Fimmtudagur, 31. október 2019
Vinstri grænir gegn fullveldinu
Vinstri grænir stóðu að ESB-umsókninni alræmdu 2009, þeir óska eftir alþjóðavaldi með glópahlýnun sem yfirvarp og núna vilja þeir að Svíar ákveði innflytjendastefnu Íslands.
Vinstri grænir tóku í arf marxisma frá Kommúnistaflokki Íslands og þjóðhyggju frá Alþýðubandalaginu. Alþjóðahyggja marxisma trompar þjóðhyggjuna.
Fullveldið og vinstri grænir eiga ekki samleið.
Sameinist um móttöku flóttafólks | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (5)
Fimmtudagur, 31. október 2019
Gróa á Leiti og vanlíðan á vinnustað
Gróa á Leiti rægði mann og annan á bakvið tjöldin. Í fullkomnum trúnaði. Heimili og vinnustaðir sem Gróa fór höndum um urðu ekki betri fyrir bragðið.
Leikfélag Reykjavíkur stendur í stappi við leikara sem sagt var upp. Ásakanir um kynferðislega áreitni af hálfu leikarans voru tilefnið. Trúnaður ríkti um þessar ásakanir.
Stjórnendum LR var vandi á höndum. Sá sem er ásakaður á rétt á að vita hvað hann hefur til saka unnið. Þeir sem ásaka eiga jafnframt rétt á vinnustað án áreitni.
Þegar mál af þessu tagi rata til dómstóla verður að virða þá meginreglu réttarríkisins að sérhver er saklaus uns sekt er sönnuð.
Þau rök LR standast ekki að réttur þeirra sem ,,upplifa vanlíðan á vinnustaðnum" sé meiri en réttur einstaklings að verja sig ásökunum. Ekki er hægt að verjast nema ásakanir hafi höfund og málsatvik.
Við treystum ekki Gróu á Leiti fyrir réttlætinu.
Leikfélag Reykjavíkur áfrýjar til Landsréttar | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (7)
Miðvikudagur, 30. október 2019
Síðasta vígi ESB-sinna fellur á Íslandi
Samtök iðnaðarins undir forystu Helga Magg eiganda Viðreisnarfréttablaðsins voru til skamms tíma höfuðvígi ESB-sinna. Hjá SI fékk samfylkingar- og viðreisnarfólk vinnu að grafa undan fullveldinu, búa til sögur um ónýta Ísland og lofsyngja evruna og Evrópusambandið.
En nú er hún Snorrabúð stekkur. Samtök iðnaðarins lofa og prísa krónuna og sjálfstæða vaxtaákvörðun Seðlabanka Íslands.
Ósagt í áliti SI er að evran er ónýt, ekki hægt að lækka þar vexti enda eru þeir í núlli.
Í stuttu máli: Ísland með krónuna er heilbrigt efnahagssvæði en ESB með evru óheilbrigt.
SÍ þurfi að bregðast við dökkum efnahagshorfum | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (3)
Miðvikudagur, 30. október 2019
Siðrof í síðnútíma: Gréta og guð
Síðnútími, oft kallaður póstmódernismi, hafnar algildum kennisetningum. Trú án sönnunar er æðsta algildið.
Biskup Íslands kennir það við siðrof að kristinfræði voru aflögð í barnaskólum. Gerendur í siðrofinu voru vinstrimenn og frjálslyndir.
Blessuð börnin fengu í staðinn loftslagstrú með Grétu Thunberg sem spámann.
Grétulegt sakleysi með vísindatrú að vopni býður síðnútíma til hólmgöngu. Kristmenn krossmenn Grétu eru gerendur fyrra siðrofsins; vinstrimenn og frjálslyndir. Eftirsjá eftir æðsta algildinu, fölskvalausri trú, er áþreifanleg.
Guð féll en upp reis Loftslags-Gréta.
Greta hafnaði verðlaunum Norðurlandaráðs | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (8)
Þriðjudagur, 29. október 2019
Katrín: hræðum börnin og gerum pólitík úr ótta
,,Katrín Jakobsdóttir forsætisráðherra segir loftslagsvána mikilvægasta málið í dag og hlutur unga fólksins skipti þar miklu. Það sé meðal annars þeim að þakka og loftslagsverkföllum þeirra að loftslagsmálin eru orðin að meginstraumi umræðu stjórnmálanna."
Börnin læra það sem fyrir þeim er haft.
700 vísindamenn og sérfræðingar hafna hamfaratrú Kötu og félaga í glópahlýnun.
Vinstrimenn gera pólitík úr óttaslegnum börnum. Ófagurt er það og fer versnandi.
Loftslagsváin stærsta málið | |
Tilkynna um óviðeigandi tengingu við frétt |
Dægurmál | Breytt s.d. kl. 17:15 | Slóð | Facebook | Athugasemdir (2)
Þriðjudagur, 29. október 2019
Erfiðara að búa til peninga eftir hrun
Þegar bankar lána búa þeir til peninga úr engu. Innlán í bönkum eru aðeins brot af útlánum.
Fyrir hrun framleiddu bankarnir peninga eins og enginn væri morgundagurinn. Það fór illa.
Eftir hrun eru stífari kröfur til banka að fá nægilegar tryggingar fyrir lánsfé, eins og meðfylgjandi frétt ber með sér.
Á hinn bóginn þýðir það að skortur er á lánsfé.
Lærdómur: skortur er betri en hrun.
Fimm athugasemdir FME vegna útlána Arion | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Þriðjudagur, 29. október 2019
Lánsfé, hagvísar og hugarfar
Samhengi er á milli framboðs af lánsfé og horfum í atvinnulífinu næstu misserin. Vextir hafa lækkað síðustu mánuði þar sem eftirspurnin eftir fasteignum, vörum og þjónustu fer minnkandi.
Minni eftirspurn felur í sér að fleiri geta ekki borgað lánin sín, sem tekin voru þegar efnahagskerfið var í þenslu. Lánveitendur vilja öruggari tryggingar en áður. Það veit á minni útlán.
Það skemmtilega er að hugarfar, bjartsýni eða svartsýni, ræður framvindunni í atvinnulífinu. Segið svo að andinn sé ekki merkilegri en efnið.
Skortur er á lánsfé í hagkerfinu | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (2)
Mánudagur, 28. október 2019
Bankafemínismi og fátækt
Íslandsbankafemínismi kvenanna sem stjórna ríkisbankanum fer öfugt ofan í Sönnu Magdalenu sósíalista í borgarstjórn sem spyr um afstöðu bankans til fátæktar.
Þar er ekkert að frétta, segir Sanna.
Hvað sem annars má segja um sósíalisma er hann með betra jarðsamband en bankafemínisminn.
Dægurmál | Slóð | Facebook | Athugasemdir (0)
Mánudagur, 28. október 2019
RÚV er misbeiting fjölmiðlavalds - 2 tillögur
RÚV er ríkisfyrirtæki á sviði fjölmiðlunar. RÚV misbeitir reglulega opinberu valdi, bæði með samráði við aðrar ríkisstofnanir, samanber Samherjamálið, og með hönnun frétta til að ná fram pólitískri niðurstöðu.
Menntamálaráðherrar er með á sínu borði tillögur til að bæta stöðu einkarekinna fjölmiðla. Á meðan RÚV er í óbreyttri stöðu, sogar til sín auglýsingafé í einn stað og í annan stað misbeitir dagskrárvaldi sínu, er tómt mál að tala um betri starfsskilyrði frjálsra fjölmiðla.
Tvær tillögur, önnur róttæk en hin hófsöm, gætu bætt úr. Róttæka tillagan er að leggja RÚV niður. Þar með skapast svigrúm fyrir einkarekna fjölmiðla. Hófsama tillagan er að RÚV fari af auglýsingamarkaði. Meira yrði til skiptanna fyrir aðra fjölmiðla.
Hugmyndir um að fjármagna einkarekna fjölmiðla með ríkisfé gengur gegn heilbrigðri skynsemi. Ríkið á ekki að stýra frjálsri umræðu. Íslansbankafíaskóið, viðskiptabann á karllæga fjölmiðla, ætti að vera lexía um fáránleika afskipta ríkisfyrirtækja af opinberri umræðu.
Meðal annarra orða. Á ekki að heita svo að stærsti flokkurinn í ríkisstjórninni sé andvígur hömlulausum ríkisafskiptum af lífi og starfi borgaranna?
Framkvæmdastjóri var í samskiptum við RÚV | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (3)
Sunnudagur, 27. október 2019
Chile: Allende, Pinochet, loftslagsskattar og mótmæli trúðanna
Stjórnvöld í Chile hækkuðu fargjald í almenningssamgöngum um 4 íslenskar krónur, já fjórar, og uppreisn brýst út. Hækkun var réttlætt með orkuskiptum í þágu loftslags. Forseti Chile er komin í sömu stöðu og Macron starfsbróðir hans í Frakkland með gulvestunga.
Bandarískur höfundur ættaður frá Chile kafar dýpra í orsakir uppreisnarinnar. Pólitík í landinu hverfist um tvær andstæður. Í fyrsta lagi marxistann Allenda sem hlaut kjör til að bæta hag alþýðu og í öðru lagi hershöfingjannn Pinochet sem með stuðningi Bandaríkjanna rændi völdum 1973. Allende var drepinn og stuðningsmenn ofsóttir og drepnir.
Núna er það hvorki marxismi né herinn sem eru í aðalhlutverki. Tákn uppreisnarinnar er trúðurinn í kvikmyndinni Joker.
Stjórnmál verða æ alþjóðvæddari. Loftslagsskattur hleypir öllu í bál og brand og táknið er söguhetjan í svartri komedíu.
Fargjöldin voru lækkuð en uppreisnin heldur áfram.
Piñera biður ráðherra sína um að segja af sér | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)