Boðorð vinstrimanna: þú skalt stela

Biskup Íslands segir: ,,Siðferðis­lega er ekki rétt að stela gögn­um og fara á bak við fólk til að af­hjúpa mál og leiða sann­leik­ann í ljós."

Vinstrimenn rjúka upp til handa og fóta og kynna nýtt boðorð: ,,þú skalt stela, ljúga og falsa ef það þjónar pólitískum tilgangi."

Trúarpólitík vinstrimanna er reist á siðagildum sem Páll J. Árdal færði í búning:

Ef ætlarðu að svívirða saklausan mann,
þá segðu aldrei ákveðnar skammir um hann,
en láttu það svona í veðrinu vaka,
þú vitir, að hann hafi unnið til saka.

En biðji þig einhver að sanna þá sök,
þá segðu að til séu nægileg rök,
en náungans bresti þú helst viljir hylja,
það hljóti hver sannkristinn maður að skilja.

 

„Ég er ósammála biskupi“

Athugasemdir

[Jón Steinar Ragnarsson, 24.10.2017 kl. 07:21]

Og gaktu nú svona frá manni til manns

uns mannorð er drepið og virðingin hans

Og hann er ílyginnar helgripar seldur

og hrakinn og vinlaus í ógæfu felldur.

Og þegar hann allir svo elta og smá

með ánægju getur þú dregið þig frá

og láttu þá helst eins og verja hann vildir

þú vitir hans bresti og sökina skiljir

Allt þetta ljóð er ansi viðeigandi nú (Fleiri erindi reyndar.)

Það er þó eitt kaldhæðnislegt við þetta allt, því það var móðir Birgittu sem gerði þetta vinsælt með fallegu lagi.

[Jóhann Elíasson, 24.10.2017 kl. 08:42]

Mál til komið að fjallað yrði um þetta, góð umfjöllun um þetta mál.  Ég hef oft fjallað um Snowden og ekkert skafið af því að hann sé ekkert annað en ótýndur þjófur og glæpamaður og það er ekkert venjuleg "drullan" sem ég hef fengið yfir mig frá "vinstra liðinu" og þá sérstaklega Pírötum, sem eru ekkert annað en vinstra lið.