RÚV hræðir fólk með dauðafrétt

Aðalfrétt RÚV í hádeginu var um ótímabært andlát konu á fimmtugsaldri. RÚV byggði fréttina á nafnlausum heimildum, eingöngu.

Fréttin er til þess fallin að hræða fólk um að veikir fái ekki umönnun, það sé stórhættulegt að leggjast inn á spítala.

Það er eins og RÚV-fréttamenn geri sér sérstakt far um að skilja dómgreindina eftir heima þegar þeir fara í vinnuna.

Minni peningar, meira líf

Peningar stjórna lífi okkar að verulegu leyti. Nær allir vilja meira af þeim og fæstum finnst þeir eiga nóg. Deilur og álitamál í samfélaginu snúast að stórum hluta um peninga. 

Nú blasir við að minna verður til af peningum næstu misserin og það gildir yfir alla línuna. 

Þegar minna verður af peningum í lífi okkar verður meira pláss fyrir annað. Það eru ekki nema 24 stundir í sólarhring og æviskeið aðeins tiltekinn stundafjöldi. Á grafarbakkanum eru það ekki peningar sem efstir eru í huga.

Fremur en vangaveltur um fjármál leita aðrar spurningar svara á efsta degi. Til dæmis: Breytti ég rétt í lífinu?

Óígrundað líf er einskins virði, kenndi Sókrates fyrir margt löngu. Peningaleysið gefur okkur tíma til að íhuga vegferðina áður en henni lýkur. Margt verra en það.

Hundruð milljarða eru í húfi

Efnahagsaðgerðir fyrir rauðhærða, líka bláeyga

Viðreisn segir efnahagsaðgerðir ríkisstjórnarinnar ,,karllægar" og vill sérsniðin úrræði.

Spurning að veita rauðhærðum efnahagspakka, þeim sem eru í meðalþyngd annan og svo má ekki gleyma hávöxnum.

Tillögur hljóta að koma á færibandi frá Viðreisn um efnahagsaðgerðir á hvern kjaft í landinu.

Aðgerðirnar sem slíkar mjög karllægar

Endalok frjálslyndrar fjölmenningar

Til að verja íbúa sína fyrir kórónuveirunni loka ríki landamærum. Opin landamæri, hvað þá engin landamæri, eru bannorð. Frjálslynd fjölmenning byggði á þeirri forsendu að sérhver einstaklingur ætti þau mannréttindi að búa hvar hann vildi. Sú hugmynd er komin á ruslahaug sögunnar.

Þjóðverjar líta til stjórnlyndra ríkja eins og Suður-Kóreu, Japan, Hong Kong og Singapúr í leit að fyrirmynd til að berjast gegn farsóttinni.

Nágrannaríki Þýskalands, Ítalía og Spánn, eru aftur fordæmi til að varast.

Asíuríkin sem þykja fyrirmynd eru einsleitari en Evrópuríkin. Fjölmenning er þeim framandi hugtak. Það gefur auga leið að farsóttarvarnir eru einfaldari og árangursríkari í einsleitum þjóðríkjum.

Ísland er þar skínandi gott dæmi.

Ströng skilyrði fyrir inngöngu í Þýskaland

98% traust - tvær skýringar

Baráttan gegn kórónuveirunni er í höndum fagfólks. Þríeykið er einn lögreglumaður og tveir læknar. Þríeykið notar vald sitt í hófi. Íslendingar búa við minni röskun á hversdagslífi sínu en þorri annarra þjóða í sambærilegri stöðu.

Þetta er fyrri skýringin á dæmafáu trausti sem opinber aðili nýtur í samfélaginu.

Seinni skýringin er afleidd af þeirri fyrri. Fólk veit að þegar baráttunni lýkur og hættan er liðin hjá færast málefnin í fyrra horf. Víðir verður aftur embættismaður baksviðs og Alma og Þórólfur sitja sín embætti án víðtæks umboðs til að stýra samfélaginu líkt og þau hafa á neyðartíma.  

Aðeins 2% vantreysta heilbrigðisyfirvöldum

Viðskiptaráð fær ekki að sulla með opinbert fé

Viðskiptaráð hélt um tíma að það fengi alræðisvöld á Íslandi, vildi rétta fyrirtækjum ókeypis peningum frá ríkinu og ráðskast með opinbera starfsmenn sem halda grunnþjónustu samfélagsins ganga á tímum sóttkvía og samkomubanns.

Viðskiptaráð tapaði þeirri litlu tiltrú sem þessi hugveita stórfyrirtækja þó hafði.

Ríkisvaldið sá í gegnum brellu hugveitunnar, sem var að mála skrattann á vegginn og boða efnahagslegar hörmungar, en fá í staðinn víðtækt umboð til að skipa öðrum að sitja og standa í þágu stórfyrirtækjanna.

Viðskiptaráð er rúið trausti og ráðleggingar hugveitunnar að engu hafðar. Takmörkunum á meðferð fyrirtækja á almannafé verður mótmælt af Viðskiptaráði. En enginn mun hlusta.

Fyrirtækjum með brúarlán bannað að greiða út arð

RÚV birtir ekki hrós um Ísland

Stöð 2 og RÚV vitnuðu báðar í blaðamannafund yfirmanns sóttvarna í Danmörku. En einn stór munur var á ritstýringu fréttarinnar.

Stöð 2 sagði að Daninn hefði hrósað Íslendingum fyrir skynsamlegar sóttvarnir.

RÚV gat ekki fengið sig til að birta lofsamleg ummæli um Ísland.

RÚV sérhæfir sig í neikvæðum fréttum um land og þjóð. And-íslensk viðhorf eru ráðandi á Efstaleiti. Þjóðin greiðir skylduáskrift til RÚV en fær í staðinn spark í kviðinn frá ölmusufólkinu á Efstaleiti.

Vísindi, veira og samfélag

Vísindi eru það sem vísindamenn segja. Einkenni vísinda er óvissa sem birtist í því að vísindamenn eru ósammála. Vísindi urðu til á tímum Forn-Grikkja þegar menn nenntu ekki lengur að eiga óvissuna undir almættinu. Fyrstu vísindamennirnir voru heimspekingar sem kröfðust mannlegra skýringa á fyrirbrigðum í henni veröld. Ekkert eitt svar er rétt, þótt svörin geti verið misröng.

Kjarni vísinda, þegar helgislepjan er skafin af, er óvissa. Margur heldur að vísindi sé fullvissa. En það er grundvallarmisskilningur. Vísindagrein þar sem allir iðkendur eru sammála er dauður bókstafur, í mesta lagi hugmyndafræði.

Farsóttin sem herjar á heimsbyggðina er ekki vísindalegt álitaefni nema að því leyti að veiran sjálf er til rannsóknar. Kári Stefánsson hóstaði upp vísindagrein á þremur dögum um veiruna. Kann Kári lausnina á farsóttinni? Nei, ekki frekar en nokkur annar vísindamaður. Þeir vísindamenn sem þykjast kunna lausnina eru innbyrðis ósammála. Það er óvissa.

Farsóttin, kórónuveiran sem veldur COVID-19, er staðreynd. Óvissan snýst um viðbrögð við veirunni. 

Sumt er hægt að gera. Til dæmis að reyna sjá til þess að heilbrigðiskerfið kikni ekki undan álaginu. Það er gert með sóttvörnum sem tefja framgang smitsins.

Annað er ekki hægt að gera. Það er ekki hægt að loka landinu og bíða af sér farsóttina. Svarti dauði geisaði í Evrópu um miðja 14. öld en kom hingað í byrjun 15. aldar þegar hún var að mestu gengin um garð í Evrópu.

Í Noregi, líkt og á öðrum byggðum bólum, eru sérvitringar sem leggja til lokun landa á meðan fárið geisar í útlöndum annars vegar og hins vegar á meðan beðið er eftir móteitri. Í lok umfjöllunar dagblaðsins Verdens Gang um álitamálið segir: ,,Ef við bíðum eftir mótefni er ekki víst að við eigum neitt samfélag lengur þegar bólusetning býðst." 

Þeir sem krefjast fullvissu á óvissutímum ættu að leita sér sáluhjálpar í kirkjum. Þær standa hvort eð er auðar. Vísindin veita enga fullvissu. Sérgrein þeirra er óvissan. Besta ráðið við farsóttinni er heilbrigð skynsemi. Stundum sóttvarnir, sjáum til þess að veiran ríði ekki sjúkrahúsum á slig og tileinkum okkur æðruleysi.

Við deyjum öll, - við vitum bara ekki hvenær.

 

 

Vill kalla sóttvarnaráð saman til fundar

Leggjum niður óþörf fyrirtæki, forstjóralaun lækki

Skattfé almennings er notað til að halda uppi fyrirtækjum sem hafa ekki rekstargrundvöll. Forstjórar gjaldþrota fyrirtækja eru á borgaralaunum frá ríkinu.

Það er vitanlega ekki heil brú í þeirri stefnu að nota skattfé almennings til að afætur samfélagsins haldi starfsemi óbreyttri þegar engin eftirspurn er fyrir hendi. Fyrir almenning er sérstaklega móðgandi að forstjórar með hendur í skauti fái borgaralaun. Það er ekki eins og forstjórar séu okkar minnstu og veikustu meðbræður og systur. Er næsta skrefið að borga stjórnum ónýta fyrirtækja öryrkjabætur?

Afætur samfélagsins rotta sig saman í Viðskiptaráði og heimta fórnir frá almenningi til að þær lifi áfram í vellystingum praktuglega. 

 

Fólk í fremstu víglínu verði undanskilið

Viðskiptaráð er óvinur samfélagins

Viðskiptaráð harmar að opinberir starfsmenn fái ekki á sig  kjaraskerðingu vegna kórónuveirunnar. Viðskiptaráð er félagsskapur stærstu fyrirtækja landsins sem fá um 20 milljarða króna gefins frá ríkinu til að borga laun.

Farsóttin leiðir til umframvinnu hjá fjölmennum starfshópum ríkis og sveitarfélaga. Um heilbrigðisstarfsfólk þarf ekki að ræða, jafnvel Viðskiptaráð hlýtur að sjá það. En leik- og grunnskólakennarar eru í framlínunni, útsettir fyrir smit frá heimilum og búa við manneklu vegna sóttkvía og einangrunar. Framhaldsskólakennarar urðu á einni helgi að stokka upp kennsluáætlanir og læra á fjarfundabúnað og skipuleggja rafræn samskipti við nemendur.

Ef eitthvað er ættu opinberir starfsmenn að fá álagsgreiðslur fyrir að leggja á sig meiri vinnu við að halda grunnþjónustu samfélagsins gangandi.

Í Viðskiptaráði er kannski áferðafallegt fólk, - en það er ljótt að innan.