Össur hótar byltingu vinstrimanna

Össur Skarphéðinsson boðar 4ra flokka vinstristjórn Pírata, Samfylkingar, Vinstri grænna og Viðreisnar. Össur sér samstöðu þessara flokka um fjögur mál: ESB-aðild, nýja stjórnarskrá og uppstokkun grunnatvinnuvega í landbúnaði og sjávarútvegi.

Öll málin sem Össur nefnir eru ættuð úr vinstristjórn Jóhönnu Sigurðardóttur 2009 til 2013. Samfylkingin og Vinstri grænir vildu nota tækifærið til að kollvarpa lýðveldinu í kjölfar hrunsins. Vinstra-Ísland var til höfuðs l944-lýðveldinu.

Óopinbert slagorð ríkisstjórnar Jóhönnu Sig. var ,,ónýta Ísland". Vinstrimenn fundu öllu íslensku til foráttu. Hótun Össurar sýnir að þeir hafa engu gleymt og ekkert lært.

 

Þjóðhátíð er menningarhátíð

Fyrsta þjóðhátíðin var haldin í Vestmannaeyjum 1874. Eyjamenn komust ekki í land að fagna þúsund ára byggð í landinu og efndu til hátíðar í eyjunni sem nefnd er eftir þrælum Hjörleifs landnámsmanns. Bæjarhátíð Eyjamanna ber þetta nafn æ síðan, þjóðhátíð, og er líklega elsta veraldlega hátíðarhefðin okkar eftir að kóngsbænadegi lauk.

Þjóðhátíð er menning í anda og framkvæmd. Sjálfboðaliðar bera uppi undirbúninginn og þorri íbúanna tekur þátt. Eyjatjöldin eru sett upp á miðvikudegi og fimmtudegi í samvinnu enda standa þau þétt hlið við hlið og mynda götur með nöfnum eins og Týsgata og Ástarbraut. Í aðdraganda hátíðar streyma bílar inn í Herjólfsdal með búslóðir í tjöldin, s.s. sófasett, eldhúsinnréttingar og viðargólf. Verkfæri eru lánuð og handlagnir redda málum þegar þarf á að halda.

Inn í tjöldin bera heimamenn fram kræsingar á setningardegi, föstudegi eftir hádegi, þegar Eyjamenn mæta í sínu fínasta pússi en aðkomumenn í útivistarfatnaði. Í blíðviðri eins og í gær var setið utan tjalda þar sem fjölskyldur gerðu sér glaðan dag, hittu brottflutta Eyjamenn og nutu samvista vina af fastalandinu.

Í hátíðarræðu Andrésar Sigurvinsonar sagði frá þeim einkennum Eyjamanna að taka lífinu mátulega alvarlega. Andrés rakti lundernið til tveggja þátta. Vestmannaeyjar eru til langs tíma verstöð og suðupottur manna og kvenna úr öllum landsfjórðungum - auk Færeyinga. Sambýlið við hafið er annar þáttur lífsmyndarinnar. Ekki komu alltaf allir bátar af sjó. Biðin eftir fréttum af ástvinum sem skiluðu sér ekki úr róðri greipti þann skilning í vitundina að lífið er hvergi nærri sjálfsagður hlutur. Fólk tileinkar sér vonina en mætir vonbrigðum með lífsþrótti.

Lífsþróttur Eyjamanna birtist árlega í þjóðhátíð. Og sé grannt skoðað er bæjarhátíðin rétt kennd við þjóðina. Í öllum Íslendingum er eyjamaður.  

Þjóðhátíð sett með pomp og prakt

Jaðarinn verður miðjan: pólitískur ólgusjór

Píratar eru samkvæmt skilgreiningu jaðarflokkur. Þeir eru sérviskulegir nördar en búa við fjórðungsfylgi um langa tíma á kjörtímabilinu og eru samkvæmt því flokkur meginstefnu í samfélaginu.

Vinstri grænir eru jaðarflokkur alla lýðveldissöguna, sem arftaki sósíalista og Alþýðubandalags. 

Til samans mælast þessir flokkar með tæplega 40 prósent fylgi. Stuðningur við þessa flokka er myndbirting á ólgusjó stjórnmálanna. 

37% styðja ríkisstjórnina

Hvað er að hjá mbl.is?

Á mbl.is birtist 19. júlí frétt um að 35 ára karlmaður hefði brotið kynferðislega gegn ungum stúlkum á fótboltamóti í Svíþjóð. Þann 22. júlí er sama frétt á mbl.is en því bætt við að um 30-40 ungir strákar hafi tekið þátt í kynferðisbrotunum.

Núna kemur þriðja fréttin um sama mál með fyrirsögninni ,,Fékk tunguna á fullorðnum manni upp í sig", sbr. viðtengda frétt.

Í öllum þrem fréttunum er því kirfilega haldið leyndu fyrir lesendum mbl.is hvaðan kynferðisafbrotastrákarnir og þjálfari þeirra koma. Ef það er einhver þróun, t.d. á Norðurlöndum, sem ýtir undir drengjamenningu þar sem fótboltastrákar undir forystu þjálfara hópast að stúlkum til að misþyrma þeim kynferðislega þá yrði að grafast fyrir um ástæður.

Ef liðið væri frá Noregi yrði spurt hvort ekki ætti að grípa í taumana og uppræta kvenfyrirlitninguna í viðkomandi íþróttafélagi.

Íþróttaliði hefur aldrei áður verið vísað frá keppni í Gothia Cup. Það eitt segir eitthvað um alvöru málsins.

En þetta var ekki norskt lið eða vestrænt. Þjálfarinn er frá Marokkó og liðið sömuleiðis, eins og vakin var athygli á í bloggi við fyrri frétt mbl.is. Í Marokkó ríkir múslímatrú. 93 prósent þjóðarinnar teljast trúaðir múslímar. 

Trúarmenning múslíma lítur á konur sem annars flokks þegna. Þær eiga að hylja líkama sinn og helst ekki sjást á almannafæri nema í fylgd eiginmanns eða blóðskyldra karlmanna. Konur sem ekki haga sér eins og múslímakonur eru taldar sjálfsagt skotmark kynferðislegs yfirgangs. Atferli þeirra marokkósku í Gothia Cup fellur að öðrum tilvikum. Um 1200 þýskar konur máttu í upphafi árs þola svipaða hegðun og þær sænsku. Gerendur voru yfirgnæfandi múslímskir karlmenn frá Norður-Afríku og miðausturlöndum.

Milljón króna spurningin er þessi: hvers vegna felur mbl.is þá staðreynd fyrir lesendum sínum að það voru múslímar sem stunduðu kynferðislegt ofbeldi gegn unglingsstúlkum í Svíþjóð?

„Fékk tunguna á fullorðnum manni upp í sig“

Listi Gunnars minnir á Breivik: rökin úr ráðhúsinu

Gunnar Waage heldur úti vefmiðlinum Sandkassinn. Þar er listi 20 nafngreind einstaklinga sem Gunnar kallar ,,nýrasista". Anders Behring Breivik hélt líka lista yfir skotmörk sem honum var í nöp við.

Rökin sem Gunnar notar til að réttlæta þennan lista eru sótt til mannréttindaskrifstofu Reykjavíkurborgar sem Píratar og aðrir vinstrimenn halda úti. Gunnar skrifar og ber fyrir sig texta úr ráðhúsi Reykjavíkur:

Ný-rasisminn er mun hættulegra form rasisma í dag en hinn hefðbundni rasismi þar sem talsmenn hans viðurkenna yfirleitt ekki andúð sína eða fyrirlitningu á fólki af erlendum uppruna en bera mál sitt fram eins og þeir beri hag allra fyrir brjósti.

Gunnar telur þá sem andæfa fjölmenningu ,,nýrasista". Þeir 20 einstaklingar sem eru á listanum eiga sér engar málsbætur - sjónarmið þeirra og rök eru aukaatriði. Öfgamaðurinn veit alltaf betur. Gunnar stundar ekki umræðu, hann býr til lista.

Listi Gunnars Waage er kannski vinnuskjal fyrir hann sjálfan. Aðrir af sama sauðahúsi gætu tekið ábendingum Gunnars til að láta að sér kveða. Breivik situr inni og vinnur ekki frekari tjón. Þeir þurfa ekki að vera merkilegir vegvísarnir, eða listarnir, sem sannfærðir öfgamenn vinna eftir. Tveir slíkir heimsóttu kirkju í rólegum frönsku bæ í vikunni og áttu vantalað við níræðan kaþólskan prest. Sá mátti ekki tungu hræra eftir heimsóknina.

Listar gera alla umræðu óþarfa.

 

Vigdís kærir níðskrif á netinu

Höskuldur vill sprengja ríkisstjórnina

Höskuldur Þórhallsson stal senunni eftirminnilega í apríl. Ríkisstjórnarflokkarnir voru á krísufundi en Höskuldur labbaði sér fram í sviðsljós fjölmiðlanna og fékk sínar 15 mínútur af frægð.

Eftir að fjölmiðlavíman rann af Höskuldi sagði hann um frammistöðuna: ,,þetta er ferlegt."

Núna ætlar Höskuldur sér að sprengja ríkisstjórnina. Maður veltir fyrir sér hvaða einkunn hann gefur sér þegar bráir af honum í þetta skiptið.

Myndi sprengja ríkisstjórnina

Sjö ára tapsaga ESB-sinna

Þjóðin hefur samfellt í sjö ár hafnað aðild að Evrópusambandinu. Þrátt fyrir að ESB-sinnar reyni ýmsar útgáfur af ósannindum, t.d. ,,kíkja í pakkann", ,,þetta eru bara viðræður", ,,við höldum fiskimiðunumm", ,,við aukum fullveldið innan ESB" og ,,ESB-aðild gerir okkur rík" segir meirihluti þjóðarinnar núna samfleytt í sjö ár: ,,ESB, nei takk."

Í næstu þingkosningum, vorið 2017, verður fróðlegt að sjá hvaða útgáfu ósanninda ESB-sinnar ætla að bera á borð. Hún er orðin nokkuð þreytt síðasta lumman um að ,,klára samningana og láta þjóðin síðan kjósa."

ESB-sinnar í Viðreisn og Samfylkingu neita að horfast í augu við staðreyndina að Ísland á ekkert erindi í Evrópusambandið, sem sjálft er í upplausnarástandi. Það er út af fyrir sig saga til næsta bæjar.

 

Evrópusambandinu hafnað í sjö ár

Kirkjugrið múslíma

Þau eru misjöfn kirkjugriðin, kristinna og múslíma. Ríki íslams ræðst inn í kaþólska kirkju í Frans til að skera aldraðan guðsmann á háls og meiða nunnur. Í Laugarnesi taka pólitískir rétttrúnaðarprestar frammi fyrir hendur yfirvalda sem framfylgja landslögum í málefnum hælisleitenda.

Þriðja bylgja múslímskra hryðjuverka stendur líklega yfir, er bloggað í London Review of Books. Tilræðismennirnir koma úr röðum þeirra 20 milljón múslíma sem búsettir eru í ríkjum Evrópusambandsins.

En auðvitað hefur það ekkert að gera með trúarmenningu múslíma. Sem er friðelskandi eins og alþjóð veit.

 

Franska lögreglan þekkti árásarmanninn

Kjörtímabilinu lýkur vorið 2017

Í landinu er í gildi stjórnarskrá, hvort sem Pírötum líkar betur eða verr, sem mælir fyrir um að kosið skuli til alþingis á fjögurra ára fresti. Síðast var kosið til þings vorið 2013.

Sem þýðir að kjörtímabilinu lýkur vorið 2017.

Yfirlýsingar sem gefnar voru í hita leiksins í vor, þegar stjórnarkreppa stóð yfir, um að kosið skyldi í haust voru með þeim fyrirvara að ríkisstjórninni tækist að ljúka verkefnum sínum.

Stjórnarandstaðan þetta kjörtímabil gerir sitt ítrasta til að tefja framgang þingmála með stöðugu málþófi. Eðillegt er að ríkisstjórnin ljúki kjörtímabilinu enda með tryggan meirihluta á alþingi.

Hótar því að öll mál verði stöðvuð

Stórflótti frá Vinstri grænum - óreiðupólitíkin lifir

Kjósendur átta sig á því að Vinstri grænir eru ekki stöðugleikaafl heldur hluti óreiðustjórnmála og snúa baki við flokknum. Fylgi upp á 18 prósent minnkar niður í 12,9 prósent milli kannana.

Háborg ,,fokk jú"-stjórnmála, Píratar, heldur sínu. Rúmur fjórðungur kjósenda er staðfastur í þeim ásetningi að stuðla að pólitískri óreiðu í landsmálum.

Kjósendur endurspegla ekki hagvöxt og stöðugleika í efnahagsmálum heldur vantraust og upplausn á vettvangi stjórnmálanna. Þar koma þeir sterkastir út sem ótvíræðastir eru í óreiðunni: Píratar.

 

Píratar með 26,8% fylgi