Brexit: Spánn hótar að kljúfa Bretland

Spánn er tilbúinn að hleypa Skotlandi inn í Evrópusambandið ef Bretar fallast ekki á að mæta kröfum Spánverja að gefa eftir í deilunni um Gíbraltar.

Útspil Spánverja er bein hótun um að stuðla að klofningi Bretlands. Skotar vilja sjálfstæði frá Englandi en þora ekki að standa einir og utan Evrópusambandsins. Áður hafa Spánverjar neitað Skotum um beina aðild að ESB enda myndi það skapa fordæmi við sjálfstæði Katalóníu innan spænska ríkjasambandsins.

Brexit vekur upp aldagamlar milliríkjadeilur í Evrópu.

Og hér heima eru snillingar sem endilega vilja kíkja í ESB-pakkann sem núna er utan um sæstreng. Valdaskak ESB-ríkja kemur okkur ekki við og þannig ætti það að vera áfram.

RÚV: kynjafræðingur sérfræðingur um fjölmiðla

RÚV kallaði til kynjafræðing til að ræða ,,frammistöðuvanda" fjölmiðla í máli almannatengils og eiginkonu hans sem fífluðu nær alla fjölmiðla landsins til að láta líta svo út að lögmæt uppsögn stafaði af kynferðislegri áreitni.

Síðan hvenær urðu kynjafræðingar sérfræðingar um fjölmiðla?

Hvað næst? Verða hjúkrunarfræðingar sérfræðingar RÚV um brúarsmíði? Smiðir veiti sérfræðiálit um heilaskurðlækningar? Bókmenntafræðingar verði yfirvald um umferðaröryggi?

Var Eiríkur Bergmann upptekinn?

 

Sagt upp vegna frammistöðuvanda

Almannatengill, fjárkúgun og mannorðsmorð

Almannatengill hratt af stað atburðarás vegna þess að eiginkonu hans var sagt upp störfum hjá OR.

Í atburðarásinni er fjárkúgun og mannorðsmorð.

Skyldu fjölmiðlar fjalla vel og ítarlega um málið og afhjúpa hvernig þeir gengu erinda almannatengilsins?

Maður skyldi ekki veðja á það.

Kanna hvort um fjárkúgun sé að ræða

Ódýrari kennarar

Eitt leyfisbréf fyrir alla kennara myndi lækka laun framhaldsskólakennara. Framsóknarflokkurinn er hlynntur flutningi framhaldsskóla til sveitarfélaga. Eitt leyfisbréf fyrir alla kennara felur í sér einn kjarasamning.

Laun leika- og grunnskólakennara eru lægri en framhaldsskólakennara. Vegna lélegra launa fæst fólk ekki til starfa í leikskólum.

Til að sveitarfélögin hafi efni á að reka framhaldsskóla þarf að lækka laun kennara. Eitt pennastrik, eitt leyfisbréf, er lausnin.

Vilja ekki eitt leyfisbréf kennara

Þýskur sérfræðingur: náttúrauðlindir Íslands í þágu ESB

Ísland er ekki á leið í Evrópusambandið, sagði sérfræðingur þýskra stjórnvalda í viðtali við RÚV sumarið 2010, á meðan ESB umsókn Samfylkingar var í gildi. Carsten Schymik, helsti sérfræðingur Þýskalands í málefnum Norðurlanda, segir í RÚV: 

Schymik segir Þýskaland hafa hagsmuna að gæta og sjái mikla kosti við inngöngu Íslendinga í ESB. Það snerti náttúruauðlindirnar. ,,Fyrir utan fiskinn eru það endurnýjanlegar orkuauðlindir..." 

ESB umsókn Samfylkingar dó drottni sínum 2012. En Þýskaland og ESB hafa enn áhuga á náttúruauðlindum Íslands.

Nýtt í málinu er að ráðherrar Sjálfstæðisflokks leggja sig fram um að færa Evrópusambandinu á silfurfati raforkuna sem framleidd er á Íslandi. Þriðji orkupakkinn gengur út á það.

Blekking djúpríkisins á Íslandi gengur út á að telja þjóðinni trú um að þriðji orkupakkinn sé til að samræma reglur um meðferð raforku og sölu.

Evrópusambandið er stórveldi sem þekkir sína hagsmuni. Í stjórnarráði Íslands sitja heimasætur í þeirri trú að allir pakkar séu gjafir, - og stinga höfðinu ofan í umbúðirnar á meðan fjölskyldusilfrinu er stolið.

 

Er ekki afsal á forræði auðlindarinnar

ESB verður loftslagsland - þarf ódýrt rafmagn

,,Macron seg­ir að Evr­ópa hafi verið fremst í flokki varðandi græna orku­kosti og í bar­átt­unni gegn loft­lags­breyt­ing­um," segir í viðtengdri frétt þar sem Frakklandsforseti biðlar til Þjóðverja að setja saman Stór-Evrópu.

Hvað kemur það Íslendingum við? Jú, til að endurrafvæða Evrópu þarf ódýrt og vistvænt rafmagn.

Hvaðan á það rafmagn að koma? Frá Íslandi og Noregi sem verða raforkuhjálendur Stór-Evrópu.

Hvernig verður það gert? Með þriðja orkupakkanum.

 

 

Hvetur til samstöðu

Djúpríkið hótar Þórdísi - hún tístir

Djúpríki embættismanna og valdainnherja létu Þórdísi Kolbrúnu heyra það í vikulok, eftir að hún hafði gefið undir fótinn að fresta innleiðingu þriðja orkupakkans. Í framhaldi tísti Þórdís stuðningi við EES-samninginn.

Rök djúpríkisins eru að samþykki Ísland ekki að verða orkuhjálenda Evrópusambandsins, með innleiðingu þriðja orkupakkans, sé EES-samningurinn í heild sinni í hættu.

Hvers vegna hótaði djúpríkið ekki slitum EES-samningsins þegar Ísland hafnaði öðrum ESB/EES tilskipunum t.d. um lestir og skipaskurði?

Í einu orðinu er sagt að þriðji orkupakkinn skipti engu máli, þar sem Ísland er ekki hluti raforkumarkaðar í Evrópu, en í hinu orðinu er hótað öllu illu ef við samþykkjum ekki þetta lítilræði.

Mótsögnin verður aðeins skýrð með því að meira búi undir. Og þar kemur aðeins eitt til greina. Evrópusambandið hyggst tryggja sér orku íslenskra fallvatna. Virkjunarsinnar á Íslandi sjá í hillingum langstærsta drauminn, skammstafaður LSD.

Þórdís tístir en náttúrverndarsinnar eru þöglir sem gröfin. Merkilegt.

Orkupakkinn, staða umræðunnar

Umræðan um 3. orkupakka ESB, og hvort taka eigi hann í íslensk lög, hefur leitt í ljós að engin ástæða er fyrir Íslendinga að taka við pakkanum.

Það liggur fyrir að orkupakkinn á aðeins við þjóðríki sem tengjast raforkumarkaði ESB. Ísland er ótengt þeim markaði, enda enginn sæstrengur á milli Íslands og Evrópu.

Fordæmi eru fyrir undanþágum fyrir Ísland frá ,,pökkum" sem ESB fer fram á að EES-ríkin innleiði. Þannig hefur Ísland ekki tekið við ,,pökkum" um járnbrautalestir og skipaskurði. 

Samkvæmt þessum fordæmum ætti Ísland auðveldlega að fá undanþágu frá öllum raforkupökkum ESB, enda við ótengd raforkumarkaði Evrópu.

Ef það er rétt, sem talsmenn 3. orkupakkans segja, að Evrópusambandið leggi ofuráherslu á að Ísland innleiði orkupakkann er aðeins ein skýring á kappi Brusselmanna. Þeir vita sem er að verði orkupakkinn samþykktur á alþingi er einfalt að taka næsta skref, sem er að leggja sæstreng milli Íslands og Evrópu.

Og þar með væri Ísland orðin orkuhjálenda Evrópusambandsins.

„Á dagskrá til að fela fjárlögin“

Sólveig Anna og kaldlyndar menntakonur

Konur ,,sem starfa í umönn­un og í þjón­ustu­störf­um" eru ,,þjón­ustu­lundaðar, bros­mild­ar, góðar, elsku­leg­ar, kær­leiks­rík­ar," segir Sólveig Anna sósíalisti og formaður Eflingar.

Menntakonur eru sem sagt kaldlyndar og eiga ekkert gott skilið enda þær hluti af auðvaldinu.

Sólveig Anna aftur: ,,Þetta er gríðarlega mik­il­væg sósíal­ísk og fem­in­ísk krafa" - þ.e. að hjarthreinar og góðar konur fái kauphækkun. Skítt með hinar.

Maður fær sér popp og kók til að fylgjast með framvindu ,,sósíalísk-femínísku" umræðunnar.  

Stödd í „grafalvarlegum stéttaátökum“

Katrín í 22. öld, Sólveig Anna er á 19. öld

Vinstri grænir héldu fund með verkalýðshreyfingunni. Formaður Vg og forsætisráðherra talaði um hagkerfi framtíðarinnar, sbr. viðtengda frétt. Sólveig Anna sósíalisti og formaður Eflingar boðaði stéttaátök 19. aldar, verkalýður gegn auðvaldi.

Vandi róttækra vinstrimanna birtist í hnotskurn hjá þessum tveim konum. Ýmist eru þeir fastir í fortíðinni eða horfa til framtíðarlandsins, sem einu sinni var Ráðstjórnarríkin, þá ESB og núna loftslagslandið.

Sameiginlegur forfaðir Katrínar og Sólveigar Önnu, Karl Marx, sagði trú ópíum fólksins. Það eru áhrínisorð. Róttækir vinstrimenn geta ekki horfst í augu við samtíma sinn nema til að leggja á flótta inn í framtíðina eða afturábak.

Eftirlætisorð þessa fólks er hugsjón. Sanntrúaðir eiga sér hugsjón, skynsamir vinna með veruleikann hverju sinni. 

 

 

Hagvaxtarstefnan að „líða undir lok“