Miðaldra hvítur karl og fylgi XD

Miðaldra hvítur karl fékk kjör ritara í Sjálfstæðisflokknum. Líklega sökum þess að vinstrisinnaðir unglingar og ESB-sinnar ráða ferðinni í forystu flokksins.

Sjálfstæðisflokkurinn stendur ekki undir nafni, er ekki flokkur þeirra sem telja fullveldið meginmál stjórnmálanna.

Á meðan flokkurinn sækir á mið vinstrimanna og ESB-sinna verður eftirtekjan rýr. Burtséð frá hvítum miðaldra körlum.

Segir fylgi Sjálfstæðisflokksins óásættanlegt

Leiðtogar og hálfvitar

Leiðtogar verða þeir sem best rækta samband sitt við hálfvitana. Leiðtogi er ávallt tvöfaldur í roðinu. Í einn stað er hann handhafi sannleika af trúar-, hugmyndafræði- eða vísindalegum toga en í annan stað stendur leiðtoginn jafnfætis hálfvitunum, er einn af þeim.

Tvöfeldni leiðtoganna sést best af sögulegum dæmum. Höfðingjar þjóðveldisaldar voru goðar, hofprestar í heiðni en kirkjugoðar eftir kristnitökuna. Goðarnir túlkuðu almættið á líkan hátt og stjórnmálamenn samtímans ,,vísindi" um manngert veður. En jafnframt voru goðarnir bændur og deildu sem slíkir kjörum annarra bænda. Samtímaleiðtogar þykjast jafnan deila áhyggjum almennings af kjörum sínum. Minna þó í seinni tíð enda skiptir meira máli nú en áður að vera innvígður í launhelgun vísindalegs ríkisvalds.

Orðið hálfviti er hér notað í bókstaflegri merkingu, sá sem notar aðeins hálft vitið. Forn-Grikkir vissu sem er að maðurinn þarf allt sitt vit til að standa undir nafni. Hesíodos skrifaði um 700 árum fyrir okkar tímatal:

Einskins nýtur er sá sem hvorki að nokkru hyggur né við eyru leggur og ígrundar annarra mæli.

Nýtur maður notar allt sitt vit, einskins nýtur ekkert en hálfvitinn helftina.

Ef allir nýttu skynsemina og beittu gagnrýnni hugsun á menn og málefni væru hvorki leiðtogar né hálfvitar. Það ríkti jafnræði. 

Páll Skúlason velti fyrir sér hvers vegna gagnrýnin hugsun er ekki almenn. Niðurstaða Páls er að maðurinn sé brigðulli en svo að hann sé í færum að iðka þann efa sem gagnrýnin hugsun krefst. Þrjóska, kennivald og fordómar eru manneskjunni nærtækar leiðir að niðurstöðu, ekki síður en gagnrýnin hugsun.

Ef það er svo, sem Páll Skúlason segir, hvað er til ráða?

Til dæmis að vekja athygli á afleiðingunum. Hér með er það gert: engir leiðtogar án hálfvita. Og því verri eru leiðtogarnir sem hálfvitahátturinn er meiri.

 

Þjóðin, þingið og Brexit kreppan

Breska þjóðin ákvað í þjóðaratkvæðagreiðslu 2016 að gang úr Evrópusambandinu. Ekki var spurt hvort þjóðin vildi útgöngusamning eða ekki, aðeins hvort hún vildi vera í ESB eða standa utan.

Nú er látið eins og óhugsandi sé að fara úr ESB án samnings. ESB-sinnar í Bretlandi taka höndum saman við Brussel um að bjóða upp á samninga sem nánast ómerkja niðurstöðu þjóðaratkvæðagreiðslunnar.

Þjóðríki fara lifandi inn í Evrópusambandið en koma út dauð.

„Ég mun hindra Boris í að brjóta lögin vegna Brexit“

Grunsamleg fasteignaviðskipti

Síðustu tíu daga eða svo er grunsamlega oft sögð frétt af fasteignaviðskiptum. Af þessum fréttum að dæma eru blómleg fasteignaviðskipi á meðan landinn heldur að sér höndum í öðrum útgjöldum, t.d. bílakaupum.

Líklegt er að fasteignasalar hafi tekið lygara á leigu, almannatengil, til að koma fréttum á framfæri um að fasteignir seljist eins og heitar lummur. Tilgangurinn er að skapa ímynd um eftirspurn og viðhalda háu fasteignaverði.

Meðfylgjandi frétt gæti ekki ratað í fjölmiðil nema fyrir einbeittan ásetning fasteignasala.

Keyptu tvær íbúðir á um 400 milljónir

Hlýnun um 2 gráður er gott mál

Tveggja gráðu hækkun á hitastigi yrði gæfa fyrir Ísland en ekki hamfarir. Á miðaldahlýskeiðinu, sem ýmist er talið 900 til 1300 eða 1000 til 1200 var um tveggja gráðu hærri meðalhiti.

Á þessu skeiði fylltist Ísland af norrænu fólki. Við settumst að á Grænlandi og fáeinir reyndu fyrir sér með búsetu í Ameríku.

Að kalla það hamfarahlýnun þótt hitastig jarðar hækki til jafns við það sem tíðkaðist á miðöldum sýnir hve illa gáttaðir margir eru um gang náttúrunnar.

Vísindamenn, sem standa undir nafni, t.d. Roy Spencer, þreytast ekki á að benda á vitleysur glópahlýnunarsinna. En það eru miklir hagsmunir tengdir því að halda bábiljum að fólki. Eins og löngum áður.

„Valkvæð túlkun á orðum mínum“

Trúfélag gagnrýnir vísindi Sigmundar Davíðs

Trúfélag sem kallast Náttúruverndarsamtök Íslands uppnefnir virðulega stofnun, Global Warm­ing Policy For­um, ,,svindlara."

Aðalræðumaður á ársfundi GWPF á liðnu ári var heimsþekktur vísindamaður á sviði loftslagsfræða, Richard Lindzen.

Sigmundur Davíð er með vísindin sín megin, trúfélagið ekki.

Segja Sigmund hafa vitnað í „þekkta svindlara“

Kolbeinn, mannakjötið og loftslagið

Sænskur vísindamaður leggur til mannát í baráttunni við hlýrra loftslag. Kolbeinn Proppé segir ragnarök í nánd og öll pólitík verði að taka mið af hamfarahlýnun.

Kolbeinn hlýtur að leggja til að mötuneytið á Austurvelli geri samning við sjúkrahús og vistheimili aldraða.

Hvort má bjóða þér síðubita eða læri af sjálfdauðu, Kolli?

Kannski svið?

Öll pólitík verði hugsuð út frá loftslagsmálum

3 loftslagsflokkar á alþingi: hærri skattar og meiri ánauð

Píratar, Samfylking og Vinstri grænir sameinast um hamfarahlýnun núna þegar vinstripólitík er komin út í skurð. Katrín, Halldóra og Logi trúa öll á manngert veðurfar og krefjast hærri skatta og boða og banna til að fólk fari sér ekki í voða.

Einu sinni var það vísindalegur sósíalismi, núna manngert veðurfar, - vísindalaga sannað, auðvitað.

Hamfarapólitík gömlu vinstriflokkanna nær þá og því aðeins árangri að fólk finni til sektar að eiga líf. 

Skattabreytingar innleiddar á tveimur árum í stað þriggja

Glópahlýnun: 400 ppm eða 0,04%?

Í glópafræðum um hlýnun af mannavöldum er iðulega sagt að hlutfall koltvísýrings í andrúmslofti er 400 ppm. Vísindamenn, bæði þeir sem eru alvöru og hinir sem eru í trúboði, eru sammála að þetta sé rétt.

En hvers vegna þessi mælieining, ppm? Hún þýðir einingar af milljón.

Ef við breytum ppm yfir í prósentur fáum við að koltvísýringur er 0,04% af andrúmsloftinu.

Við skiljum prósentur en ekki ppm. Hvers vegna er ekki talað um 0,04 prósent? Jú, vegna þess að 400 er stærri tala, er sterkari í áróðursstríðinu.

Einn brandari í lokin um glópahlýnunarfræðin: af þessum 0,04 prósentum af koltvísýringi í andrúmsloftinu eru 98% á ábyrgð náttúrunnar. Maðurinn er aðeins ábyrgur fyrir um 2 prósentum af af öllum koltvísýringi í andrúmsloftinu sem þó er samtals ekki stærra hlutfall en 0,04 prósent.

En auðvitað trúum við á manngert veður. VÍSINDIN SEGJA ÞAÐ.

Hahahahahahaha

Trump: semja frekar en að sprengja

John Bolton er innvígður í bandarísku utanríkismálaelítuna sem ráðið hefur ferðinni frá lokum kalda stríðsins. Óformlega er hópurinn kallaður klístur eða blob. Alveg sama hvaða forseti situr þá ræður klístrið ferðinni: Sprengjum Írak, Sýrland og Úkraínu til vestrænnar velferðar.

Bolton er að upplagi kaldastríðshaukur. Samantha Power á að heita frjálslynd og í innsta ráðgjafahópi Obama. En hún vill líka beita bandarísku hernaðarmaskínunni í langt-í-burtu-löndum. Auðvitað ávallt í þágu friðar og manngæsku, nema hvað.

Trump á hinn bóginn fékk forsetakjör út á það láta af þeim ósið að sprengja upp þjóðríki í nafni vestrænna hugsjóna.

Trump vill semja en ekki sprengja. Blóðþyrstir vinstrimenn eru aftur sáróánægðir með friðarhöfðingja í Hvíta húsinu.

Trump rekur þjóðaröryggisráðgjafann