Ósamræmd Evrópa, hætta á farsóttar-dómínó

Lítið fer fyrir samræmdum reglum í Evrópu um ferðalög milli landa. Nágrannaríki, t.d. Eystrasaltsríkin þrjú, leyfa ferðalög sín á milli. Norðurlönd útiloka Svía frá ferðabandalagi, enda reka Svíar sérsænska stefnu í farsóttarvörnum.

Guardian tekur saman yfirlit yfir ólíka nálgun Evrópuríkja í farsóttarvörnum við landamærin.

Ríkisvaldið í hverju landi er á milli steins og sleggju. Í einn stað er almennur vilji til að opna landamæri en í annan stað ótti við innflutning á kórónuveirunni.

Seinni bylgju farsóttarinnar er spáð síðsumars. Þegar smittölur hækka í einu landi er hætt við snöggum dómínó-áhrif þegar ríki loka landamærum fyrirvaralaust. Það eykur ekki ferðalöngun almennings að eiga á hættu að verða innlyksa í útlöndum.

Enginn treystir Evrópusambandinu til að setja samræmdar reglur. Reynslan sýnir að alþjóðasamtök eins og ESB og WHO eru lélegustu sóttvarnirnar.

Þórólfur búinn að skila drögum að minnisblaði

Þeldökkir, hvítir og fyrirheitna land fjölmenningar

Þeldökkir eru jafn miklir Bandaríkjamenn og þeir hvítu, mælt í kynslóðum. Frá 17. öld fluttu forfeður beggja til fyrirheitna landsins frá Evrópu og Afríku. Munurinn er sá að frá Afríku komu þeir í hlekkjum.

Þrælahald var afnumið um miðja 19. öld og hundrað árum síðar átti að heita að þeldökkir og hvítir nytu jafnréttis gagnvart lögum.

Enn sitja þeir hvítu og þeldökku ekki á sátts höfði. Og enn halda sumir að fjölmenning virki.

Átök víða í Bandaríkjunum

Er múslímatrú upplýsingaóreiða?

Morð og hryðjuverk eru framin af múslímum í nafni trúarinnar. Samkvæmt skilgreiningu í viðtengdri frétt er íslam upplýsingaóreiða.

Veraldleg trúarbrögð eins og sósíalisma eru einnig upplýsingaóreiða, samkvæmt sömu skilgreiningu.

Fréttin, á hinn bóginn, fjallar ekki um upplýsingaóreiðu almennt heldur aðeins í tengslum við farsóttina frá Kína og rétt viðbrögð við henni.

Meinið er að ríkjandi vísindatrú hefur ekki einhlít svör við farsóttinni. Ef frá eru taldar einföldustu reglur um hreinlæti og nálægð, eða öllu heldur fjarlægð, á milli manna gefa vísindin ekki eitt svar við veirunni heldur mörg.

Þegar kurlin koma öll til grafar verður eitt augljóst. Við verðum að lifa með veirunni, rétt eins og múslímatrú og sósíalisma. Upplýsingaóreiða fylgir tilvist mannsins.

 

Rangar upplýsingar eru dauðans alvara

Trump, stóri bróðir og umræðan

Bandaríkjaforseti getur ekki takmarkað tjáningarfrelsi. Sama gildir almennt um vestræn ríki. Málfrelsi er rótfast í vesrænni menningu.

Aftur eru tæknirisar, sem stjórna samfélagsmiðlum, í færum að takmarka frelsi manna að tjá sig og jafnvel úthýsa ,,óæskilegum" skoðunum.

Samfélagsmiðar eru vettvangur, opið almannarými, fyrir skoðanaskipti. Enginn getur gert kröfu um að fá áheyrn en allir eiga rétt að segja sína meiningu.

Frjálslyndir og vinstrimenn eru gjarnir á að taka undir kröfur um ritskoðun. Að baki liggur sú hugsun að sumt sé ,,rétt" og annað ,,rangt". En það eru aðeins tvær til að úrskurða þar á milli. Í einn stað stóri bróðir, t.d. ríkisvald, alþjóðleg samtök eða tæknirisi, eða umræðan sjálf.

Stóri bróðir er ávallt versti kosturinn til að skera úr um hvað sé rétt og hvað rangt. Valdboð kæfir sannleikann á meðan frjáls umræða slípar sannindi og afhjúpar ósannindi.

Beinir spjótum sínum að samfélagsmiðlum

Guðni notar sniðmát Ólafs Ragnars

Ólafur Ragnar náði forsetakjöri 1996 út á andófsfylgi, einkum frá vinstrimönnum. Þegar harðast var sótt að Ólafi Ragnari, RÚV-Þóra í kosningunum 2012, hélt sitjandi forseti embættinu fyrir atbeina hægrimanna úr röðum Sjálfstæðisflokks, Framsóknar og óstofnaðs Miðflokks.

Guðni Th. var vinstra RÚV-framboðið árið 2016 og fékk sigur á Davíð Oddssyni og hægrimönnum. En þegar Guðni Th. stendur til endurkjörs sækir hann stuðninginn til hægri. Óopinbert málgagn Pírata, Stundin, kortleggur bakland sitjandi forseta. Sama sniðmátið og Ólafur Ragnar notaði 2012 blasir við.

Völd á Íslandi lúta eftirfarandi lögmáli. Til að ná völdum, einkum á tíma upplausnar, er óreiðu-vinstrið þénugt verkfæri. Þar eru atkvæði óstabíla fólksins sem hægt er að róta í sér til gagns. Aftur er óvinnandi vegur að halda völdum án kjölfestu samfélagsins: hægrimönnum.

Glæsilegasta dæmið um fullnustu lögmálsins er ekki forsetakosningar heldur tvennar þingkosningar, 2009 og 2013. Í þeim fyrri kaus hugsjúk hrunþjóð yfir sig fyrstu hreinu vinstri stjórn sögunnar, Jóhönnu Sig.-stjórn Samfylkingar og Vinstri grænna. Fjórum árum síðar var Jóhönnu og félögum slátrað. Samfylking tapaði tveim af hverjum þrem kjósendum sínum og fylgi Vinstri grænna helmingaðist.

Sitjandi forseti fer í bækur hins íslenska Machiavelli og finnur þar sniðmátið til endurkjörs. 

 

Framboð Guðmundar og Guðna staðfest

Drífa: veit ekkert um efnahagsmál, en allt um Icelandair

ASÍ-Drífa segist ekkert vita hvernig efnahagsmál þróast næstu vikur og mánuði. Ekki fyrr en í haust sé hægt að leggja mat á áhrif farsóttar á atvinnulíf.

Hreinskilið svar hjá forseta ASÍ. Enginn veit hvernig farsóttin leikur efnahagskerfið.

Aftur er það vitað að Icelandair er dæmt félag að óbreyttum kjarasamningum. Eigendur félagsins vita það, stjórnendur einnig. Flugmenn vita og féllust á breytta kjarasamninga. Sama gildir um flugvirkja.

Flugfreyjur aftur á móti halda að áfram sé hægt að reka flugfélag í taprekstri. Og ASÍ-Drífa er hjartanlega sammála.

Hvernig væri nú að forseti ASÍ tileinkaði sér sömu hreinskilnina í málefnum Icelandair og efnahagsmálum almennt?

Vitum ekki hver staðan verður fyrr en í haust

Skammvinn kreppa

Líkur eru á að farsóttarkreppan verði skammvinn. Frá miðjum júní byrja ferðamenn að koma til landsins. Eyðsluglaði landinn keyrði upp hagkerfið með kaupum á vöru og þjónustu í maí.

Kálið er þó ekki sopið þó að í ausuna sé komið. Seinni bylgja farsóttarinnar gæti skollið á síðsumars.

En þangað til er allt í lagi að vera bjartsýnn. Og nota júní til ferðalaga innanlands, áður en þeir erlendu yfirtaka landið og miðin.

Vilja opna á flugferðir til Íslands

Píratar kvarði á andlega heilsu þjóðarinnar

Aukið fylgi Pírata er til marks um eftirspurn eftir óreiðu og upplausn. Hluti þjóðarsálarinnar er vanstilltur að upplagi og finnur sér farveg í píratisma.

Stærri hluti er hliðhollur stöðugleika og kýs Sjálfstæðisflokkinn. 

Á milli Sjálfstæðisflokks og Pírata eru flokkar misvel stilltir. 

Þekkt er að árstíðarskipti valda auknu álagi á geðheilsu þeirra sem eru tæpir. Vorkönnun sem gefur Pírötum aukið fylgi kemur ekki á óvart.

Píratar mælast næststærsti flokkurinn

Sterkar konur spila ekki, en veiklaðir karlar fá enga miskunn

Konur veikjast síður af kórónuveirunni en karlar og þola betur veikindin. Þær frá farsóttarfrí frá boltaleik. Körlum er aftur ætlað að ljúka tímabilinu.

Hljómar ekki eins og karlstýrður heimur.

Nema, auðvitað, maður sé femínisti.

Ensku úrvalsdeildinni aflýst hjá konunum

Jöklamýs - afleiðing án orsaka

Mosavaxnir steinar á jöklum færast úr stað án skýringa. Úr prentuðu útgáfu fréttarinnar:

Þrátt fyrir ýmsar tilgátur virðist enn ekki staðfest hvað skýrir hreyfinguna. Einfaldar tilgátur líkt og að steinarnir leiti einfaldlega niður á við eða stjórnist af vindi virðast ekki skýra hreyfinguna. „Við vitum það ekki enn, og ég er enn frekar forviða,“ segir Bartholomaus.

Vísindin kenna að engin hreyfing sé án orsaka. Jöklamýsnar, verandi steinar, ættu ekki að hreyfast. En hreyfast engu að síður.

Jöklamýsnar minna á að lögmálið um að allar afleiðingar eigi sér orsök er ósannað. Til dæmis er engin örsök fyrir því að þetta blogg er um mosavaxna steina en ekki forsetakosningar lýðveldisins. Nema að steinaríkið sé skemmtilegra en mannlífið. Kannski að jöklamúsum leiðist.

Skrýtnar hreyfingar jöklamúsa vekja furðu