Íslenska kerfið og tekinn niður Björgólfur eldri

Björgólfur Thor Björgólfsson kennir einhverju sem heitir ,,íslenska kerfið" um að hafa tekið niður pabba sinn, Björgólf Guðmundsson.

Á Björgólfi er að skilja að ,,íslenska kerfið" sé fámennið, svo undarlega sem það annars hljómar.

Björgólfur eldri komst í álnir með Hafskipum á níuunda áratug síðustu aldar. Hafskip varð gjaldþrota í samkeppni við Eimskip og Björgólfur fékk dóm. Á nýrri öld mættu Björgólfsfeðgar með peningasekki frá Rússlandi til Íslands og keyptu Eimskip og Landsbankann og sitthvað fleira.

Í hruninu missti Björgólfur eldri allt sitt, að sögn. Maður sem tvisvar verður auðmaður en klúðrar sínum málum í bæði skiptin getur vitanlega kennt ,,íslenska kerfinu" um ógæfu sína. En það er ekki trúverðugt.

 

Bretar hætta í ESB - spurning um útfærslu

Ef evran fellur, þá fellur Evrópusambandið. Til að bjarga evrunni verður Evrópusambandið að stórauka miðstýringuna á ríkisfjármálum ríkjanna 18 sem búa við gjaldmiðilinn. Bretland er ekki eitt af þessum 18 ríkjum og mun yfirgefa Evrópusambandið á næstu árum.

Eftir útgöngu Breta, sem ómögulegt er að segja til um hvenær verður og ekki heldur hvernig, verður Evrópusambandið meginlandsbandalag stórríkja undir forystu Frakka og Þjóðverja. Á tímum Napoleón í byrjun 19. aldar náðu Frakkar forræði yfir Vestur-Evrópu um hríð. Þjóðverjar stjórnuðu sama svæði í upphafi seinna stríðs. Í báðum tilfellum stóðu Bretar utan og tóku þátt í að leysa Evrópu undan viðjum harðstjóra.

Á meginlandinu er gert hróp að Bretum fyrir að beygja sig ekki undir vald Brussel, París og Berlín. Hvorki atyrði né blíðmælgi breyta hlutlægum staðreyndum: evran sundrar Evrópusambandinu sökum þess að hún krefst miðstýringar á ríkisfjármálum aðildarríkja.  

Vill að Bretar gerist aðilar að EES

Hæfasti einstaklingurinn í pólitík

Hæfasti einstaklingurinn á að verða ráðherra, segir Heimdallur félag ungra sjálfstæðismanna, en ekki hæfasti Sunnlendingurinn eða hæfasta konan. Rökin eru þessi

Ein­stak­ling­ar eiga að vera metn­ir að eig­in verðleik­um, en ekki á grund­velli eig­in­leika sem þeir hafa enga stjórn á.

Víst er það rétt hjá Heimdellingum að fólk skuli metið af verðleikum. En að velja ,,hæfasta einstaklinginn" út frá verðleikum hans sjálfs er sjaldnast hægt og aldrei í pólitík.

Það má rökstyðja þessa niðurstöðu með hugartilraun. Ef valið stæði á milli móður Theresu, Indiru Gandhi og Alexanders mikla í ráðherraembætti í staðleysulandi, hvert þeirra ætti að velja? Verðleikar allra eru ótvíræðir en ómögulegt er að velja á milli nema jafnframt hafa í huga pólitískar aðstæður í staðleysulandinu.

Ísland er ekki staðleysuland heldur býsna raunverulegt og harla gott samfélag. Í þingflokki Sjálfstæðisflokksins eru margir sem gætu sómt sér sem ráðherra innanríkismála. En af þeim er Unnur Brá Konráðsdóttir besti kosturinn.

Unnur Brá er vinnusamur eftirhrunsstjórnmálamaður með jarðtengingu í sveitarstjórnarmál; skelegg í málflutningi og með traustar skoðanir í grundvallarmálum. Við þurfum þannig ráðherra.

 

Bjarni velji hæfasta einstaklinginn

Krónan er gulls ígildi - kemur afsökun frá ESB-sinnum?

Íslenska krónan bjargaði okkur í hruninu með því að taka höggið þegar bankarnir hrundu. Írar bjuggu við evru, gátu ekki látið gjaldmiðilinn falla, og tóku hörmungarnar út með 15 til 20 prósent atvinnuleysi og ríkisskuldum sem endast fram eftir öldinni.

ESB-sinnar hömuðust lengi vel á krónunni og fundu henni allt til foráttu. Þá var nú betra, sögðu þeir, að búa við evru. Nú er svo komið að helst þyrfti að afnema evruna í reiðufé til að hægt sé að setja hana mínusvexti á bankareikningum, - svo að bjarga megi efnahagskerfi Evrópusambandsins.

ESB-sinnar skulda krónunni afsökunarbeiðni.

 

Bregðast þarf við 1% verðbólgu

Unnur Brá góður ráðherrakostur

Unnur Brá Konráðsdóttir yrði góður kostur í embætti innanríkisráðherra. Unnur Brá hlaut eldskírn sína þegar hún varð þingmaður eftir hrun, í kosningunum 2009.

Hún er sjóuð í sveitarstjórnarmálum og hefur á þingferli sínum sinnt norrænu samstarfi á vettvangi Vestnorræna ráðsins. Þá er Unnur Brá örugg í stærsta álitamáli íslenskra stjórnmála seinni ára; hún var varaformaður Heimssýnar.

Unnur Brá myndi sóma sér vel við ríkisstjórnarborðið.

Skora á Bjarna að velja Unni

Launavísitala forstjóranna - ábyrgð ASÍ

ASÍ, sem í gegnum lífeyrissjóðina eiga stóran hluta íslenskra fyrirtækja , ber ríka skyldu að hemja launaskrið sem alltaf byrja á toppnum. ASÍ setti á flot umræðuskjal sem mest er til að eyða málinu fremur en til að laða fram umræðu um skynsamlegar aðgerðir.

Ein aðgerð, sem ASÍ gæti beitt sér fyrir, er að setja saman launavísitölu forstjóra sem myndi endurspegla launaþróun þeirra. Ef lífeyrissjóðir settu sem skilyrði fyrir hlutabréfakaupum að forstjóri og e.t.v. millistjórnendur tækju þátt í launavísitölunni yrði ekki vandamál að setja saman slíka vísitölu.

Launavísitala forstjórann myndi þjóna því hlutverki að fylgjast með launaskriði á æðstu stöðum og vera aðhald á forstjóragræðgi sérstaklega en einnig á innistæðulausar launahækkanir almennt.

Til hliðar við launavísitöluna ætti ASÍ að berjast fyrir jafnlaunavístölu fyrirtækja sem mældi muninn milli hæstu og lægstu launa. Jafnlaunavísitalan myndi upplýsa um samfélagslega ábyrgð fyrirtækja, hvort þau hygluðu stjórnendum á kostnað almennra starfsmanna. Í orði kveðnu segir ASÍ berjast fyrir hagsmunum þeirra launalægstu. Jafnlaunavísitalan myndi gagnast þeim mest.

Ásamt launavísitölu forstjóra og jafnlaunavísitölu ætti að koma upp bitlingaskrá stjórnenda og e.t.v. starfsmanna þar sem færð eru hlunnindi s.s. bílar, afsláttur af vörum og þjónustu fyrirtækisins, niðurgreiddur símakostnaður og þess háttar.

Þá væri skynsamlegt að koma upp siðabókhaldi í stærri fyrirtækjum, sem ásamt siðareglum, myndi vera rammi um siðvædda starfshætti.

ASÍ er í stöðu til að skapa traustari umgjörð utan um atvinnulífið og keyra heim lexíuna af hruninu 2008. Spurningin er þessi: er forysta ASÍ of smituð af samkennd með forstjórum til að gera eitthvað raunhæft í þessu brýna hagmunamáli almennings?   

Blaðamenn án dómgreindar

Blaðamenn, sumir hverjir, hreykja sér á háum haug eftir að hafa flæmt úr embætti ráðherra vegna þess að úr ráðuneytinu láku upplýsingar, sem hvorki ráðherrann né lekamaðurinn, hafði hagsmuni af að lækju út.

Blaðamenn nota leka úr stjórnsýslunni reglulega við vinnu sína og hafa aldrei áður gert veður út af slíkum upplýsingum, miklu frekar lofað þær og prísað.

Blaðamenn nutu stuðnings embættismanna, ríkissaksóknara og umboðsmanns alþingis, við að hrekja ráðherrann úr embætti. Embætti umboðsmanns lak upplýsingum til að herja á ráðherra og blaðamenn birtu upplýsingarnar eins og það væri sjálfsagt mál í miðri orrahríð blaðamanna sjálfra þar sem upplýsingaleki var fordæmdur í bak og fyrir.

Blaðamenn án dómgreindar draga fagið ofan í svaðið.

Trú sem einkamál og trú sem kúgun

Trú er einkamál í kristni og haldið aðskilinni frá lögum og reglum samfélagsins. Kennisetningar í kristni eru ætlaðar til persónulegrar íhugunar án boðvalds yfir breytni manna.

Múslímatrú, á hinn bóginn, krefst ríkrar íhlutunar í lög og reglur samfélagins. Í kjarna múslímatrúar er sú hugsun að trú fari með boðvald yfir breytni manna og að viðurlög skuli koma til ef brugðið er út af kennisetningunni.

Forseti Tyrklands, sem telst til hófsamra múslíma, segir jafnrétti karla og kvenna stríða gegn mannlegu eðli; konan hljóti alltaf að lúta vilja karlsins.

Múslímatrú heggur að undirstöðu vestrænna mannréttinda um jafnrétti karla og kvenna.

 

Jafnrétti stríðir gegn mannlegu eðli

Niggari og rasisti; fordómar og gæluyrði

Ef Kennedy forseti kynnti alla þeldökka í ríkisstjórn sinni sem ,,niggara" þá yrði orðið niggari fljótlega hversdagsorð án fordóma, sagði pólitíski uppistandarinn Lenny Bruce fyrir hálfri öld.

Rasisti er orð sem margir nota nokkuð frjálslega núna, t.d. Ragnar Þór Pétursson, sem finnur ,,rasískar taugar" hjá konum sem stendur ógn af skjólstæðingum hans.

Þeldökkir tóku sjálfir að kalla sig niggara, a.m.k. í ákveðnum kimum, s.s. meðal rappara, og það hefur leitt til þess að hvítir sem taka orðið sér í munn eru sýknaðir af ásökun um hatursorðræðu með þeim rökum að niggari er stundum gæluyrði. 

Rasisti gæti líka orðið gæluyrði, ef fram heldur sem horfir með notkun þess.

 

Framsóknarflokkurinn gefur tóninn í Reykjavík

Sveinbjörg Birna Svein­björns­dótt­ir, borg­ar­ráðsfull­trúi Fram­sókn­ar og flug­vall­ar­vina, lagði til að framkvæmdastjóri Strætó yrði látinn fara í kjölfar trúnaðarbrests vegna jeppakaupa.

Vinstrimenn í borgarstjórn héldu hlífiskildi yfir framkvæmdastjóranum og ætluðu að sópa undir teppið jeppakaupunum.

Sveinbjörg Birna vissi alveg hvað klukkan sló en vinstrimenn voru meðvirkir í sjálftökunni.

Reynir hættir hjá Strætó