Íslenska kerfið og tekinn niður Björgólfur eldri

Björgólfur Thor Björgólfsson kennir einhverju sem heitir ,,íslenska kerfið" um að hafa tekið niður pabba sinn, Björgólf Guðmundsson.

Á Björgólfi er að skilja að ,,íslenska kerfið" sé fámennið, svo undarlega sem það annars hljómar.

Björgólfur eldri komst í álnir með Hafskipum á níuunda áratug síðustu aldar. Hafskip varð gjaldþrota í samkeppni við Eimskip og Björgólfur fékk dóm. Á nýrri öld mættu Björgólfsfeðgar með peningasekki frá Rússlandi til Íslands og keyptu Eimskip og Landsbankann og sitthvað fleira.

Í hruninu missti Björgólfur eldri allt sitt, að sögn. Maður sem tvisvar verður auðmaður en klúðrar sínum málum í bæði skiptin getur vitanlega kennt ,,íslenska kerfinu" um ógæfu sína. En það er ekki trúverðugt.

 


« Síðasta færsla | Næsta færsla »

Athugasemdir

1 Smámynd: Predikarinn  -  Cacoethes scribendi

Sæll kæri Páll.

Já svo skautar hann væntanlega framhjá því í bókinni hvernig þeir féðgarnir rignuðust Pepsi-/bjórverksmiðjuna í Rússlandi af Ingimari arkitekt þegar hann lá fársjúkur á spítala.

Miðað við það sem kom fram í mjög ítarlegri umfjöllun í fjölmiðlum á sínum tíma auk þess sem DV var með fjölmargar opnufréttir um þetta mál í ítarlegri fréttaskýringu um nokkurra vikna skeið, þá er beinlínis fullyrt að þeir feðgar hjafi hreinlega stolið verksmiðjunni.Ég minnist þess ekki að þeir feðgar hafi borið á móti því sem þar var fjallað um á hvern hátt þeir slógu eign sinni á eignir Ingimars.

Svo seldu þeir þetta og komu með aurinn hingaðog keyotu upp fyrirtlki sem og kj0lfestuhlut í Landsbankanum. Svo hefur einnig verið fullyrt að þeir hafi vedrið í slagtogio með rússnesku mafíunni í þessu og komið hér upp með fjármunina í þeirra umboði og ella ekki fengið að sekja verksmiðjuna til Heineken.

Það væri fróðlegt að heyra meira um þetta mál í ljósi sögunnar síðan þetta gerðist allt saman.

Predikarinn - Cacoethes scribendi , 27.11.2014 kl. 10:28

2 Smámynd: Ólafur Jóhannsson

Þeir feðgar byrjuðu sín viðskipti í Rússlandi skömmu eftir fall Sovét. Á þeim árum var starfandi nefnd á vegum borgaryfirvalda í Leningrad, seinna St.Petursborg, sem sá um fjárfestingar útlendinga í borginni. Svo að þeir feðgar hafa þurft að hafa mikil samskipti við þessa nefnd. Formaður þessarar nefndar var ungur og efnilegur stjórnmálamaður, Vladimir Putin. Á þessum tíma var Leningrad stjórnað af spilltri klíku stjórnmálamanna og hreinræktaðra glæpamanna og þar var Putin innsti koppur í búri. Það er nánast ómögulegt að Bjöggarnir hafi getað stundað viðskipti sín þarna óáreittir nema í gegnum þessa spilltu klíku. Það er talið að ágætur vinur Putins, Leonid Reiman, hafi átt þessa bruggverksmiðju sem þeir feðgar voru kenndir við, þeir feðgar hafi aðeins verið leppar fyrir Reiman. Enda voru kaupin á Landsbankanum öll tekin að láni. Seinna þegar Putin komst til valda í Moskvu tók hann stóran hluta af spilltu klíkunni frá Leningrad með sér og sú klíka stjórnar meira og minna Rússlandi í dag. Og við vitum þegar spilltir stjórnmálamenn og glæpamenn stunda vafasöm viðskipti verða til "óhreinir" peningar sem verður að þvo. Hvað er þá betra en að kaupa hreinlega heilan banka og láta einhvern sakleysingja leppa fyrir sig?

Ólafur Jóhannsson, 27.11.2014 kl. 22:50

3 Smámynd: Predikarinn  -  Cacoethes scribendi

Ólafur.

Samkvæmt því sem fram kom í rannsóknum blaðamanna um þetta liggur fyrir eftir viðtöl og pappíra sem þeir komust yfir um það bil svona ;

Ingimar arkitekt keyoti Pepsi verksmiðjuna þega Egill Skalla hóf að framleiða Pepsi.

Ingimar flutti verksmiðjuna til Rússlands og fékk tilskilin leyfi til að starfrækja verksmiðjuna sem hann kafði keypt gyrir eigið fé.

Omngimari fanns hið besta mál að ráða til sín verksmiðjustjórann sem hafði unnið við verksmiðjuna hér og nokkra slíka lykilstarfsmenn og hafa þá með sér.

Þannig fannst hinum tulvalið að hafa með sér markaðsstjórann fyrrverandi - sem var víst óvart Bjöggi yngri sem og framkvæmdastjórann fyrrverandi sem rak þetta í þrot skömmu áður og var Bjöggi eldri.

Ingimar kemur verksmiðjunni í góðan g´r og viðskiptin komin vel í gang og stækkun og annað - þá veikist hann alvarlega,

Þá skyndilega fara feðgarnir af stað og eru orðnir eigendur þessa alls án þess að Ingimar - eigandinn - hafi skrifað undir sölu og afsali til þeirra á eignum sínum, hvað þá að þeir feðgar hefðu greitt honum, eigandanum Ingimari arkitekt, eina rúblu eða krónu fyrir fyrirtækið og eognir þess og framleiðsluvprur og viðskiptavild.

Í venjulegum þjóðfélögum er svona kallað þjófnaður og mönnum skutlað í rammgerð fangelsi um ótal ár auk þess að skila þýfinu og greiða skaðabætur.

Ég minni á að þessar upplýsingar komu fram í rannsóknum blaðamanna ýmissa og viðtölum þeirra við hlutaðeigendur og skoðun á pappírum. Björgólfsfeðgarnir hafa ekki mótmælt þessu - að minnsta kosti ekki með haldbærum rökum.

Hvað Landsbankann varðar og kaup þeirra á 41 % kjölfestuhlut þá mega þeir eiga það sem þeir eiga hvað varðar greiðslu á þeim hlut að þeir greiddu þetta allt með peningum til ríkissjóðs, Hitt er annað að þriðjung þess kaupverðs var tekinn að láni hjá Búnaðarbankanum og er enn ekki uppgerður en er á persónulegri ábyrgð þess y ngri. Síðan er hitt að þessir peningar komu úr sölu þeirra á eignum Ingimars arkitekts sem þeir feðgar höfðu slegið eign sinni á á þann hátt sem hér var rakinn og ég hef úr viðkomandi umfjöllunum blaðamanna.

Predikarinn - Cacoethes scribendi , 28.11.2014 kl. 02:29

4 Smámynd: Ólafur Jóhannsson

Sæll predikari

Ég var líka búinn að lesa um Ingimar og hvernig fyrirtækinu var hreinlega stolið frá honum af þeim feðgum og væntanlega valdamiklum aðilum á bak við þá. 

Þeir feðgar sýndu fram á afsal sem Ingimar átti að hafa skrifað undir og var með ákveðinni dagsetningu. En það vildi svo undarlega til að Ingimar var staddur út í London þennan ákveðna dag og gat því ekki hafa skrifað undir afsalið á þessum degi í St Petursborg!...

Svo að það er greinilega eitthvað vafasamt í gangi.

Ólafur Jóhannsson, 28.11.2014 kl. 14:58

5 Smámynd: Predikarinn  -  Cacoethes scribendi

Satt segir þú Ólafur.

Þetta lyktar verr en versti útikamar. Svona men sitjha vanalega í fangelsi en valsa ekki um lausir.

Mönnum þykir undarlega mikill völlur á þeim eldri undanfarin ár. Hann lifir sem keisari í miklum vellystingum í ferðum á milli húsa út um allan heim og sögur fóru af lífvörðum. Þetta er maðurinn sem á að baki stærsta gjaldþrot einstaklings í íslandssögunni en lifir eins og þeir sem auðugastir teljast og berst á. Ég þekki ótal dæmi um menn sem hafa farið í gjaldþrot. Flestir leoja þeir dauðann úr skel og verða að fara verulega spart með og hugsa sig tvisvar um ef ódýrustu hrísgrjónin fást  ekki í búðinni þann daginn. Eiga oftast ekki fyrir bensíni á bíldrusluna á meðan sá eldri dælir bensíni í tugum lítra talið á eðalvagna.

Predikarinn - Cacoethes scribendi , 28.11.2014 kl. 17:53

6 Smámynd: Ólafur Jóhannsson

Er ekki bara málið að sá eldri var gerður gjaldþrota og sviptur eigum sínum á Íslandi......en ekki Tortola?!....

Ólafur Jóhannsson, 28.11.2014 kl. 20:09

7 Smámynd: Predikarinn  -  Cacoethes scribendi

Það hefur líklega einhver slík handvömm orðið hjá dómstólnum - gleymdu fáeinum heimsálfum !

Predikarinn - Cacoethes scribendi , 29.11.2014 kl. 03:47

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband