Klausturtal í stjórnarráðinu, femínískur misskilningur

Gulli utanríkis klaustrar. Nýjasta Báran segir:

Seg­ir hún að um­mæl­in séu birt­ing­ar­mynd þess hve stutt sam­fé­lagið sé komið í femín­ískri bar­áttu, en að ráðherra hefði aldrei leyft sér að taka svona til orða ef um karl­mann væri að ræða.

Almennt gildir um karlmenn að þeir klæmast meira þegar konur eru fjarri en þegar þær eru nærri. Kona sem ekki hefur þetta á hreinu veit ósköp lítið um karla. En líklega þess meira um femínisma.

Biðst afsökunar á kynferðislegri samlíkingu

Loftslagsvá og himnaríki skrifræðisins

Stjórnlynt fólk tekur heimsendaspám um manngert veður fagnandi. Spárnar réttlæta víðtækt umboð þeirra stjórnlyndu að setja almenningi reglur um hvernig hann skuli haga lífi sínu. 

Öflugir fjölmiðlar, mbl.is og RÚV á Íslandi, Guardian hjá engilsöxum, breiða út heimsendaspár undir yfirskriftinni við trúum.

Trúarsetningar eins og ,,Jörðin verður fyr­ir óaft­ur­kræf­um skaða ef hnatt­ræn hlýn­un fer yfir 1,5°C" eru endurteknar eins og faðirvorið í kirkju. Rökin eru vísun í æðra yfirvald: ,,Sam­kvæmt lög­mál­um efna­fræðinn­ar og eðlis­fræðinn­ar er enn hægt að halda meðal­hita í heim­in­um und­ir 1,5°C og tak­marka hlýn­un við 1,5°C."

Hvaða segja lögmál ,,efnafræði og eðlisfræði" um miðaldahlýskeiðið og rómverska hlýskeiðið, þar sem meðalhiti á jörðinni var 2-3 gráðum hærri á celsíus en núna?

Svokölluð vísindi sem eru grunnur heimsendaspádóma eru reikniformúlur þar sem forsendur gefa sér niðurstöðuna. Þetta er sama aðferðafræði og notuð er í stjörnuspeki um að vogin og ljónið eigi vel saman og svo framvegis.

700 vísindamenn og sérfræðingar hafna heimsendaspám um hlýnun af mannavöldum. Fá þeir áheyrn? Nei, rétttrúnaðarkirkja þeirra stjórnlyndu bannar andstæðar skoðanir. Þær eru villutrú.

Sannleikurinn er sá, segir einn af villutrúarmönnunum, Tim Ball, að hlýnun er góð, sérstaklega fyrir okkur sem búa á norðurslóðum. Ball er kanadískur. Jákvæðar afleiðingar hlýnunar verða aftur eyðilagðar af skrifræðisfólki eins og Guðmundi Inga og vinstri grænum.

 

 

 

 

„Ég segi bara loksins“

Samfylking elur á öfund

Frjálst framtak og einkaeign felur í sér að sumir efnast, einhverjir eru meðalefnum búnir og aðrir efnalitlir. 

Samfylkingin fékk tækifæri, í Jóhönnustjórninni 2009-2013, að stokka upp efnahagskerfið og breyta því í átt að sósíalisma. En Samfylkingin gerði ekkert í þá áttina. Nema við köllum það sósíalisma að gefa útlendingum bankana og framselja fullveldið til Brussel.

Pólitík Samfylkingar er öfund - og aðgerðarleysi þegar á hólminn er komið.

0,1% áttu 5,7% eigin fjár landsmanna

Samfélagsmiðlar, sjálfsímynd og heimsendir

Maðurinn þekkir sjálfan sig í gegnum aðra. Án mannlegra samskipta er maðurinn ókunnugur sjálfum sér. Að svo miklu leyti sem maðurinn getur ekki skilið sjálfan sig í samfélagi við aðra af sinni tegund grípur hann til trúar á yfirskilvitleg öfl.

Sjálfsþekking verður fyrst og fremst til í nærumhverfi, hjá fjölskyldu, nágrönnum, vinum og félögum í leik og starfi. Þekkingin verður til í tíma, maður kynnist fyrst þeim sem standa manni næst. Aldur og reynslu þarf til sjálfsþekkingar.

Samfélagsmiðlar brengla sjálfþekkingarferli mannsins. Brenglunin hittir þá verst fyrir sem eru yngstir og næmastir á umhverfi sitt. Veröldin verður ókunnugleg í yfirþyrmandi áreiti allan sólarhringinn. Tími vinnst ekki til að vega og meta sífelldan straum skilaboða og staðfæra þau í tilveru sjálfsins.

Brenglunin veldur óvissu og ótta. Leit að hálmstrái að halda sér í verður örvæntingarfull eftir því sem þau slitna eitt af öðru.

Örvæntingin magnar þörfina fyrir fullvissu.

Trú á heimsendi er ein tegund fullvissu. 

 

Sífelldur samanburður eykur vanlíðan

Skytturnar þrjár og alþjóðaskrímslið

Trump, Johnson og Farage leggja til atlögu við Evrópusambandið. Hólmgangan er í Bretlandi. Markmiðið er bjarga eyríkinu frá alþjóðaskrímslinu.

Eins og skrímsla er háttur birtist það í mörgum myndum, gjarnan með skammstöfunum: ESB, SÞ, Nató og loftslagsvá.

Hetjurnar hugrökku eru aftur með nafni og kennitölu.

Alþjóðpólitík lýtur sígildum lögmálum sagnanna. Hans og Gréta báru nöfn og persónueinkenni. Vonda stjúpan og nornin í skóginum voru nafnlaus illska.

Trump gagnrýnir Brexit-samning Johnson