Loftslagsvá og himnaríki skrifræðisins

Stjórnlynt fólk tekur heimsendaspám um manngert veður fagnandi. Spárnar réttlæta víðtækt umboð þeirra stjórnlyndu að setja almenningi reglur um hvernig hann skuli haga lífi sínu. 

Öflugir fjölmiðlar, mbl.is og RÚV á Íslandi, Guardian hjá engilsöxum, breiða út heimsendaspár undir yfirskriftinni við trúum.

Trúarsetningar eins og ,,Jörðin verður fyr­ir óaft­ur­kræf­um skaða ef hnatt­ræn hlýn­un fer yfir 1,5°C" eru endurteknar eins og faðirvorið í kirkju. Rökin eru vísun í æðra yfirvald: ,,Sam­kvæmt lög­mál­um efna­fræðinn­ar og eðlis­fræðinn­ar er enn hægt að halda meðal­hita í heim­in­um und­ir 1,5°C og tak­marka hlýn­un við 1,5°C."

Hvaða segja lögmál ,,efnafræði og eðlisfræði" um miðaldahlýskeiðið og rómverska hlýskeiðið, þar sem meðalhiti á jörðinni var 2-3 gráðum hærri á celsíus en núna?

Svokölluð vísindi sem eru grunnur heimsendaspádóma eru reikniformúlur þar sem forsendur gefa sér niðurstöðuna. Þetta er sama aðferðafræði og notuð er í stjörnuspeki um að vogin og ljónið eigi vel saman og svo framvegis.

700 vísindamenn og sérfræðingar hafna heimsendaspám um hlýnun af mannavöldum. Fá þeir áheyrn? Nei, rétttrúnaðarkirkja þeirra stjórnlyndu bannar andstæðar skoðanir. Þær eru villutrú.

Sannleikurinn er sá, segir einn af villutrúarmönnunum, Tim Ball, að hlýnun er góð, sérstaklega fyrir okkur sem búa á norðurslóðum. Ball er kanadískur. Jákvæðar afleiðingar hlýnunar verða aftur eyðilagðar af skrifræðisfólki eins og Guðmundi Inga og vinstri grænum.

 

 

 

 

„Ég segi bara loksins“

Athugasemdir

[Benedikt Halldórsson, 3.11.2019 kl. 12:15]

Heimsendaspáin segir minnst um veður en eru lýsandi dæmi um  hversu tortímandi allar vinstri stefnur eru.

Virkt vinstra fólk sem hefur ekki flúið okið, er almennt of stjórnsamt og unnir sér ekki hvíldar fyrr en allir aðrir eru á nákvæmlega á sömu skoðun. Það hefnir sín grimmilega á "félögum" með "rangar" skoðanir í heilagsandamálum eins og hamfarahlýnun og reyndar í flestum öðrum málum. Engin sem vill halda ærunni vogar sér að efast. Og nú ætlar samskonar fólk að sameinast um aðgerðir. 

En auðvitað þarf líka að refsa fólki sem er fyrir utan okið sem leggur orð "vísindanna" um vinstri sinnaða hamfarahlýnun í hégóma. Er þessu liði ekkert heilagt?

Á þingi eru nánast allir til vinstri, meira eða minna, ásamt menningunni. Það eru bara veðurfréttir sem ekki eru sagðar í leiðinlegum predikunartón. 

Vinstri menningin er niðurdrepandi. Engin segir neitt nema til að gera heiminn betri! Hún laðar að leiðinlegt og húmorslaust fólk sem tekur sjálft sig of alvarlega, sem kann ekki að slaka á og njóta lífsins. Það skilur ekki að annað fullorðið fólk vill ekki láta hafa vit fyrir sér. Það fatta allir nema besserwissar sem ofmeta eigin snilligáfu og heimsku annarra. Slík "menning" kallar fram "leynda" galla í annars lífsglöðu og skemmtilegu fólki sem versna eftir því sem það hangir lengur í þunglyndissöfnuðinum. En það er aldrei of seint að hætta. 

Hægrið lætur fólk almennt í friði og gefur því frelsi til að prófa sig áfram með skoðanir sem aldrei eru endanlegar, aðeins æfingar en æfingin skapar meistarann. Engin er útskúfaður eða hrakinn á brott. En það besta er (í bandaríkjunum) að hægrið sogar til sín besta fólkið sem áður barðist fyrir allskonar vinstri hreyfingar en var að kafna úr leiðindum.  Menn eins og Tim Pool og Dave Rubin hafa lýst þessum mun.

Á vinstri vængnum óttast allir útskúfun og vinamissi, allir tortryggja alla og fólk þorir ekki einu sinni að fíflast og gera grín, nema af Trump. Lífið er Ok. 

Vinstri vitringar (usa) bjóða aldrei hægri sinnuðum í spjall, öfugt við hægri þáttastjórnendur  sem laða til sín vinstri sinnað hæfileikafólk sem uppgötvar að hægra megin í lífinu er raunverulegt málfrelsi, stríðni, húmor og nánast engin tekur sig of alvarlega. Þar eru orð bara orð, ekki morð. Enginn óttast því að tala af sér, ekki frekar en að hitta ekki boltann á fótboltaæfingu.

Að sjálfsögðu eru vinstri "félagar" sem voga sér að fara í viðtöl hjá "óvinunum" hraktir til hægri. Þar sjá þeir í verki að frelsið er bara til hægri. Þar er uppruni þess og heimaland.