Fimmtudagur, 31. maí 2018
RÚV fjármagnar lögsókn gegn litlum fjölmiðlum
RÚV borgaði 2,5 milljónir króna til Guðmundar Spartakus Ómarssonar til að sleppa við málssókn vegna fréttaflutnings og niðurgreiddi þar með málssókn sama Guðmundur á hendur litlum fjölmiðlum.
Héraðsdómur hefur sýknað tvo fjölmiðla í meiðyrðamáli sem Guðmundur höfðaði vegna efnislega sömu frétta og RÚV flutti.
RÚV er eins og oft áður út í móa í siðferðilega og faglega.
Ég vann orrustuna en Guðmundur stríðið | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Fimmtudagur, 31. maí 2018
Tvöfalt fleiri konur en karlar ljúka háskólaprófi
Í fyrra útskrifuðust tvöfalt fleiri konur en karlar með háskólapróf. Þetta er ekki nýleg þróun. Allt frá lokum síðustu aldar útskrifast fleiri konur en karlar úr háskólum.
Háskólapróf er forsenda fyrir margvíslegum störfum í samfélaginu, einkum sérfræðistörfum s.s. kennslu, í heilbrigðisgeiranum og í stjórnsýlunni.
Ójafnræði kynjanna í háskólum mun auka á kynskiptingu vinnumarkaðarins. Almennt er kynskiptur vinnumarkaður talinn óheppilegur í samfélagi sem vill kenna sig við jafnrétti. En nánast engin umræða er um þessa þróun; hvaða ástæður liggja að baki og hverjar afleiðingarnar verða.
Dægurmál | Slóð | Facebook | Athugasemdir (2)
Fimmtudagur, 31. maí 2018
Gunnar Smári, Sanna og húsþrællinn
Borgarfulltrúi Sósíalistaflokksins, Sanna Magdalena Mörtudóttir, skrifar greinina Ég vil ekki vera húsþræll. Greinin er að stofni til sú sama og Gunnar Smári Egilsson formaður Sósíalistaflokksins skrifaði í Fréttatímann fyrir fimm árum.
Virðingarvert er hve Sanna er vel lesin í fræðum húsbóndans á sósíalistaheimilinu. Húsþræll þeirra Gunnars Smára og Sönnu er ættaður frá Malcolm X, róttækum baráttumanni fyrir réttindum þeldökkra Bandaríkjamanna er fluttir voru í járnum milli heimsálfa fyrir margt löngu.
Enginn er fluttur í járnum til Íslands. Hingað kemur fólk af frjálsum vilja og hefur gert í þúsund ár. Lífskjör eru óvíða jafnari en einmitt hér á landi og velferð almenn hvað varðar aðgang að menntun og heilsugæslu.
Húsþræll sósíalistanna Gunnars Smára og Sönnu hefur aldrei átt heima á Íslandi. Íslenski húsþrællinn er pólitískur skáldskapur.
Dægurmál | Slóð | Facebook | Athugasemdir (1)
Miðvikudagur, 30. maí 2018
Viðreisn er vinstriflokkur (staðfest)
Viðreisn er gengin í bandalag vinstriflokka með því að hefja viðræður við fallinn meirihluta vinstrimanna í Reykjavík. Fyrir Reykvíkinga eru það heldur leiðar fréttir en harla gott fyrir landsmálin.
Eftir að Viðreisn er orðinn yfirlýstur vinstriflokkur stafar sáralítil hætta af flokknum á hægri væng stjórnmálanna. Genginn fyrir vinstribjörg er Viðreisn ekki lengur með sóknarfæri til hægri.
Frjálslyndið svokallaða er allt komið yfir miðjuna og út á vinstri kantinn. Þar er fyrir fjölflokkakerfi undir formerkjunum hundur étur hund. Vinstrisveifla Viðreisnar skapar mið- og hægriflokkum kjörstöðu í landsmálum.
Eiga eftir að ræða verkaskiptingu | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (6)
Miðvikudagur, 30. maí 2018
Sósíalistar hafna Samfylkingarelítunni - hvað gerir Viðreisn?
Sósíalistaflokkurinn hafnar að framlengja valdatíma Samfylkingar í borginni með þessum orðum:
Einn borgarfulltrúi getur ekki breytt kerfinu innan frá, allra síst ef hans fyrsta verk verður að ganga inn í svo til óbreyttan meirihluta um stefnu sem sósíalistar gagnrýndu harðlega í kosningabaráttunni.
Og áfram:
En einn borgarfulltrúi getur tekið virkan þátt með félögum sínum í að byggja upp samstöðu meðal láglaunafólks, innflytjenda, leigjenda, eftirlaunafólks, öryrkja og annarra valdalausra hópa og verið farvegur fyrir baráttu þeirra inn í borgarstjórn.
Saga class Píratar vilja ólmir styðja Samfylkinguna áfram til valda og hirða brauðmola elítunnar. Vinstri grænir dingla með rúnir fylgi og trúverðugleika.
En það dugir ekki til. Viðreisn með sína tvo borgarfulltrúa þarf að stökkva á vagn Samfylkingar til að bjarga meirihlutanum sem féll í kosningunum. Með Viðreisn um borð er hægt að tryggja óbreytt ástand - og gefa kjósendum langt nef.
Taka ekki þátt í meirihlutaviðræðum | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (5)
Miðvikudagur, 30. maí 2018
Óskráðar reglur og skráð heimska
Óskráð regla er að þingmenn stundi ekki kynlíf, einir sér eða með öðrum, hvorki í ræðustól alþingis né í þingsal. Stærsti hlutinn af óskráðum reglum og hefðum, bæði á alþingi og í samfélaginu almennt, er siðvit sem fólk lærir í umgengni hvert við annað.
Siðvit þroskast með fólki frá blautu barnsbeini. Fáeinir fara á mis við það, t.d. þeir er fá ekki uppeldi sem heldur máli. Þessir fáeinu hafa flestir vit á að nota athyglisgáfuna sem fæst í vöggugjöf með meðvitundinni og læra af öðrum.
Sérstök eintök af fólki, afar fágæt, kýs að öskra framan í okkur skort sinn á siðviti og spyrja skriflega um óskráðu reglurnar.
Vill skriflegt svar um óskráðar reglur | |
Tilkynna um óviðeigandi tengingu við frétt |
Dægurmál | Breytt s.d. kl. 10:48 | Slóð | Facebook | Athugasemdir (1)
Þriðjudagur, 29. maí 2018
Guði úthýst á mbl og RÚV en ekki BBC
,,Allahu Akbar," hrópaði maðurinn sem myrti þrjá í Belgíu, samkvæmt frétt BBC þar sem vitnað er í heimildir lögreglu.
Upphrópunin er á arabísku, þýðir guð er mikill, og gjarnan notuð af þeim sem eiga eitthvað vantalað við vestræna menningu.
En hvorki mbl.is né RÚV birta arabíska ákallið í ítarlegum fréttum af þrefalda morðinu. Ritskoðun á trúarsannfæringu morðingjans er gerð af virðingu fyrir einhverju öðru en fórnarlömbunum.
Skaut lögreglu með þeirra eigin vopni | |
Tilkynna um óviðeigandi tengingu við frétt |
Þriðjudagur, 29. maí 2018
Valdabarátta í verkó: Gylfi eineltur
Valdabaráttan í verkalýðshreyfingunni tekur á sig þá mynd að uppreisnarfélögin VR, Efling og fleiri leggja Gylfa Arnbjörnsson forseta ASÍ í einelti. Uppreisnarfélögin láta eins og Gylfi sé ASÍ en ekki lögmætur forseti stærsta verkalýðssambandsins.
Þótt það kunni að virka betur sem herfræði í skæruhernaði að beina spjótum að einstaklingi er óhamingja launafólks handan við hornið.
ASÍ á óbeina aðild að stjórnkerfinu með því að ríkisstjórn hvers tíma leggur sig í líma við að fá samstöðu með verkalýðshreyfingunni í málum er varða launþega og efnahagsstjórnun. Lykillinn að áhrifum ASÍ er að samtökin tali einum rómi.
Skæruliðarnir sem hælbíta Gylfa munu ekki tala einum rómi eftir byltinguna. Verkalýðshreyfingin verður sundruð og ósamstæð. Uppreisnaröflin munu ekki hækka launaþakið heldur gefa gólfbitarnir eftir þegar snillingarnir hópast á sviðið, hver með sitt kröfuspjald. Þeir sem fara verst úr orrahríðinni eru láglaunafólk.
Vantrauststillaga samþykkt | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (1)
Þriðjudagur, 29. maí 2018
Evran þolir ekki lýðræði
Verðlækkanir á mörkuðum í Evrópu eru raktar til þingkosninga á Ítalíu sem voru ógiltar með forsetavaldi þar eð nýkjörinn þingmeirihluti var á móti aðild Ítala að evru-samstarfinu.
Ítalir komust að þeirri niðurstöðu að evran hentar ekki sem þjóðargjaldmiðill. Evran tekur mið af hagkerfi Þjóðverja fyrst og fremst en síður Suður-Evrópuríkja.
En lýðræðislegur þjóðarvilji á ekki upp á borðið hjá ráðandi öflum í Evrópusambandinu. Bæði Macron Frakklandsforseti og Merkel kanslari Þýskalands lofuðu ákvörðun Ítalíuforseta að ógilda nýafstaðnar þingkosningar.
Hvað Ítalíu varðar eru lýðræði og evra ósamrýmanleg. Í þessari umferð víkur lýðræðið. Hve lengi?
Mikil lækkun á mörkuðum | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (1)
Þriðjudagur, 29. maí 2018
Saga class Píratar
Viðreisn og Píratar eru sama pólitíkin, segir oddviti Pírata í Reykjavík, Dóra Björt Guðjónsdóttir, og kennir báða flokkana við ,,frjálslyndi".
Viðreisn er að stofni til efnafólk úr Sjálfstæðisflokknum, vel tengt á æðstu stöðum og í efsta tekjuhópi samfélagsins. Svo nokkrir séu nefndir af handahófi: Þorsteinn Pálsson, Þorgerður Katrín Gunnarsdóttir, Benedikt Jóhannesson, Þorsteinn Víglundsson og Sveinn Andri Sveinsson.
Viðreisn var stofnuð til að Ísland yrði ESB-ríki. Í Brussel er mikið af peningum, einkum fyrir sérfræðinga og vel tengda embættismenn. Þangað flýgur maður á Saga class-miðum, sem aðrir borga en maður fær frípunktana á eigin reikning.
Píratar töluðu til skamms tíma fyrir borgaralaunum. En þeir eru orðnir vanir þægilegri innivinnu á góðum launum og vilja ,,uppgradera" sig á Saga class. Það heitir frjálslyndi.
Ýmislegt sameini Viðreisn og Pírata | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)