Íslamskur trúarfasismi gegn Evrópu

Tyrkir gerðu innrás í Sýrland og fara halloka. Þeir beita pólitískri fjárkúgun og hóta að veita flóttamannastraumi til Evrópu fái þeir ekki aðstoð frá Nató.

Tyrkir, undir forystu Edogan forseta, hafa um árabil stutt ógeðslegustu útgáfu íslamsks trúarfasisma, Ríki íslams og fleiri af sama sauðahúsi. Erdogan stefnir að Stór-Tyrklandi með útþenslu landamæra ríkisins.

Frá dögum kalda stríðsins er Tyrkland aðili að Nató. Tyrkland var útvörður Suðaustur Evrópu andspænis Sovétríkjunum. Íslamskur trúarfasismi Erdogan er nýmæli sem ekki á heima í Nató. Í stað þess að hjálpa Tyrkjum væri nær að Nató tæki höndum saman við Kúrda og Sýrlendinga og hrekti Erdogan-hyskið úr Sýrlandi. 

Fasistar eins og Erdogan láta sér ekki segjast fyrr en í fulla hnefana.

Tyrkir hætta að loka landamærum til Evrópu

Veiran og meðalhófið

Á heimsvísu hefur kórónaveiran sýkt 85 þúsund manns og staðfest dauðsföll eru 3000. Af þeim sem sýkjast hafa tæp 40 þúsund náð bata 

Johns Hopkins háskólinn í Bandaríkjunum heldur skrá yfir tilfellin og uppfærir í rauntíma. Upplýsingarnar eru ekki nákvæmar en þær skástu sem bjóðast. Á þeim verður að byggja en ekki ýkjum og gróusögum.

Íslendingar geta ekki lokað landinu við núverandi aðstæður. Það yrði of róttæk aðgerð sem myndi stöðva samfélagið og valda ósætti ef ekki óeirðum. Við þurfum að taka mið af aðgerðum annarra þjóða og gera ráðstafanir sem hvorki eru of né van.

Veiran er dauðans alvara. Ofsahræðsla og öfgaviðbrögð gera illt verra.

 

Ótvíræðar heimildir til að loka landinu

Liverpool ekki meistari í vor...WTF

Úrvalsdeildarleikjum í ensku verður aflýst vegna kórónuveirunnar, segir Telegraph, og mögulega engir meistarar krýndir í vor.

Skítt með peninga, þrítugur draumur YNWA-fólksins gæti breyst í martröð.

Menn verða andvaka af minna tilefni.

Mesta hrun á hlutabréfamarkaði í tólf ár

Verkföll breyta ekki hallæri í góðæri

Samdráttur er í efnahagskerfinu. Atvinnuleysi eykst, fyrirtæki minnka umsvifin, launagreiðslur standa í stað eða lækka og ríki og sveitarfélög fá lægri skatttekjur.

Verkföll breyta ekki hallæri í góðæri. Herskáir Eflingarsósíalistar geta hamast hvað þeir vilja en þeir breyta ekki lögmálum jafngömlum launavinnunni. Ef minna er til skiptanna þýðir ekki að berja hausnum við steininn og krefjast hærri launa.

Og vitanlega á ekki að setja lög á verkföll fólks sem er jafn skyni skroppið og Eflingarforystan. Það væri að níðast á minnimáttar.

Lögbann á verkfall ekki komið til tals

Efling eykur atvinnuleysi, félagslega einangrun

Sósíalistaforysta Eflingar lokar leikskólum og launþegar verða að taka sér frí úr vinnu til að gæta barna sinna sem einangrast félagslega.

Predrag er frá Serbíu, en hef­ur búið á Íslandi í rúm 20 ár. Bak­land fjöl­skyld­unn­ar hér á landi er engu að síður lítið og eng­inn sem get­ur stokkið til og gætt dótt­ur­inn­ar á meðan þau vinna. Þau þurfa því al­farið að reiða sig á sig sjálf. „Við erum eldri for­eldr­ar og við eig­um ekki ræt­ur hér á landi. Það eru því ekki ömm­ur og afar sem geta hlaupið til. Í síðustu viku var kon­an heima í þrjá daga á meðan ég fór að vinna. Í þess­ari viku er það öf­ugt, ég vinn tvo daga og hún þrjá.“

Nýir Íslendingar eins og Predrag er frá Serbíu standa sýnu verst að vígi. Þeir eiga ekki fjölskyldu og frændgarð til að aðstoða þegar sósíalistar úthýsa börnum þeirra úr leikskólum borgarinnar.

Fyrirsjáanleg áhrif verkfalls Eflingar er félagsleg einangrun barna og atvinnuleysi fullorðinna. Sósíalisminn virkar alltaf eins, hvort heldur á Íslandi eða Venesúela.

 

Atvinnuleysi náð toppi

Veiran, varkárni og móðursýki

Kórónaveiran mun líklega nema land á Íslandi. Ekki er raunhæft að loka landinu og bíða af sér sóttina. Skynsamlegar varúðarráðstafanir draga úr líkum að veiran breiðist út til þeirra sem síst þola álagið sem fylgir, þ.e. þeir sem veikir eru fyrir.

Móðursýki um að veiran sé svarti dauði samtímans hjálpar ekki. Þeir sem nota veiruna til að slá pólitískar keilur ættu að láta af þeirri iðju. 

Verum varkár og gerum skynsamlegar áætlanir um hvernig skuli taka á vandanum. Sýnum samstöðu og yfirvegun.

46 sýni rannsökuð hér og öll neikvæð

Loga-lýðræði: aðeins að vori

Lýðræði, samkvæmt formanni Samfylkingar, virkar aðeins að vori. Kosningar, sem haldnar eru á öðrum árstíma, eru ólýðræðislegar.

Samfylkingin er þekkt fyrir spuna.

En að segja lýðræði bundið við eina árstíð er nokkuð langt gengið í tilbúningi. Jafnvel á mælikvarða Samfylkingar.

Lýðræðismál að kjósa að vori

Sólveig í sjokki: sósíalistar eru ómarktækir

Sólveig Anna formaður Eflingar-deildar Sósíalistaflokks Íslands er í sjokki.

Efling skrifaði upp á lífskjarasamning á almennum vinnumarkaði á síðasta ári. Í dag segist Sólveig Anna ekki taka mark á þeim samningum og vill meiri launahækkanir hjá félagsmönnum sem starfa hjá Reykjavíkurborg.

Og Sólveig er í sjokki að komast ekki upp með ósvífnina.

Undrandi og sjokkeruð eftir fundinn

Efling er stjórnmálaflokkur

Stjórnmálaflokkar kaupa sér skoðanakannanir til að fá byr í seglin. Þeim niðurstöðum sem ekki gefa ,,rétta" mynd eða sýna slæma stöðu er ýmist hagrætt eða stungið undir stól.

Efling kaupir sér könnun til að fegra ásyndina.

Enda Efling deild í Sósíalistaflokki Íslands.

Meirihluti styður verkfallsaðgerðir Eflingar

Veiran, Evrópa - hagvöxtur, líf og dauði

Hagvöxtur í Evrópu er sá minnsti í sjö ár áður en kórónaveiran kom til sögunnar. Áhrif veirunnar á hagvöxt verða öll neikvæð. Verslunum og verksmiðjum er lokað og ferðaþjónusta verður fyrir höggi.

Verði veiran að faraldri hætta menn áhyggjum af efnahagslegum samdrætti. Spurningin verður um líf og dauða.

Einangrun og landamæri fá nýja merkingu.

Ný smit í Evrópu öll rakin til Ítalíu