Kvennaskóli hentar ekki drengjum

Grunnskólinn er kvennaskóli, sé tekið mið af kennarastéttinni. Um 90 prósent kennara eru konur, já níu af hverjum tíu. Aðeins einn karlkennari fyrir hverja níu kvenkennara.

Drengjum er kennt, bæði beint og óbeint, að menntun sé fyrir stúlkur. Kvenlægar kennsluaðgerðir, s.s. ,,yndislestur" eru ráðandi eins og við er að búast í kvennaskóla.

Útkoman er fyrirsjáanleg, eins og meðfylgjandi ber með sér. Einungis þriðjungur þeirra sem útskrifast úr háskóla er karlar. Munurinn eykst þegar litið er til framhaldsnámsins. Karlar eru í miklum minnihluta þeirra sem útskrifast með meistara- og doktorspróf.

Gjaldfall menntunar blasir við. Háskólastéttir, sem óðum kvenvæðast, lækka í launum hlutfallslega við aðrar starfsstéttir. Háskólanám almennt lætur á sjá, samanber hjávísindin um manngert veður og kynjafræði sem segja Darwin ómarktækan og halda fram bábiljum um að kynin séu félagslega skilgreind en ekki líffræðilega.

 

Fráleitt að refsa 15 ára drengjum

Athugasemdir

[Halldór Jónsson, 21.2.2021 kl. 12:16]

Þegar ég var í GA uppúr 1950 hafði ég engna kvenkennara. Þær voru mjög fáar við skólann.

[Kristinn Sigurjónsson, 21.2.2021 kl. 14:30]

Ég held að áhugasvið drengja sé ekki það sama og stúlkna.  Drengir hafa meiri áhuga á mekanic, setja saman hluti, en svo er spurning hvor það megi segja það upphátt að stúlkur séu meira fyrir þjónustu og umönnun listir og fagurkera.  Þegar kemur að skólakerfinu þá er miklu minna þar sem höfðar til drengja.  Það gerir aftur iðnskólarnir miklu frekar, þar eru ótal greinar, bifvélavirki, trésmíði, vélsmíði, rafvirkjun og svona má lengi telja.  Það var bara tímabil það sem allir áttu að taka stúdentspróf (er enn) og svo átti að halda áfram í háskóla en sú umræða er nú að ljúka.  Nú er þessi umræða búin og nú skiptir mál að læra það sem þig langar að vinna við, og þar skorar háskólarnir ekker hátt hjá drengjum.  Það gerir drengjum ekki aðveldara að fá ekkert áhugavert lesefni í barnaskóla.

[Jóhann Elíasson, 21.2.2021 kl. 21:18]

Þarna held ég að Kristinn Sigurjónsson komi akkúrat að kjarna málsins.  Eftir "kvennavæðingu" háskólanámsins er alveg greinilegt að áherslan hefur færst meira inn á áhugasvið kvenna eins og glögglega má sjá á fjölgun Félagsfræðigreina og þess háttar og Tæknigreinar sitja meira á "hakanum".  Er  Kristinn ekki að kenna við Tæknideild HÍ, sem er staðsett í leiguhúsnæði í gamla Lækjarskólanum í Hafnarfirði????????