Fyrr nýja bændur en framandi kúakyn

Búkolla hefur verið með okkur frá landnámi og þraukað á þessu landi þótt oft hafi það staðið tæpt. Íslenska kúakynið er hvorttveggja líffræðileg verðmæti og menningarleg sem ekki undir nokkrum kringumstæðum má stofna í hættu.

Fyrr þurfum við útlenda bændur í íslenskri sveit en nýtt kúakyn. Að ekki sé talað um stórrekstrarmenn sem hvort heldur geta verið af dönsku, þýsku eða pólsku kyni. Verksmiðjur eru alþjóðlegar og yrði íslenska kúakyninu fargað væri þar með fallin röksemdin fyrir vörn íslensks landbúnaðar gagnvart innflutningi.

Búkolla blífur.

Vilja nýtt kúakyn til Íslands

Framsóknarflokkurinn leiðir ESB-andstöðuna

Framsóknarflokknum er best treystandi fyrir því að ganga á milli bols og höfuðs á ESB-umsókn Samfylkingarinnar. Samþykkt ungra framsóknarmanna staðfestir að Framsóknarflokkurinn er hvað heilastur í sinni afstöðu til Evrópusambandsins.

Í næstu kosningum verður hálfvelgja í Evrópumálum ekki liðin. Forysta Sjálfstæðisflokksins, Bjarni Ben. og Illugi, sýndu sig veiklulega í afstöðu til fullveldisins  5. des 2008, og það er hvorki gleymt né fyrirgefið. Um VG þarf ekki að ræða - flokkurinn er með stefnu sem segir að Ísland skuli standa utan ESB en er í ríkisstjórn sem vinnur að því hörðum höndum að Ísland verði aðili.

Framsóknarflokkurinn er með alla burði til að mæta heill og eindreginn í afstöðu sinni til Evrópusambandsins við næstu kosningar. Og það mun skila árangri þegar í boði er hálfvelgja Sjálfstæðisflokks og svikulir VG-istar.

SUF vill draga ESB-umsóknina til baka

Allt handa öllum: millistéttinni blæðir fyrir óreiðufólkið

Breiðfylkingin ætlar að gera það; Lilja Móses líka og sumir þingmenn Sjálfstæðisflokksins eru tilkippilegir: stórfelldar tilfærslur frá millistéttinni til óreiðufólksins sem skuldar enn 100 prósent af andvirði 400 fermetra húsanna þrátt fyrir niðurgreiðslur frá Hæstarétti.

Ef fram heldur sem horfir þá eiga 80 prósent þjóðarinnar ekki talsmenn á þingi vegna þess að pólitíkin snýst um að bjarga þeim skuldseigustu sem jafnframt eru iðulega þeir háværustu og kröfuhörðustu.

Allt handa öllum stefnan leiðir til þess að enginn fær neitt.

Vilja efla siðferði í stjórnmálum

Kapítalismi, kommúnismi og ESB

Í kapítalisma ræður markaðurinn, í kommúnisma flokkurinn. Evrópusambandið á heima í hvorugum flokknum en báðum þó. ,,Evrópsk samstaða" er hugmyndafræði ESB sem rann um farveg flokka kristilegra demókrata í Eftirstríðs-Evrópu.

Í nafni ,,evrópskrar samstöðu" var búið til miðstýrt efnahagskerfi með höfuðstöðvar í Brussel. Kerfið kenndi sig hvorttveggja við áæltunarbúskap og markaðslausnir. Áætlunarbúskapurinn kom helst fram í landbúnaðarstuðningi og markaðstlausnir með niðurfellingu tolla og frjálsra viðskipta innan sambandsins.

Höfuðstöðvarnar i Brussel uxu að metnaði og tóku æ meira á sig svipmót þjóðríkis - án þess að hafa til þess stuðming almennings. Upptaka evrunnar um síðustu aldamót átti að auka samrunahraða Evrópusambandsins.

Á meðan álfan naut efnahagslegrar velsældar virtist evru-verkfærið þjóna sínum tilgangi. En þegar í harðbakkan sló reyndust ólíkar þjóðir ESB umgangast evruna hver með sínum hætti. Suður-Evrópuríki voru skuldugri en Norður-Evrópuríkin og stóðu jafnframt hallari fæti í innbyrðis samkeppnishæfni.

Engin verkfæri voru til að ná jafnvægi í efnahagskerfinu sem var byggt á ,,evrópskri samstöðu." Evrópusambandið hafði byggt upp kerfi þar sem mátti finna ábyrgðarlausan kapítalisma (Grikkland má ekki falla, þá fellur evran) og valdlausan kommúnisma (tillaga Þjóðverja að setja yfrráðherra yfir ríkisstjórnina í Aþenu var felld).

Evrópusambandið stendur frammi fyrir tveim valkostum: snúa af vegi samruna í samþjöppun kjarnaríkja sem standa undir sameiginlegri mynt annars vegar og hins vegar að efna til Stór-Evrópu sem væri þjóðríki án lýðræðislegs umboðs er myndi yfirtaka efnahagsbúskap aðildarþjóða.

Þriðji möguleikinn er ónefndur: að markaðurinn stúti Evrópusambandinu.

Lækka lánshæfiseinkunn ítalskra banka

Vel gerðir hommar og kennarinn Snorri

Talskona Stígamóta furðar sig á samúð dómstóla með hommum sem kaupa vændi af börnum.  Réttindabarátta homma virðist hafa skila okkur hugmyndinni um ,,vel gerða homma" sem eiginlega ætti ekki að dæma þótt þeir kaupi kynlíf af börnum.

Snorri Óskarsson grunnskólakennari nýtti sér málfrelsið, sem flestir telja hornstein lýðræðissamfélags, til að andæfa hommum og stendur frammi fyrir allsherjarfordæmingu og atvinnumissi.

Glæpur Snorra virðist vera sá að hann gerði ekki upp á milli ,,vel gerðra homma" og ,,illa gerðra." Ef hann hefði gagnrýnt síðri útgáfunni af hommum væri allt í sóma hjá Snorra. En bíðum við: ef vel gerðir hommar ættu helst af sleppa við refsingu fyrir að kaupa kynlíf af börnum - hvaða óhelgi þurfa illa gerðir hommar að vinna sér til að samfélagið fordæmi þá?

Pólitískur rétttrúnaður étur afturendann á sér. Afsakið orðbragðið.

Óttast uppsögn

Samfylkingin er lömuð

Samfylkingin getur ekki bent á góða stöðu efnahagsmála án þess að grafa undan aðalkosningamáli sínu sem er að koma Íslandi inn í Evrópusambandið. Efnahagskerfið okkar vex vegna þess að við höfum krónu og fullveldi. Innganga í ESB fórnar hvorutveggja. 

Mótsögnin sem ESB-umsóknin veldur lamar Samfylkinguna svo illilega að jafnvél dótturfélagið, Gummi Steingríms og fyndna fólkið, fær ekki tiltrú - mælist með 6 prósent fylgi.

Lilja Mósesdóttir er trúverðugur valkostur  fyrir kjósendur vinstriflokkana þar sem hún kemur úr heiðarlega armi VG. Haldi hún rétt á spilunum gæti framboðið hennar skilað sér í höfn og með henni einhverjir þingmenn.

Kosningabaráttan er hafin. Næstu vikurnar verður krafist kosninga í vor, að þeim fresti liðnum verður krafist kosninga í haust og takist Jóhönnustjórninna að hanga saman verður aldrei kosið seinna en annað vor. Þangað til verður stöðug kosningabarátta.

 

Hafa gert hugtakið merkingarlaust

Gríska lögreglan hótar að handtaka ESB-fólk

Die Welt, sem er virðulegt dagblað í Þýskalandi, segir að lögreglan í Grikklandi, þ.e. stéttarfélag lögreglumanna ekki lögregluyfirvöld, hóti að handtaka sendinefndir frá Evrópusambandinu. Þýskir fjölmiðlar teikna upp Grikkland, með réttu eða röngu, sem þriðjaheimsríki þar sem lögleysan ríkir ein.

Löglausu landi verður ekki bjargað. Ergo: Grikklandi verður ýtt út úr evrulandi. Jeremy Warner dálkahöfundur á Telegraph segir bæði Evrópusambandið og Grikkland græða á úrsögn til lengri tíma litið. Grikkland mun jafna sig á fáeinum mánuðum í mesta lagi misserum.

Evrópusambandið mun á hinn bóginn ekki jafna sig. Evrópsk samstaða er brotin með því að Grikkjum er varpað á dyr. Og evrópsk samstaða er límið í ESB.

Lækkun á Wall Street

Lögmenn veita skotleyfi á sjálfa sig

Lögmenn hafa sumir hverjir á síðustu árum farið langt út fyrir starf réttargæslumanna og starfað sem almannatenglar á vettvangi fjölmiðla. Áberandi menn í lögmannastétt t.d. Gestur Jónsson, Sveinn Andri Sveinsson og Sigurður G. Guðjónsson reka mál skjólstæðinga sína ekki síður í fjölmiðlum en í dómssal.

Þegar lögmenn taka þátt í almennri þjóðfélagsumræðu fyrir hönd skjólstæðinga sinna er augljóst að þeir verða að sitja við sama borð og aðrir. Lögmenn geta ekki ætlast til að vegna hlutverks þeirra í réttarkerfinu fái þeir sérmeðferð á vettvangi opinberrar umræðu.

Lögmannafélagið gerir lítið til að stemma stigu við almannatenglavæðingu stéttarinnar. En það er löngu tímabært að þeir taki til í eigin ranni.

Jónas Þór: Lögmenn og réttarríkið

Seðlabanka-Már: EES-samningurinn er brjálæði

Norskur blaðamaður var hér á ferðinni fyrir skemmstu til að skilja hrun og endurreisn Íslands. Margt fréttnæmt er í greiningunni sem birtist í Dag og Tid. Úr orðum Más Guðmundssonar seðlabankastjóra les höfundurinn, Jon Hustad, þessa niðurstöðu

Oppsummert: Den islandske sentralbanksjefen, som har doktorgrad frå Cambridge, meiner at EØS-avtalen og systemet med fri flyt av kapital, slik det fungerer og har fungert, er galenskap. Island, med stønad frå IMF, har teke konsekvensen av dette: Dei har ført inn kapitalkontroll.

Spurningin vaknar hvort við höfum eitthvað með brjálaðan samning við Evrópusambandið að gera?

 

 

Kópavogur, landsmálin og leitin að stóra X-inu

Vinstrimenn trúðu að búið væri að útiloka Framsóknarflokkinn og þó einkum Sjálfstæðisflokkinn frá völdum um fyirsjáanlega framtíð. Þegar borgaraflokkarnir taka yfir Kópavog í félagi við sérframboð opinberast sjálfsblekking vinstrimanna og þeir hrökkva af hjörunum í geðshræringu, eins og lesa má hjá Birni Val þingflokksformanni VG.

Nýr meirihluti í Kópavogi sýnir umskiptin sem orðið hafa í stjórnmálum frá síðustu þingkosningum þegar vinstriflokkarnir náðu meirihluta á alþingi í fyrsta sinn í lýðveldissögunni. Rétt eins og í þingkosningunum riðluðu sérframboð kosningaúrslitum í Kópavogi og skópu vinstriflokkunum sóknarfæri. En meirihluti vinstrimanna í Kópavogi hélt ekki - og sama er uppi á teningunum á alþingi þar sem ríkisstjórnin er ekki með starfhæfan meirihluta.

Samkvæmt skoðanakönnun í Fréttablaðinu eru ríkisstjórnarflokkarnir samtals með um 20 prósent atkvæða. Sérframboð Lilju Mósesdóttur fær fljúgandi start en dótturfélag Samfylkingar, Gummi Steingríms et. al. er dautt og Hreyfingin kemst varla á blað. Mælingin sýnir ólguna á vinstri kanti stjórnmálanna og hve lítið traust Samfylking og Vinstri grænir hafa meðal almennings.

Tilraunastjórnmál vinstrimanna halda áfram. Leitin að óþekktu stærðinni, stóra X-inu, stöðvaðist ekki við Samfylkinguna enda bjó hún sér trúarbrögð kennd við ESB sem reyndust flopp.

Framsóknarflokkurinn og Sjálfstæðisflokkurinn verða eins og klettar í hafinu á meðan vinstrimenn hræra í pottum og skilja ekkert í því hvers vegna almenningur er svona afundinn.

 

„Gjörspilltir stjórnmálamenn“ til valda