Miðvikudagur, 22. apríl 2020
Landamæri lokast, heimur batnar
Löngu fyrir kórónuveiruna var fulljóst að alþjóðavæðingin eyðilagði samfélög. Mýrarljós fjölmenningar taldi fólki trú um að mannréttindi væru að hlamma sér niður á hvaða byggða bóli sem er, einkum á vesturlöndum, og heimta lífskjör og þjónustu fyrir sig og sína.
Samfélög strituðust við að mæta meintu kalli tímans og lifuðu á ímyndinni um hugaða nýja veröld þar sem öll dýrin í skóginum væru vinir.
Löngu gleymt var innsæi forn-gríska Aristótelesar að maðurinn væri pólitískt dýr er þrifist best með sínum líkum. Mannréttindi eru einskins virði nema einhver nenni að verja þau. Þjóðarheimilið sér um sína, það er frumkrafan. Farsóttin gerir kröfur á þjóðríkið en ekki einhverja langt í burtu alþjóðastofnun sem ekkert kann og getur til að verja fólk fyrir smiti.
Trúaðir myndu segja að almættið stæði með farsóttinn fyrir kennslustund um hvaða skipan samfélagsins sé farsælust og vara mannfólkið við að alþjóðagötur leiða til glötunar.
Hlé á útgáfu græna kortsins í 60 daga | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (3)
Þriðjudagur, 21. apríl 2020
Berin eru súr, segja fjölmiðlarefirnir
Samkvæmt umfjöllun Blaðamanna án landamæra um Ísland skýrist lækkun landsins undanfarin ár á listanum af súrnandi samskiptum stjórnmálamanna og blaðamanna.
Ofanritað er tilvitnun sem á að útskýra hvers vegna Ísland er í 15. sæti yfir fjölmiðlafrelsi í heiminum.
Hér getur hvaða auli sem er stofnað fjölmiðil og sagt og skrifað hvað hann vill. Ef það er ekki frelsi þá er frelsi ekki til.
,,Súrnandi" samskipti milli blaðamanna, sem flestir eru ómenntaðir í faginu og láta sig dreyma um feita stöðu almannatengils, og stjórnmálamanna hljómar eins og póstmódernískur brandari sem slengt er fram í von um lófaklapp.
Ísland í 15. sæti yfir fjölmiðlafrelsi | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (2)
Þriðjudagur, 21. apríl 2020
Traust er innlent, vantraust útlent
Alþjóðasinnar átta sig hægt en bítandi á löngu gleymdri visku. Traust verður til í samfélagi sömu siða og hátta. Vantraust vex í hrærigraut fjölmenningar.
Háborg alþjóðasinna er Guardian, bresk vinstriútgáfa og elsk að ESB. Þar birtist grein um sænsku tilraunina í farsóttarvörn.
Kjarni greinarinnar er að þegar á bjátar virkar þjóðhyggja en alþjóðahyggja er að sama skapi ónýt.
Amen.
Dægurmál | Slóð | Facebook | Athugasemdir (3)
Mánudagur, 20. apríl 2020
Vísindi heilsu, hagfræði og valdstjórnar
Sá sem ákallar vísindin til hjálpar í baráttunni við kórónuveiruna fer í geitarhús að leita ullar. Vísindi eru ekki ein heldur skiptast þau í skiptast þau í ótal undirgreinar, sem aftur greinast í undirflokka.
Þær þrjár vísindagreinar sem helst koma við sögu um þessar mundir eru farsóttarfræði (læknisfræði plús tölfræði), hagfræði og stjórnspeki/valdstjórn. Almennt tala þessar vísindagreinar ekki sín á milli í fræðunum. Farsóttarfræði er undirdeild í lýðheilsulækningum, hagfræði er viðskiptagrein og stjórnspeki er ýmist kennd sem húmanísk, enda Platón og Aristóteles frumhöfundar, eða félagsvísindagrein.
Hver vísindagrein kemur sér upp kennisetningum sem teljast viðurkennd fræði hverju sinni og þróast í takt við siði og menningu.
Sérlega fróðlegt dæmi um hve vísindin eru vanmáttug sem heild gagnvart farsóttinni er breskt viðtal við einn virtasta faraldsfræðing Svía, Johan Giesecke, þann sem réð til starfa núverandi Þórólf sótta þeirra Svía, Anders Tegnell. Nær allt viðtalið er um stjórnspeki, hvernig á að taka samfélag í gegnum farsótt, en sá sænski neglir spyrilinn með lýðheilsufræðum og sóttvörnum. Svör Svíans, sem bersýnilega líður illa, eru pottþétt og höggvarin lýðheilsufræði en spyrilinn er stöðugt að spyrja um valdstjórn, - sem eru ekki lýðheilsufræði.
Meðfylgjandi frétt er um lögfræðilegt álitamál um afleiddar afleiðingar af farsóttinni; um möguleg dómsmál vegna tapaðra lána. Enn ein fræðigreinin kemur til sögunnar.
Hvað ber að gera?
Jú, byrja á því að viðurkenna að vísindi eru ekki ein heldur mörg, gera gagn en eru takmörkuð. Í öðru lagi að upphaf allra vísinda er skynsemin. Og skynsemin er besti leiðsögumaðurinn um ókannaðar slóðir.
Lögfræðilega rangt og hreint og beint óskiljanlegt | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Mánudagur, 20. apríl 2020
Helgi Hrafn mótmælir sjálfum sér
Vísindin bjarga okkur, ekki trúin, segir Helgi Hrafn Pírati, og bætir við ,,smávegis af ást."
Hmm.
Tilraunin með vísindatrú á tímum farsóttar gengur ekki vel. Vísindin, eins og önnur mannanna verk, tala í austur og vestur, ef ekki norður og niður.
Og ást, jafnvel smávægisútgáfan af henni, er ekkert annað en trú.
Píratar gera sjálfa sig að fíflum í hvert sinn sem þeir opna munninn eða leggjast á lyklaborðið.
Helgi Hrafn vandar um við Joe Biden | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (1)
Mánudagur, 20. apríl 2020
Glóbalistar féllu á eigin bragði
Kórónuveiran, farsóttin sjálf og efnahagskreppan, er máluð sem skrattinn á vegginn af alþjóðasinnum til að hræða almenning til liðs við hugmyndina um alþjóðlegt yfirvald.
Reynslan kennir aftur að staðbundið vald ræður best við farsóttina. Traust er forsenda lögmæts yfirvalds sem fólk virðir og hlýðir.
Alræmdur íslenskur glóbalisti og fyrrum varaþingmaður Samfylkingar ákallar Bandaríkin að taka alþjóðlega forystu. Það er af sem áður var að Evrópusambandið og Sameinuðu þjóðirnar voru framtíðarríkið. Nú eru það Bandaríki Donalds Trump sem eiga að bjarga heiminum.
En, óvart, heimurinn hefur það ágætt þegar hver hyggur að sínu og gerir sér þjóðarheimili í takt við aðstæður og menningu.
Dægurmál | Slóð | Facebook | Athugasemdir (2)
Sunnudagur, 19. apríl 2020
Svíar tryggja Trump sigur í áróðursstríðinu
Hjarðónæmi gegn kórónuveirunni myndast í Svíþjóð næstu vikur. Svíar fóru aðra leið en vesturlönd og Asíu-ríki í baráttunni við farsóttina. Þeir leyfðu veirunni að éta sig í gegnum opið samfélag. Þórólfur sótti þeirra Svía, Anders Tegnell, var rakkaður niður og sagður skapa ítalskt ástand í mesta velferðarríki veraldar. Gagnrýnendur eru á flótta, biðjast afsökunar.
Hvaða máli skiptir það fyrir Trump að sænska tilraunin með hjarðónæmi heppnast? Jú, Svíþjóð er heimili Nóbelsverðlaunanna, æðstu viðurkenningar í vísindum.
Trump er sakaður um að hunsa vísindasamfélagið. En vísindin segja eitt í Svíþjóð og allt annað í Bretlandi og þriðja frásögnin er íslensk. Hvernig getur Trump hunsað vísindasamfélag, sem í fyrsta lagi er ekki til sem eitt samfélag, og að svo miklu leyti sem til er samfélag vísindamanna þá tala þeir tungum; Þórólfur sótti leggur línuna á íslensku, Tegnell á sænsku og svo framvegis.
Trump lokaði Bandaríkjunum hratt þegar kínverska veiran nam land vestra og vill opna þau skjótlega. Það eru jafn góð farsóttarvísindi og hver önnur.
Trump verður hylltur sem hetja, eins og þríeykið á Íslandi og Tegnell í Svíaríki. Hver syngur með sínu nefi í farsóttarvörnum. Eins lengi og nefið er þefvíst á innlendar aðstæður verður allt í sóma.
Köttur setti upp á sér stýri, úti er alþjóðaævintýri.
Trump styður mótmælendur | |
Tilkynna um óviðeigandi tengingu við frétt |
Laugardagur, 18. apríl 2020
Helgi Hrafn endurtekur fávitafimmuna
Jón Þór Pírati bjó til nýjan dagskrárlið á alþingi í vikunni, fávitafimmuna. Helgi Hrafn flokksbróðir Jóns Þórs endurtekur fimmuna.
Jón Þór sagði á þingi að vegna sóttvarna mætti ekki halda þingfund.
Helgi Hrafn segir ótækt að halda þingfund með Steingrím J. sem forseta.
Eitt einkenni fávita er að þeir tala í mótsögnum.
Case closed.
Sakar Steingrím um að ljúga og misnota aðstæður | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (2)
Laugardagur, 18. apríl 2020
Mótefni við Trump-hatri RÚV
RÚV birtir enn eina níðfréttina um Trump. Fyrirsögnin er Trump hundsaði vísindasamfélagið.
Vísindasamfélagið var margklofið í afstöðu sinni, eins og Simon Jenkins bendir á í Guardian, sem seint telst til aðdáenda Trump.
WHO, Alþjóða heilbrigðismálastofnunin, taldi framan af janúar að allt væri í himnalagi í Kína og veiran smitaðist ekki á milli manna.
Trump-hatur RÚV er komið langt út fyrir öll eðlileg mörk. Og var það löngu fyrir kórónuveiruna.
Dægurmál | Slóð | Facebook | Athugasemdir (3)
Laugardagur, 18. apríl 2020
Vigdís hlýðir ekki sirkusstjóra ráðhússins - kærð fyrir einelti
Helgu Björgu Ragnarsdóttur skrifstofustjóra á skrifstofu borgarstjóra ofbýður að Vigdís Hauksdóttir hlýði sér ekki. Skrifstofustjórinn getur ekki á sér heilum tekið og kærir Vigdísi.
Helga Björg var dæmd fyrir slæma framkomu gagnvart undirmanni sínum. Borgin varð að greiða skaðabætur. Í dómsorði segir m.a.
Um þá skilyrðislausu hlýðni sem skrifstofustjórinn virðist ætla af stefnanda verður sagt það eitt að þrátt fyrir stjórnunarrétt annars og hlýðniskyldu hins eru undirmenn ekki dýr í hringleikahúsi yfirmanna sinna.
Vigdís hlýðir ekki sirkusstjóranum og fær á sig kæru fyrir einelti. Kafka hefði ekki samið lygilegri sögu og vissi hann þó sitthvað um myrkviði sálarinnar í kolsvarta kerfinu.
Vigdís fundar með bakið í skrifstofustjóra | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (1)