Verkalýðsforysta ASÍ biðji landsmenn afsökunar

Verkalýðsforystan, með Gylfa Arnbjörnsson í farabroddi, ber þunga ábyrgð á pólitískri ólgu síðustu ára. Veigamestu mistök forystu ASÍ eru að gera baráttumál Samfylkingar að sínu og berjast fyrir aðild Íslands að Evrópusambandinu.

Forysta ASÍ studdi ESB-umsókn Samfylkingar 16. júlí 2009 án þess að hafa umboð frá félagsmönnum. Pólitísk óöld, sem kom í kjölfarið, skrifast ekki aðeins á Samfylkingu heldur einnig forystu ASÍ.

ESB-umsóknin var jöfnum höndum umboðslaus og dómgreindarlaus. Sértrúarsöfnuðurinn sem stóð fyrir umsókninni skar sig úr pólitískri meginhugsun á Íslandi, Grænlandi, Færeyjum og Noregi. Í öllum þessum ríkjum er sama niðurstaðan: strandríkjum á Norður-Atlantshafi er betur borgið utan ESB en innan sambandsins.

Talsmenn verkalýðshreyfingarinnar, sem í kvöld fínpússa ræður sínar fyrir baráttudaginn, ættu að setja inn fáeinar setningar um hve hörmulega tókst til með Evrópustefnu forystu ASÍ og draga af þeim mistökum réttan lærdóm.

 

Pólitísk ólga getur ógnað efnahagslegu jafnvægi

Múslímar valda pólitískum hamförum í Þýsklandi

Múslímskir klerkar, útsendarar Erdogan-stjórnarinnar í Tyrklandi, predika öfgar og grafa undan vestrænum gildum í Þýskalandi. Klerkarnir eru tæplega þúsund, samkvæmt FAZ, og aðeins eitt dæmið um óróa er stafar af múslímum.

AfD, Annar kostur fyrir Þýskaland, mótmælir vaxandi áhrifum múslíma á þýska menningu. Die Welt segir kjósendur AfD almennt vel menntaða og tilheyra tekjuhærri hópum Þýskalands. Ör vöxtur AfD er merki um að Þjóðverjar kjósi harðari pólitík gegn múslímum.

Múslímar laga sig ekki að vestrænum gildum. Þeir nota vestrænt umburðalyndi til að koma sér fyrir á vesturlöndum á afmörkuðum svæðum þar sem þeir njóta félagslegra og pólitískra réttinda en stunda siði og háttu sem eiga meira skylt við miðaldir en nútíma.

Mótmæla „Öðrum kosti fyrir Þýskaland“

Stundin veitir áfallahjálp - mótmælendur fá nafnleynd

Stundin er miðill mótmælenda. Það sést á efnistökum ritstjórnar og núna á þeirri áfallahjálp sem Stundin veitir mótmælendum sem eiga yfir höfði sér málssókn. Stundin var fyrst með fréttina að mótmælendur í Hlíðarendamálinu fengu bréf frá lögmanni sem sækir mál af þessu tagi, Vilhjálmi H. Vilhjálmssyni. Stundin skrifar

Kröfurnar sem Stundin hefur undir höndum hljóða allar uppá opinbera afsökunabeiðni, að ummæli verði dregin tilbaka auk greiðslu skaðabóta. Skaðabótakrafan hljómar allt frá einni milljón króna á hvorn skjólstæðing Vilhjálms, auk lögfræðikostnaðar, til þriggja milljóna á hvorn skjólstæðing Vilhjálms, auk lögfræðikostnaðar. Þá er viðtakendum bréfanna gefin frestur til mánudagsins 2. maí ellegar gætu þeir átt von á að vera sóttir til saka.

Blaðamaður ræddi við fjóra einstaklinga sem fengu slíka kröfu frá Vilhjálmi og öllum var mjög brugðið. Ein lýsti því  sem hálfgerðu áfalli. Hún hafði fengið bréfið í almennum pósti í dag.

Hlíðarendamálið snýst um að múgsefjun fjölmiðla eins og Stundarinnar og Fréttablaðsins leiddi mótmælendur út í aftöku á æru manna sem nú leita réttar síns. Mótmælendur stigu á stokk og höfðu í frammi svigurmæli sem þarf að svara fyrir löngu eftir atburðinn. Ritstjórn Stundarinnar stendur mótmælendum nærri og talar við fjóra þeirra undir merkjum nafnleyndar.

Mótmælendurnir voru ekki nafnlausir þegar þeir herjuðu á piltana tvo í Hlíðarendamálinu. Múgæsing samtímans skilur eftir sig rafræn spor sem menn eins og Vilhjálmur H. þefa uppi og snara með lögum.

Þeir sem nú hírast nafnlausir í áfalli í skjóli Stundarinnar voru keikir mótmælendur þegar kallið kom um að níða æruna af tveim strákum sem stóðu vel til höggsins. Í stað þess að veita áfallahjálp ætti Stundin að byrgja brunninn áður en blessuð mótmælabörnin detta ofan í hann. Það mætti gera með leiðbeiningum til fólks með mótmælalöngun. Stutta útgáfan væri svona:

Skotspónn mótmælenda er vanalega einhver sem ekki getur svarað fyrir sig. Ígrundaðu hvers vegna áður en þú lætur etja þér á foraðið.

Auðvitað eru slíkar leiðbeiningar tilgangslausar. En það væri meiri reisn yfir fjölmiðlum að tileinka sér yfirvegun í stað þess að vera fíflin í foraðinu.

 

Krefjast opinberrar afsökunarbeiðni

Býður Guðni sig fram í annað sætið?

Kjósendur Guðna Th.samkvæmt könnun

eru með 800 þúsund eða hærri fjöl­skyldu­tekj­ur og sem kjósa Bjarta framtíð.

Gott gengi efnahagskerfisins gæti fjölgað þeim sem fá 800 þús eða meira á mánuði. En líklega fjölgar  ekki að sama skapi í kjósendahópi Bjartar framtíðar.

Annað sætið í kosningum til forseta lýðveldisins er öngvu að síður virðingarstaða.

Guðni með tæplega 25% fylgi

Hvaðan á traustið að koma?

Á alþingi er talað um vantraust í þjóðfélaginu. Fjölmiðlar gera vantrausti hátt undir höfði og samfélagsmiðlarnir draga ekki af sér í umræðunni um hve ómögulegt allt er.

Hlutlægt og yfirvegað mat réttlætir ekki að vantraust ráði ferðinni í þjóðfélagsumræðunni. Víst eru kurlin enn á leið til grafar frá hruni - bæði úthluta dómstólar sekt og fangelsisdómum og fjölmiðlar hengja út aflendinga.

En samt. Í haust eru átta ár frá hruni. Efnahagslega vegnar okkur vel frá 2011/2012 að telja. Heimilin fengu skuldaleiðréttingu 2014. Það er full atvinna á Íslandi frá 2010. Ríkissjóður greiðir hratt niður skuldir.

Undirstöðurnar fyrir aukið traust eru allar á sínum stað. Spurningin er hvaðan traustið á að koma.

 

Sakar stjórnarandstöðuna um að skapa upplausn

Blæbrigðin í helsjúkri umræðu

Þá liggur það fyrir: sum aflandsfélög eru góð en önnur slæm, segir Gylfi Magnússon fyrrv. viðskiptaráðherra sem RÚV sló upp með fyrirsögninni ,,helsjúkt samfélag." Villi trymbill segir eitthvað svipað, félög sem hann á eru góð en hin vond.

Eflaust er eitthvað til í þessu. Sum félög í aflandi voru/eru til að stela undan skatti. Önnur eru vegna ,,skattahagræðis", sem er lögleg iðja og enn önnur eru stofnuð til að leyna einhverjum einhverju, sem hvorki þarf að vera ólöglegt né siðlaust.

Það eru sem sagt til lögmæt og eðlileg aflandsfélög og önnur ólögmæt og óeðlileg. Umræðan, sem fjölmiðlar standa fyrir, RÚV fremst í flokki, gerir engan greinarmun á aflandsfélögum. Umræðan er heldur ekki til að upplýsa heldur fordæma. Helsjúk umræða tapar blæbrigðum góðkynja og illkynja aflandsfélaga.

Ekki öll aflandsfélög slæm

Helsjúkt RÚV: Gylfi í Guernsey og Villi trymbill

RÚV slær upp á forsíðu viðtali við fyrrverandi viðskiptaráðherra, Gylfa Magnússon, sem segir aflandsvæðingu sýna ,,helsjúkt samfélag". Nú er það á allra vitorði að Gylfi er varaformaður í stjórn OR sem nýlega stofnaði aflandsfélag í Guernsey.

Áslaug Friðriksdóttir, sem einnig situr í stjórn OR, spyr Gylfa í fésbókarfærslu:

Nú sitjum við Gylfi í sömu stjórn (OR) sem samþykkti fyrir ári síðan fyrir sitt leyti að stofna félag á Guernsey. Í ljósi þess að stór orð falla nú um helsjúkt ...samfélag finnst mér vanta nánari skýringar. Telur Gylfi sem sagt ekki að stjórnin hafi verið að taka þátt í aflandsvæðingunni helsjúku með samþykkt sinni? Eða fæddist nýtt siðferði í gær?

Gylfi er kominn í sömu stöðu og Villi trymbill, gjaldkeri Samfylkingar og stjórnarmaður Kjarnans. Villi trymbill mótmælir aflandsfélögum hástöfum á Austurvelli en á sjálfur slík félög. Gylfi segir samfélagið helsjúkt vegna aflandsfélaga en finnst ekkert athugavert að stjórn OR, þar sem hann er varaformaður, stofni slíkt félag.

RÚV býr til úr orðum Gylfa hávaða sem ekki er innistæða fyrir. Stjórnarandstaðan apar eftir. Helsjúkt RÚV er vandamálið.   

 

„Stödd í miðju bílslysi“

Aðför RÚV að heimili Bjarna Ben.

RÚV laug upp frétt um að fjármálaráðherra ætlaði sjálfum sér að verða stjórnarformaður umsýslu ríkiseigna sem seldar verða á markaði. Tilgangur fréttarinnar var æsa til mótmæla við heimili Bjarna Benediktssonar.

Frétt RÚV var skrifuð og hönnuð með það í huga að valda hneykslan og reiði. Eins og til var ætlast tóku aðrir fjölmiðlar upp fréttina, Stundin til dæmis, og vitanlega hóf bloggher vinstrimanna upp raust sína. Birgitta Jónsdóttir leiðtogi Pírata var fengin til að fordæma fjármálaráðherra. Það tók RÚV tæpan sólarhring að draga tilbaka lygafréttina. Á þeim tíma var lygin endurtekin og bergmáluð á ótal miðlum.

Mótmæli eru fyrirhuguðu við heimili fjármálaráðherra í Garðabæ. Mótmælin eru umdeild enda ráðist að einkalífi ráðherra og fjölskyldu hans. Lygafrétt RÚV var ætlað að vekja mótmælalyst með því að fréttin segir ráðherra ekki kunna að greina á milli einkahagsmuna og opinberrar stöðu sinnar. Þar með væri komin réttlæting að mæta í Garðabæ og mótamæla við heimili ráðherra.

RÚV starfrækir ekki lengur fréttastofu sem segir frá tíðindum líðandi stundar. Í staðinn er komin aðgerðamiðstöð sem hannar tilefni til mótmæla og veldur óreiðu og vantrausti í samfélaginu. RÚV er á framfæri almennings í landinu. Almenningi er illa þjónað með aðgerðamiðstöð í þágu óreiðufólks.

 

Ráðherra ekki stjórnarformaður

Þjóðin sammála Ólafi Ragnari - hafnar Austurvallarhávaða

Ólafur Ragnar Grímsson bauð sig fram á ný undir þeim formerkjum að óvissa og upplausn í kjölfar aðfarar RÚV að forsætisráðherra krefðist kjölfestu á Bessastöðum.

Könnun sem sýnir yfir 50 prósent fylgi við Ólaf Ragnar staðfestir að þjóðin er sammála greiningu forsetans á pólitískri stöðu mála.

Austurvallarhávaði á ekki upp á pallborðið hjá almenningi, sem kýs festu fremur en lausung.

Ólafur með 52,6% fylgi

Krónan tryggir atvinnu; evran atvinnuleysi og öfgar

Vegna krónu og fullveldis vex efnahagskerfið hér og veitir öllum atvinnu. Á evrusvæðinu er tíu prósent atvinnuleysi að meðaltali. Evran elur einnig af sér pólitískar öfgar, eins og Jeremy Warner rekur í Telegraph.

Warner veltir fyrir sér hvort Bretar eigi að yfirgefa sökkvandi skip ESB-ríkjanna. Í júní greiða Bretar þjóðaratkvæði um áframhaldandi aðild að ESB.

Samkvæmt skoðanakönnunum eru fylkingarnar jafnar. Fari svo að aðild verði ofan á yrði það ekki vegna evru. Bretar telja betra að eiga hlut að máli þegar undið verður ofan af ESB-verkefninu. Afþakki Bretar aðild óttast/vonast margir til að ESB liðist í sundur fyrr en seinna.

Atvinnuleysi lækkar í 3,8%