Íslandsstjórn eða ESB-stjórn

Á laugardag verður kosið um hvort vinstriflokkarnir fái umboð til að etja þjóðinni á ESB-foraðið á ný með tilheyrandi pólitískum skotgrafahernaði eða hvort fullveldisflokkar fái stuðning þjóðarinnar til að stjórna landinu.

Vinstriflokkarnir Píratar, Samfylking, Vinstri grænir eru ásamt Viðreisn þess albúnir að efna til innanlandsófriðar fyrir ónýtan málstað.

Kjósendur ættu að halla sér að hófsamari stjórnmálaflokkum.

Leggst ekki gegn ESB-kosningu

Sigmundur Davíð tekur sviðið

Tveim dögum fyrir kosningar er Sigmundur Davíð orðinn brennipunktur umræðunnar. Miðflokkurinn er í færi að verða þriðji stærsti flokkur landsins.

Sigmundur Davíð hugsar í stórum lausnum og á feril að baki sem sýnir að það eru ekki orðin tóm. Í forsætisráðherratíð Sigmundar Davíðs var gert upp við þrotabú föllnu bankanna þannig að ríkissjóður stóð eftir með fullar hendur fjár. Umsátri vinstristjórnar Samfylkingar og Viðreisnar um heimili landsmanna var aflétt með skuldaleiðréttingunni.

Og sem fyrr hamast vinstrimenn á Sigmundi Davíð fyrir að vera allt það sem þeir eru ekki: lausnamiðaður bjartsýnismaður.

Verði ekki hægt að misnota kerfið

Foreldrar, börn og skilningsleysi RÚV

Fyrsta frétt Sjónvarps-RÚV var um 13 ára dreng í fíkniefnaneyslu. Foreldrarnir kvörtuðu sáran að samfélagið hjálpaði ekki drengnum. Fréttamaður RÚV kveikti ekki á þeirri peru að 13 ára börn eru á ábyrgð foreldra sinna.

Móðirin kvaðst vilja að drengurinn kæmist út á land. Hvers vegna flytja foreldrarnir ekki út á land með drenginn?

Það er ekki samfélagsins að ala upp börn. Fólk velur að eignast börn og verður að axla ábyrgðina sem fylgir.

ASÍ varar við pólitískum óstöðugleika

Fjöldi flokka sem býður fram til alþingis er ávísun á óstöðugleika. Ef því sem flokkarnir eru fleiri og fylgið dreifist er hætt við að erfitt verði að mynda starfhæfa ríkisstjórn.

Alþýðusamband Íslands getur ekki með beinum hætti skipt sér af kosningunum á laugardag. En ASÍ gerir heyrinkunnugt að pólitískur óstöðugleiki veit á verri lífskjör.

Kjósendur fara með valdið á laugardag. Valið stendur á milli stöðugleika annars vegar og hins vegar verri lífskjara.

Pólitískur óstöðugleiki haft slæm áhrif

Hælisleitendur misnota kerfið

Hælisleitendur sumir hverjir stunda það skipulega að misnota mildi og mannúð kerfisins. Í frétt RÚV segir:

Móttökukerfi íslenskra stjórnvalda vegna umsókna hælisleitenda um alþjóðlega vernd er misnotað með skipulegum hætti. Dæmi eru um að hælisleitendur leggi fram tilhæfulausar umsóknir og stundi svarta vinnu á meðan mál þeirra eru til umfjöllunar.

Hælisleitendur kosta ríkissjóð um sex milljarða króna árlega. Ótalinn er kostnaður sem hlýst af lögbrotum og glæpastarfsemi.

Kerfið í kringum hælisleitendur þarf að endurskoða frá grunni.

 

Ógn vegna glæpastarfsemi

Skattaparadís vinstrimanna - Hallgrímur og samneyslan

Hallgrímur Helgason rithöfundur og frambjóðandi Samfylkingar fær listamannalaun frá ríkinu upp á 370 þúsund krónur á mánuði en gefur aðeins upp til skatts 140 þúsund krónur í tekjur.

Skattahagræði Hallgríms felst í því að hann telur sjálfan sig fram sem fyrirtæki, verktaka. Hallgrímur borgar ekkert til samneyslunnar. En hann lifir á samneyslunni.

Venjulegir launþegar geta ekki stundað skattahagræði Hallgríms. Þeir þurfa að borga fullan skatt af sínum tekjum.

Skattaparadís vinstrimanna er að taka peninga af vinnandi fólki en gefa útvöldum færi á að borga enga skatta.

Sumir eru jafnari en aðrir.

„Hátekjuskattur“ á meðaltekjur

Fiff og sniff

Sigmundur Davíð er aðalhöfundur að uppgjöri ríkissjóðs við þrotabú föllnu bankanna. Það ,,fiff" bjargaði ríkissjóði og er meginástæða fyrir hagsældinni sem við öll njótum.

Sigmundur Davíð forsætisráðherra keyrði í gegn skuldaleiðréttingu heimilanna, sem sluppu þar með undan umsátri vinstriflokkanna. Það ,,fiff" sögðust vinstriþingmenn vera á móti en sóttu engu að síður sjálfir um leiðréttingu - og það í hrönnum.

,,Fiff" Sigmundar Davíðs ætti ekki að rugla saman við ,,sniff". Jafnvel þótt maður sé á barmi örvæntingar.

Segir hugmyndir Sigmundar vera „fiff“

Björn Valur gagnrýnir Katrínu - undir rós

Katrín Jakobsdóttir formaður Vinstri grænna yfirskyggir aðra frambjóðendur flokksins. Vinstri grænir eru ekki lengur hópur fólks með sameiginlega pólitíska stefnu heldur fylgja þeir foringja.

Birni Val fyrrum varaformanni flokksins er ekki skemmt. Hann segir, undir yfirskriftinni Dramb er falli næst, að persónudýrkun verði flokkum að fjörtjóni.

Persónudýrkun grefur því undan lýðræðislegu starfi. Af langri reynslu hef ég komist að því að það hefur aldrei reynst innistæða fyrir persónudýrkun. Enginn sem á vegi mínum hefur orðið og hefur ýmist hafið sig yfir aðra eða verið settur á stall og dýrkaður hefur átt innistæðu fyrir því. 

Vinstri grænir eru að upplagi róttæk grasrótarhreyfing. En í þessari kosningabaráttu eru það ekki málefnin sem sett eru á oddinn heldur formaðurinn. 

Vinstri grænir vilja ESB-stjórn

Tvöfeldni Vinstri grænna í afstöðunni til aðildar Íslands að Evrópusambandinu er margsönnuð. Þáverandi formaður flokksins, Steingrímur J., sagði fyrir kosningarnar 2009 að ekki stæði til að sækja um aðild að ESB.

Nokkrum dögum síðar sveik þingflokkur Vinstri grænna gefin loforð um andstöðu við ESB-aðild. Í atkvæðagreiðslu 16. júlí 2009 sagðist núverandi formaður, Katrín Jakobsdóttir, vera á móti aðild en samþykkti engu að síður umsókn Össurar Skarphéðinssonar.

Vinstri grænir stefna að ESB-ríkisstjórn eftir kosningar á laugardaginn. Flokkurinn er þegar búinn að gefa grænt ljós á nýja umsókn.

Segir VG leika tveimur skjöldum

Boðorð vinstrimanna: þú skalt stela

Biskup Íslands segir: ,,Siðferðis­lega er ekki rétt að stela gögn­um og fara á bak við fólk til að af­hjúpa mál og leiða sann­leik­ann í ljós."

Vinstrimenn rjúka upp til handa og fóta og kynna nýtt boðorð: ,,þú skalt stela, ljúga og falsa ef það þjónar pólitískum tilgangi."

Trúarpólitík vinstrimanna er reist á siðagildum sem Páll J. Árdal færði í búning:

Ef ætlarðu að svívirða saklausan mann,
þá segðu aldrei ákveðnar skammir um hann,
en láttu það svona í veðrinu vaka,
þú vitir, að hann hafi unnið til saka.

En biðji þig einhver að sanna þá sök,
þá segðu að til séu nægileg rök,
en náungans bresti þú helst viljir hylja,
það hljóti hver sannkristinn maður að skilja.

 

„Ég er ósammála biskupi“