Verkó í afneitun, skilur ekki boðorð dagsins

Ferðaþjónustan er hrunin og verður ekki endurreist í bráð. Fyrirtæki eru í öndunarvél ríkissjóðs, annars færu þau í gjaldþrot. Efnahagsleg ísöld er í vændum á alþjóðavísu, segir í Telegraph.

Góðærisvæl síðustu ára um fólk dræpist úr hor þótt smjör drypi af hverju strái heldur áfram í sósíalískri verkalýðshreyfingu. 

En sorrí, strákar og stelpur, þið eruð stríðalin og veitir ekki af megrun til að mittismálið nálgist veruleikann. Byrjið á því að tæma verkfallssjóðina, það verður hvort eð er hlegið að öllum verkfallstilburðum næstu árin. Lækkið félagsgjöldin á launþega um helming, fólk þarf á hverri krónu að halda.

Verkalýðshreyfingin er bákn sem fleytir rjómann af striti vinnandi fólks. Nauðungaráskrift að félagsaðild í verkalýðsfélagi er miðaldafyrirkomulag sem feitir þjónar sósíalisma nýta sér til að lifa á vinnu annarra.

Spartversk naumhyggja er boðorð dagsins. Þeir sem ekki skilja það fara sömu leið og veikburða börn forngríska borgríkisins; á haugana.

Skilyrða þarf frekari stuðning

Athugasemdir

[Benedikt Halldórsson, 4.4.2020 kl. 09:19]

Í bullandi góðæri var ástandið í samfélaginu svo slæmt í höfðinu á marxistunum (sem seinna yfirtóku Eflingu) að bylta þyrfti öllu helvítis góðærinu. Fólk hlyti að rísa upp eins og í frönsku byltingunni.

Youtube þáttur heittrúaðra heitir Fallöxin. Það er viðeigandi nafn á byltingarspjallþætti. Aðeins Sanntrúaðir gáfu vitnisburð. Drífa Snædal, Þórhildur Sunna Ævarsdóttir, Sanna Magdalena Mörtudóttir og fleiri sterkir í andanum. Vitnisburðurinn styrkir trú, hatur og heift safnaðarins.