Vinstrimenn skaða ímynd Íslands

Vinstrimenn stunda þann ógeðfellda málflutning að bera fram ósannindi um íslensk stjórnmál til erlendra blaðamanna. Píratinn Smári McCarty reið á vaðið með tísti á ensku um að stjórnmálastéttin hér væri á kafi í íslenskri útgáfu breska barnaníðingsins Jimmy Savile.

Erlendir blaðamenn kunna ekki íslensku og reiða sig á heimildamenn hér á landi. Vinstrimenn eru duglegir að baktala land og þjóð í þeirri von að geta flutt inn ósómann og kallað fréttir.

Stjórnmálabarátta af þessu tagi er fyrir neðan allar hellur.

 

Vænt fólk í sjónvarpssal - framför frá fyrra ári

Flokksformenn þökkuðu fyrir sig samkvæmt hefð í sjónvarpssal daginn fyrir kjördag. Allt var það vænt fólk og velmeinandi. Áhorfendur gátu mátað sig við persónur og málefni og kannski sátu einhverjir fyrir framan skjáinn til að finna atriði að gera upp hug sinn á morgun.

Á sunnudag þurfa formennirnir að eiga samtal sín á milli um hvernig skuli hátta landsstjórninni næsta kjörtímabil, sem gæti orðið nokkrir mánuðir en allt upp í fjögur ár.

Í kosningunum í fyrra bar á því að tilteknir flokkar útilokuðu aðra fyrirfram. Lítið var um útilokanir í kvöld, sem hlýtur að teljast framför.

Kosningarnar í fyrra voru róttækari, valkostir stórkarlalegri. Í ár getum við róleg kosið flokkinn okkar án þess að óttast að allt fari til andskotans, gangi ítrustu óskir okkar ekki fram.

 

„Geturðu aðeins haldið þér rólegum?“

Vinstrimenn yfirgefa Vinstri græna fyrir Samfylkingu

Vinstrimenn eru staðráðnir að refsa Bjartri framtíð þessar kosningar, líkt og þeir fórnuðu Samfylkingu síðustu kosningar. Önnur þróun síðustu daga er að kjósendur færa sig frá Vinstri grænum til Samfylkingar.

Líkleg ástæða er að Samfylkingin er þjálli í stjórnarmyndunarviðræðum en Vinstri grænir. Eftir síðustu kosningar voru Vinstri grænir með harðlífi gagnvart ábyrgð á landsstjórninni.

Fyrr í vikunni gáfu álitsgjafar á vinstri vængnum það út að draumurinn um vinstristjórn væri  úti. Til að eiga von um aðkomu að ríkisstjórn veðja vinstrikjósendur á Samfylkingu fremur en Vinstri græna.

Sjálfstæðisflokkurinn langstærstur

Vinstri skattastjórn í kortunum

4 flokka vinstristjórn mælist í könnunum. Vinstri grænir, Samfylking, Píratar ásamt einu viðhengi gætu myndað ríkisstjórn eftir kosningar.

Kannanir og kosningar eru þó sitthvað.

Enn er hægt að forðast hrollvekjuna og kjósa af viti.

Ekki marktækur munur á D og V

Mótmælakosningar

Þjóðin er þess albúin að efna mótmæla í kosningunum á morgun. Mótmælin eru helst þessi:

- gegn stöðugleika

- gegn góðum lífskjörum

- gegn lágri verðbólgu

- gegn lágum sköttum

- gegn samfélagsfriði

Vinstristjórn að loknum kosningum gerir mótmælin að veruleika.

 

Stefnir í viðræður til vinstri