Jón Ásgeir hýsir Samfylkinguna

Jón Ásgeir Jóhannesson fyrrum Baugsstjóri styrkti Samfylkinguna á tímum útrásar og notaði til þess nokkrar kennitölur, t.d. Dagsbrúnar og Baugs, eins og kemur fram í samantekt Vísis.

Eyjan segir að flokksskrifstofur Samfylkingar séu leigðar af aflandsfélögum Jóns Ásgeirs.

Annað húsnæði í eignasafni Jóns Ásgeirs, Iða við Lækjargötu, var kosningamiðstöð Samfylkingar.

Á Samfylkingin í önnur hús að venda en Jóns Ásgeirs?

Birgitta: ætlum að fella Sigmund, skítt með pólitíkina

Birgitta Jónsdóttir leiðtogi Pírata segir skilmerkilega og án þess að skammast sín að stjórnarandstaðan hyggst fella Sigmund Davíð Gunnlaugsson forsætisráðherra með vantrausti.

Þetta heitir að fara í manninn en ekki málefnið.

 

Snýr fyrst og fremst að Sigmundi

Vilhjálmur seinheppni og siðferði Samfylkingar

Vilhjálmur Þorsteinsson gjaldkeri Samfylkingar auglýsti fund um Icesave-dóminn, áður en hann var kveðinn upp, einungis til að aflýsa fundi þegar í ljós kom að dómurinn var Íslendingum í vil.

Fundinn ætlaði Vilhjálmur að nota til að hallmæla þeim sem ekki vildu að þjóðin axlaði ábyrgð á rekstri einkabanka. Vilhjálmur ætlaði að nota umræðuna um aflandsfélög sín til að rægja krónuna og íslenska hagkerfið. En varð líka að aflýsa þeirri uppákomu - hún einfaldlega seldi ekki.

Vilhjálmi finnst allt í lagi að græða á Íslandi, flytja arðinn til útlanda í skattaskjól og baktala í leiðinni allt það sem íslenskt er. Sem er lýsing á samfylkingarsiðferði. Afsögn er rökrétt afleiðing.

Hættir sem gjaldkeri Samfylkingarinnar

Pólitísk upplausn - Davíð til forseta

Stjórnarandstaðan ætlar að sameinast um að stefna að pólitískri upplausn. Múgurinn er kallaður á Austurvöll og starfsemi alþingis lamast.

Við þessar aðstæður er brýnt að á Bessastöðum sitji á fleti maður sem lætur ekki pólitísk moldviðri á sig fá. Maður sem kann stjórnmál og ekki síður að hefja sig upp yfir þau og setja þjóðarhag í öndvegi.

Davíð Oddsson fyrrverandi forsætisráðherra er maðurinn sem við þurfum á Bessastaði.

Tillaga um þingrof og kosningar

Linda Pé og fegurðin í beinu lýðræði

Linda Pé heimsfegurðardrottning íhugar að bjóða sig fram til forseta Íslands líkt og um 20 aðrir.

Forsetakosningarnar eru eina dæmið um beint lýðræði á Íslandi. Til þings og sveitarstjórna notum við fulltrúalýðræði.

Tæknin auðveldar beint lýðræði í framkvæmd. Reynslan af undirskriftarsöfnun á netinu sýnir hve ákaft fólk er tilbúið að veita beinu lýðræði brautargengi. Til dæmis eru 35 þúsund Bretar búnir að skrifa undir áskorun að David Cameron forsætisráðherra verði ekki hleypt inn í landið þegar sumarleyfi hans á Ítalíu lýkur.

Mögulegt forsetaframboð Lindu Pé minnir okkur á að beint lýðræði er fegurðarsamkeppni. 

Linda P íhugar framboð

Græðir á Íslandi, greiðir lága skatta í Lúx

Vilhjálmur Þorsteinsson gjaldkeri Samfylkingar stundar atvinnustarfsemi á Íslandi en sækir í skattaskjólið í Lúxembúrg, sem Jean-Claude Juncker framkvæmdastjóri ESB bjó til handa auðmönnum.

Ólíkt ráðherrum ríkisstjórnarinnar stundar Vilhjálmur atvinnustarfsemi hér á landi. Arðurinn er skattlagður í Lúx og kemur ekki til samneyslunnar hér á landi.

Skattaskjólið í Lúxembúrg er skálkaskjól enda lágskattastefnan, sem Juncker bjó til, handa auðmönnum í ESB-ríkjum sem öðrum.

Aflandsfélagið ekkert leyndarmál

Kári verði formaður Samfylkingar

Kári Stefánsson er eins og sniðinn fyrir formennsku í Samfylkingunni. Líkt og vinstrimenn almenn er hann með skýra og afgerandi stefnu í útgjaldamálum en er loðinn og óskýr um tekjuhliðina.

Allir formenn Samfylkingar, nema Jóhanna Sig., eru með rætur í Alþýðubandalaginu. Kári líka, hann er sonur þingmanns Alþýðubandalagsins.

Kári sýndi í páskavikunni fimi í meðferð landráðahugtaksins, löngum sérgrein allaballa, og toppaði þar dóttur fyrrumm formanns Alþýðubandalagsins.

Miðað við fylgi á Samfylking ekki efni á formanni í fullu starfi. Kári gæti séð um formennskuna meðfram öðrum störfum.

Fjórir vilja leiða Samfylkinguna

Vantraustið og sundurlyndisfjandinn til vinstri

Vinstriflokkarnir á alþingi er hrundu síðustu kosningar og ná sér ekki á strik. Píratar eru án stefnu í helstu málaflokkum og fá fylgi út á stefnuleysið.

Boðuð vantrausttillaga stjórnarandstöðunnar mun hitta hana sjálfa fyrir. Tilefni vantraustsins er fjölmiðlaumræða um erlenda bankareikninga sem eru löglegir og hafa verið útskýrðir í þaula af þeim sem málið varðar.

Vinstriflokkarnir leiddu sundurlyndisfjandann til öndvegis á síðasta kjörtímabili. Eftir hrun var þjóðin ginnkeypt fyrir sundrungarpólitík. ESB-umsóknin, Icesave-málið og tilraun til að umbylta stjórnskipun lýðveldisins kenndi almenningi lexíu um að treysta ekki vinstriflokkunum fyrir landsstjórninni.

Í góðærinu er harla langsótt að vinstrimenn finni sundurlyndisfjandanum hljómgrunn í þjóðarsálinni.

 

Funda um vantraust á morgun

RÚV stundar fréttahönnun

Tveir stjórnmálamenn, Bjarni Benediktsson og Ólöf Nordal, voru teknir fyrir í fréttum RÚV í kvöld fyrir að tengjast aflandsfélögum. Inngangur fréttarinnar var endurtekning á ásökunum RÚV á hendur forsætisráðherrahjónunum.

Áður er upplýst að sá listi sem RÚV er með aðgang að geymir nöfn stjórnmálamanna úr vinstriflokkunum. Þeirra var ekki getið í frétt RÚV í kvöld.

RÚV stundar fréttahönnun með skýru pólitísku markmiði; að tengja aflandsfélög við stjórnarflokkana.

Þrír ráðherrar á listunum

Danir fá nóg af hatri múslíma á vestrænum gildum

Dönsk yfirvöld undirbúa lagasetningu til að stemma stigu við trúboði múslímaklerka sem mæla með ofbeldi eiginmanna gagnvart konum sínum, aðskilnaði múslímskra Dana og norrænna Dana og að konur sem stundi framhjáhald verði grýttar.

Danskir fjölmiðlar, sjá t.d. hér og hér, segja að meðal þeirra ráða sem hægt verði að grípa til er að afturkalla ríkisborgararéttindi öfgaklerka.

Danir eru í áfalli eftir að sjónvarpsstöðin TV 2 sýndi þættina Moskeerne bag slöret. Faldar myndavélar afhjúpuðu kvenfyrirlitningu múslímaklerka og skipulagðan áróður þeirra gegn vestrænum lífsháttum.