Guðni Th. verður forseti á skilorði

- ef hann nær að merja Höllu.

Guðni og Halla leiða

ESB-sinnar í hár saman: Guðni Th., Andri Snær og Egill H.

Forseti Íslands, Ólafur Ragnar Grímsson, og aðrir með skynbragð á alþjóðastjórnmál vita að Brexit breytir öllu í ESB-umræðunni, bæði hér heima og um alla Evrópu. Brexit þýðir endastöð Evrópusambandsins í núverandi mynd. Tvær meginútgáfur af framhaldinu sýna sig í umræðunni erlendis um framtíð ESB.

Í fyrsta lagi að Brexit verði upphafið að fleiri úrsögnum úr ESB. Þýska útgáfan Die Welt ræðir möguleg dómínóáhrif af Brexit, sem fæli í sér að sambandið liðaðist í sundur.

Í öðru lagi gætu þau 27 ríki sem nú eru í ESB þétt raðirnar og dýpkað samstarfið til að skapa Stór-Evrópu er tæki enn meira fullveldi af aðildarþjóðum sínum.

Einhver milliútgáfa er hugsanleg, þar sem fleiri þjóðir færu út, t.d. Grikkland sem yrði ýtt út, en hinar styrktu og dýpkuðu samstarfið.

Hvað sem úr verður er þrennt morgunljóst frá íslenskum sjónarhóli.

1. Brexit-ferlið og viðbrögð ESB taka langan tíma, nær tíu árum en fimm.

2. Bretar leita hófanna eftir auknu samstarfi við strandþjóðir í norðri, sem standa utan ESB: Norðmenn, Íslendinga, Færeyinga og Grænlendinga, til að eignast nýtt bakland. Og þeir munu leggja sig sérstaklega fram um sambandið við Bandaríkin og Kanada.

3. Engin heilvita stjórnmálasamtök á Íslandi munu stefna á ESB-aðild á meðan þættir 1. og 2. spilast út.

ESB-sinnarnir Guðni Th., Andri Snær og Egill Helgason eru í sérkennilegu þjarki, samkvæmt Eyjunni, um hvað Brexit þýðir. Það verður að segja Guðna Th. til tekna að er sæmilega læs á stöðu mála á meðan Andri Snær og Egill eru út í móa með ESB-glýju.

Mjög góð tíðindi fyrir Ísland

Davíð er besti kosturinn

Davíð Oddsson kæmi með reynslu, virðingu og trausta dómgreind á Bessastaði. Hann er þrautreyndur í landsmálum og þekkir vel til í alþjóðastjórnmálum, bæði sem forsætis- og utanríkisráðherra.

Í stærstu álitamálum seinni tíma sögu Íslands, afstöðunni til ESB-aðildar og Icesave, var Davíð traustur liðsmaður þeirra Íslendinga sem studdu pólitískt og efnahagslegt fullveldi þjóðarinnar.

Við ættum að kjósa Davíð Oddsson til forseta í dag.

Sjötti forsetinn kjörinn í dag

RÚV: hvort kysuð þið Trump eða Hillary?

Farsakennd frammistaða RÚV í opinberri umræðu hélt áfram í kvöld. Degi fyrir forsetakosningar lýðveldisins spurðu þáttarstjórnendur frambjóðendur hvort þeir kysu heldur Donald Trump eða Hillary Clinton sem Bandaríkjaforseta.

Hvaða erindi á slík spurning í umræðu forsetaframbjóðenda? Hvers vegna ekki að spyrja hver sé uppáhalds liturinn eða hvort frambjóðendur vilji heldur te eða kaffi?

„Enginn glæpur verið framinn“

Halla, Öskubuska og afbrýðisömu systurnar

Halla Tómasdóttir er Öskubuskuævintýri forsetakosninganna. Fyrir skemmstu mældist hún með 2 prósent fylgi og RÚV-liðið spurði hvort hún vildi ekki bara hætta við framboðið. Núna mælist Halla með tæp 20 prósent.

Í ævintýrinu um Öskubusku voru það afbrýðisömu systurnar sem lögðu lykkju á leið sína til að gera hlut söguhetjunnar sem verstan.

Hverjar eru afbrýðisömu systurnar í íslenskri pólitík?

Guðni með 44,6% fylgi

Davíð hafði rétt fyrir sér, Guðni Th. rangt

Davíð Oddsson gagnrýndi ESB-umsókn Íslands og hann hafnaði Icesave-samningnum sem átti að liðka fyrir aðild Íslands að Evrópusambandinu. Guðni Th. Jóhannesson var í líði með vinstristjórn Jóhönnu Sig. sem sótti um aðild að ESB og vildi samþykkja Icesave.

Davíð Oddsson er maðurinn sem við þurfum á Bessastaði  að tala fyrir hagsmunum Íslands og hafa auga með landsstjórninni.

 

 

Dómur yfir forystu ESB

Ísland breytist eftir Brexit

Evrópuumræðan er stærsta álitamál íslenskra stjórnmála á þessari öld. Afstaðan til ESB-umsóknar Samfylkingar og Vinstri grænna frá 16. júlí 2009 klauf þjóðina og var forsenda ríkisstjórnar Sjálfstæðisflokks og Framsóknarflokks 2013. Útganga Bretlands úr Evrópusambandinu útilokar að ESB-aðild verði á dagskrá íslenskra stjórnmála um fyrirsjáanlega framtíð.

Formleg og óformleg bandalög sem mynduðust eftir 16. júlí 2009 munu leysast upp. Pólitíska orkan sem fór í ESB-þrætuna fær útrás í öðrum viðfangsefnum. Utanríkismál víkja fyrir öðrum málefnum. 

Ísland er á þensluskeiði í efnahagsmálum og þeim fylgja vaxtaverkir, samanber umræðuna um innflutning á vinnuafli sem aftur tengist flóttamannaumræðunni. Verðbólga gæti náð sér á strik ef ekki tekst að finna jafnvægi milli skiptingar arðs fjármagns og launa.

Næstu misserin verður spurt um sjálfbærni efnahagsmála, hvort og hvernig við finnum milliveginn milli hagvaxtar og velfarnaðar. Þau pólitísku öfl sem veita trúverðugustu svörin við álitamálum um efnahagslegan vöxt annars vegar og hins vegar félagslega stöðu þjóðarheimilisins verða í mestri eftirspurn. Brexit geirneglir að sú umræða verður á forsendum fullvalda Íslands.

Brexit: Hvað gerist næst?

Bretar kjósa fullveldi, hafna ESB

Bretar ganga úr Evrópusambandinu í kjölfar þjóðaratkvæðagreiðslu 23. júní 2016. Þrátt fyrir að helstu stofnanir samfélagsins, s.s. flestir stjórnmálaflokkar, samtök atvinnulífsins og ,,sérfræðingar" af margvíslegu tagi vildu að Bretar játuðust aðild að ESB þá sagði breskur almenningur nei.

Niðurstaða þjóðaratkvæðisins í Bretlandi er sigur þjóðarfullveldis yfir skrifræði, sigur vonar á ótta og almennings gegn valdaelítunni.

Sjálfstæðisdagur Breta er 23. júní.

Vaxandi líkur taldar á Brexit

Þjóðarstoltið upp - Guðni Th. niður

Guðni Th. Jóhannesson talaði niður þjóðarstolt Íslendinga þegar mest á reið, misserin eftir hrun. Hann gekk í lið með vinstristjórnar Jóhönnu Sigurðardóttur sem  vildi samþykkja Icesave-samningana. Guðni Th. gerði lítið úr fullveldinu, sagði það ,,teyjanlegt hugtak" og studdi kröfuna um að stjórnarskránni yrði kollvarpað.

Þjóðarstolt Íslendinga er í hæstu hæðum eftir 17. júní og velgengni íslenska landsliðsins á Evrópumeistaramótinu. Þegar þjóðarstoltið fer upp, lækkar fylgi Guðna Th.

Guðni Th. nýtur þess enn að vera lægsti samnefnari ólíkra kjósendahópa. En það er löngu ljóst að það er ekki með stolti sem almenningur kýs frambjóðandann sem er á stöðugum flótta frá fyrri sannfæringu.

 

Guðni enn efstur en fylgið minnkar

Nató: ESB er hluti hernaðarbandalags

Aðalritari Nató, Jens Stoltenberg, segir mögulega úrsögn Breta úr Evrópusambandinu veikja hernaðarbandalagið.

Bretar eru ekki á leiðinni úr Nató og til skamms tíma var litið svo á að Nató-aðild og ESB-aðild væru hvort sinn hluturinn. En stríðsæsingar Nató gagnvart Rússlandi sýna að ESB er borgaralegur armur Nató.

Nató/ESB með Bandaríkin í forystu veit ekki á friðsamlegri alþjóðasamskipti.

 

Allir óttast Brexit nema Pútín