Fimmtudagur, 23. janúar 2020
Katrín, Björn Leví og x-ið í ójöfnuðinum
Bil milli hæstu og lægstu launa er einn mælikvarði á jöfnuð. Annar mælikvarði er fjármagnstekjur, t.d. af verðbréfum og fasteignum. Að frádregnum skatti mynda þessir liðir ráðstöfunartekjur.
Katrín forsætis og Björn Leví þingmaður deila um efnahagslegan jöfnuð á árabilinu 1991 til 2018, sem er um hálf starfsævi flestra Íslendinga.
Sá sem hóf störf árið 1991 og var forsjáll í fjármálum á meiri eignir en óreiðumaður sem byrjaði starfsævina á sama tíma þótt báðir hafi verið á sömu launum í 27 ár. Við þetta myndast mældur ójöfnuður.
Hvorki er ástæða til að gráta slíkan ójöfnuð né ætti ríkisvaldið að grípa í taumana. Mannlífið býr til náttúrulegan ójöfnuð, einfaldlega með því að fólk er ólíkt. Ríkið getur séð til þess að allir fái jöfn tækifæri en aldrei ætti ríkið að tryggja jafna útkomu. Það væri kúgun.
Dapurlegur málflutningur | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Miðvikudagur, 22. janúar 2020
Frosti um ferðahvata opinberra starfsmanna
Opinberir starfsmenn safna sér vildarpunktum, þ.e. afsláttarkjörum, þegar þeir ferðast á kostnað ríkisins. Afsláttinn nýta þeir fyrir sig og fjölskylduna.
Þetta þýðir að innbyggður hvati er fyrir ríkisstarfsmenn að ferðast til útlanda. Til viðbótar koma dagpeningar sem reglulega eru dulin launauppbót.
Rétt af Frosta að vekja athygli á þessum agnúa á fyrirkomulagi ferðalaga opinberra starfsmanna.
Fór aldrei til útlanda á kostnað þingsins | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (1)
Miðvikudagur, 22. janúar 2020
Samherjamál verður Stjánakreisting
,,Þórhildur Sunna Ævarsdóttir, þingmaður Pírata og formaður stjórnskipunar- og eftirlitsnefndar, segir fundinn hafa verið upplýsandi og að hann hafi kreist allan þann ágreining sem er á milli hennar og sjávarútvegsráðherra."
Ofanritað er tilvitnun í viðtengda frétt.
Spurning hvort RÚV stökkvi ekki til og geri fréttaskýringu um Stjánakreistingu.
Til góðs að ræða hæfi ráðherra | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Miðvikudagur, 22. janúar 2020
Atvinnuleysi: Íslendingar og útlendingar
Atvinnuleysi meðal háskólamanna hefur um langa hríð verið meira en almennt gengur og gerist. Formaður BHM hvatti til aðgerða í þágu atvinnulausra háskólamanna fyrir tveim árum.
Almennt atvinnuleysi jókst á síðasta ári í kjölfar samdráttar í ferðaþjónustu.
Háskólamenn eru yfirgnæfandi Íslendingar. Í ferðaþjónustu og byggingariðnaði eru útlendingar stórt hlutfall starfsmanna, sem ýmist eru búsettir hér á landi eða farandverkafólk.
Ríkið getur illa farið út í atvinnusköpun í stórum stíl. Það er ekki hlutverk ríkisins að búa til störf, atvinnulífið á að sjá um það. Enn síður er það hlutverk ríkisins að sjá farandverkafólki fyrir atvinnu.
Bíða og sjá hvernig atvinnuleysi þróast | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Þriðjudagur, 21. janúar 2020
Bretland blómstrar eftir Brexit
Stórfyrirtæki eins og Facebook veðja á Bretland eftir úrsögn landsins úr Evrópusambandinu. Á evru-svæðinu ríkir samdráttur og ráðleysi.
Eftir Brexit eru Bretar í stakk búnir að skapa efnahagsumhverfi sem þjónar breskum hagsmunum.
Heimsendaspámenn úr röðum ESB-sinna spáðu eymd og volæði á Bretlandseyjum eftir úrsögn úr ESB. En allar líkur eru á að reyndin verði þveröfug, að Bretland taki hagvaxtarkipp með Brexit.
Facebook fjölgar starfsfólki um fjórðung í London | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (1)
Þriðjudagur, 21. janúar 2020
Óþarfi að hækka laun opinberra starfsmanna
Ríkið og stéttafélög opinberra starfsmanna eru sammála um að óþarfi sé að hækka launin. Engin yfirlýsing er gefin út um málið. Látið er nægja að semja ekki.
Lífskjarasamningar á almennum vinnumarkaði eru augljós fyrirmynd fyrir opinbera starfsmenn en einir 40 fundir hafa ekki leitt það í ljós.
Á meðan svífur það viðhorf yfir vötnum að laun opinberra starfsmanna þurfa ekki að hækka til samræmis við launahækkanir á almennum markaði.
SA riðu á vaðið með skammtímasamninga | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (2)
Mánudagur, 20. janúar 2020
Samfylking vill kalt Ísland
Formaður Samfylkingar segir ,,hlýnun jarðar vera stærsta málið sem heimurinn stæði frammi fyrir..."
Ekki fyrir Ísland. Óskandi væri að hér yrði jafn hlýtt og á landnámsöld. Jöklarnir voru smærri og búsældarlegra var á Fróni.
Á litlu ísöld, 1300 til 1900, varð þjóðin nærri úti í kulda og vosbúð.
Samfylkingu líður ekki vel nema í hörmungum.
Tími á stjórn án Sjálfstæðisflokksins | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (2)
Mánudagur, 20. janúar 2020
Fréttir fjármagnaðar af ríkinu, nei takk
Peningar frá ríkinu sem fjármagna fréttaflutning stórspilla eðlilegu fjölmiðlaumhverfi. RÚV er lifandi sönnun þess að ríkisfréttir eru hlutdrægar og pólitískar.
Fjölmiðlar eiga að búa við agavald lesenda/áhorfenda/hlustenda en ekki örlæti ríkisins.
Lilja ráðherra menntamála ætti að afturkalla fjölmiðlafrumvarpið og afleggja RÚV að hluta eða öllu leyti.
Lítill stuðningur við fjölmiðlafrumvarp | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (3)
Mánudagur, 20. janúar 2020
EES hentar ekki Íslandi
Þriðji orkupakkinn eykur miðstýringu Evrópusambandsins í raforkumálum. Hækkuð innistæðutrygging bankareikninga miðast við stóra banka sem aldrei munu starfa á Íslandi, nema sem útibú frá evrópskum bönkum.
EES-samningurinn leiðir í íslensk lög ákvæði sem alls ekki henta íslenskum aðstæðum.
Af þessu leiðir ætti Ísland að hefja undirbúning að uppsögn EES-samningsins.
Snýst um kjarna Icesave-deilunnar | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (4)
Sunnudagur, 19. janúar 2020
Vistmorð, maður og náttúra
Vistmorð kemur fyrir í meðfylgjandi frétt í þessu samhengi:
þrotlausrar baráttu hennar gegn vistmorði (e. ecocide) í heiminum, en Cabanes hefur barist ötullega fyrir því að Alþjóðaglæpadómstóllinn (International Criminal Court, ICC) viðurkenni vistmorð sem raunverulegt og refsivert afbrot.
Maðurinn, sem tegund, getur unnið óbætanlegt tjón á náttúrunni og það er glæpsamlegt, eru skilaboðin.
Áhugavert sjónarhorn.
Maðurinn er hluti af náttúrunni. Hann stritast við að skilja hana samtímis sem hann nýtir sér hana til að bæta lífskjör sín. Sumir telja manninn hafa gengið alltof langt í að afla sér gæða frá náttúrunni.
Gefum okkur, umræðunnar vegna, að það sé rétt og maðurinn sannfærist um að nú sé nóg komið hætti skipulega að nýta sér náttúrugæði. (Látum liggja á milli hluta hvort það sé hægt).
Tvennt myndi gerast jafn örugglega og nótt fylgir degi. Í fyrsta lagi yrði maðurinn að koma sér upp alheimsríki til að skipuleggja líf sitt á jörðinni.
Í öðru lagi, og það skiptir meira máli, þá myndi jörðin, náttúran, halda áfram að breytast, jafnvel þótt maðurinn kæmi hvergi nærri. Eldgos og aðrir náttúruferlar hafa reglulega umbreytt jörðinni frá því hún varð til fyrir eitthvað 4,5 milljörðum ára. Maðurinn sem tegund er ekki nema um 200 þúsund ára.
Hugmyndin um vistmorð felur í sér að maðurinn geti sótt náttúruna til saka fyrir vistmorð. Sem er ónáttúrulegt.
Þau sem andrúmsloftið erfa | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (4)