Miðvikudagur, 31. október 2018
Drífa: ASÍ gegn menntuðum konum
Menntaðar konur, t.d. ljósmæður, eiga ekki að fá laun umfram þá sem eru ómenntaðir. Þetta eru skilaboð Drífu Snædal forseta ASÍ.
Á síðustu áratugum ná konur fyrst og fremst með menntun að jafna launamun kynjanna. Það eru ekki gæfuleg skilaboð til ungra kvenna frá forseta ASÍ að menntun sé lítils virði og skuli ekki meta til launa.
Sósíalismi nýju forystu verkó verður sífellt undarlegri.
Nær ekki utan um slagorðið menntun til launa | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (1)
Miðvikudagur, 31. október 2018
Bretar vilja ekki EES - vasaútgáfu af ESB
EES-samningurinn er barn síns tíma, ætlaður þjóðum á leið inn í Evrópusambandið. Þeir þjóðir sem nú eiga aðild að EES eru Ísland, Noregur og Liechtenstein.
Bretar vilja ekki aðild að þessum samningi enda aðeins um að ræða vasaútgáfu af Evrópusambandinu.
Í gegnum EES ásælist Evrópusambandið yfirstjórn á íslenskri raforku. Það eitt og sér er næg ástæða til að Ísland segi sig frá þessum úrelta samningi.
Tímabundin EES-aðild ekki í boði | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (2)
Miðvikudagur, 31. október 2018
Ríkisrekinn einkarekstur
Svokallaður einkarekstur í heilbrigðisþjónustu er nær allur greiddur af ríkinu. Enginn sérfræðilæknir stendur undir sjálfum sér án þess að ríkið borgi með sjúklingum.
Talsmaður sérfræðilækna segir:
Mér sýnist það vera stefnan að reyna af öllum mætti að leggja niður þjónustu sjálfstætt starfandi sama hversu góð, ódýr eða skilvirk hún er...
Þessi orð eru blekking. Sérfræðilæknar hafa ekki áhuga að standa á eigin fótum og afla sér tekna með sjálfstæðum rekstri án aðkomu ríkisins. Þeir vilja ríkistryggðan einkarekstur. Sem er álíka og að tala um hringlaga þríhyrning.
Fórnað á altari opinbers reksturs | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (4)
Þriðjudagur, 30. október 2018
Ríkið veitir möguleika til auðlegðar en líka fátæktar
Ríkið á að veita grunnþjónustu, sveitarfélög félagsþjónustu. Hið opinbera á ekki að útvega okkur vinnu, húsnæði eða maka. Sjálfráða einstaklingar eiga val um menntun, búsetu, starf, makaval og þar fram eftir götunum.
Ef fólk verður fyrir ófyrirséðum skakkaföllum viljum við að það geti leitað til velferðarþjónustu og fengið aðstoð.
Vísasti vegurinn til að glötunar er að láta ríki og sveitarfélög ákveða hvernig við högum lífi okkar, umfram það sem nauðsynlegt er til að samlífið sé sæmilega öruggt og friðsælt.
Sósíalistar af ýmsum sortum gera kröfu um að ríkið stýri lífi okkar. Það er ekki góð hugmynd. Við eigum að standa og falla með okkar eigin ákvörðunum.
Ekki töff að nýta sér neyð fólks | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (3)
Þriðjudagur, 30. október 2018
Evrópa: Múhameð frekar en Gestur og Ragnar
Lögmennirnir Gestur Jónsson og Ragnar Hall reyndu að tefja réttarhöldin í Al Thani-málinu þar sem sakborningar voru íslenskir auðmenn.
Mannréttindadómstóll Evrópu grætur þurrum tárum yfir sekt Gests og Ragnars.
Dómstóllinn er næmari á helgi Múhameðs spámanns en íslenskra lagatækna.
Í næstu atlögu að réttarkerfinu ættu þeir Gestur og Ragnar að reyna trúarrök. Það yrði hvorki langsóttara né ósvífnara en tilraunin sem félagarnir stóðu fyrir í auðmannavörninni.
Ríkið braut ekki á lögmönnunum | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Þriðjudagur, 30. október 2018
Sósíalísk verðbólga
Verðbólga er á uppleið og hagkerfið snöggkólnar með samdrætti í einkaneyslu og fjárfestingum. Meginástæðan fyrir kreppueinkennum er yfirvofandi sósíalísk árás á hagkerfið.
Undir forystu sósíalista ætlar verkalýðshreyfingin að stilla atvinnulífinu upp við vegg og krefjast kauphækkana sem engin innistæða er fyrir. Annars verður skellt í lás með verkföllum.
Launþegar finna þegar fyrir versandi kaupmætti. Sæluríki sósíalista lætur ekki að sér hæða. Það er nóg að finna reykinn af réttunum til að hagkerfið fari í baklás.
Kjaramálin ráðandi í verðbólguþróun | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (2)
Mánudagur, 29. október 2018
Skilgreiningu á lofthita breytt í þágu hjávísinda
Stofnun Sameinuðu þjóðanna, IPCC, er miðstöð þeirra hjávísinda sem gefa sér að maðurinn valdi loftslagsbreytingum, t.d. með brennslu jarðefnaeldsneytis.
IPCC breytti nýverið skilgreiningu sinni á lofthita. Nýja skilgreiningin tekur mið af því hvernig lofthitinn verður næstu 15 árin, já, segi og skrifa framtíðarhiti, í samanburði við nýliðin 15 ár.
Vitanlega veit enginn hvert hitastigið á jörðinni verður í framtíðinni. IPCC stendur heldur ekki fyrir vísindarannsóknir heldur er þetta áróðursmiðstöð fyrir gefna niðurstöðu.
Hjávísindi eru skilgreind á Vísindavefnum.
Dægurmál | Slóð | Facebook | Athugasemdir (0)
Mánudagur, 29. október 2018
Breki stofnar stjórnmálaflokk
Nýr formaður Neytendasamtakanna, Breki Karlsson, tilkynnir á fyrsta degi í starfi að stjórnmálaflokkur hafi orðið til með kjöri hans í embætti.
Nýi flokkurinn er til höfuðs krónunni. Óvíst er hvort Neytendaflokkurinn halli sér að dollar, evru eða myntkörfu.
Neytendaflokkurinn er í ágætis færum að fá mann á alþingi. Þar eru ekki nema sjö flokkar og auðvitað þurfum við fleiri.
Krónan minnir á skopparakringlu | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (2)
Mánudagur, 29. október 2018
Blaðamenn fá falleinkunn
Stjórnmálamenn eru í návígi við blaðamenn, oft heimildir frétta og þekkja til baksviðs þeirra málefna sem verða að fréttum.
Stjórnmálamenn gefa blaðamönnum og fjölmiðlum falleinkunn, samkvæmt rannsókn Birgis Guðmundssonar, dósents við félagsvísindadeild Háskólans á Akureyri.
Niðurstaðan kemur ekki á óvart. Blaðamenn eru iðulega ekki hótinu betri en þeir sem slengja fram illa ígrunduðum og órannsökuðum fullyrðingum á samfélagsmiðlum.
Dægurmál | Slóð | Facebook | Athugasemdir (1)
Mánudagur, 29. október 2018
ASÍ er auðvaldið
Lífeyrissjóðir ráða ferðinni í stærstu fyrirtækjum landsins. Verkalýðshreyfingin stýrir lífeyrissjóðum til jafns við atvinnurekendur. Stjórnir fyrirtækja ákveða laun æðstu stjórnenda. Eftirfarandi tillaga var samþykkti á nýafstöðnu ASÍ-þingi:
að hafna ofurbónusum og óhóflegum arðgreiðslum til fyrirtækjaeigenda og að fulltrúar launþega í lífeyrissjóðunum ynnu í samræmi við stefnu verkalýðshreyfingarinnar. Samtökin vilja að stjórnarmenn lífeyrissjóða beiti sér fyrir því að starfsfólk fyrirtækja njóti arðsemi ekki síður en hluthafarnir.
Auðvaldið er sem sagt ASÍ og það er örlátt á bónusa og arð en lætur naumhyggju ráða í launum almennra starfsmanna.
Ný forysta ASÍ auðvaldsins hlýtur að taka til hendinni í stjórn stærstu fyrirtækja landsins og gefa þar með tóninn fyrir annan atvinnurekstur. Þegar kemur að kjarasamningum eru ASÍ félögin að stórum hluta að semja fyrirtæki í eigu launþega. Það ætti ekki að vera flókið.
Telur jafnvægi í forystu ASÍ | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)