Tvöfalt siðgæði Sigríðar Daggar, skattsvik eru einkamál

Sigríður Dögg formaður Blaðamannafélagsins fékk fyrirframgreidd laun, líkt og framkvæmdastjórinn, Hjálmar Jónsson, hafði fengið. Sigríður Dögg notar fyrirframgreiðslu launa til að hirða æruna af Hjálmari. Tvöfalt síðgæði í sinni tærustu mynd.

Hjálmar hafði unnið sér til óhelgi að gagnrýna að sitjandi formaður Blaðamannafélagsins væri uppvís að skattsvikum og neitaði að gera grein fyrir málavöxtu. Í byrjun árs sagði Hjálmar:

Ég tel for­mann­inn ekki starfi sínu vax­inn og ég tel held­ur ekki að fólk sem hef­ur ekki hrein­an skjöld í fjár­mál­um og gef­ur ekki skýr­ing­ar í þeim efn­um eigi að vera í for­svari fyr­ir fé­lag eins og Blaðamanna­fé­lag Íslands sem stend­ur fyr­ir gildi op­inn­ar og lýðræðis­legr­ar umræðu.

Sigríður Dögg fór í ótímabundið leyfi frá RÚV, þar sem hún var fréttamaður, eftir að fréttist um skattsvikin. En hún sat sem fastast sem formaður heildarsamtaka blaðamanna.

Skattsvikin eru mitt einkamál, segir formaðurinn og þar við situr.

Blaðamenn og viðmælendur þeirra vítt og breitt í samfélaginu hljóta að taka formanninn á orðinu og hafna allri umfjöllun um skattsvik. Þau eru einkamál skattsvikara.

 

 

 

Segir skýrsluna merki um vanþekkingu á rekstri BÍ

Athugasemdir

[Gunnar Heiðarsson, 24.4.2024 kl. 08:56]

Það er langt seilst þegar tiltekið er í þessari svokallaðri skýrslu kostnaður við kaffi og smá bakkelsi á föstudögum. Sagt vera brot þar sem stjórn hafi ekki samþykkt þau útgjöld! 

Ber merki hver skilaboð voru til skýrslugerðamanna, hvað átti að finna og hverju sleppa. Hver var svo kostnaður við skýrslugerðina?

[Landfari, 24.4.2024 kl. 10:18]

Það kom fram hjá Framkvæmdastjóranum fyrrverandi að skýrsluhöfundar fengu ekki aðgang að bókhaldi félagsins til yfirferðar heldur valdar upplýsingar.

Hjálmar er búinn að gera grein fyrir sinni hlið á málinu. Hafandi bara orð hans og Sigríðar Daggar og trúverðugleika þeirra þá lítur málið þannig út að félagið standi í stórri þakkarskuld við hann fyrir óeigingjarnt órukkað starf í þágu félagsins.