Vantar meiri hlýnun á Íslandi og Noregi

Nýliðinn október var sá kaldasti í Noregi í áratug. Á Íslandi mætti vera hlýrra. Loftslagið á landnámsöld var norrænum þjóðum hagfelldara og mætti alveg koma aftur með svona tveggja gráðu hærri meðalhita.

En vinstrimenn, sem sagt, vilja samstillt átak Norðurlandaþjóða að hamla gegn hlýnun.

Sumum líður ekki vel nema í leiðindum og skítakulda.

Vetrarfærð og allt að tíu stiga frost

Helga Vala og ófædd börn, íslensk og albönsk

Ófætt barn albönsku fjölskyldunnar sem kom ólöglega til Íslands er efst í huga Helgu Völu Helgadóttur þingmanns Samfylkingar.

Helga Vala ber kaldari tilfinningar til ófæddra íslenskra barna, eins og fram kom þegar lög um fóstureyðingar voru samþykkt á liðnum vetri og leyft að eyða lífvænlegum fóstrum.

Þá hétu börnin ,,frumuklasar" í máli Helgu Völu og félaga.

Er til tölfræði um ófæddu börnin sem Helga Vala ætti að biðja afsökunar?

Bað stjórnvöld um að biðjast afsökunar

Hælistúrismi frá Albaníu - skömm RÚV

Albanía er ekki stríðsþjáð land. Hælisleitendur sem þaðan koma eru ekki á flótta undan borgarastyrjöld eða hryðjuverkaóöld.

Í útkalli RÚV í gær til góða fólksins að safna liði fyrir albanska fjölskyldu var þess í engu getið að Albanir koma til Íslands í leit að ókeypis velferðarþjónustu.

RÚV bjó til ævintýri um þungaða albanska konu til að níða skóinn af orðspori Íslendinga.

RÚV er þjóðarskömm. 

 

Ekki í samræmi við lög um mannúð

Góða fólkið og glæpurinn að komast heim

Albanska fjölskyldan, sem góða fólkið notaði til að útmála Íslendinga mannfjandsamlega, er komin til síns heima.

Heima er best, segir gömul orðskviða.

Sólarhringsmóðursýkiskast góða fólksins í boði RÚV og hælisflokka á alþingi gerði það að glæp að koma fólki heim til sín fljótt og örugglega.

 

Komin til Albaníu

Alþingi: byggjum sjúkrahús í Albaníu

Í Albaníu er það þekkt staðreynd að hægt er að fá ókeypis fæðingarhjálp á Íslandi, einkum ef heilsufar móður er tæpt. Þess vegna koma albanskar fjölskyldur hingað.

Á alþingi rís hver þingmaður upp á fætur öðrum til að lýsa samstöðu með fæðingarþjónustu fyrir albanskar konur. Hundaflautufrétt RÚV í hádeginu var útkallið.

Alþingi fer með fjárveitingavaldið. Í stað þess að tala til góða fólksins væri nær að þingmenn samþykktu fjárframlög til Albaníu og reistu þar sjúkrahús fyrir vanfærar konur.

Það getur ekki kostað meira en 5 til tíu milljarða að byggja fæðingarheimili í Albaníu.

Sérstaklaga hljóta þingmenn vinstriflokkanna að láta hendur standa fram úr ermum.

Koma svo, góða fólkið bíður í ofvæni.

 

Fordæmdu brottvísun albönsku konunnar

No Border fær fyrstu frétt á RÚV

Samtök sem kallast No Border og vilja óheft aðgengi útlendinga að skattfé Íslendinga fékk fyrstu frétt RÚV í hádeginu undir málstaðinn.

RÚV stendur sig vel sem almannatengill aðgerðasinna.

100 konur og rétturinn til að niðurlægja

Tæplega 100 konur ásaka Steinunni Ólínu um að vera ,,í keppni að niðurlægja fólk án dóms og laga." Tilefnið er grein Steinunnar Ólínu þar sem hún andmælir mannorðsmorðum í skjóli nafnleyndar.

Orðalagið ,,niðurlægja án dóms og laga" er afhjúpandi. Tilfellið er að hvorki lög né dómar ganga út á að niðurlægja fólk. Mönnum er gerð refsing eða þeir sýknaðir.

100-konu yfirlýsingin gengur aftur út á réttinn til að niðurlægja. Það er tungunni tamast sem hjartanu er kærast. 

Drífa og svörtu hryðjuverkamennirnir

Drífa Snædal líkir Palestínumönnum við svarta í Suður-Afríku á dögum aðskilnaðarstefnunnar.

Samkvæmt Drífu stunduðu þeir þeldökku sjálfsmorðsárásir á hvíta, skutu eldflaugum á heimili þeirra hvítu, hótuðu að afmá suður-afríska ríkið af yfirborði jarðar. En, vel að merkja, áttu einnig kjörna þingfulltrúa á löggjafarþingi Suður-Afríku.

Velkomin í sögufölsunarstund Drífu.

 

Minnir á stöðu svartra á tímum aðskilnaðarstefnu

Clinton er tímabil vinstrimanna og frjálslyndra

Clinton reykti jónu, fékk Rhodes-styrk, svaf hjá lærlingi, talar fyrir fjölmenningu, trúir á manngert veðurfar, vill breyta veröldinni í vestrænt heimsþorp og tapar fyrir Trump 2016.

Clinton-tímabil þeirra Bill og Hillary er tilraun 68-kynslóðarinnar að sveigja veruleikann að ímynd.

Skiljanlega er freistandi fyrir vinstrimenn og frjálslynda að fá framlengingu. Niðurstaðan verður þó sú sama. Vonbrigði. 

Tekur Clinton aftur slaginn við Trump?

Hrunið var lækning

Hrunið læknaði Íslendinga af tálsýn um að hafa fundið upp aðferð til að auðgast sem öðrum þjóðum hafði yfirsést. 

Lækningin var tvíþætt. Í fyrsta lagi efnahagsleg með gjaldþrota allra banka, margra fyrirtækja og all nokkurra heimila. Í öðru lagi pólitísk, þjóðin gerði tilraun með fyrstu hreinu vinstristjórn lýðveldissögunnar, sóttum um ESB-aðild og reyndum ýmsa aðra vitleysu sem þurfti að prófa.

Margir saklausir máttu þola búsifjar vegna hrunsins og líklega sluppu sumir þrælsekir. En hrunið varð líka til að auka samheldni. Það var friður á vinnumarkaði og fæðingartíðni jókst. Nú þegar kemur á daginn að sjálfsvígum fjölgaði ekki virðist lækningin hafa tekist betur en á horfðist.

Sjálfsvígstíðni ekki hærri í hruninu