Mánudagur, 23. október 2017
Edda við Katrínu Jakobs: við erum ekki glæpamenn
Vinstrimenn draga upp þá mynd að þeir sem eiga peninga séu glæpamenn. Samfylkingin boðar eignaupptöku og Vinstri grænir skatta á lífeyrisþega. Edda Þórarinsdóttir skrifar formanni Vinstri grænna opið bréf og vegna skattahugmynda Katrínar og félaga.
Edda segir um 7200 manns eiga lífeyrinn sinn í fasteignum og verðbréfum. Og skrifar
Hóp sem hafði reynt að spara til elliáranna og búa sér til sinn eigin lífeyrissjóð, til dæmis með því að fjárfesta í steinsteypu - kaupa eða byggja húsnæði - eða jafnvel með því að kaupa ríkisskuldabréf. Þetta er hvorki ólöglegt né glæpsamlegt.
Edda telur sig þurfa að taka fram að heiðarlegt fólk sem á peninga stundi ekki glæpsamlega iðju. Vinstrimenn eru búnir að endurtaka svo oft að eignafólk sé upp til hópa glæpahyski sem skuli skattleggja út á guð og gaddinn.
Dægurmál | Slóð | Facebook | Athugasemdir (1)
Mánudagur, 23. október 2017
Vinstristjórn og kjarasamningar: eitruð blanda
Ef vinstriflokkarnir ná meirihluta í þingkosningunum á laugardag opna þeir ríkiskassann skjólstæðingum sínum í ríkisverkalýðshreyfingunni.
Á borðinu er krafa um 30 prósent launahækkun opinberra starfsmanna.
Þórunn Sveinbjarnardóttir fyrrum ráðherra Samfylkingar og félagar hennar í samtökum ríkisstarfsmanna sjá fram á jólaveislu þegar í nóvember. Eftir áramót tekur við langur og harður verðbólguvetur.
Samið um allt nema laun | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (3)
Mánudagur, 23. október 2017
RÚV stundar pólitík, ekki fréttaflutning
RÚV veltir sér upp úr Glitnis-gögnum, ekki til að upplýsa heldur ala á tortryggni. Hálfkveðnar vísur og dylgjur er notaðar til að koma höggi á Sjálfstæðisflokkinn.
Björn Bjarnason tekur saman síðustu afrek Gróu á Efstaleiti.
Það er ekki boðlegt að ríkisrekin fréttastofa standi fyrir pólitískum áróðri.
RÚV dró upp kolranga mynd | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (2)
Mánudagur, 23. október 2017
Siðleysi vinstrimanna
Vinstrimenn og fjölmiðlar þeirra, RÚV, Stundin og Kjarninn, nota stolin gögn til sá fræjum tortryggni í kosningabaráttunni. Gögnin eru úr þrotabúi Glitnis, meira en tíu ára gömul.
Gögnin geyma persónulegar upplýsingar. Þrátt fyrir ítrustu tilraunir geta fjölmiðlar vinstrimanna ekki sýnt fram á að gögnin varpi ljósi á nein lögbrot. Engu að síður nota vinstrimenn gögnin til að efna til fjölmiðlaréttarhalda þar sem ákæruvald og dómstóll eru RÚV, Stundin og Kjarninn. Markmiðið er ekki að leiða sannindi í ljós heldur ala á grunsemdum og tortryggni.
Í allri umræðunni um Glitnisgögnin vottar hvergi fyrir efasemdum vinstrimanna um siðferðilegt réttmæti þess að nota stolin gögn til að grafa undan tiltrú fólks á stjórnmálum.
Ríkjandi viðhorf vinstrimanna er að tilgangurinn helgi meðalið. Lygi, falsfréttir og blekkingar eru lykillinn að árangri í pólitík, er viðkvæði vinstrimanna. Útkoman verður siðlaust samfélag.
Stuldur á gögnum ekki réttlætanlegur | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (6)
Sunnudagur, 22. október 2017
Hallgrímur og sjúkdómur vinstrimanna
Hallgrímur Helgason flutti brag fyrir fámennið á Austurvelli í gær. Þar segir m.a. af klofningi vinstrimanna ár og síð. Hallgrímur harmar að eftir kosningarnar sl. haust var ekki mynduð vinstristjórn. Hann yrkir:
af því allir litlu minnihlutarnir
föttuðu ekki að saman höfðu þeir meirihluta
það er okkar veikleiki
okkar sjúkdómur
vantrúin og vanmetakenndin
Hallgrímur telur sum sé minnihlutflokkana saman og fær út meirihluta. En Vinstri grænir, Samfylking, Píratar og Björt framtíð eru hver sinn flokkurinn sökum þess að fólk innan þeirra vill ekki starfa með hinum.
,,Sjúkdómur" vinstrimanna, samkvæmt Hallgrími, er sljóleiki. Raunveruleikinn er allur annar.
Vinstrimenn skiptast í marga flokka af þeirri ástæðu að sundurlyndi er ráðandi einkenni þeirra. Það eina sem sameinar vinstrimenn er hatur þeirra á sterkum foringjum annarra flokka sem ná til þjóðarinnar. Nægir þar að nefna Davíð Oddsson, Sigmund Davíð Gunnlaugsson og Bjarna Benediktsson. Það er hinn raunverulegi sjúkdómur vinstrimanna.
Dægurmál | Slóð | Facebook | Athugasemdir (6)
Sunnudagur, 22. október 2017
Þorgerður Katrín: 480 þús. kr. mánaðarlaun kennara
Þorgerður Katrín Gunnarsdóttir formaður Viðreisnar vill bæta laun kvennastétta, til dæmis kennara. Á opnum fundi nýverið sagði Þorgerður Katrín að meðallaun kennara ættu að vera 480 þús. kr. á mánuði.
Meðallaun á Íslandi eru 667 þús. á mánuði.
Fyrir hönd kennara sýnir Þorgerður Katrín stórkostlegan metnað. Þau eiga að vera nær 200 þús. kr. lægri á mánuði en meðallaun í landinu.
Viðreisn sýnir spilin | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (4)
Sunnudagur, 22. október 2017
RÚV: Bjarni Ben. skrifaði tölvupósta 2003
Aðalfrétt RÚV í gærkveldi af yfirstandandi kosningabaráttu er að Bjarni Benediktsson hafi skrifað tölvupósta þegar árið 2003 - fyrir heilum 14 árum.
RÚV hlýtur að fá blaðamannaverðlaun fyrir þessa stórfrétt. Hún slær met Stundarinnar, sem í vikunni sagði ekkert fréttnæmt á Íslandi síðastliðinn áratug.
RÚV hlýtur að fylgja skúbbinu eftir með tíðindum af Bjarna Ben. þegar hann var unglingur eða barn í foreldrahúsum. Þjóðina þyrstir að vita hvenær hann sparkaði fyrst í bolta. Fór Bjarni kannski í dansskóla Heiðars Ástvalds?
Þjóðin situr sem límd við viðtækin næstu daga og bíður í ofvæni eftir fleiri stórfréttum RÚV af Bjarna Benediktssyni.
Gefur nákvæma mynd af samskiptum við Glitni | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (6)
Laugardagur, 21. október 2017
Fáeinar hræður á Austurvelli - hópefli vinstrimanna
Fáeinar hræður mættu á Austurvöll. Líklega nógu margar til að hræða fugla frá haustberjum. Baugsskáldið og frambjóðandi Samfylkingar hélt ræðu um stjórnarskrá vinstrimanna.
Valdefling vinstriflokka tekur á sig sérkennilegar myndir.
Vilja svör við stjórnarskrármálinu | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (2)
Laugardagur, 21. október 2017
Þrír skattaflokkar: Vinstri grænir, Samfylking og Píratar
Vinstriflokkarnir þrír eru allir skattaflokkar. Eignaupptaka á öldruðum og almennar skattahækkanir eru forsenda fyrir kosningaloforðum þeirra.
Eins og það sé ekki nóg ætla skattaflokkarnir að ráðast að stjórnarskránni og með góðu eða illu gera Ísland að ESB-ríki.
Þjóðin hefur viku til stefnu að gera upp við sig hvort hún vill skattaflokkana þrjá til landsstjórnar eða velja sér hófsamari stjórnmálaöfl til forystu.
Vinstri grænir lækka flugið | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Laugardagur, 21. október 2017
Einu sinni voru fréttir og skoðanir sitthvað
Fréttir eru byggðar á staðreyndum, skoðanir eru álit eða túlkun. Einu sinni voru fréttir fjölmiðla aðgreindar frá skoðunum. Dagblöð voru með fréttasíður fyrir tíðindi dagsins þar sem staðreyndir voru í forgrunni. Leiðarar og skoðanir voru á vísum stað, oft á miðopnu.
Aðrir fjölmiðlar, útvarp og sjónvarp, buðu upp á staðreyndir í fréttatímum en ekki leiðara eða skoðanir.
En nú er öldin önnur. Fjölmiðlar taka þátt í ,,umræðunni" þar sem enginn greinarmunur er gerður að staðreyndum og skoðunum. Það er talað um ,,inngrip í umræðuna" þegar fullkomlega eðlileg meðferð á persónuverndarmáli leggur hömlur á opinbera birtingu stolinna gagna.
Undir yfirskini ,,umræðunnar" eru skrifaðir leiðarar og þeir kallaðir fréttir. Í stað sjálfstæðra heimilda tekur einn fjölmiðill skoðun frá öðrum fjölmiðli og gerir að frétt. Fjölmiðlar eiga það til að framleiða eigin heimildir, t.d. tímalínur, og vitna síðan í sjálfa sig og kalla sjálfstæða heimild.
Í umræðufréttum eru skoðanir meðhöndlaðar sem hlutlægar staðreyndir. Í umræðunni er enginn munur gerður á sannindum eða ósannindum. Tjáningarfrelsið er notað sem skálkaskjól fyrir bullið.
Forsíðan er svert í mótmælaskyni | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)