Sósíalistar hafna Samfylkingarelítunni - hvað gerir Viðreisn?

Sósíalistaflokkurinn hafnar að framlengja valdatíma Samfylkingar í borginni með þessum orðum:

Einn borg­ar­full­trúi get­ur ekki breytt kerf­inu inn­an frá, allra síst ef hans fyrsta verk verður að ganga inn í svo til óbreytt­an meiri­hluta um stefnu sem sósí­al­ist­ar gagn­rýndu harðlega í kosn­inga­bar­átt­unni.

Og áfram:

En einn borg­ar­full­trúi get­ur tekið virk­an þátt með fé­lög­um sín­um í að byggja upp sam­stöðu meðal lág­launa­fólks, inn­flytj­enda, leigj­enda, eft­ir­launa­fólks, ör­yrkja og annarra valda­lausra hópa og verið far­veg­ur fyr­ir bar­áttu þeirra inn í borg­ar­stjórn.

Saga class Píratar vilja ólmir styðja Samfylkinguna áfram til valda og hirða brauðmola elítunnar. Vinstri grænir dingla með rúnir fylgi og trúverðugleika. 

En það dugir ekki til. Viðreisn með sína tvo borgarfulltrúa þarf að stökkva á vagn Samfylkingar til að bjarga meirihlutanum sem féll í kosningunum. Með Viðreisn um borð er hægt að tryggja óbreytt ástand - og gefa kjósendum langt nef.   

 

Taka ekki þátt í meirihlutaviðræðum

Athugasemdir

[Þorsteinn Siglaugsson, 30.5.2018 kl. 12:01]

Þetta er mjög skynsamleg ákvörðun hjá Sönnu. Áhrif hennar verða miklu meiri ef hún tekur ekki þátt í meirihlutasamstarfi. Hún kom sterk inn í umræðunum kvöldið fyrir kosningar og staðfestir nú aftur að það er mikið í hana spunnið sem stjórnmálamann. Þótt ég sé auðvitað algjörlega ósammála stefnunni finnst mér alltaf gaman að sjá ungt fólk stimpla sig inn á þennan hátt.

[Valur Arnarson, 30.5.2018 kl. 12:52]

Gott hjá Sönnu að hafna krata-Pírata pestinni, en ég skil reyndar ekki hvers vegna hún byrjaði á því að taka það sérstaklega fram að hún hafnaði samstarfi við Sjálfstæðisflokkinn, sem er flokkur sem hefur ekki komið að stjórn borgarinnar í 8 ár. Félagslegar áherslur Sjálfstæðisflokksins hafa sjaldan verið meira áberandi en einmitt nú um þessar mundir. Væri Sanna mjög mótfallin því að takast á við húsnæðisvandan með Eyþóri Arnalds, og stuðla þar með að útrýmingu fátæktar í borginni ?

Væri Sanna mjög mótfallin því að skera niður skrifstofu borgarstjóra sem nú kostar orðið 800 milljónir á ári, og færa fjármunina frekar til þeirra sem minna mega sín ?

[Helga Kristjánsdóttir, 30.5.2018 kl. 15:27]

  Þetta líkist nú eineltistilburðum um leið og m.a. ég eldri borgari er ein af skjólstæðingum hennar,miðað við stefnu flokks hennar,m.a. að leiðrétta ellilaunin,varla sorterar hún þá eftir hverra flokka menn eru. Mestur allra yrði sá sem sækti krónur okkar sem fuku eða flugu út úr bönkunum í hruninu.   

[Kolbrún Hilmars, 30.5.2018 kl. 16:05]

Flokkur fólksins er með sömu áherslumál, en hefur aflað sér mun meiri þekkingar á þeim.  Leggur líka allt í sölurnar með samvinnu við hvern þann meirihluta sem vill styðja málefnið.

[Jón Ingi Cæsarsson, 31.5.2018 kl. 08:40]

Hafnar öllum og einangrar sig og flokkinn úti í horni.  En gott fyrir þá að fá mann á skrifstofuna á launum hjá borginni sagði einhver góður :-)