Þriðjudagur, 14. júní 2016
ESB-umsóknin mátti kosta gjaldþrot Íslands
Vinstristjórn Jóhönnu Sig. stefndi Ísland i gjaldþrot til að ESB-umsókn Samfylkingar mætti ná fram að ganga. Vinstristjórnin reyndi í þrígang að knýja í gegn Icesave-samningana, sem hefðu gert Ísland gjaldþrota.
Áróður vinstriflokkanna, Samfylkingar og Vinstri grænna, gekk út á að hrunið hefði gert Ísland gjaldþrota en svo var ekki, þökk sé neyðarlögum ríkisstjórnar Geirs H. Haarde.
Neyðarlögin gáfu Íslandi viðspyrnu, segir hagfræðingurinn James K. Galbraith. Ríkisstjórn Jóhönnu Sig. reyndi allt sem hún gat til að grafa undan neyðarlögunum, eins og Víglundur Þorsteinsson rekur.
Víglundur: Af hverju sviku þau? | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (3)
Þriðjudagur, 14. júní 2016
Trump fær stuðning nóbelsverðlaunahafa
Samfélagsfriðurinn í Bandaríkjunum er í hættu vegna sífjölgandi fátæklingum sem vinna á lágmarkslaunum, skrifar Angus Deaton nóbelsverðlaunahafi í hagfræði.
Donald Trump forsetaframbjóðandi Repúblíkana talar máli láglaunafólks sem missa störf til þróunarríkja þegar stórfyrirtæki flytja framleiðsluna þangað í skjóli viðskiptasamninga.
Deaton segir nauðsyn að endurskoða alþjóðhagkerfi sem búi til fátæklinga á vesturlöndum til að hjálpa þróunarríkjum. Annars sé voðinn vís. Donald Trump er hávær boðberi válegra tíðinda.
Dægurmál | Slóð | Facebook | Athugasemdir (1)
Þriðjudagur, 14. júní 2016
Guðni Th., Píratar, Viðreisn: nýja Ísland í felum
Skoðanakannanir dagsins í dag segja Pírata stærsta flokkinn, Guðna Th. með mesta fylgi forsetaframbjóðenda og Viðreisn á mestri siglingu stjórnmálaflokka.
Píratar eru án stefnumála; Guðni Th. er á flótta frá öllum pólitísku yfirlýsingum sem hefur gefið, sem þó eru ekki margar, og Viðreisn sópaði undir teppið málinu eina sem flokkurinn var stofnaður um - ESB-umsókninni.
Ef þjóðin ákveður að svona skuli þetta vera þegar á herðir, á kjördegi í júní og október, er hún í felum frá sjálfri sér.
Fylgi Guðna minnkar | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (3)