Klopp stútar Móra

Dortmund undir Klopp sigraði Madrídinga undir handleiðslu Móra 4-1 og sá síðarnefndi missti starfið. Klopp tekur við Liverpool, sigrar Chelsea og Móri verður atvinnulaus. Og nú gerist það aftur að Móri tapar fyrir Klopp og starfið í beinu framhaldi.

Móri sagðist sérstakur en Klopp sá hversdagslegi.

Lifi hversdagsleikinn.

 

Enginn mun sakna Mourinho (myndskeið)

Gulu vestin bjarga ekki verkó, Georg ekki heldur

Verkalýðshreyfingin gerði sér vonir um að innflutt frönsk mótmælabylgja, kennd við gul vesti, gæti sett meira fjör í kjarabaráttuna sem hefst fyrir alvöru um áramótin. En, nei, ekki örlar á áhuga almennings að brenna bíla í miðborg Reykjavíkur.

Annað útspil verkó er skáldaður verslunareigandi, Georg Gnarr Bjarnfreðarson, sem í sjónvarpsauðlýsingum misþyrmir starfsmönnum sínum í Georgsbúð. Georg Gnarr særði fram viðbrögð frá atvinnurekendum en hefur í mesta lagi skemmtanagildi fyrir almenning.

Þegar hvorki gul vesti né skáldskapur bjarga verkó er aðeins eitt úrræði eftir. Skynsamlegir kjarasamningar. 

Gul vesti rjúka ekki út

Einfalda spurningin um þriðja orkupakkann

Ísland fær sjálfkrafa undanþágu frá reglum EES-samningsins sem ekki eiga við hér á landi, t.d. um skipaskurði og járnbrautalestir. Þriðji orkupakki ESB miðar að samhæfingu raforkumarkaðar Evrópu. Ísland er ekki hluti af evrópskum raforkumarkaði.

Einfalda spurningin um þriðja orkupakkann er þessi: hverjir standa gegn því að Ísland fái undanþágu?

Aðeins þrír aðilar koma til greina:

a. Evrópusambandið. Ef það er raunin staðfestir það grun um að ESB renni hýru auga til íslenskra fallvatna og sæstrengs.

b. Norsk stjórnvöld. Andstaða er við nánari tengingu Noregs við raforkukerfi ESB og norsk stjórnvöld eru í vörn. Norskur ráðherra var sendur í vinnuheimsókn til Íslands að tala um fyrir íslenskum yfirvöldum.

c. Íslenski orkugeirinn og mögulega fjárfestar. Milljarðaviðskipi komast á koppinn ef sæstrengur verður lagður til Evrópu. Íslensk náttúra og almenningur munu bera kostnaðinn.

Talsmenn þriðja orkupakkans hér á landi vilja ekki svara spurningunni hverjir það eru sem standa í vegi fyrir undanþágu Íslands. Hverju barni er augljóst að hér er maðkur í mysunni.

Alþingi ætti ekki undir nokkrum kringumstæðum að falla frá fyrirvörum Íslands gagnvart þriðja orkupakkanum. Við erum ekki hluti af raforkukerfi Evrópu. Vitanlega eigum við ekki að taka þátt í raforkustefnu ESB - hún er einfaldlega ekki okkar mál.

Alþingi setur áfram lögin

Bára og fatlaða barnið

Bára Halldórsdóttir er boðuð í skýrslutöku fyrir héraðsdómi vegna þess að hún hljóðritaði einkasamtöl þingmanna sem voru tímabundið fatlaðir vegna áfengis og höfðu í frammi ósiðlegt orðfæri. Báru finnst gott að finna samhuginn með lögbrotinu.

Víkur þá sögunni að snjómokstursmanni sem segir sínar farir ekki sléttar í samskiptum við hversdagsfólk sem sumt hvað keppist nú við að sýna samhug með Báru. Rúnar Ingi Árdal segir: ,,Snjómokstur er vanþakklátasta starf sem ég hef unnið, þarna kynnist maður því hvað fólk getur látið út úr sér við aðra einstaklinga, orð sem ég vona að litla stelpan mín eigi aldrei eftir að læra."

Mergjaðasti hluti frásagnar Rúnars Inga er eftirfarandi:

Einn var svo ósvífinn að segja vinnufélaga mínum að það þyrfti að hreinsa vel hjá sínu húsi, hann ætti fatlað barn. Þetta gerðum við samviskusamlega í mörg ár, í hvert skipti sem gatan var mokuð en komumst svo að því að þessi maður átti ekki og hafði aldrei átt fatlað barn.

Tilbúna fatlaða barnið var samkvæmt frásögn Rúnars Inga aðferð til að vekja samúð og fá ókeypis þjónustu.

Vinstrimennirnir sem lyfta ólöglegum hlerunum Báru á stall vilja líka ókeypis þjónustu - sem er að rægja pólitíska andstæðinga sína.

Bára ánægð með samhuginn

Vísindi, réttlæti og loftslag

Loftslag breytist óháð athöfnum mannsins. Þetta er vísindaleg staðreynd. Við vitum um miðaldahlýskeiðið frá um 900 til 1300 og viðurkennt er að tímabilið sem kom eftir, litla ísöld, stóð yfir frá um 1300 til 1850. Á hvorugu tímabilinu skipti nokkru máli hvað menn gerðu, veðurfar breyttist vegna náttúrulegra ferla.

Síðustu áratugi hafa sumir vísindamenn í bandalagi við alþjóðastofnanir og aðgerðasinna reynt að telja okkur trú um að athafnir mannsins valdi hlýnun jarðar síðustu hundrað árin eða svo.

Aðrir vísindamenn á sviði loftslagsmála, t.d. Richard Lindzen, Judith Curry og Roy Spencer eru þeirrar skoðunar að vísindalegar sannanir skortir fyrir staðhæfingum um hlýnun af mannavöldum.

Á loftslagsráðstefnu Sameinuðu þjóðanna í Katowice í Póllandi sem lauk í gær voru sjónarmið þeirra sannfærðu ráðandi. Íslendingur, sem starfað hefur í þjónustu þeirra sem trúa á hlýnun af mannavöldum, boðar nýja umræðu um réttlæti í loftslagsmálum.  

Nú liggur í augum uppi að raunvísindi hafa nákvæmlega ekkert með réttlæti að gera. Raunvísindi fjalla um staðreyndir. Pólitík er aftur útblásin af hugmyndum um réttlæti og sýnist þar sitt hverjum, eins og gengur.

Einn af snjallari álitsgjöfum um samtímamálefni, Jordan Peterson, fékk nýlega þá spurningu hvort mannkynið gæti ekki sameinast í trú á manngerða loftslagsvá. Á sex mínútum sallaði Peterson niður loftslagsævintýrið um nýju fötin keisarans.

Það er ekki spurning hvort heldur hvenær almenningur sér í gegnum bábiljufræðin um að maðurinn stjórni loftslaginu. Þegar hákirkjan fellur tekur hún með sér trúverðugleika raunvísinda. Það er heldur leitt. Raunvísindi eru gagnleg - en pólitísk raunvísindi baneitruð.

„Þarna er mikilvægum áfanga náð“

Múslímskt þakklæti: drepum þá sem taka við okkur

Múslímsk hryðjuverk á vesturlöndum fylgja uppskrift. Íslömsku hryðjuverkamennirnir eru vanalega smáglæpamenn af fyrstu til þriðju kynslóð flóttamanna sem fá hæli í vestrænu ríki.

Þakklætið sýna múslímarnir með hryðjuverkum á þeim sem veita hælið.

Vinstrimenn kalla þetta fjölmenningu.

Ísland bar á góma í umdeildri færslu

Siðanefnd Samfylkingar er ósiðleg

Fáheyrt þætti að siðanefnd Blaðamannafélags Íslands tæki mál fyrir, afgreiddi fyrir luktum dyrum og birti ekki niðurstöðuna. En þetta gerir Samfylkingin.

Ef Samfylkingin væri spilaklúbbur væri hægt að réttlæta að brot á siðareglum sé innanfélagsmál. En Samfylkingin er stjórnmálaflokkur og sem slíkur á opinberu framfæri. Þeir sem starfa í flokknum freista þess að fá opinber völd til að móta samfélagið. Þess vegna getur það ekki verið innanflokksmál þegar flokksmenn brjóta af sér.

Trúnaðarnefnd Samfylkingar hlýtur að leggja spilin á borðið og upplýsa um þau fjögur mál sem nefndin hefur fjallað um og hvaða úrskurðir féllu.

Samfylkingin hefur tekið fyrir fimm mál

Samúð og skammir á samfélagsmiðlum

Maðurinn sýnir sínum nánustu skilning og væntumþykju. Það er eðli mannsins að um leið og þeim nánustu sleppir er styttra í andúðina. Samfélagsmiðlar breyta ekki eðli mannsins.

Þegar einhver opnar sig, eins og það er kallað, um veikleika sína í fjölmiðlum eða á samfélagsmiðlum, er viðkomandi kominn á annan vettvang en sinna nánustu. Ef um er að ræða samkeppni, t.d. í íþróttum eða stjórnmálum, verður veikleikinn notaður gegn þeim sem játar sig standa höllum fæti. 

Þetta er einfaldlega hluti af mannlífinu. Hæfileiki mannsins til að setja sig í spor annarra og finna til með ókunnugum er takmarkaður. Gagnvart utanaðkomandi er maðurinn oft í samkeppni um félagslega stöðu, völd og auð. Þar er spurt um styrk og veikleika.

Sú hugsun, sem örlar á í viðtengdri frétt, að ný boðskiptatækni, t.d. samfélagsmiðlar, breyti eðli mannsins er ávísun á vonbrigði. Maðurinn, með kostum sínum og göllum, tekur ekki eðlisbreytingu með nýrri tækni.

Á hinn bóginn geta tækniframfarir magnað upp sum einkenni mannlegrar náttúru. Til dæmis þau að baktala náungann, leyfa ókunnugum ekki að njóta sannmælis. 

 

Hengdu þig almennilega næst!

Grænland tapast, Sahara-eyðimörkin verður græn

Ef Grænlandsjökull bráðnar hverfur vatnið ekki út í himingeiminn heldur verður það hluti af náttúrulegu samspili hafs, lofts, meginlanda og sólarljóss sem gerir jörðina byggilega.

Vísindamenn glíma enn við að skilja þetta samspil. Aðgerðasinnar í þeirra röðum halda að maðurinn stjórni náttúrulegum ferlum, sem er fáviska klædd í búning vísinda.

Ef Grænlandsjökull tapast er eins víst að Sahara-eyðimörkin verði græn. Engin ástæða til að kvarta yfir því. 

„Munum missa Grænland“

Samfylkingin og fyrirgefningin

Væntumþykja og fyrirgefning eru mannkostir. Ef meðbróður - eða systur - verður á í messunni er kristið og mannlegt að fyrirgefa yfirsjónina.

Væntumþykja sem stjórnast af flokkspólitík er aftur til marks um tvöfalt siðgæði, sem hvorki er kristið né mannkostur.

Klausturmenningunum átta, mínus Líf og Gunnlaugi, urðu á mistök. Ágúst Ólafur fokkaði svolítið upp sínum málum. Við skulum fyrirgefa þeim öllum.

Eftir því sem þeim krötum fjölgar er þurfa á náð fyrirgefningarinnar að halda verður líklegra að Samfylkingin láti af flokkspólitískri hræsni og tileinki sér mannkosti er lítt voru í hávegum þar á bæ til skamms tíma.

Líkaði við færslu Ágústs Ólafs með hvatvísu hjarta