Rasismi og mannasiðir

Illu heilli haga sumir áhorfendur sér illa á kappleikjum og láta niðrandi ummæli falla um andstæðinginn. Einatt eru dregin fram einhver einkenni á leikmönnum, s.s. hæð, vaxtarlag, hár eða annað, og orð höfð í frammi sem ekki eru prenthæf.

Fyrir all nokkrum árum sagði einstaklingur, sem síðar varð þingmaður, það um leikmann, sem skipt hafði um lið, að greindarvísitalan hafði hækkað í báðum liðum við félagaskiptin. Viðkomandi leikmaður var með það orð á sér að vera ekki gáfur sem þvældust fyrir honum. Ég varð vitni að þessum orðum, sem féllu í KR-stúkunni.

Skortur á mannasiðum áhorfenda nær allt niður í yngri flokka. Þar heyrast glósur um börn sem enginn fullorðinn ætti að láta sér um munn fara.

Ekki er ástæða til að efast um orð Pape Mama­dou Faye, að hann hafi fengi það óþvegið vegna uppruna síns og útlits. Rasismi er það á hinn bóginn ekki heldur landlægur skortur á mannasiðum áhorfenda á kappleikjum.

Það hefði verið rasismi ef Pape hefði ekki fengið að spila vegna uppruna síns. En hann var á vellinum og ábyggilega einhverjir hvítir strákar á bekknum. Pape fékk að njóta hæfileika sinna. Skilgreining á rasisma er að einstaklingar fái ekki að njóta hæfileika sinna vegna upprunans.

 

Rasismi vandamál á Íslandi

Efnahagsmál skipta ekki sköpum í pólitíkinni

Víst er þjóðarskútan komin skrið í merkingunni að nærfellt allir hagvísar benda í rétta átt. Hagvöxtur, lítið atvinnuleysi, lækkandi skuldir einkaaðila og lág verðbólga eru í hagspám næstu missera.

Sigmundur Davíð og Bjarni Ben. ættu á hinn bóginn að hafa hugfast að síðasta ríkisstjórn bjó að þokkalegu orðspori í atvinnu- og efnahagsmálum en galt engu að síður afhroð í þingkosningunum fyrir ári.

Það eru ekki efnahagsmálin sem skipta sköpum í pólitíkinni. Sjálfsmynd þjóðarinnar eftir hrun er meginviðfangsefni stjórnmálanna. Síðasta ríkisstjórn klúðraði því viðfangsefni í Icesave-málinu, í stjórnarskrárumræðunni og með ESB-umsókninni.

Sitjandi ríkisstjórn fær gula spjaldið í sveitarstjórnarkosningunum eftir viku. Ef ríkisstjórnin gyrðir sig ekki í brók fer illa fyrir henni að þrem árum liðnum.

Þjóðarskútan sé komin á skrið

Íslensk fiskimið yrðu opin ESB-flotanum

,,Almenna reglan er að fiskiskip sem skráð eru í löndum ESB hafi jafnan aðgang að fiskimiðum allra ESB-ríkja enda falla fiskimiðin undir sameiginlega fiskveiðistefnu ESB."

Ofanritað er orðrétt af vefsíðu Evrópusambandsins. Á ensku: ,,As a general rule, fishing vessels registered in the EU fishing fleet register have equal access to all the EU waters and resources that are managed under the CFP."

Undantekningar eru frá meginreglunni um jafnan aðgang. Strandríki mega halda 12 mílna landhelgi fyrir sig og geta gert kröfu um að strandveiðifloti, sem veiðir allt að 100 mílur frá landi, eigi heimahöfn í viðkomandi ríki. En þessar undanþágur falla úr gildi árið 2022, - eftir átta ár.

Íslendingar hafa núna full yfirráð yfir 200 mílna landhelgi. Ef Ísland yrði ESB-ríki færu yfirráðin yfir landhelginni til Brussel. Samningsréttur okkar um deilistofna, t.d. makríl, færi einnig til Brussel.

 

 

Lissabonsáttmála breytt í Reykjavík

Lissabonsáttmálinn er ígildi stjórnarskrár Evrópusambandsins. Í sáttmálanum segir skýrt og skorinort að Evrópusambandið fari með forræði yfir fiskveiðiauðlindum aðildarríkja. Í útgáfum ESB er útskýrt hvernig ESB breytir fiskveiðistefnu sinni í takt við þau sjónarmið sem ríkjandi eru hverju sinni.

Lissabonsáttmálanum verður ekki breytt nema öll aðildarríki sambandsins samþykki slíkar breytingar. Því er það kúnstugt, svo ekki sé meira sagt, að sérfræðingur á vegum Evrópustofu ákveði á fundi í Reykjavík að sjávarútvegsstefna Evrópusambandsins myndi ekki gilda fyrir Ísland ef við yrðum aðilar að ESB. 

Er ekki kominn tími til að ESB-sinnar læri að lesa?

Stjórnmálakerfi í brotum, vægi formanna eykst

Almenn vantrú á stjórnmálum eftir hrun brýtur upp flokkakerfið með því að stjórnmálaöflum fjölgar. Fjölgun framboða veldur meiri dreifingu atkvæða og hver og erfiðara verður að finna meirihluta.

Vægi formanna stjórnmálaflokka mun aukast og þess sér þegar merki. Framsóknarflokkurinn getur þakkað formanni sínum, Sigmundi Davíð Gunnlaugssyni, kosningasigurinn fyrir ári. Að sama skapi veldur misheppnað val á forystumanni skelfilegri kosninganiðurstöðu, nægir þar að nefna stöðu Sjálfstæðisflokksins í Reykjavík.

Forystumenn verða samnefnarar fyrir flokka og geta eftir atvikum orðið stærri en flokkarnir, sbr. Sigmund Davíð og Framsóknarflokkinn, eða minni eins og Árni Páll í Samfylkingunni og Halldór H. í Reykjavíkur-Sjálfstæðisflokknum.

Dagur B. Eggertsson verður sigurvegari borgarstjórnarkosninganna í Reykjavík enda er hann töluvert stærri en Samfylkingin. Af þeim sökum verður Dagur orðinn formaður Samfylkingarinnar áður en árið er úti.

Stjórnarmynstrið breytist

Sálfræði peninganna og stúdentspróf Hraðbrautar

Til er kenning sem segir að fái ókeypis gæði verðmiða aukist virðing okkar fyrir þeim. Stúdentspróf er ókeypis gæði í þeim skilningi að öllum ungmennum stendur það til boða. Nemendur borga fáein þúsund við innritun og fá stúdentspróf ef þeir standast námskröfur að þrem, fjórum eða fimm árum liðnum.

Sumum nemendum er ofviða að standast námskröfur og þeir útskrifast ekki. Hraðbraut Ólaf­s Hauk­s John­son ætlar að taka þessa nemendur með trompi. Gefum Ólafi Hauki orðið

Það þýðir auðvitað að við þurf­um að rukka mjög há skóla­gjöld,“ seg­ir Ólaf­ur Hauk­ur, en skóla­gjöld­in verða 890 þúsund krón­ur fyr­ir hvert skóla­ár. [...] ung­menni á aldr­in­um 18 til 22 ára, sem hef­ur áhuga á því að hefja nám í skól­an­um. „Það eru eldri nem­end­ur. Fólk sem hef­ur kannski verið að slugsa á fram­halds­skóla­ár­un­um eða jafn­vel alls ekk­ert verið í skóla. Síðan allt í einu átt­ar það sig á því að það hef­ur áhuga á því að fara í há­skóla og mennta sig,“ seg­ir hann og bæt­ir við: „Ég finn það al­veg að þessi hóp­ur er mjög til­bú­inn að skoða skól­ann þó svo að skóla­gjöld­in séu há.

Til að keyra punktinn heim um að endurvakin Hraðbraut er alvöru skóli segir Ólafur Haukur eftirfarandi um væntanlega kennara skólans:

Hann seg­ist reynd­ar eiga eft­ir að ráða kenn­ara í ein­hver störf, en hann hef­ur þó verið í sam­bandi við nokkra. „Það er þannig að þegar maður byrj­ar á nýj­an leik get­ur maður ekki boðið kenn­ur­um upp á fullt starf til að byrja með.

Sem sagt: rukka nemendur um tæpa milljón á hverju skólaári og hafa kennara í hlutastarfi við að koma nemum, sem ekki klára sig í öðrum skólum, í gegnum nám til stúdentsprófs á mettíma.

Hvað með að rukka nemendur um tvær milljónir fyrir stúdentspróf, sleppa kennslu alfarið og hafa bara einn skóladag, útskriftardaginn?

 

Hraðbraut tekur til starfa á nýjan leik

Ríkissaksóknari í pólitík

Sigríður J. Friðjónsdóttir ríkissaksóknari stundar pólitík þegar hún rannsakar að kröfu DV meint lekamál í innanríkisráðuneytinu en lætur undir höfuð leggjast að saksækja kynferðisafbrotamenn af festu.

Með ákæru á hendur hjúkrunarfræðingi er Sigríður enn að brjóta í blað. 

Sigríði voru mislagðar hendur í fyrsta stóra málinu sem hún glímdi við, landsdómsákæru vinstristjórnarinnar á hendur Geir H. Haarde fyrrum forsætisráðherra.

Ríkissaksóknari er í vinnu hjá almenningi en ekki stjórnvaldinu sem veitti embættið, - bara svo það sé rifjað upp.

Siðferðilegt glapræði ríkissaksóknara

Efnahagskraftaverk og pólitísk lömun

Hagvöxtur, lítið atvinnuleysi, lág verðbólga, lækkandi skuldir fyrirtækja og heimila eru ótvíræðar vísbendingar um að Ísland eftirhrunsins sé efnahagslegt kraftaverk.

Enn merkilegra er þó að þessi árangur í efnahagslífinu næst í pólitísku umhverfi sem einkennist af lömun. ESB-málið er þar skýrasta dæmið. Vinstristjórnin sótti um ESB-aðild sumarið 2009 en komst hvorki lönd né strönd. Núverandi ríkisstjórn, sem beinlínis var kosin til að afturkalla misheppnuðu umsóknina, gat ekki komið því lítilræði í verk.

Ástæðan fyrir efnahagskraftaverkinu liggur ekki í stjórnarfarinu heldur sterkum innviðum. Þar er krónan lykilatriði en samheldni og þjóðarsamstaða í stærstu málum, t.d. í andstöðunni við að ganga í Evrópusambandið, skipti sköpum.

Skuldir einkageirans lækka enn

Sjálfstæðismenn hafna Halldóri

Halldór Halldórsson oddviti Sjálfstæðisflokksins í Reykjavík er með sama stuðning í að verða borgarstjóri og nemur fylgi flokksins - 20%. Fylgi Sjálfstæðisflokksins í Reykjavík hefur aldrei farið niður fyrir 33 prósent og einatt er það yfir 40 prósent.

Í þúsundavís snúa kjósendur Sjálfstæðisflokksins baki við ESB-sinna, sem núna kallar sig viðræðusinna, og vildi verða borgarstjóri. ESB-sinni er samkvæmt skilgreiningu vanhæfur til að leiða lista Sjálfstæðisflokksins. Allar skoðanakannanir síðustu ára sýna 80 til 90 prósent ESB-andstöðu kjósenda Sjálfstæðisflokksins.

Vörður gerir ekki annað en að auglýsa megna óánægju almennings með oddvita Sjálfstæðisflokksins með lýsa yfir sérstöku trausti á Halldóri.

 

Segir Halldór njóta stuðnings

Útgerð, kvóti og byggð

Löngu fyrir daga kvótakerfisins risu og hnigu byggðir hringinn í kringum landið. Bíldudalur og Seyðisfjörður voru einu sinni stórútgerðabæir og Siglufjörður sömuleiðis. Þessi bæjarfélög urðu fyrir þungum búsifjum löngu fyrir daga kvótakerfisins. Með kvótakerfinu efldist Siglufjörður vegna þess að á staðnum voru kraftmiklar útgerðir.

Vestmannaeyjar og Grindavík eru pláss sem eflast í kjölfar kvótakerfisins.

Það er ekki kvótakerfið sem gerir Djúpavogshreppi grikk heldur sú staðreynd að það var ekki heimaútgerð sem átti kvótann. Útgerði sem átt kvótann, Vísir, var ekki til fyrir daga kvótakerfisins - sem sýnir og sannar að kvótakerfið er aðeins umgjörð. Innan þeirrar umgjarðar tapa sumir og aðrir græða, líkt og gerðist fyrir daga kvótakerfisins.

Ef samfélagið í Djúpavogi er jafn sterkt og ræman gefur til kynna þá bjargar það sér. Ef ekki þá skreppur byggðin saman líkt og margar sjávarbyggðir gerðu löngu fyrir daga kvótakerfisins.

 

„Við erum ekki að gefast upp“