Mistökin voru þín, Sigurður Ingi, ekki Sigmundar Davíðs

Sigurður Ingi segist hafa varið Sigmund Davíð í fjóra mánuði en síðan ákveðið að fella formanninn vegna þess að hann ,,viðurkenndi ekki mistök."

Sigmundur Davíð er sá stjórnmálamaður sem hefur gert mest rétt á skemmstum tíma í allri lýðveldissögunni. Í forsætisráherratíð Sigmundar Davíðs voru gerðar tvær best heppnuðu efnahagsaðgerðir í seinni tíma sögu; uppgjörið við þrotabú bankanna annars vegar og hins vegar skuldaleiðrétting heimilanna.

En Sigurður Ingi vildi að Sigmundur Davíð viðurkenndi mistök vegna pólitískra ofsókna RÚV og stjórnarandstöðunnar. Sigurður Ingi stóð með formanni Framasóknarflokksins í fjóra mánuði en sat í skjóli hans í ríkisstjórn í þrjú ár. Vanþakklæti tekur á sig ýmsar myndir.

Enginn einstaklingur stærri en flokkurinn

Lýðræðishallinn í Evrópusambandinu

Katalónar vilja kjósa um sjálfstæði frá Spáni. Katalónska er viðurkennt tungumál og Katalónar eru þjóð á líkan hátt og Skotar, sem fengu að kjósa um sambandsslit við England - þar sem sjálfstæði var hafnað.

Spænska konungsríkið er ekki nema 500 ára og var haldið saman með ofbeldi Franco-stjórnarinnar stóran hluta síðustu aldar.

Ríkisstjórnin í Madrid meinar Katalónum þjóðaratkvæðagreiðslu með þeim rökum að fullveldi spænska ríkisins gangi framar hagsmunum þjóða innan ríkisins. Rökin eru sótt til fyrirkomulags sem ráðandi öfl í Evrópu komu sér saman um í Vestfalíu-friðnum 1648.

Evrópusambandið styður ríkisstjórnina í Madrid gegn lýðræðiskröfu Katalóna. Ráðandi öfl í Brussel eru stóru ríkin - og Spánn er eitt þeirra.

Katalónska sjálfstæðisbaráttan sýnir svart á hvítu lýðræðishalla Evrópusambandsins. Leiðtogar stóru ríkjanna, t.d. Macron í Frakklandi, boða stærra og miðstýrðara ESB en láta sér fátt um finnast þegar þjóðir inna aðildarríkjanna sækjast eftir sjálfstæði.

Valdaelítan í Evrópusambandinu lítur á sjálfstæði þjóða sem ógn.

Leggja hald á kjörkassa í Katalóníu