Fullveldisstjórnin; Þjóðviljinn og Heimssýn

Ný ríkisstjórn tekur við völdum á morgun, fullveldisdaginn 1. desember. Afkomandi ritstjóra Þjóðviljans er forsætisráðherra og fyrrum formaður Heimssýnar situr ríkisstjórnina.

99 ára afmælisgjöfin til fullveldisins verður varla betri.

Til hamingju, Ísland.


mbl.is Ráðherrakapallinn opinberaður
Tilkynna um óviðeigandi tengingu við frétt

Tvær stjórnmálastefnur í landinu; hamingja og óhamingja

Þrátt fyrir eina tíu starfandi stjórnmálaflokka eru aðeins tvær stjórnmálastefnur í landinu. Önnur tekur mið af raunástandi, leitar lausna á skilgreindum vanda og er meðvituð um að hlutverk stjórnmála er ekki að gera fólk hamingjusamt heldur að forða almenningi frá óhamingjunni sem fylgir pólitískri óreiðu.

Hin stjórnmálastefnan leitar að óskilgreindum vandamálum, gerir úlfalda úr mýflugu og ímyndar sér að forgangsmál stjórnmála sé að gera alla hamingjusama.

Raunsæisfólkið sem fylgir fyrstu stjórnmálastefnunni situr undir óbótaskömmum þeirra sem fylgja seinni stjórnmálastefnunni. Kolbeinn Óttarsson Proppé aðhyllist fyrstu stjórnmálastefnuna. Hann skrifar:

Miðað við umræðu síðustu daga mun hér allt fyll­ast af „komm­ent­um“ um hví­lík­ur svik­ari ég sé, hvernig ég hafi selt hug­sjón­ir mín­ar ódýrt og hvað ég sé al­mennt lé­leg­ur papp­ír,“ skrif­ar hann og seg­ir að það verði þá að hafa það.

Erfiðleikar þeirra sem fylgja seinni stjórnmálastefnunni stafa einkum af einu almennu atriði mannlífsins er þeir neita að skilja. Ekki sökum greindarskorts heldur skekkju í lífsafstöðu. Atriðið er þetta: í heiminum verður alltaf til meira af hugsjónum en hamingju. Af þessu atriði leiðir einföld speki. Sá sem leitar hamingjunnar með hugsjón er dæmdur til eilífrar óhamingju.

 


mbl.is „Miklar tilfinningar í spilinu“
Tilkynna um óviðeigandi tengingu við frétt

Tveir Vg-þingmenn mála sig út í horn

Flokkurinn er tekin alvarlega hjá Vinstri grænum. Það er hluti sósíalískrar arfleifðar. Þegar flokkurinn tekur mikilvæga ákvörðun er ætlast til að þingmenn fylgi flokkssamþykkt.

Þegar tveir þingmenn lýsa sig í andstöðu við skýra flokkssamþykkt eru þeir komnir hálfa leið úr flokknum.

Rósa Björk og Andrés Ingi hljóta að hugsa sinn gang.


mbl.is Vinstri græn samþykktu sáttmálann
Tilkynna um óviðeigandi tengingu við frétt

Ísland virkar, bylting er óþörf

Þeir kveinka sér sem vilja bylta samfélaginu, stokka upp stjórnskipunina, umbreyta atvinnulífinu og efna til ófriðar milli þjóðfélagshópa.

Sumir eru enn fastir í byltingarmóð eftirhrunsins, sjá ónýta Ísland í hverju horni og mála skrattann á vegginn.

Vonandi endurspeglar sáttmáli nýrrar ríkisstjórnar þessa einföldu staðreynd: Í meginatriðum virkar Ísland. Við þurfum ekki byltingu, kannski einhverjar breytingar á afmörkuðum sviðum.

Ríkisstjórnin á hverjum tíma á að mynda almennan ramma um samfélagið og sjá til þess að gangverkið tifi - grípa inn í aðstæður ef nauðsyn krefur en annars leyfa fólki að lifa sínu lífi. (Gildir líka um kvartsáru byltingarmennina, sem eru best geymdir utan stjórnarráðsins).


mbl.is „Ég get unnið með þennan sáttmála“
Tilkynna um óviðeigandi tengingu við frétt

Ísland heimsmeistari - við bara vitum það ekki

Ísland er sem sagt heimsmeistari í jafnrétti kynjanna. Umræðan er nú engu að síður iðulega að hér sé voðalegt ástand í jafnréttismálum.

Kannski er það leiðin, að vita ekki um heimsmeistaratignina, til að ná enn betri árangri.

Óneitanlega væri nú samt huggulegra að umræðan væri í ögn meira samræmi við veruleikann.


mbl.is „Ísland er heimsmeistari í jafnrétti“
Tilkynna um óviðeigandi tengingu við frétt

Ferðaþjónustan áfram niðurgreidd

Ferðaþjónustan er niðurgreidd, borga ekki sama virðisaukaskatt og aðrar atvinnugreinar. Nýja ríkisstjórnin ætlar að halda því fyrirkomulagi, samkvæmt fyrstu fréttum.

Nú liggur í augum uppi að ferðaþjónustan selur Ísland. Enginn ferðamaður kemur hingað í þeim tilgangi að sækja heim ferðaþjónustufyrirtæki. Útlendingar koma til Íslands vegna lands og þjóðar. Og ferðaþjónustan gerði nákvæmlega ekkert til að skapa verðmætin sem seld eru útlendingum.

Það þarf sterk rök til að viðhalda niðurgreiðslu heillar atvinnugreinar. Þau rök hafa ekki komið fram.


mbl.is Hyggjast dreifa orkunni betur
Tilkynna um óviðeigandi tengingu við frétt

Alþingi niðurlægt 1942 og 2017

Árið 1942 var alþingi niðurlægt með utanþingsstjórn, eins og Stefán Pálsson segir. Niðurlæging þingsins 2017 felst í metfjölda flokka á þingi. 

Í báðum tilvikum getur þingheimur sjálfum sér um kennt. Ósætti lamaði alþingi í aðdraganda utanþingsstjórnarinnar. Kosningarnar í ár stöfuðu af vangetu sjö flokka þingheims að mynda meirihlutastjórn. Þjóðin galt stjórnmálakerfinu rauðan belg fyrir gráan og bætti áttunda stjórnmálaflokknum við óreiðuna á Austurvelli.

Lærdómurinn er sá sami 1942 og 2017; fyrrum aðalandstæðingar taka höndum saman um ríkisstjórn.

Sumt breytist aðeins á yfirborðinu.


mbl.is Hlakkar til að skoða sáttmálann
Tilkynna um óviðeigandi tengingu við frétt

100 ára stéttastjórnmálum lýkur - sögulegar sættir

Í sögubókum er kennt að stéttastjórnmál taki við pólitískri fullveldisbaráttu 1. desember 1918. Þótt söguleg þróun breytist ekki á einum degi markar fullveldið þau skil í sögunni að 70 ára baráttu fyrir íslensku þjóðríki lauk fyrir öld.

Tímabilið sem tók við má kenna við stéttastjórnmál að því leyti að meginátökin stóðum um skiptingu efnahagslegra verðmæta.

Eftir seinna stríð slíðruðu sverðin Sjálfstæðisflokkur og forverar Vinstri grænna, Sósíalistaflokkurinn, en þessir flokkar voru öndverðir í stefnu um hvernig helstu þjóðfélagsmálum skyldi skipað. 

Nýsköpunarstjórnin 1944 - 1947 var stofnuð á lýðveldisárinu en lauk ótímabært störfum þegar kalda stríðið hélt innreið í íslensk stjórnmál. Á tæpu kjörtímabili tókst engu að síður að mynda sátt sem haldið hefur æ síðan, að hér skuli rekið blandað hagkerfi.

Eftir að nýsköpunarstjórnin sprakk hafa Sjálfstæðisflokkur og sósíalistar ekki starfað saman í ríkisstjórn. En núna fær afkomandi Skúla Thoroddsens, sem ritstýrði Þjóðviljanum á tímum fullveldisstjórnmála, umboð til að mynda samstjórn höfuðandstæðinga stéttastjórnmálanna.

Eins og það sé ekki nóg að borgaraöflin og róttæklingarnir taka höndum saman um landsstjórnina eftir 100 ára andstöðu flýtur bændaflokkur Jónasar frá Hriflu með inn í Arnarhvol. Togstreita þéttbýlis og sveitasamfélagsins var annar helsti vettvangur átaka síðustu öld, næst á eftir verkalýðsbaráttunni.

Ríkisstjórn Katrínar Jakobsdóttur er stjórn sögulegra sátta. 


mbl.is Katrín fær stjórnarmyndunarumboðið
Tilkynna um óviðeigandi tengingu við frétt

Sælan í fátæktinni

Framan af síðustu öld biðu róttækir vinstrimenn eftir byltingunni, sælir í valdafátækt en ríkir í hugsjón. Byltingin kom aldrei, neysluhyggjan gerði öreigana að millistétt sem varð fráhverf róttækni.

Vinstrimenn skiptu út hugsjónum enda háðir sælunni sem fylgir valdafátæktinni. Í stað baráttu fyrir bættum lífskjörum var leitað á mið sjálfsvitundarinnar. Sjálfmiðuð stjórnmál gera pólitík úr hvaða vansælu sem vera skal og einu gildir hvort hún sé ímynduð eða raunveruleg.

Vinstri grænir standa frammi fyrir ákvörðun um að viðhalda fátæktarsælunni eða taka þátt í málamiðlunum sem óhjákvæmilega setja bletti á skínandi hugsjónir. Það tekur á að gera upp hug sinn, sem vonlegt er.


mbl.is Ekki enn búin að ákveða sig
Tilkynna um óviðeigandi tengingu við frétt

RÚV-atlagan að hæstarétti

Skúli Magnússon formaður Dómarafélags Íslands segir RÚV hafa staðið fyrir ,,þaulskipulagðri aðgerð" gegn hæstarétti og stjórnskipum landsins fyrir ári. Rétt er að rifja upp helstu málsatvik hæstaréttarupplaups RÚV fyrir ári:

Síðdegis á mánudag kynntu ritstjórar Kastljóss, Þóra Arnórsdóttir og Helgi Seljan, skandal kvöldsins, um spillingu í hæstarétti, hornsteini réttarkerfisins.

Spilað var á tilfinningar öfundar og tortryggni í fréttinni: Markús Sigurbjörnsson, hæstaréttardómari og forseti Hæstaréttar, átti hlutabréf fyrir tugi milljóna í Glitni banka á árunum fyrir hrun. Bréfin seldi hann með miklum hagnaði árið 2007. Dómarar við Hæstarétt eru æviráðnir og laun þeirra með því hæsta sem gerist hjá hinu opinbera til að tryggja sjálfstæði þeirra.

Eins og til var ætlast tóku aðrir fjölmiðlar undir, sérstaklega 365-miðlar Jóns Ásgeirs Jóhannesson, sem er fastakúnni hjá dómskerfinu, bæði fyrir og eftir hrun. Gamalkunnugt stef frá tímum síðustu ríkisstjórnar vinstrimanna, um ónýta Ísland, var komið með nýtt viðlag: hæstiréttur er líka gerspilltur.

RÚV er ábyrgðarlaus fjölmiðill, eins og dæmin sanna.

 

 

 
 
 
 
 

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband