Heimsendi frestað vegna hlýnunar

Hlýnun af mannavöldum, gróðurhúsalofttegundum, mun ekki gera jörðina óbyggilega á 100 árum, segir ný rannsókn í Nature er Guardian gerir skil.

Heimsendaspámenn, stundum kallaðir hlýnunarsinnar, hafa í meira en tvo áratugi boðað heimsendi vegna gróðurhúsalofttegunda. Rannsóknin afhjúpar fyrri spádóma sem ótrúverðugar ýkjur.

Íbúum heimsbyggðarinnar hlýtur að vera létt, Áströlum sérstaklega.

Von á 40 stiga hita í 3-5 daga

Hitler og Stalín fá uppreisn æru

Reglulegar samlíkingar samtímamanna, t.d. Rajoy, Trump og Pútín, við þá kumpána Hitler og Stalín veitir þeim tveim síðarnefndu uppreisn æru.

Þegar stjórnmálamönnum í lýðræðisríkjum er líkt við ábyrgðarmenn helfararinnar annars vegar og hins vegar gúlagsins er ályktunin nærtæk að þeir Hitler og Stalín hafi verið stofuhæfir.

Hitler og Stalín urðu alræmdir á millistríðsárunum og í seinni heimsstyrjöld. Síðan eru tvö söguleg tímabil, annað kennt við kalda stríðið en hitt er aldarfjórðunginn þar á eftir sem má nefna lok frjálslyndrar alþjóðahyggju.

Við lifum á þriðja tímabilinu, sem enn er í drögum og því nafnlaust. Sérhver samtími býr til sína sögu. Það veit ekki á gott að söguskilningur samtímans lítur mildum augum á kanslarann og aðalritarann.

Líkti hann forsætisráðherranum við Hitler?

Davíð brýtur 70-ára múrinn

Til skamms tíma var algengt að ætlast var til þess af sjötugu fólki að það hætti störfum. Víða í samfélaginu er þetta meginregla.

Í seinni tíð er orðið ljóst að 70-ára reglan er sóun á verðmætum. Margir eru fullir starfsorku á áttræðisaldri á meðan sumir mættu fá starfshvíld snemma á sjötugsaldri.

Sveigjanleg starfslok ættu að miðast við starfsþrek fólks fremur en fæðingarár. Davíð Oddsson er ágætis dæmi um það.

Davíð Oddsson 70 ára – MYNDIR

Vinstri grænir vilja kaupa Árna Pál - Gulli á að neita

Árni Páll Árnason er fyrrverandi formaður Samfylkingar, höfuðandstæðings Vinstri grænna frá aldamótum. Gangi Árni Páll til liðs við ríkisstjórnina, þó ekki sé nema sem ráðgjafi, fylgir honum pólitískt kapítal sem leggst beint inn á reikning Vinstri grænna.

Um Árna Pál er það að segja að hann skilur minna en ekkert í Evrópusambandinu. Í heimi Árna Páls er ESB vegurinn, sannleikurinn og lífið. Ráðgjöf hans yrði verri en engin.

Utanríkisráðuneytið fer með forræði þeirra mála er snúa að ESB. Guðlaugur Þór ráðherra málaflokksins ætti í mestu vinsemd ráðleggja Vinstri grænum að nota ríkisstyrkinn til að ráða Árna Pál á skrifstofu flokksins. Árna Páli á ekki að hleypa inn um bakdyrnar í stjórnarráðinu.

Vill Árna Pál í Brexit-málið

Davíð er tímabil í þjóðarsögunni

Davíð kom, sá og vann oftar sigra en ekki. Oftast voru sigrarnir í þágu réttmæts málstaðar. Fáir verða í lifandi lífi goðsagnir, en Davíð varð það fyrir lifandi löngu. 

Þegar Davíð axlar sín skinn og sest í helgan stein lýkur tímabili í þjóðarsögunni. 

Davíðstímabilið er ekki runnið sitt skeið. Og það er fagnaðarefni.

Ekkert að hugsa um að hætta

ESB reynir að deila og drottna í Brexit

Nýjasta útspil valdhafa Evrópusambandsins er að bjóða Bretum að hætta við útgöngu. Brexit, útganga Breta úr ESB, var niðurstaða þjóðaratkvæðagreiðslu í Bretlandi.

Tilboð ESB um að Bretar hætti við útgöngu er beinlínis gerð til að auka úlfúð í breskum stjórnmálum. Þessi aðferð heitir að deila og drottna. Heimsveldi, allt frá dögum Rómarveldis, nota aðferðina til að veikja andstæðinginn.

Mikilvægasti lærdómurinn sem við getum dregið af Brexit er hvernig ESB tuddast á þjóðum sem voga sér að afþakka aðild að félagsskapnum.

Brexit rætt í ríkisstjórn

Vinstriflokkarnir og ónýta Reykjavík

Þeir sem syntu í haust í Nauthólsvík eða rápuðu í fjörunni urðu fyrir skólpmengun; ekki er óhætt að drekka vatn úr krana í borginni í janúar vegna hættu á saurgerlum.

Ónýta Reykjavík, myndu vinstrimenn hrópa hástöfum.

En þeir þegja enda vinstriflokkarnir sem stjórna borginni.

Engin vísbending um E-coli

Stone, Atwood, þjóðkirkjan og #metoo

Leikkonan Sharon Stone sprakk úr hlátri þegar hún var spurð um kynferðislega áreitni. Rithöfundurinn Margaret Atwood fær yfir sig holskeflu gagnrýni þegar hún biður #metoo-hreyfinguna að fara varlega í galdrabrennur meintra áreitara - menn séu saklausir uns sekt er sönnuð.

Viðbrögð Stone við spurningu fréttamanns og hremmingar Atwood er tvær af mörgum birtingarmyndum #metoo-byltingarinnar.

Frumleikaverðlaun byltingarinnar hljóta þó að falla íslensku þjóðkirkjunni í skaut. Þar koma við sögu naktar tær og bandaskór.

Nató-svikin við Rússa 1990

Bandarísk leyniskjöl, sem voru gerð opinber í desember, afhjúpa svik bandarískra stjórnvalda við Rússland í lok kalda stríðsins. Árið 1990 lofaði þáverandi utanríkisráðherra Bandaríkjanna, James Baker, að Nató yrði ekki stækkað í austur.

Loforðið var gefið til að fá Sovétríkin/Rússland að samþykkja sameiningu Þýskalands sem hafði verið klofið í tvö ríki allt frá lokum seinni heimsstyrjaldar.

Bandaríska hægriútgáfan, American Conservative, segir frá skjölunum. Í Nation, sem er útgáfa á vinstri væng bandarískra stjórnmála, er útskýrt hvers vegna skjölin fá ekki umfjöllun í stórum fjölmiðlum eins og Washington Post og New York Times. Þau samrýmast ekki ritstjórnarstefnu þessara fjölmiðla sem leggur áherslu á Rússaandúð.

Svikin fólu í sér að hernaðarbandalagið Nató var stækkað þegar Sovétríkin féllu 1991. Nató-herstöðvar liggja að öllum vesturlandamærum Rússlands. Rússar líta á stækkun Nató sem ógn við öryggi ríkisins.

Stríðið í Úkraínu, sem staðið hefur frá 2014, er bein afleiðing svikinna loforða frá 1990. Stríðið í Sýrlandi, þar sem Rússar styðja Assad forseta en Bandaríkin/Nató uppreisnarmenn, er önnur afleiðing útþenslu Nató eftir fall Sovétríkjanna.

Við lok kalda stríðsins stóðu vonir til að samskipti kjarnorkuveldanna, Bandaríkjanna og Rússlands, yrðu friðsamleg. Fall Sovétríkjanna þýddi að vofa kommúnismans var kveðin í kútinn. Svikin loforð um að stækka ekki Nató í austur eitruðu samskiptin við Rússland. Og gera enn.

Hlýnun hugarfarsins: svart verður hvítt

Á áttunda áratug síðustu aldar urðu nokkrir vetur í Bandaríkjunum kaldari en í meðalári. Óðara spruttu fram vísindamenn sem spáðu væntanlegri ísöld. Ríkisstjórn Richard Nixon forseta sagðist gaumgæfa málið.

Al Gore, sem einu sinni var varaforseti eins og Nixon, segir um kalda vetur í Bandaríkjunum síðustu ár að það sé kalt vegna þess að það er að hlýna. Umorðað: svart er hvítt.

RichardNixon þótti ósvífinn stjórnmálamaður en kemst ekki með tærnar þar sem Al Gore hefur hælana. Gore og trúarkirkjan hans um hlýnun jarðar er stærsta svikamylla vísindasögunnar frá því gullgerðarmenn voru og hétu á nýöld.

Matt Ridley tekur saman alvöru vísindin og kemst að þeirri niðurstöðu að við stefnum inn í næstu ísöld - eftir nokkra tugi þúsunda ára.

Leiðinlegt vetrarveður á leiðinni