Aldraðir: fátækir fábjánar?

Á Íslandi hefur ekki verið langtímaatvinnuleysi í áratugi. Lífeyrissjóðakerfinu var komið á upp úr 1970. Frá öld torfkofanna ríkir hér á landi séreignastefna; fólk eignast sitt eigið húsnæði.

Reynt er að telja okkur trú um að aldraðir hér á landi séu almennt fátækir. Það getur ekki verið rétt nema að þessu skilyrðum uppfylltum. Viðkomandi

a. sveikst um að greiða í lífeyrissjóð

b. var á félagslegu framfæri þegar aðrir unnu fyrir sér

c. sólundaði fjármunum sínum

d. eigi þjófótt börn

Við rekum velferðaþjónustu fyrir þá sem verða fyrir nísku náttúrunnar, slysum er leiða örkumlunar eða ánetjast fíkniefnum. Fáir verða fyrir líkamlega og andlegu tjóni af þessum ástæðum. Almennt geta aldraðir ekki verið fátækir, það er flökkusaga. Fólk almennt er ekki fábjánir, þótt sumir fylli þann flokk.

Nei sko, Trump-frétt á RÚV

Í nótt kl. 4:05 birtist Trump-frétt á RÚV undir fyrirsögninni ,,Fleiri vantreysta Trump en Pútín og Xi Jinping". Fréttin er um skoðanakönnun. Myrkraverkin eru drjúg á Efstaleiti.

Á meðan allir voru vakandi í gær hélt Trump aftur ávarp sem mbl.is flutti beint og Stöð 2 sagði frá í aðalfréttatíma, líkt og flestir fjölmiðlar á vesturlöndum. RÚV þagði.

Nýr útvarpsstjóri verður tilkynntur á næstu dögum. Fyrsta verk hans verður að kalla á sálfræðiteymi á fréttastofuna á Efstaleiti.

Trump gerir RÚV kjaftstopp

Heimsbyggðin öll fylgist með og allir marktækir fjölmiðlar birta fréttir um ávarp Trump Bandaríkjaforseta vegna stöðunnar í miðausturlöndum.

Sexfréttir RÚV, aðalfréttatíminn,  sögðu ekki orð um ávarp Trump. Ekki orð. Heimasíða RÚV er kl. 1830 þögul sem gröfin.

Svakalega sem Trump hefur tekist vel upp. Og ótrúlegt hve RÚV er lélegur fjölmiðill.

Viðbót kl. 1930:

Sjöfréttir RúV í sjónvarpinu sögðu heldur ekki frá ávarpi Trump. Fréttamaður í beinni, sem talaði um flugslysið í Teheran, þar sem úkraínsk flugvél fórst, vísaði í ,,blaðamannafund" Trump. Enginn slíkur blaðamannafundur var haldinn í dag. Ávarp Trump stóð í tæpar tíu mínútur og allir alvöru fjölmiðlar fjalla um það. Nema RÚV.

Ávarp Donalds Trumps í beinni útsendingu

Klerkar rannsaka flugslys

Klerkarnir í Íran ætla sjálfir að rannsaka tildrög þess að úkraínsk flugvél hrapaði í Tehrean í nótt. Boeing framleiðir vélina og venjan er að flugvélasmiðir vinni með flugmálayfirvöldum að rannsókn flugslysa.

Ekki í Íran, - fulltrúar Allah vita betur en sérfræðingar og tæknimenn hvað valdi flugslysum.

Forseti Úkraínu varar við samsæriskenningum um flugslysið. Of seint. Klerkarnir eru komnir í málið og hafa eitthvað að fela.  

Bandaríkjamenn fá ekki flugritana

Íran og kjarnorkuvopn

Íran gæti komið sér upp kjarnorkuvopni innan skamms, segir í frétt í Jerusalem Post. Rétt eða röng veldur fréttin ónotum, ekki síst hjá þeim sem eiga yfir höfði sér hefndaraðgerðir klerkaveldisins í Íran.

Klerkarnir auglýsa grimmt reiði þjóðarinnar yfir drápinu á Soleimani. Jarðaförin ein krafðist mannfórna nokkurra tylfta borgara klerkaveldisins.

Ógnarorðræðan í Teheran spilar upp í hendurnar á þeim sem vilja árásir á kjarnorkuvígbúnað Íran. Til að bjarga menningarverðmætum - og mannslífum.

Soleimani var að undirbúa árásir

Jón Valur

Jón Valur Jensson var mælikvarði á samtímann. Þegar nafn hans heyrðist títt í umræðunni vissi það á að andstæðingar hans töldu sig standa höllum fæti.

Jón Valur var maður margra skoðana sem þó mynduðu heild og gerðu manninn að samfélagslegu vörumerki.

Samfélagið er fátækari að Jóni Val gengnum.

Hvíl í friði, Jón Valur.

Andlát: Jón Valur Jensson

Manngerðir eldar í Ástralíu

Yfir 180 manns sæta ákæru um íkveikju af ásettu ráði í Ástralíu. Árstíðarbundnir eldar í heimsálfunni verða enn hrikalegri af mannavöldum.

Manngerðar hörmungar koma í ýmsum útgáfum.

Vonandi rignir brátt hjá andfætlingum okkar.

25 manns og milljónir dýra hafa týnt lífi

Írak er Ameríku blóð og brandari

Misvísandi fregnir eru um hvort Bandaríkjaher yfirgefi Írak. Þjóðþing landsins krafðist brottfarar Bandaríkjahers eftir drápið Soleimani á alþjóðaflugvellinum í Bagdad, höfuðborg Íraks.

Soleimani var Írani og hættulegur þjóðaröryggi Bandaríkjanna. Það er yfirlýst ástæða aftökunnar. Engu að síður notaði Soleimani alþjóðflugvöllinn i Bagdad til að heimsækja íraska samherja sína og plotta gegn Bandaríkjunum. Svo á að heita að Írak sé skjólstæðingur Bandaríkjanna, allt frá innrásinni 2003 þegar harðstjórinn Saddam Hussein var hrakinn frá völdum.

Yfirvöld í Írak leika tveimur skjöldum. Eiga vingott við Bandaríkin samtímis sem svarinn  óvinur Bandaríkjanna valsar um götur og torg höfuðborgar landsins að skipuleggja árásir á bandarísk skotmörk.

Til hvers erum við í Írak? verður spurt í Bandaríkjunum. Þjóðþing landsins krefst brotthvarfs bandaríska hersins og yfirvöld í Írak eru í samsæri með einum æðsta ráðamanni Íran gegn bandarískum hagsmunum. Til hvers er bandarískum mannslífum og skattfé fórnað í blóðugu leikhúsi fáránleikans?

Mesti óleikur sem Bandaríkin gætu gert Íran er að gefa eftir Írak. Það myndi leiða til uppgjörs milli shíta-múslíma, sem ráða Íran, og minnihluta súnní-múslíma í Írak er nytu stuðnings Sádí-Arabíu og e.t.v. Tyrkja. Ríki íslams fékk stuðning úr þeim ranni á sínum tíma. 

Það er ekki heil brú í stefnu Bandaríkjanna í Írak og hefur ekki verið frá 2003. Atburðir síðustu daga afhjúpa dapran veruleika sem bíður eftir pólitískri leiðréttingu. 

Sendu skeyti um brottflutning fyrir mistök

Íran sættir Evrópu og Pútín

Pútín og Rússlandi var úthýst úr samfélagi þjóðanna eftir misheppnaða tilraun frjálslyndra í Evrópu og Bandaríkjunum að gera Úkraínu að ESB-ríki og Nató-meðlim. Jafnvel litla saklausa Ísland var knúið til að setja viðskiptabann á Rússland, slíkar voru öfgarnar.

Rússar unnu það eitt til saka að gæta lögmætra öryggishagsmuna í Úkraínudeilunni. Heimsvaldastefna frjálslyndra þoldi það ekki. Trump var grunaður um að vilja sættast við Pútín. Óðara var glókollur stimplaður sem útsendari Moskvu.

ESB-ríki sökuðu Pútín um að skipta sér af kosningum og töldu hann djöful til höfuðs frjálslyndri Evrópu.

Áramótaatburðir í miðausturlöndum, vaxandi ágengni Íran og viðspyrna Trump-stjórnarinnar, breytir stöðu heimsmála. 

Rússlandsferð Merkel er til marks um sáttfúst raunsæi. Pútín er laustengdur bakhjarl Íran og Tyrklands upp á síðkastið - og í hernaðarbandalagi með Assad í Sýrlandi. Á meðan Trump og klerkarnir í Íran skiptast á hótunum hugsar Pútín nokkra leiki fram í tímann. Merkel veit þetta og sækir heim Pútín að finna diplómatískar lausnir.

Merkel til Moskvu vegna Írans

Kjarnorkuvopn og Íran: helförin II

Yfirlýst stefna klerkastjórnarinnar í Íran er að gjöreyða Ísraelsríki. Í Teheran eru hommar teknir af lífi opinberlega.

Kjarnorkuvopn í höndum múslímaklerkanna er ávísun á hamfarir á heimsvísu sem veröldin hefur ekki séð síðan Hitler var og hét.

Þjóðverjar eru næmir á sögulegar hamfarir. Aðalritstjóri Bild skrifar þakkarnótu til Trump fyrir aftökuna á Soleimani, höfundi útþenslustefnu Íran. Í Welt er harmað að Þjóðverjar standi enn á ný röngu megin sögunnar með því að styðja ekki Trump að losna við yfirgang írönsku klerkanna.

ESB-ríkin stóðu að samkomulagi við Íran um kjarnorkuvopn ásamt Obama forseta Bandaríkjanna. Söguleg hliðstæða samkomulagsins er Munchen 1938 þegar Bretland og Frakkland gáfu Hitler frítt spil í Mið-Evrópu. Þegar illskan mætir frjálslyndi sigrar hún.

Trump sagði upp samningnum við klerkana í Teheran. Sögukaflinn sem skrifaður er um þessar mundir er framhaldssaga um hvernig eigi ekki að láta illþýði stjórna heiminum.  

Íranar undirbúa uppsögn kjarnorkusamkomulagsins