Svíar tryggja Trump sigur í áróðursstríðinu

Hjarðónæmi gegn kórónuveirunni myndast í Svíþjóð næstu vikur. Svíar fóru aðra leið en vesturlönd og Asíu-ríki í baráttunni við farsóttina. Þeir leyfðu veirunni að éta sig í gegnum opið samfélag. Þórólfur sótti þeirra Svía, Anders Tegnell, var rakkaður niður og sagður skapa ítalskt ástand í mesta velferðarríki veraldar. Gagnrýnendur eru á flótta, biðjast afsökunar.

Hvaða máli skiptir það fyrir Trump að sænska tilraunin með hjarðónæmi heppnast? Jú, Svíþjóð er heimili Nóbelsverðlaunanna, æðstu viðurkenningar í vísindum.

Trump er sakaður um að hunsa vísindasamfélagið. En vísindin segja eitt í Svíþjóð og allt annað í Bretlandi og þriðja frásögnin er íslensk. Hvernig getur Trump hunsað vísindasamfélag, sem í fyrsta lagi er ekki til sem eitt samfélag, og að svo miklu leyti sem til er samfélag vísindamanna þá tala þeir tungum; Þórólfur sótti leggur línuna á íslensku, Tegnell á sænsku og svo framvegis.

Trump lokaði Bandaríkjunum hratt þegar kínverska veiran nam land vestra og vill opna þau skjótlega. Það eru jafn góð farsóttarvísindi og hver önnur. 

Trump verður hylltur sem hetja, eins og þríeykið á Íslandi og Tegnell í Svíaríki. Hver syngur með sínu nefi í farsóttarvörnum. Eins lengi og nefið er þefvíst á innlendar aðstæður verður allt í sóma.

Köttur setti upp á sér stýri, úti er alþjóðaævintýri.

Trump styður mótmælendur

Athugasemdir

[Jón Steinar Ragnarsson, 19.4.2020 kl. 11:17]

Ruv heldur samt áfram áróðursstríðinu gegn Trump með að vitna í spuna CNN og NYTán þess að hafa fyrir því að skoða blaðamannafundinn sem þessi meintu ummmæli féllu.

Ég horfði á fundinn og staðreyndin er þessi: Trump saðist að hann vildi ekki segja að þetta væri vísvitandi, en hann hafi sett af stað rannsókn til aðð komast að hvað Kínverjar vissu og hvenær. Þeir sögðu að veiran smitaðist ekki milli manna í fyrstu, en lokuðu Wuhan frá öðrum hlutum kína á meðan þeir heldu opnu á restina af heiminum þaðan. Í ofanaálag þögguðu þeir niður í hjúkrunarfólki sem vildi vara við og lét þaað hverfa. Þeir drógu úr alvarleika hennar og WHO át allt upp eftir þeim.

Hvenær þeir vissu af henni er önnur spurning, en allt bendir til að það hafi verið í lok desember eða fyrr.

Fyrir mér bendir það til að þeir hafi vitað af hættunni, en reynt að hylma yfir það, þótt Trump segist ekki vilja ganga svo langt fyrr en að rannsókn lokinni.

Þessi hlutdrægni RUV væri hlægileg, ef tilefnið væri ekki svona sorgleg. Ekki eitt jákvætt orð um frammistöðu forsetans þar. Umæeið eru þeir að gera lítið úr serfræðingum og vísindamönnum sem ráðleggja og upplýsa forsetann. Ruv segir líka að Bandarikjamenn séu með hæstu dánartíðni, þegar þeir eru með 4% per kapita á meðan aðrir eru með 6-11%

Þessi fréttaflutningur er viðbjóður og stofnunin ætti að fá bagt fyrir að ljúga að almenningi.

[Örn Einar Hansen, 19.4.2020 kl. 13:31]

Ég held að vandamál RÚV, og annarra dagblaða á Íslandi er að þau fái ansi vel borgað frá kínverska sendiráðinu, til að flytja áróður. Sama á við blöð, svo sem NYT og önnur.  Kína, í dag, er sama og Sovét þegar ég var ungur. Þeir voru ófáir stalínistarnir, og þeir ófáir kína aðdáendurnir.

Síðan, eru þessi blöð að skíta út Trump, fyrir að gera og segja það sem rétt er. Það mætti halda, að flestir vinstri menn á Íslandi sem og í Bandaríkjunum vilji bókstaflega, fækka mankyninu. Og hata Trump, fyrir að sporna við því.

Hvað varðar "lockdown", þá er margt hér sem aldrei er athugað. Kína gerði sitt "lockdown", til að fela það sem gerðist þar. Fólk datt niður dautt, á götum úti í Wuhan. Þegar hér er komið, er smitið þegar að grassera alls staðar í heiminum. Þegar erlendir aðilar verða varir þess, er of seint að loka fyrir að vírusinn komi inn ... hann er þegar kominn in. Í Svíþjóð vita menn að þessi vírus er kominn til að vera ... og við erum nauðbeygð að mynda hjarðofnæmi, til að geta varið þá veikustu í þjóðfélaginu eins og allar "hjarðir" gera. Í "hive" samfélagi, eins og Kína (kanski Ítalía líka?) ... þá er "veiku" einstaklingunum  hent (fórnað).

[Benedikt Halldórsson, 19.4.2020 kl. 13:45]

Af hverju lýgur RÚV? 

Lengst af afneitaði hann ógninni, sagði ekkert að óttast...

Allir höfðu rangt fyrir sér í fyrstu, enda ný og óþekkt veira á ferðinni.

Ef Trump ber ábyrgð á dauðsföllum vegna veirunnar verða fjölda "aftökur" á flestum leiðtogum og sóttvarnarlæknum í Evrópu. 

Svo að segja allir afla sér sjálfir upplýsinga um covid-19, daglega, á undan RÚV sem þarf bara að koma með réttar upplýsingar. Það er fráleit vitleysa að vera með áróður gegn Trump. Fólk vill ekki lengur láta mata sig. Það getur hugsað og dregið ályktanir án hjálpar.

Eðlilegt fólk passar sig líka ásaka ekki aðra þegar slys eða hamfarir verða. 

Þá er vaknar spurning. Á hvaða vegum er RÚV og fleiri fjölmiðlar?

[Benedikt Halldórsson, 19.4.2020 kl. 20:39]

Það var að berast "tilskipun" til allra velunnara Demókrata um allan heim. 

Vegna óvinsælda, hefur kórónuherferðinni gegn Trump verið aflýst. Nú á að sýna Kína meiri hörku en Trump, til að tryggja sigur Joe Bidens.

Democrats New Smear BACKFIRES, Biden Accidentally Goes "Full MAGA" Supporting Trumps China Position. In the latest ad from Democrats they claim that Trump is too soft on China and that his travel ban doesnt go far enough.

[Helga Kristjánsdóttir, 19.4.2020 kl. 21:51]

Það tók tíma að átta sig á RÚV,hvað uppgötvaði fljótlega upp úr 2010.Hef nokkuð marga fjöruna sopið sem nýtist mér við að tuskast við vandamenn,sem skilja ekki að verið er að draga okkur inn í villta vinstrið .- En símafundir barnanna eru fjörugir og létta lifið í "jailinu",áður en varir erum við frjáls og látum þá aldrei ræna okkar aftur - ... "heyriðiði'það"...    

[Tryggvi L. Skjaldarson, 20.4.2020 kl. 07:24]

Erfitt að átta sig á hvaða blaðsíðu þið eruð hér ágæta fólk. Það nægir að fylgjast með hvað Trump segir og gerir til að sjá að maðurinn er langt frá því að valda starfinu.  U.S.A er að tapa forustuhlutverki sínu. Traust og virðing fyrir U.S.A er á hröðu undanhaldi á vesturlöndum á sama tíma og Trump telur sig vera að gera Ameríku great again.  

[Ragnhildur Kolka, 20.4.2020 kl. 09:30]

Að moka peningum í aumingja er ekki merki um mikilmennsku, Tryggvi heldur einfeldni. Í áratugi hafa Bandaríkin,af góðsemd sinni, reynt ad koma Evrópu á lappirnar. Nú loksins hafa þau séð að það er vonlaust verk. Þeim sjálfum blæðir út og aumingjarnir í Evrópu leggjast bara lægra. 

[Tryggvi L. Skjaldarson, 20.4.2020 kl. 10:11]

Sæl, Ragnhildur Kolka.

Gjöf hefur verið til gjalda. Leikreglur hafa verið Bandaríkjamönnum hagsstæðar og ásættanlegar fyrir Evrópu þótt ljóst sé að Bandaríkjamenn hafa stundum túlkað frelsi á sérstakan hátt. 

,, We are defending freedom and our intrest" sagði Bush þegar ráðist var inn í Írak. Í leit að gereyðingarvopnum, sem hann vissi að voru ekki það.

Dollarinn er aðal gjaldmiðillinn og fyrirtæki getað farið þvert á landamæri til að græða pening. Það getur orðið flókinn reikningur að finna út hvort þeir hafi gefið meir en þeir hafa tekið?

[Baldinn, 20.4.2020 kl. 14:40]

Hvernig er hægt að segja að "Sænska aðferðin " hafi virkað, þegar 1.600 manns hafa látist þar á móti 165 í Noregi.  Ég tek undir með Tryggva en veit jafnframt að sannleikurinn er ekki að þvælast fyrir ykkur hinum sem hér skrifa.

Næstum þriðja hvert greinda smit í heiminum er í USA.  Trump hafði alveg sömu upplýsingar og hin löndin í heiminum.  Að skrifa hér og mæra hans viðbrögð er erfitt að skilja.  Hann lokaði á flug frá Kína en samt komu þúsundir þaðan eftir lokunina.  Eftir að fyrstu smitin voru staðfest í USA að þá kom hann fram í sjónvarpinu og sagði að þetta væri ekkert mál og myndi ekki hafa mikil áhrif í USA.  Hann og ríkistjórnin gerði lítið nema að tala þetta niður.

Vel má vera og mjög líklegt er að Kínverjar hafi ekki sagt satt um ástandið hjá sér.  Um miðjan janúar lá þetta nú samt ljóst fyrir.  Þá þegar fóru flest lönd að búa sig undir þennan ósóma.  Að benda á þá ( Kína ) og kenna þeim um að hafa ekki gert neitt í byrjun mars er léleg afsökun.

Brynjar

[Þorsteinn Siglaugsson, 20.4.2020 kl. 19:04]

Langsóttari röksemdafærslur eru vandfundnar!

[Jóhann Kristinsson, 21.4.2020 kl. 15:51]

Hvað átti Trompið að gera?

Eftir lokun á flug til og frá USA og Kína, þá var bannið fyrir kínverskra ríkisborgara. 

Það voru rúmlega 40 þúsund bandarískra ríkisborgara og svokallaða grænakorts fólks sem vildi komast heim til sín, átti Trompið að banna bandarískum ríkisborgurum að komast heim til sín?

Wuhan Chineese Media flensan kom verst niður á New York en veiran þar kom frá Evrópu löndunum, en þegar Trompið lokaði á Evrópu þá sturðlaðist utanríkisráðherra Íslands og kallaði Trompið öllum illum nöfnum eins og hann gerði þegar var lokað á Kínverja.

Stundum þarf fólk að nota nýrun áður en það skrifar tómt rugl sem það hefur ekki hugmynd um og fær allar sinar upplýsingar frá CNN og littla útibúi CNN á Íslandi RÚV.

Kveðja frá Montgomery Texas