ekki nema 140 milljónir (og fer fækkandi) og stunda ekki lengur útflutning á and-borgaralegri hugmyndafræði líkt og á tímum Sovétríkjanna.

Engu að síður er Rússagrýlan raunveruleg. Hvað veldur?

Rússar ánetjuðust ekki vestrænni alþjóðahyggju sem var sigrandi hugmyndafræði eftir kalda stríðið. Þeir fundu rússneskar lausnir (Pútín) á rússneskum vandamálum og höfnuðu vestrænni alþjóðahyggju.

Frjálslyndir og vinstrimenn eru helstu boðberar alþjóðahyggjunnar: Bush yngri, Clinton-hjónin, Obama og Blair í Bretlandi. Hugmyndafræðin steytti á skeri í Írak, Afganistan, Sýrlandi, Líbýu og Úkraínu. Brexit-kosningarnar í Bretlandi og sigur Trump, hvorttveggja árið 2016, voru mótmæli gegn alþjóðahyggju og hliðarafurðum eins og trú á manngert veður, ESB og fjölmenningu.

Og hverjir skyldu bera ábyrgð á óförum frjálslyndra og vinstrimanna? Nú, auðvitað Rússar, Pútín sérstaklega.

 

„Óskiljanlegt og til skammar“