Grínast með að Óttarr hugsi

Þrír fjölmiðlar, Eyjan, RÚV og núna mbl.is birta allir frétt um að Óttarr Proppé formaður Bjartrar framtíðar hugsi.

Þótt Björt framtíð sé horfin af þingi samkvæmt könnunum er ekki ýkja fallegt að gera að fréttaefni að Óttarr hugsi.

Óttarr hugsar ábyggilega oftar en svo að það ætti að vera fréttaefni.

Er hugsi yfir forsætisráðherra

RÚV í yfirvinnu í herförinn gegn forsætisráðherra

Fréttamenn RÚV unnu yfirvinnu í gærkvöldi til að halda lífi í fréttaspunanum um að forsætisráherra hafi í störfum sínum hyglað eiginkonunni sem á bankareikning í útlöndum.

Kvöldið byrjaði með að Árni Páll Árnason sitjandi formmaður Samfylkingar var kallaður í vitnastúku RÚV til að segja forsætisráðherra vanhæfan - en það var gagnrýni sem RÚV lagði upp í hendur Árna Páls enda formaðurinn með aðra ,,línu" í málinu sl. mánudag.

Klukkan hálf níu (20:29) í gærkvöldi birtist frétt á heimasíðu RÚV þar sem þingmaður Pírata var kallaður til vitnis. Fréttamaðurinn fann  engan fréttapunkt til að hafa í fyrirsögn, svo að úr varð algjör flatneskja: ,,Segir bara mest um hann".

Þegar erfitt er að finna fleiri fleti á aðgerðafréttum gegn forsætisráðherra er upplagt að kíkja á fésbókarsíður pólitískra andstæðinga hans. Og klukkan hálf tíu í gærkvöldi (21:24) kemur frétt á heimasíðu RÚV með engu fréttainnihaldi, eins og fyrirsögnin ber með sér: Óttar Proppé: Hugsi yfir forsætisráðherra.

Það er sem sagt frétt hjá RÚV að formaður Bjartrar framtíðar hugsi til forsætisráðherra.

Yfirvinna fréttamanna RÚV í gærkvöldi gekk út á að halda lífi í herferðinni gegn forsætisráðherra. Engar nýjar upplýsingar, engin ný greining, ekkert nýtt sjónarhorn; aðeins tuggið upp röfl pólitískra andstæðinga.

Engar faglegar ástæður eru fyrir fréttaherðferð RÚV. Fréttamenn RÚV stunda hreina og klára pólitík með skýru markmiði: að sverta mannorð forsætisráðherra og helst að knýja hann til afsagnar.

RÚV fær Árna Pál til að skipta um skoðun milli viðtala

RÚV-herferðin gegn forsætisráðherra tekur á sig kynlegar myndir. Árni Páll Árnason, formaður Samfylkingar, var kallaður í viðtal sl. mánudag. Þar sagði Árni Páll að ,,stóra spurningin" væri ,,hvort forystumenn deildu ekki kjörum með þjóðinni."

Gott og vel, formaður jafnaðarmannaflokks vill ekki að fólk eigi meiri peninga en nemur meðaltali. Það er sjónarmið út af fyrir sig.

Árni sagði ekki eitt aukatekið orð um mögulegt vanhæfi forsætisráðherra í viðtalinu sl. mánudag.

Í kvöld finnst RÚV kominn tími á annan snúning á forsætisráðherra og kallar Árna Pál til vitnis. Fyrirsögnin er: Allt bendi til vanhæfis forsætisráðherra.

Á mánudag dettur Árna Páli ekki í hug vanhæfi. RÚV klukkar Árna Pál á fimmtudegi og vill fá yfirlýsingu um vanhæfi. Árni Páll spilar með. Annars kæmist hann ekki í viðtal á RÚV.

 

 

RÚV leitar bandamanna gegn forsætisráðherra

RÚV gerir frétt um að forsætisráðherra tali ekki við RÚV. Í hádegisfréttum er tvíendurtekið að Sigmundur Davíð tali ekki við RÚV. Spilaður  nokkurra daga gamall viðtalsbútur þar em ráðherra hafnar aðgerðafréttamennsku RÚV. Að öðru leyti er frétt RÚV hlutdræg endursögn á viðtali Fréttablaðsins.

Karl Garðarsson vekur athygli á að RÚV gerir forsætisráherra að sérstöku skotmarki.

Ritstjóri Kvennablaðsins svarar ákalli RÚV um að fordæma forsætisráðherra. Steinunn Ólína Þorsteinsdóttir segir forsætisráðherra ,,misheppnaðasta mann Íslandssögunnar" á fésbókarfærslu og fordæmir Fréttablaðið fyrir viðtal við Sigmund.

Augljóst er að nokkrir fjölmiðlar, með RÚV í broddi fylkingar, eru í skipulagðri ófrægingarherferð gegn forsætisráðherra.

„Hvað hefðu andstæðingar mínir sagt þá?“

Öryggi meira utan ESB

Fyrrum yfirmaður bresku leyniþjónustunnar MI6,Richard Dearlove, segir að Bretar verði í betri stöðu að tryggja öryggi sitt utan Evrópusambandsins en innan þess.

Í frétt Telegraph kemur fram að brotalamir eru verulegar á lögreglurannsókn yfirvalda í Belgíu og víðar í Evrópu.

Utan Evrópusambandsins gætu Bretar hert landamæravörslu og ættu auðveldara með að vísa úr landi einstaklingum sem taldir eru ógna öryggishagsmunum, segir fyrrum yfirmaður MI6.

Evrópubúar myrtir í hundraðatali

Fjölmiðill stundar múgæsingu - Lára Hanna eltir

Netmiðillinn Stundin reyndi í gær að efna til galdrafárs á netinu með frétt um fjármálmál eiginkonu forsætisráðherra. Fréttin er röng í fyrstu setningu, lævís í inngangi, samtíningur í meginmáli og hrapar að niðurstöðu sem stenst ekki.

Fyrsta setning fréttarinnar: ,,Í lok síðasta árs lagði ríkisstjórn Íslands fram frumvarp um breytta skattlagningu," er röng. Ríkisstjórnir leggja ekki fram frumvörp heldur ráðherrar og eftir atvikum þingmenn. En til að samsæriskenningin í fréttinni fengi trúverðugleika, þ.e. að forsætisráðherra hyglaði hagsmunum eiginkonunnar, varð að ljúga í fyrstu setningu.

Í lævísum inngangi fréttarinnar er talað um að frumvarpið sé ,,flókið" og komi sér ,,óþægilega vel fyrir þá kröfuhafa sem voru með félög sín skráð á Tortóla-eyju." Í stað þess að útskýra hvað sé flókið og hvað komi sér vel segir: ,,Við skulum hins vegar demba okkur út í umræðurnar á Alþingi til þess að fá tilfinningu fyrir málinu."

Hlutlægar staðreyndir eru aukaatriði, aðalatriðið er að búa til ,,tilfinningu" fyrir málinu. Umorðað: hér er ætlunin að efna til áhlaups á æru forsætisráðherra með röngum málflutningi og haturstilfinningar að leiðarljósi.

Markaðsstjóri og einn af eigendum Stundarinnar, Heiða B. Heiðars, fylgdi fréttinni úr hlaði á fésbók með þessum orðum: ,,Krakkar þetta er gull".

Lára Hanna Einarsdóttir svaraði kalli markaðsstjóra Stundarinnar og bjó til klippuútgáfu af samtíningi fréttarinnar sem átti að gefa innihaldinu trúverðugleika. Lára Hanna notaði sömu fyrirsögn og er í fréttinni, þar sem gefið er að forsætisráðherra maki krók eiginkonu sinnar.

Stundin gerði enga tilraun að fá álit þeirra sem þekkja til málsins. Upplýsingar eru óþarfar þegar safnað er í galdrabrennu. Vísir, á hinn bóginn, bar frétt Stundarinnar undir Frosta Sigurjónsson sem útskýrði að eiginkonu forsætisráðherra hafi verið ómögulegt að hagnast á frumvarpinu.

Þegar fjölmiðlar gera skipulega út á múgæsingu með fréttaflutningi, sem lýst er hér að ofan, er viðbúið að umræðan verði meira í ætt við móðursýki en rökræður.

Bar ekki skylda að segja frá

Pólland neitar að taka við múslímum

Eftir hryðjuverk Ríkis íslam í Brussel neita Pólverjar að taka við flóttamönnum frá Sýrlandi og Írak. Samkvæmt frétt þýsku útgáfunnar Die Welt mun ákvörðun ríkisstjórnar Póllands setja í uppnám nýgert samkomulag Evrópusambandsins við Tyrkland, um meðferð flóttamanna.

Pólverjar telja hættu á að viðtaka múslímskra flóttamanna muni tefla öryggi pólskra ríkisborgara í hættu, í ljósi þess að hryðjuverkamenn nota flóttamannastrauminn til Evrópu sem skálkaskjól. Áætlað var að til Póllands færu 7500 flóttamenn, þar af 400 í ár.

Áður hafa ríkisstjórnir Ungverjalands og Slóvakíu neitað viðtöku múslímskra flóttamanna.

Með langa glæpaferla að baki

Góða fólkið segir morð eins og mýbit

Egill Helgason, álitsgjafi góða fólksins, gerir lítið úr hryðjuverkinu í Brussel. Hann birtir lista sem á að sýna að hryðjuverk eru mest utan Evrópu og því sé öllu óhætt.

Vandaðir fjölmiðlar, til dæmis FAZ í Þýskalandi, birta annars konar lista: yfir blóðugan feril Ríkis íslam.

Þegar fáfengilegri tölfræði sleppir birtir Egill gagnfræðaskólaanalísu um að vondir menn standi fyrir hryðjuverkum. Það á að heita kjarni málsins.

Samkvæmt rökfræði góða fólksins eigum við að umbera morðingja eins og mýbit.

Blóðug og skelfingu lostin á bekk

Múslímatrú gefur glæpamönnum tilgang

Hryðjuverkamennirnir í Brussel voru ,,góðkunningjar lögreglunnar" - menn sem voru réttir og sléttir þjófar og glæpamenn áður en þeir drápu í nafni trúar. Múslímarnir sem réðust inn á ritstjórnarskrifstofur Charlie Hebdo voru með sama bakgrunn; glæpamenn sem snerust til öfgatrúar og myrtu saklaust fólk.

Múslímski Daninn, Omar El-Hussein, sem sallaði niður saklaust fólk á götum Kaupmannahafnar er sama manngerðin. Fyrst glæpir, síðan trúarleg morð.

Múslímatrú brúar bilið á milli þjófa og morðingja. Múslímatrú gefur misheppnuðu fólki tækifæri til sjálfsupphafningar með fjöldamorðum á vantrúuðum.

Allir múslímsku morðingjarnir, sem taldir eru upp hér að ofan, eru fóstraðir og aldir upp í vestrænum ríkjum, Danmörku, Belgíu og Frakklandi. Múslímar komast upp með að viðhalda og rækta trúarmenningu sína í nafni fjölmenningar. Þar með girða þeir fyrir aðlögun að vestrænum lífsháttum. Og til að gera illt verra bjóða múslímar upp á trúarlega réttlætingu fyrir morðum á vantrúuðum,  þ.e. öllum sem ekki eru múslímar.

Múslímaklerkar vítt og breitt um Evrópu réttlæta og hvetja til hryðjuverka. Reynslan sýnir, núna síðast í Brussel, að trúin er múslímskum glæpamönnum hvatning til að leika guð: ákveða hverjir skulu deyja.

 

Bræður sprengdu sig upp

Hryðjuverkin eru vegna trúarmenningar

Hryðjuverk múslíma eru sprottin úr trúarmenningu þeirra rétt eins og óhæfuverk nasista voru sprottin úr pólitískri menningu, sem varð allsráðandi í Þýskaland á árunum milli stríða.

Múslímar eru ekki allir hryðjuverkamenn, ekki fremur en að allir Þjóðverjar hafi verið nasistar. En alveg eins og friðsamir Þjóverjar létu nasista ráða ferðinni leyfa múslímar hryðjuverkamönnum að drepa saklaust fólk unnvörpum án þess að hreyfa legg eða lið.

,,Hófsöm múslímatrú er ómöguleg", segir ljóðskáldið Ali Ahmad Said Asbar, betur þekktur sem Adonis. Hann fékk nýverið bókmenntaverðlaun kennd við Erich Maria Remarque sem skrifaði Tíðindalaust á vesturvígstöðvunum, sígilda frásögn um stríðsbrjálæði. Adonis er á níræðisaldri og veit hvað hann syngur: múslímatrú er í grunninn andstæð lýðræði og jafnrétti.

Hlutlægt og yfirvegað mat á ógninni sem stafar af hryðjuverkum múslíma verður að taka rætur grimmdarverkanna með í reikninginn.

„Atlaga að lýðræði okkar“