Kreppan breytir Íslandi - og heiminum

Ólíkt veðurfarinu er kreppan kennd við COVID-19 manngerð. Veiran varð til í einum manni á matarmarkaði í Wuhan í Kína og barst þaðan milli manna um heimsbyggðina alla.

Til að vinna bug á kórónuveirunni eru landamæri lokuð sem áður voru opin, einstaklingar og samfélög eru sett í sóttkví og einangrun. Hver er sjálfum sér næstur. Lágmarksfjarlægð milli aðila þarf að vera tryggð til að fækka dauðsföllum og hruni heilbrigðisþjónustu.

Eyþjóð eins og Ísland hefur forskot á þjóðir sem byggja meginlönd. Landfræði Íslands kenndi þjóðinni að búa við einangrun og komast af. 

Baráttan við veiruna eykur þörfina á að þjóðir tileinki sér nægjusemi er tryggi matvælaöryggi og grunnþjónustu. Ráðamenn verða krafðir svara um varnir gegn næsta manngerða andskota.

Skáldskapur um ímynduð vandamál, eins og manngert loftslag, mun leggjast af eins og ritun Íslendingasagna á síðmiðöldum þegar engar voru lengur hetjurnar. Skinnpjötlur handritanna urðu bót fyrir beran rassinn; loftslagsvísindamenn verða beðnir um veðurspá næstu vikna en ekki skáldskap um áratugi framtíðarinnar. Svar glópanna, að þeir viti ekkert um veðurfar næsta mánaðar en allt sem er að vita um veðrið árið 2050, verður vegið og léttvægt fundið.

Veiruvarnir byggja á trausti. Samfélög með einsleita siði og menningu skapa traust milli íbúa og yfirvalds. Af því leiðir verður farið varlegra en áður að umbreyta samfélögum með opingáttarstefnu gagnvart útlendingum með framandi siðu og háttu - og ef til vill veiru.

 

 

 

Bólusetning er forsenda opnunar

ESB-sinni nennir ekki alþingi

Þorsteinn Víglundsson hafði ekki erindi sem erfiði, að gera Ísland að ESB-ríki. Það sést á þingmönnum Viðreisnar og Samfylkingar að þeir nenna tæplega lengur þingstörfum fyrir fullvalda þjóð.

Fúttið er farið. Ekki er lengur von um feitan bitling í Brussel.

Þingmenn Viðreisnar og Samfylkingar eru vonlausustu þingmenn sögunnar. Bókstaflega.

Þorsteinn tekur við Hornsteini

ESB: skuldafangelsi Suður-Evrópu eða kapútt

Fjármálaráðherra Spánar hótaði endalokum Evrópusambandsins ef Norður-Evrópuríki tækju ekki ábyrgð á skuldum ríkja eins og Spánar, Ítalíu, Portúgals og Grikklands.

Þýskaland, Finnland, Svíþjóð, Holland og Austurríki sjá lítið vit í að ábyrgjast suðræna peningaóreiðu sem byrjaði á dögum Rómarveldis með útþynntri silfursleginni mynt. Nema, auðvitað, að Norður-Evrópuríki fengju vald til að setja fjárlög ríkjanna í suðri.

Evrópusambandið reynir að vera bæði og; ríkjasamband þykjustufullvalda ólíkra ríkja. En sagan knýr á um annað hvort eða: laustengda samvinnu eða eitt meginlandsríki Evrópu.

ESB stækkar og eflist í kreppuástandi, segir reynslan. Kórónuveiran gæti raungert Stór-Evrópu undir þýsku forræði. Eða slátrað Evrópuhugsjóninni.

 

Náðu ekki samkomulagi um aðgerðapakka ESB

Morð er ekki heimilisofbeldi, heldur morð

Löggan og fjölmiðlar ættu aðeins að róa sig í eftirspurninni eftir heimilisofbeldi, sem byrjaði með yfirlýsingum um að nú ykist ofbeldi á heimilum og síðan skyldi finna tilvikin.

Ríkislögreglustjóri var hálf sorrí á RÚV að kvarta undan því að ekki kæmi nógu margar tilkynningar um ofbeldi á heimilum landsins.

Fyrirsögnin á viðtengdri frétt lýsir brenglun lögreglu og fjölmiðla. Morð er einfaldlega morð, ekki heimilisofbeldi. Með því að segja morð heimilisofbeldi er manndráp sett í sama flokk og löðrungur í hjónaerjum. Aðeins morðingjum er gerður greiði með slíkum samjöfnuði.

Reynið að hemja ykkur þið sem sitjið á skrifstofum og hugsið ljótt um samborgara ykkar. Illar hvatir koma einatt í dulbúningi góðvildar.

„Ekkert annað en heimilisofbeldi“

Orkupakkar Gulla og kó eru dýrpkeypt vörusvik

Með orkupökkum ESB er Ísland hluti af svikamyllu sem býr til á pappírunum óhreina orku hér á landi, unna úr kolum og kjarnorku. Í viðtengdri frétt er Landsvirkjun sökuð um vörusvik. Þar segir

Meðal þess sem þar er horft til séu meint vöru­svik Lands­virkj­un­ar. Rio Tinto hafi keypt raf­ork­una á þeim for­send­um að hún væri fram­leidd með vatns­afli en frá ár­inu 2014 hafa raf­orku­reikn­ing­ar frá Lands­virkj­un sýnt að ork­an sé fram­leidd með kjarn­orku- og kola­vinnslu. Skýrist það af sölu svo­kallaðra upp­runa­vott­ana sem Lands­virkj­un hef­ur haft millj­arða tekj­ur af á síðustu árum.

Það var og. Verslun með upprunavottorð byggir á ímynduðum verðmætum, rétt eins og aflátsbréf kaþólsku kirkjunnar á miðöldum. Þeir sem ánetjast ímynduðum verðumætum eru á sömu vegferð og fíkill sem tapar áttum í heimi veruleikans. Hákirkjan hrynur þegar fólk hættir að trúa ímynduninni. Afeitrun fíkilsins er langvinnt kvalræði. 

Marteinn Lúther afhjúpaði kaþólsku kirkjuna. Bændablaðið Gulla og kó. 

Óviss framtíð álversins

Sérfræðingar án staðkunnáttu eru einskins virði

Staðbundið vald, oft blanda af embættismönnum, stjórnmálamönnum og sérfræðingum, er sú leið sem flestar þjóðir fara í baráttunni við kórónuveiruna. Þríeykið á Íslandi er embættismaður og tveir læknar.

Alþjóðlegir sérfræðingar vita ekki hvernig á að bregðast við, þeir tala í austur og vestur.

Allir nema ESB-sinnar og alþjóðahyggjufólk vita að ekki er til alþjóðleg uppskrift að samfélagi. Hvorki hvernig á að búa það til né vernda þegar vá steðjar að.

Farsóttin er upprifjun á sígildum sannindum. Staðbundið vald virkar, enda byggir það á trausti, en alþjóðlegt vald virkar ekki.

Hafa látið sérfræðingana um svörin

Perluhöfn, COVID-19 og Gréta litla sænska

Ótímabær dauði þúsunda Bandaríkjamanna vegna COVID-19 fær samjöfnuð við morðárás Japana á flotastöðina Perluhöfn 7. desember 1941.

Kórónuveiran dregur fram samlíkingar við stöðugt stærri hörmungar.

En hvers vegna er veirunni ekki líkt við heimsendaspá Grétu litlu Thunberg sem skutlað var á milli heimsálfa, ýmist rafrænt eða á seglbáti, og boðaði helvíti á jörðu vegna koltvísýrings?

Pentagon lagði í púkkið handa sænska unglingnum og safnaði í skýrslu árið 2003 um yfirvofandi heimshamfarir vegna manngerðs loftslags. Skýrslan sagði að fyrir árið 2020 yrði Evrópa óbyggileg og þjóðflutningar yrðu frá álfunni til Norður-Afríku og Miðausturlanda. Fjölmiðlar trúðu og í Svíþjóð fæddist frelsari með tagl.

Gréta sænska og glóparnir eru í híði, þó ekki með Víði, á meðan kórónuveiran sækir okkur heim. Markaðsaðstæður eru ekki hagfelldar fyrir boðskapinn á talandi stundu.

Eftir farsóttina verður aftur reynt að telja okkur trú um að manngert veður sé okkur lifandi að drepa. Alþjóðahyggjan beinlínis krefst þess að himinn og jörð séu um það bil að farast. Annars eru engin verkefni handa Sameinuðu þjóðunum, Evrópusambandinu og öðrum viðlíka stofnunum.

 

„Pearl Harbor-stund“ í augsýn

Kári færir góðar fréttir - hvað með framhaldið?

Hægur vöxtur smitaðra stórlega dregur úr líkum að ítalskt ástand skapist á Íslandi þar sem sjúkir fá ekki aðhlynningu vegna COVID-19.

Gott mál og ber að taka undir með Kára að þríeykið gerði allt rétt.

Í framhaldi vakna spurningar. Ef það fer svo að kórónuveiran deyr út í maí en er samt áfram að sullast um heimsbyggðina hlýtur að vera hætta á að hún stingi sér niður á ný á Fróni. Og þjóðin hefur ekki myndað ónæmi, - einmitt vegna frábærs árangurs þríeykisins.

Hvað gera bændur þá? Varla lokum við á fólksflutninga til og frá landinu. Tæplega er raunhæft að halda þjóðinni viðvarandi á sóttvarnarstigi. Mótefni við veirunni er ekki í augsýn.

Nokkuð snúin staða virðist blasa við.

Aðeins 0,6% í slembiúrtaki smituð

Spilling í hælisiðnaði: vinir á Íslandi

Um sex til átta milljarðar króna fara árlega í hælisþjónustu við fólk sem á fæst erindi hingað til lands. Lögfræðingar eru í atvinnubótavinnu sem almannatenglar fyrir tiltekna hælisleitendur og koma þeim í fjölmiðlaviðtöl, gjarnan með tárvot augu.

Á félagsmiðlum krefjast menn að þessi eða hinn tiltekni vinur úr hópi hælisleitenda fái inngöngu í íslenska velferðakerfið. Það er orðið svo naumt með afsakanir að nú heitir það að viðkomandi fái ekki útrás fyrir kynhneigð sína í heimalandinu. Óskýr kynvitund er önnur afsökun. Eins og við eigum ekki nóg með þá íslensku ríkisborgara sem vilja vera karl í dag, kona á morgun og þriðja kynið eftir helgi.

Vinahygli er spilling þegar opinbert fé á í hlut. Íslenskir vinir hælisleitenda ættu að hjálpa þeim að eiga líf í heimalöndum sínum og láta af áníðslu á ríkissjóð sem er tómur. Og kannski minnast þeirra milljóna flóttamanna víða um heim sem ekki eiga vin á Íslandi.

Atvinnubótavinnu lögfræðinga sem almannatengla hælisfólks ætti að linna. Það er eftirspurn eftir sendlum hjá veitingamönnum sem stunda heimaþjónustu. Atvinnubótalögfræðingarnir gætu farið í þau störf. Kannski sæu þeir alvörutár.

Breytt mat gæti haft áhrif á 225 hælisleitendur

Verkó í afneitun, skilur ekki boðorð dagsins

Ferðaþjónustan er hrunin og verður ekki endurreist í bráð. Fyrirtæki eru í öndunarvél ríkissjóðs, annars færu þau í gjaldþrot. Efnahagsleg ísöld er í vændum á alþjóðavísu, segir í Telegraph.

Góðærisvæl síðustu ára um fólk dræpist úr hor þótt smjör drypi af hverju strái heldur áfram í sósíalískri verkalýðshreyfingu. 

En sorrí, strákar og stelpur, þið eruð stríðalin og veitir ekki af megrun til að mittismálið nálgist veruleikann. Byrjið á því að tæma verkfallssjóðina, það verður hvort eð er hlegið að öllum verkfallstilburðum næstu árin. Lækkið félagsgjöldin á launþega um helming, fólk þarf á hverri krónu að halda.

Verkalýðshreyfingin er bákn sem fleytir rjómann af striti vinnandi fólks. Nauðungaráskrift að félagsaðild í verkalýðsfélagi er miðaldafyrirkomulag sem feitir þjónar sósíalisma nýta sér til að lifa á vinnu annarra.

Spartversk naumhyggja er boðorð dagsins. Þeir sem ekki skilja það fara sömu leið og veikburða börn forngríska borgríkisins; á haugana.

Skilyrða þarf frekari stuðning