Föstudagur, 7. nóvember 2014
Framsóknarflokkurinn styrkir sig
Þrátt fyrir að fara með forsætið í ríkisstjórn sem á erfitt uppdráttar bætir Framsóknarflokkurinn við fylgi sitt. Fylgi Framsóknarflokksins er 12,3% í nýrri könnun í samanburði við 10,1% í síðustu könnun.
Samfylkingin bætir við sig einu prósentustigi og Vg aðeins minna en Sjálfstæðisflokkur tapar tveimur og hálfu prósentustigi.
Framsóknarflokkurinn getur vel við unað.
33% stuðningur við ríkisstjórn | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (4)
Föstudagur, 7. nóvember 2014
Rasismi sem skemmtiefni fjölmiðla
Fjölmiðlar þrífast á útbreiðslu, sem þeir selja auglýsingar út á. Til að fá útbreiðslu þurfa þeir að vera skemmtilegir. Til dæmis svona
Hann segir fjölmiðla stilla upp öfgasinnuðum fulltrúum hægriflokka kristinna og múslima í sjónvarpi eins og skemmtiefni þar sem fylgst er með hverjir verða reiðastir eða segja mest sjokkerandi hlutina.
Hversu margar fyrirsagnir DV má heimfæra upp á þessa útlistun?
Dægurmál | Slóð | Facebook | Athugasemdir (2)
Föstudagur, 7. nóvember 2014
Dómstólar og dyraverðir umræðunnar
Netið breytti umræðunni, bæði að umfangi og eðli. Fyrir daga netsins voru dyraverðir á umræðunni, þ.e. þeir sem tóku á móti aðsendum greinum í dagblöðum. Enda var það svo að ef aðsend grein í dagblað var ærumeiðandi þá bar blaðið sinn hluta ábyrgðarinnar.
Þegar umræðan fluttist yfir á netmiðla varð hún lýðræðislegri með því að engir dyraverðir ákváðu hvað ætti heima á opinberum vettvangi og hvað ekki. Um leið varð umræðan hömlulausari og gífuryrtari.
Dómstólar hér á landi standa sig almennt vel að taka mið af breyttri umræðu. Með því að víkka út skilgreiningu á gildisdómum er umræðunni gefið töluvert gott svigrúm.
Dómstólar gætu aldrei tekið að sér hlutverk dyravarðanna í fjölmiðlum, eins og sumar stefnur vegna meintra meiðyrða vilja vera láta. Það er ekki hlutverk dómstóla að gæta að smekk og stílbrigðum í umræðunni.
Dómstólar mættu á hinn bóginn grípa með ákveðnari hætti á þeim tilburðum stórra og fjársterkra aðila að beita málshöfðunum til að þagga niður í óþægilegri umræðu.
Dómstólum vorkunn að greina á milli | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)