Þorgerður Katrín yfirgefur almenna skynsemi

Seðlabankinn fær tiltrú frá almenningi og þar með krónan sem gjaldmiðill. Þorgerður Katrín formaður Viðreisnar, ESB-sinni og hatursmaður þess sem íslenskt er, gengur af göflunum við tíðindin og fullyrðir í Mogga-grein í dag að ríkisstjórnin hafi ,,yfirgefið krónuna."

Tilefnið er að ríkisstjórnin tók lán í erlendri mynt. En það hafa allar ríkisstjórnir gert frá árdögum íslensku krónunnar. Einhver þarf að segja formanninum að íslenska krónan er ekki alþjóðleg mynt, ekki frekar en að íslenska sé alþjóðlegt tungumál. Þegar við erum í útlöndum tölum við mál sem líklegt er að viðmælendur skilji. En með því er ekki sagt að við ,,yfirgefum íslenskuna."

Eins og jafnan þegar fólk fer út í móa í málflutningi byggir Þorgerður Katrín á fölskum forsendum. Hún skrifar: 

Þeir sem vilja halda í krónuna sem gjaldmiðil hafa helst bent á að við sérstakar aðstæður geti verið gott að grípa til peningaprentunar.

Öh, nei það er ekki málflutningur krónuvina að prenta peninga án innistæðu. Krónan er hagnýtt verkfæri í þjóðarbúskap okkar. Þegar vel árar hækkar hún og eykur kaupmátt á útlendri vöru og þjónustu en í hallæri gefur hún eftir og jafnar byrðarnar. Krónan rís og hnígur í takt við íslenskar aðstæður. Alþjóðlegar myntir, t.d. dollar og evra, taka ekki mið af efnahagskerfinu á Fróni.

Ef krónan væri einstaklingur yrði jöfnuður aðall hennar. Formaður Viðreisnar er ójafnaðarmaður. Um Þorgerði Katrínu má segja að hún er óvinur krónunnar, - nema þegar hún þarf að fá afskrifuð lán í krónum. Þá verður hún allt í einu besti vinurinn. Slíkum vinum þarf þjóðin ekki á að halda.

Traust á Seðlabanka eykst mikið

Kvennaskóli hentar ekki drengjum

Grunnskólinn er kvennaskóli, sé tekið mið af kennarastéttinni. Um 90 prósent kennara eru konur, já níu af hverjum tíu. Aðeins einn karlkennari fyrir hverja níu kvenkennara.

Drengjum er kennt, bæði beint og óbeint, að menntun sé fyrir stúlkur. Kvenlægar kennsluaðgerðir, s.s. ,,yndislestur" eru ráðandi eins og við er að búast í kvennaskóla.

Útkoman er fyrirsjáanleg, eins og meðfylgjandi ber með sér. Einungis þriðjungur þeirra sem útskrifast úr háskóla er karlar. Munurinn eykst þegar litið er til framhaldsnámsins. Karlar eru í miklum minnihluta þeirra sem útskrifast með meistara- og doktorspróf.

Gjaldfall menntunar blasir við. Háskólastéttir, sem óðum kvenvæðast, lækka í launum hlutfallslega við aðrar starfsstéttir. Háskólanám almennt lætur á sjá, samanber hjávísindin um manngert veður og kynjafræði sem segja Darwin ómarktækan og halda fram bábiljum um að kynin séu félagslega skilgreind en ekki líffræðilega.

 

Fráleitt að refsa 15 ára drengjum

Neyðarástand vegna kulda - en samt skal trúað á hlýnun

Enginn sá fyrir kuldakastið sem lamar suðrríkin í Bandaríkjunum. Vegna áróðurs um manngerða hlýnun var orkukerfið í Texas og víðar illa í stakk búið að takast á við kuldann. Sólarrafhlöður og vindmyllur duga skammt í snjóbyl, eins og kunnáttumaður rekur.

En þótt sérfræðingar í loftslagsmálum sjá ekki fyrir veðrið næstu vikur segja sumir þeirra kokhraustir að það munu hlýna af mannavöldum næstu árin. Biden-stjórnin trúir slíkum hjávísindum og ætlar að gangast inn á Parísarsamkomulagið um manngert veður.

Enginn veit kjörhitastig jarðarinnar en samt ætla menn sér að breyta hitastiginu í þágu náttúrunnar, að sögn. Náttúran gerir bara grín að mannfólkinu og skapar neyðarástand með kuldabola. 

Mun lýsa yfir neyðarástandi

Viðskipti, traust og landsstjórnin

Viðskipti aukast, traust á alþingi eykst og heilbrigðiskerfið tekur hástökk í trúverðugleika, segir í könnun.

Í sömu könnun má lesa að umboðsmaður krónunnar, Seðlabanki Íslands, hefur tiltrú landsmanna.

Í byrjun góu á kosningaári er landsstjórnin á réttu róli í flestum málum.

Neysla innanlands jókst um 2,5% milli ára

RÚV ritskoðar, opnar nýja víglinu gegn Samherja

Í bráðum áratug er RÚV í stríði við Samherja, norðlensku útgerðina. RÚV sakaði Samherja um brot gjaldeyrislögum 27. mars 2012. Ásökun RÚV var unnin í samvinnu við gjaldeyriseftirlit Seðlabanka Íslands. Þar komu við sögu skjöl sem ýmist voru fölsuð, týnd eða hvorutveggja. Ásökunin rann út í sandinn.

Næsti áfangi í herferð RÚV gegn Samherja hófst 2019 með svokölluðu Namibíumáli. Þar tók RÚV upp á sína arma vonsvikinn fyrrum starfsmann Samherja til að koma höggi á fyrirtækið. Trúnaðarmaður RÚV og aðalheimild var ekki upp á marga fiska.

Angi af Namibíumálinu er meint peningaþvætti í gegnum norskan banka, DNB. Þegar efnahagsbrotadeild norsku lögreglunnar hættir rannsókn þegir RÚV og grípur til ritskoðunar á tilraun Samherja til að bera hönd fyrir höfuð sér - með því að benda á hið augljósa, að lögreglurannsókn á ásökunum RÚV var tilhæfulaus.

En þá opnar RÚV nýja víglínu og byrjar endurvinnslu á ásökunum namibískra viðskiptafélaga Samherja.

RÚV er opinber stofnun sem er komin langt út fyrir sitt hlutverk í herferðinni gegn Samherja.

 

Heiðar Örn: „Það er ljótt að stela“

Samfylking tapar á vinstrisnúningi, Logi í hættu

Herfræði Samfylkingar á kosningaári er farin í hundana í febrúar. Logi formaður sneri flokknum til vinstri, fékk liðhlaup úr Vinstri grænum og gerðist femínískur.

Afleiðingin var tvíþætt. Viðreisn fékk til sín hægrikrata og femínismi Katrínar og Svandísar trompaði skeggjuðu útgáfu Loga.

Logi verður ekki formaður Samfylkingar þegar gengið verður til kosninga í september, fari svo fram sem horfir.

Vinstri græn ná Samfylkingunni í fylgi

Lýðræðismótsögn félagsmiðla

Eitt einkenni lýðræðis er að þátttakendur njóti málfrelsis og fái tækifæri að segja sína skoðun.

Félagsmiðlar boðuðu bjarta lýðræðistíð þegar þeir urðu almenningur á fyrsta áratug aldarinnar. Fyrir daga félagsmiðla áttu menn einkum tveggja kosta að láta til sín heyra, á opnum fundum og með greinaskrifum í dagblöð og tímarit. Annars var það eldhúsborðið heima, vinnustaðurinn eða lokaðir fundir saumaklúbba, félagasamtaka og vinahópa þar sem fólk lét gamminn geisa.

En félagsmiðlar leiddu fyrst og fremst til aukinnar sundrungar. Þar sem áður voru tiltölulega afmarkaðar fylkingar í stjórnmálum blasti við óreiða og upphlaup knúin áfram af falsfréttum. Lýðræðismótsögn félagsmiðla er einmitt þessi: þegar engin sannindi eru viðtekin og kjölfesta lítil snýst lýðræðið upp í múgræði. Að lokum gefst fólk upp á lýðræðinu enda skaffar það ekki lengur sem lofað var, réttlæti og sæmilegan frið.

 

 

Stjórnmál og fjölmiðlar tvístrast

Hiti, kuldi og hamfarir

Kuldi drepur en ekki hiti eru gömul sannindi og ný. Kuldakastið í Evrópu og Ameríku síðustu daga ætti að minna á það.

Hlýnun af mannavöldum er tilbúningur, náttúran sér um þá hlið mála, líkt og hún hefur ávallt gert.

Almennt samkomulag er um að heimurinn hafi hlýnað frá 1880, sem er algengt viðmiðunarár, um 1 gráðu á Celcíus eða þar um bil. Oft er notaður mælikvarðinn hlýnun á áratug og þá miðið við um 0,07 til 0,1 gráðu á áratug. Tímabilið 1300 til 1900 er kallað litla ísöld og tók við af miðaldahlýskeiðinu þegar Ísland og Grænland byggðust.

Þeir sem trúa á manngert verður segja síðustu áratugir sýna meiri hlýnun en 0,1 gráðu á C. Bandaríska alríkisstofnunin NOAA segir t.d. að hækkunin sé 0,18 gráður á C frá 1981 á áratug. Loftslagsvísindamaðurinn Roy Spencer finnur aftur ekki nema 0,13 gráðu hlýnun á áratug frá 1973 til dagsins í dag á meginlandi Bandaríkjanna.

Samantekið: hlýnun jarðar undanfarin 140 ár eða svo er ekki nema um ein gráða. Ekkert bendir til að sú hlýnun sé af mannavöldum. Allar líkur eru á að náttúran sé ein að verki.

21 látinn vegna vetrarveðurs í Bandaríkjunum

Flótti frá lágum vöxtum

Lágir vextir er orðnir vandamál. Til skamms tíma snerist umræðan um alltof háa vexti. Núna flýr fólk með fé sitt í steinsteypu heitir það í meðfylgjandi frétt.

Lækkun vaxta vegna farsóttar þjónaði þeim tilgangi að vinna gegn samdrætti. Aukin efnahagsumsvif, t.d. í fasteignaviðskiptum, fá einnig innspýtingu fjármagns sem annars færi í neyslu í útlöndum. Landinn ferðast ekki í kófinu.

Hlutabréf hækka í verði og aldrei er jafn mikið að gera og einmitt núna hjá iðnaðarmönnum sem breyta og bæta fasteignir með sólpöllum og viðbyggingum.

Líkur aukast á að kófið fjari út miðsumars eða þar um bil og við taki sterk efnahagsuppsveifla. Þá þarf að hækka vexti.

Flýja í steinsteypuna

Metkuldi en samt glópahlýnun

Metkuldi er austan hafs og vestan. En samkvæmt áróðri sértrúarsafnaðarins um manngert veðurfar vofir sú hætta yfir heimsbyggðinni að við stiknum úr hita.

Sératrúarsöfnuðurinn og útsendarar þeirra á fjölmiðlum kappkosta að útskýra kuldakastið sem náttúrulegt fyrirbrigði. En þegar hitamet falla á sumrin eða það verður skógareldur er óðara tilkynnt að vandræðin stafi af hlýnun af mannavöldum.

Náttúran sér um veðurfar og loftslagsbreytingar. Maðurinn kemur hvergi nærri.

 

Veðurviðvaranir í fjölmörgum ríkjum