Skáldaðar staðreyndir, þöggunin um Líf í Klaustri

Þýski blaðamaðurinn Claas Relotius skáldaði tilsvör viðmælenda og bjó til staðreyndir sem féllu að viðteknum hugmyndin um sannindi. Hann fékk verðlaun. 

RÚV og Stundin skálduðu burt viðveru Lífar Magneudóttur borgarfulltrúa Vinstri grænna og Gunn­laug­s Braga Björns­sonar frá Viðreisn kvöldið sem hægriþingmenn voru hleraðir á Klaustri. Viðtekin sannindi eru að vinstrimenn viðhafi ekki dónatal og því þótti við hæfi að strika út viðveru Lífar og Gunnlaugs. Sennilega fá hvorki RÚV né Stundin verðlaun en Bára hljóðmaður gæti hreppt þau.

Nákvæm rannsókn fer fram á fréttum Claas Relotius í Spiegel og á öðrum fjölmiðlum sem birt hafa efni hans. Engin rannsókn verður gerð á skáldaðri fjarveru Lífar og Gunnlaugs á Klaustri.

Einkunnarorð Spiegel eru ,,segðu það sem er." Slagorð RÚV-Stundarinnar er ,,segðu það sem þjónar vinstripólitík." 

Rekinn fyrir að búa til fréttirnar

Trump-friður veldur evrópskri örvæntingu

Trump lítur á Sýrland sem einskinsverða eyðimörk, segir þýska útgáfan Die Welt, og sakar Bandaríkjaforseta um að eyðileggja vestræna samstöðu. Guardian dregur fram rauða dregilinn fyrir evrópska ráðamenn sem harma ákvörðun Trump er leiddi til afsagnar varnamálaráðherra Bandaríkjanna.

Allt þetta vegna þess að tvö þúsund bandaríkir hermenn eru kallaðir heim frá Sýrlandi? Nei, meira hangir á spýtunni.

Bandaríkin ásamt Nató ætluðu að fella Assad Sýrlandsforseta og leiða til valda ríkisstjórn vinveitta vesturlöndum. Til hliðar var látið líta svo út að vestrænu ríkin stæðu í baráttu við hryðjuverkasamtökin Ríki íslams. En aðalverkefnið var að koma Assad frá.

Innrásin í Írak 2003 til 2011 skyldi búa til hjálendu vestrænna ríkja eftir að Hussein forseta var steypt. Bandaríkjaher fór með skottið á milli fótanna frá borgarastyrjöldinni í Írak sem skóp Ríki íslams. Í Sýrlandi frá og með 2011 átti að nota arabíska málaliða, kallaða frelsisvini, til valdaráns.

Assad Sýrlandsforseti fékk frá haustinu 2015 stuðning frá Rússum að berja niður uppreisnina, sem fjármögnuð var af vesturveldunum. Valdaránið mistókst. Ein meginástæðan fyrir afskiptum Rússa var að Bandaríkin og Nató unnu markvisst að því að gera Úkraínu, í bakgarði Rússa, að vestrænni hjálendu. Rússar gátu illa beitt hernaðarmætti sínum í Úkraínu en auðveldlega í Sýrlandi. 

Trump fékk kosningu 2016 m.a. út á loforð um að binda endi á tilgangslaus hernaðarævintýri í miðausturlöndum.

Trump-friður í miðausturlöndum gerir ráð fyrir að heimshlutinn ráði sjálfur fram úr vandamálum sínum. Örvænting ESB-ríkja og Bretlands stafar af fyrirséðu tapi valda og áhrifa, sem þau nutu í skjóli bandarísks hernaðarmáttar.

Sigurvegarinn í Sýrlandi er Pútín Rússlandsforseti. Bæði í Úkraínu og miðausturlöndum er Pútín raunsær á meðan vesturveldin eru blinduð af draumsýn um að hægt sé að flytja út vestræna stjórnskipun og planta henni niður með árangri í framandi menningu. Það er einfaldlega ekki hægt.

   

Verkinu í Sýrlandi ólokið

Soros og samfélagsverkfræðin

George Soros kennir sig við opið samfélag þar sem aðrir sjá upplausn og óeirðir. Hugsjón Soros kemst á framkvæmdastig eftir fall kommúnismans og er grunninn öfug nýlendustefna.

Í stað þess að vestræn ríki legðu undir sig þriðja heiminn og skipuðu málum eftir sínu höfði skyldu þjóðflutningar frá þriðja heiminum til vestrænna ríkja skapa nýtt jafnvægi á milli fólksfækkunar iðnríkja og fátæktar þróunarlanda.

Á pappírunum gekk dæmið upp. En í útreikningum gleymdist að samfélag er meira en talnagildi. Æ fleiri á vesturlöndum sannfærðust að öfuga nýlendustefnan myndi ekki bæta vestræn samfélög heldur tortíma þeim.

Opnið samfélag Soros er hápunktur frjálslyndrar alþjóðahyggju sem varð til eftir seinna stríð og atti kappi við kommúníska alþjóðahyggju í kalda stríðinu. Eftir fall Sovétríkjanna, fyrir bráðum 30 árum, opnaðist hyldýpið og engin bönd héldu samfélagsverkfræðingum á Wall Street og Pentagon. 

Þjóðflutningar inn í vestræn ríki og nýskipan ríkja í miðausturlöndum með hervaldi er samfélagstilraun sem misheppnaðist.

Opið samfélag undir verndarvæng alþjóðastofnana er draumur sem í framkvæmd verður að matröð.

Soros valinn maður ársins hjá FT

Rauða verkó og Sovét-Ísland

Sósíalistar í verkalýðshreyfingunni sameinast í kjaraviðræðum með samstarfi VR og Eflingar. Sósíalistar trúir eðli sínu efna til uppþota, óeirða og stjórnleysis til að búa í haginn fyrir valdatöku.

Verkefni þeirra sem ekki telja Sovét-Ísland framtíðarlandið er að einangra sósíalistana og sjá til þess að þeir komist ekki spönn frá rassi með byltingaráformin.

Forysta VR og Eflingar styrkist með samstarfinu en þeir sem þiggja laun samkvæmt töxtum félaganna standa verr að vígi. Enda lítur forystan á það sem aukaatriði: byltingin fyrst, almannahagur kemur síðastur.

VR og Efling í samstarf

Ókeypis peningar, sósíalismi og sjúkt samfélag

Öflugustu seðlabankar heims, í Bandaríkjunum og Evrópu, lánuðu peninga án vaxta eftir hrunið 2008. Tilgangurinn var að koma í veg fyrir að hrun fjármálamarkaði ylli kreppu í raunhagkerfinu með atvinnuleysi og þjóðfélagsófriði.

Í meginatriðum tókst að koma í veg fyrir samdrátt raunhagkerfisins, einkum í Bandaríkjunum. En þrjár afleiðingar, að nokkru ófyrirséðar, urðu af núllvöxtum.

Í fyrsta lagi óx bilið á milli ríkra og fátækra. Þeir ríku höfðu nánast óheftan aðgang að peningum á núllvöxtum og græddu á tá og fingri. Þeir fátæku sluppu við atvinnuleysi en fengu ekki kauphækkun og kepptu við innflytjendur um láglaunastörf.

Í öðru lagi urðu fyrirtæki háð lánsfé án vaxta.

Í þriðja lagi verður sósíalismi vinsæl pólitík, bæði sem andsvar við auknu efnahagslegu misrétti en einnig sökum þess að i áratug eru ókeypis peningar á sveimi og hvers vegna ekki að leyfa öllum að njóta - fá launin en skila engri vinnu.

Sósíalískir sprotar skutu rótum víða. Jafnvel á Íslandi þar engir ókeypis vextir buðust og launajafnrétti er hvergi meira. Sósíalistaflokkur var stofnaður og sjúkrasjóðir verkalýðsfélaga tæmast:fáum launin án vinnu.

Nú þegar vextir hækka eru mörg fyrirtæki ósjálfbær og sósíalísk sísvengd hrjáir launþega. Við þurfum kreppu til að gera samfélagið heilbrigðara.

Versta ár frá fjármálakreppunni

Verkó klofnar, félagsmenn flýja rótttæka yfirstétt

Dýr yfirstétt verkalýðsfélaga nær ekki samstöðu um hvernig eigi að bera sig að við kjarasamninga. Efling hættir samfloti með Starfsgreinasambandinu og hallar sér að VR.

Yfirstéttin í verkalýðshreyfingunni er orðin svo dýr í rekstri að sjúkrasjóðir eru notaðir til að borga reksturinn. Þetta er þjófnaður, segir Guðmundur Þ. Ragnarsson fyrrverandi formaður Félags vélstjóra og málmtæknimanna.

Launþegar flýja verkalýðsfélögin og leita í félög sem ekki eru með dýra yfirbyggingu.

Róttæka yfirstéttin í verkalýðshreyfingunni freistar þess að skapa ólgu í samfélaginu, hótar að flytja inn franska mótmælahreyfingu kennda við gul vesti.

Yfirstéttin í verkó þjónar ekki almannahagsmunum heldur sínum eigin.

Líklega samferða VR

Trump friðarforseti; afturkallar Sýrlandshernað

Obama fráfarandi forseti Bandaríkjanna ásamt Clinton utanríkisráðherra stóð fyrir illa ígrunduðum afskiptum af málefnum Líbíu og Sýrlands.

Trump afturkallar bandarískan her í Sýrlandi en upphaflegur tilgangur að að bola Assad forseta þar frá völdum.

Trump gaf loforð í kosningabaráttunni 2016 að binda endi á hernaðarævintýri sem bandalag frjálslyndra og kaldastríðshauka í Washington stóð fyrir.

 

Bandaríkjaher yfirgefur Sýrland

Ragnar Þór: verkó má hóta, aðrir ekki

Ragn­ar Þór Ing­ólfs­son formaður VR hótar fyrir fimm dögum að efna til mótmæla gegn stjórnvöldum og pantar gul vesti. Sami Ragnar Þór stundar sjónvarpsáróður gegn atvinnurekendum með Georg Bjarnferðarsonar.

Þetta er samkvæmt róttæku verkalýðshreyfingunni allt saman gott mál.

En þegar fjármálaráðherra segir að varkárni skuli viðhöfð í skattalækkunum segir formaður VR það ,,stríðsyfirlýsingu".

Nokkuð brattur í ósvífninni, hann Ragnar Þór. 

„Stríðsyfirlýsing“ hjá Bjarna

BBC klæðir Pútín í gult vesti

BBC er virt fréttaveita. Frásagnir um að blaðamenn BBC séu sannfærðir um að rússnesk yfirvöld standi að baki mótmælum gulsvestunga í Frakklandi gefa til kynna að ekki þurfi samfélagsmiðla til að magna upp gróusögur.

Guardian, sem einnig er talin virðuleg stofnun á sviði frétta, spyr í fyrirsögn hvort Kreml standi að baki óöldinni í Frakklandi.

Blaðamenn geta ekki kennt ,,samviskulausum stjórnmálamönnum" um að magna upp hatur þegar þeir sjálfir eru ekki vandari að virðingu sinni en svo að þeir framleiða samsæriskenningar.

Hatur magnað upp af samviskulausum stjórnmálamönnum

Múslímar: þriðja kynslóðin aðlagast illa

Þriðja kynslóð innflytjenda í Danmörku, sem ekki eru frá vesturlöndum, stendur sig verr en Meðal-Daninn í grunnskóla. Frammistaða í skóla, segir í grein í Jótlandspóstinum, er sterk vísbending um hvernig fólki farnast í lífinu.

Yfir 5 prósent Dana eru múslímar, liðlega 300 þúsund.

Múslímar aðlagast illa vestrænum siðum og háttum, jafnvel þótt þeir búi mann fram af manni á vesturlöndum.