Falsfréttir, trú og Trump

Spár um hlýnun lofthita á þessari öld gengu ekki eftir. Þeir vísindamenn sem jafnframt eru lofthitasinnar fóru í það að finna aukinn hita í hafinu fyrst hann fannst ekki í loftinu. Ein háborg vísindanna, tímaritið Nature, birti nýlega grein um hitastig hafsins hækkaði meira en áður var talið. 

Greinin í Nature var sprengiefni í umræðuna um lofthita. Sterk rök voru færð fyrir því að ,,týndi" lofthitinn væri í sjónum. En greinin er falsfrétt, byggð á röngum útreikningum.

Vísindi verða til í tímaritum eins og Nature. Þar ræður sú hugmyndafræði að víst sé heimurinn að hlýna og vísindagreinum sem staðfesta hugmyndafræðina er tekið fagnandi, jafnvel þótt þær séu falsfréttir. Þeir vísindamenn sem eru gagnrýnir fá ekki birtingu. T.d. Roy Spencer.

Annar gagnrýninn loftslagsvísindamaður, Judith Curry, ber saman falsfréttina í Nature við fyrri afhjúpanir á vinnubrögðum lofthitasinna. Örvænting er lykilorðið. 

Örvænting er trúarhugtak og hefur ekkert með vísindi að gera og allra síst loftslagsvísindi. Nema, auðvitað, að fleira en vísindi hangi á spýtunni.

Og það er einmitt málið. Hugmyndafræðin um hlýnun jarðar er mest pólitík en minnst vísindi. Úr þessu tvennu, pólitík og vafasömum vísindum, er orðin til máttug trú um að heimurinn sé á leið til helvítis ef yfirþjóðlegt vald fær ekki umboð til að koma í veg fyrir helförina.

Trump sprengdi gat á trúarvísindin, tók Bandaríkin úr sambandi við hákirkjuna, Parsíar-samkomulaginu.

Helsti pólitíski talsmaður lofthitasinna, Hillary Clinton, mótframbjóðandi Trump 2016, hvetur fjölmiðla til að finna betri aðferðir að klekkja á Trump. Til dæmis með því að leggja trúnað á falsfréttir um hlýnun jarðar.  

Vara við áhrifum á Bandaríkin

Guðni græni - ein spurning

Guðni Th. forseti er formlega kominn í flokk lofthitasinna. Af því tilefni er ein spurning til forseta lýðveldisins.

Hvert er kjörhitastig jarðarinnar?

Guðni má gjarnan ráðfæra sig við nýfengna vísindavini sína áður en hann svarar.

Þjóðir heims standi saman

Hillary og endalok öfgafrjálslyndis

Vestræn ríki, Bandaríkin og ESB, stóðu fyrir öfgafrjálslyndi undir fölsku yfirskini lýðræðis og mannúðar. Þrír meginþættir einkenna öfgafrjálslyndið.

Í fyrsta lagi útflutningur vestrænnar stjórnskipunar til landa eins og Íraks, Sýrlands, Líbýu og Afganistan. Vopn voru einu rökin í þessum útflutningi sem eyðilagði viðkomandi ríki.

Í öðru lagi stórfelldur innflutningur á fólki frá ófriðarsvæðum öfgafrjálslyndis. Innflutningurinn stórskaðaði samfélög á vesturlöndum; hryðjuverk, gettósamfélög og götuóeirðir.

Í þriðja lagi afiðnvæðing vesturlanda þar sem framleiðslustörf voru flutt til Kína, Mexíkó, Víetnam, Indónesíu og fleiri landa.

Öfgafrjálslyndið skilur eftir sig sviðna jörð í öllum heimsálfum nema Suðurskautinu. Og núna segir einn helsti spámaður öfganna, Hillary Clinton, að nóg sé komið. Vonum seinna.

ESB: Bretland út, Ísland inn

Bretland er á leið út úr Evrópusambandinu með hávaða og látum; yfirvofandi stjórnarkreppu í London og hótunum frá Brussel, París, Madrid og Berlín. Ísland er á sama tíma að færast nær Evrópusambandinu með yfirvofandi innleiðingu þriðja orkupakkans.

Þriðji orkupakkinn færir Evrópusambandinu íhlutunarrétt yfir raforku Íslands. Jafnvel embættismenn í iðnaðarráðuneytinu viðurkenna að sæstrengur er flytti raforku frá Íslandi yrði á forræði Evrópusambandsins.

Evrópusambandið lætur ekki auðveldlega af hendi völdin, það sést á Brexit. 

Tíminn til að stöðva frekari íhlutun Evrópusambandsins í íslensk málefni er núna. Það er best gert með því að hafna innleiðingu þriðja orkupakkans í íslenska löggjöf.

Ver útlínur fríverslunarsamnings

Clinton: vinstriflokkar hætti viðtöku flóttamanna

Vinstriflokkar og frjálslyndir í Evrópu taki upp harðari flóttamannastefnu til að kjósendur snúi ekki við þeim baki, segir Hillary Clinton í stórviðtali við Guardian, málgagns engilsaxneskra vinstrimanna.

Óheft viðtaka flóttamanna leiddi til Trump og Brexit, eru skilaboðin. Á milli línanna stendur þetta: fjölmenningin brást.

Bragð er að þá barnið finnur.

Neyðarástand vegna Brexit

Pólitísk óreiða er í Bretlandi vegna úrsagnar landsins úr Evrópusambandinu. Handan Ermasunds deila ESB-þjóðir hvort Bretar sleppi of auðveldlega frá ESB.

Ef Evrópusambandið væri eðlilegur félagsskapur fullvalda ríkja myndi Brexit vera formsatriði.

En ESB lítur á sig sem stórveldi og vill refsa þeim sem yfirgefa sambandið. Það er eðli stórvelda að þenjast út. Við samdrátt skapast neyðarástand. Samanber Brexit.

Drög að pólitískri yfirlýsingu samþykkt

Valgerður bað Frosta afsökunar, ESB-isma hafnað

Valgerður Sverrisdóttir fyrrverandi iðnaðarráðherra bað Frosta Sigurjónsson afsökunar í lok opins fundar Framsóknarflokksins í gær um þriðja orkupakkann. Valgerður, ein af fáum ESB-sinnum í Framasókn, hafði fyrr á fundinum vefengt þau orð Frosta að flokkurinn væri alfarið á móti innleiðingu orkupakkans.

Fundurinn var fjölmennur og hann sátu bæði formaður Framsóknarflokksins, Sigurður Ingi, og varaformaður, Lilja Dögg. Frosti lagði út af ályktun miðstjórnar flokksins þar sem segir ,,Því skal fá undanþágu frá innleiðingu þriðja orkupakkans." Valgerður taldi Frosta oftúlka andstöðu flokksins og gagnrýndi hann en sá að sér í lok fundar og baðst afsökunar.

Auk Frosta voru Elías B. Elíasson verkfræðingur og Guðni A. Jóhannesson orkumálastjóri frummælendur. Í upphafi máls síns kvaðst Guðni ánægður með að vera á fundi framsóknarmanna sem væru þekktir fyrir að aðhyllast enga ,,isma". Valgerður reyndist undantekning, hún talaði fyrir ,,ESB-isma".

Utan Valgerðar mælti enginn fundarmanna með innleiðingu þriðja orkupakkans. Fyrirspurnir og umræður á fundinum hnigu allar í eina átt: Ísland innleiði ekki orkustefnu ESB.

 

Mögulega óheimilt að banna sæstreng

Sjálfstæðisflokkur auðmanna eða almennings?

Þriðji orkupakkinn tengir Ísland við innviði Evrópusambandsins í raforkumálum. Yfirlýst markmið ESB er að nýta íslenska raforku. Talsmenn 3 orkupakkans, t.d. aðstoðarforstjóri Landsvirkjunar, viðurkenna að tilgangurinn er að auðvelda aðgang ESB að raforku á Íslandi: 

Orkustefnan var jafnframt tengd 20-20-20 markmiðunum, þ.e. að árið 2020 skyldu endurnýjanlegir orkugjafar sjá ríkjunum fyrir a.m.k. 20% orkuþarfarinnar, orkunýtni skyldi aukin um 20% og losun gróðurhúsalofttegunda minnkuð um 20%.

Jón Baldvin Hannibalsson fyrrverandi utanríkisráðherra veit sitthvað um íslensk stjórnmál og ESB. Hann segir:

Ég veit, að innan Sjálfstæðisflokksins eru sterk öfl, sem eygja mikil gróðatækifæri í þessari einkavæðingu — eins og venjulega með því að öðlast skylduáskrift að tekjum almennings. Enn sem komið er, eru þeir í felum. Þetta er þeirra aðal gróðavon: síminn, fjarskiptin, orkan, vatnið, fiskurinn og þannig mætti áfram telja. Takist þeim þetta, verður Ísland endanlega orðið að bananalýðveldi í Suður-amerískum stíl — verstöð í eigu nokkurra auðklíkna og undir þeirra stjórn. Það er of mikil  áhætta að rétta þeim litla fingurinn, með því að innleiða pakkann nú og sjá svo til með sæstrenginn seinna.

Ráðherrar Sjálfstæðisflokksins eru helstu talsmenn innleiðingu 3 orkupakkans. Þar með ganga þeir erinda auðmanna á kostnað almennings.

Auðmenn eru fá atkvæði. 

Hagnaður Landsvirkjunar 9,9 milljarðar

Einar, þú gerðir annað og verra en styðja eiginkonuna

Einar Bárðarson almannatengill beitti fjölmiðlum fyrir sér í deilum við OR vegna uppsagnar eiginkonunnar. Hann réðst að mannorði yfirmanns eiginkonunnar og svo gott sem rak hann úr starfi. 

Fjölmiðlar spiluðu með og létu almannatengilinn leika lausum hala sem tengdi uppsögnina við metoo-umræðuna um kynferðislega áreitni. Afleiðingin varð fár á samfélagsmiðlum sem engin innistæða var fyrir.

Fárið sem Einar hratt af stað er á hans ábyrgð og fjölmiðla. En hvorki Einar né fjölmiðlar axla ábyrgð. Einar felur sig á bakvið eiginkonuna og fjölmiðlar standa í skjóli Einars.

Og nú á að kalla þetta geðshræringu. Nei, þetta var ósvífin atlaga að orðspori fyrirtækis og mannorði einstaklings. Einar og fjölmiðlar sitja uppi með skömmina.

Yrði dæmdur fyrir að standa með konunni

Nei, Lilja, menntun er ekki bara atvinna

Menntun ungmenna er innleiðing þeirra í heim fullorðinna. Sá heimur er ekki eingöngu atvinna, heldur sjálfbjarga einstaklinga sem takast á við aðskiljanleg viðfangsefni s.s. sambúð, uppeldi, stjórnmál, félagslíf, merkingu lífsins, fjármál, sköpun og fleira.

Menntun er ekki atvinnumál, eins og Lilja Dögg Alfreðsdóttir menntamálaráðherra vill vera láta.

Menntun er að einstaklingurinn öðlist færni til að standa sig í margbrotnu samfélagi. Atvinna er einn hluti en alls ekki sá mikilvægasti.