Fjölskylduflokkur Ingu Sæland

Móðir Ingu Sæland, stofnanda Flokks fólksins, fékk sigur í bótamáli gegn Tryggingastofnun, í dómsmáli sem var fjármagnað af Flokki fólksins.

Tryggingastofnun er aftur skattfé vinnandi fólks.

Áður hefur komið fram að sonur Ingu sé starfsmaður flokksins, sem fær framlög úr ríkissjóði líkt og aðrir stjórnmálaflokkar.

Sæland-fjölskyldan þrífst á skattfé almennings. Flokkur fólksins er aðeins dulnefni fyrir Fjölskylduflokk Ingu Sæland.

„Fyrir hana er þetta fjársjóður“

Orkupakkinn getur beðið í tíu ár

ESB samþykkti 3. orkupakkann fyrir tíu árum, segi og skrifa tíu ár, og aðildarríkin fengu 18 mánuði til að setja pakkann í sín lög. Þetta er beint upp úr ESB-heimild um málið.

Orkupakkasinnar á Íslandi segja innleiðingu pakkans smámál þar sem enginn sé sæstrengurinn á milli Íslands og Evrópu.

Nú ef svo er, að orkupakkinn sé smámál, og þegar orðinn tíu ára í Evrópu, þá hlýtur hann að geta beðið innleiðingar á Íslandi í önnur tíu ár.

Hvers vegna að búa til leiðindi þegar auðvelt er að fá langtímafrest frá þeim?

Semja um dagskrá þingsins

Bryndís, 2 plús 2 eru alltaf 4

Þriðji orkupakki ESB er forsenda fyrir einu raforkukerfi í Evrópu. Yfirlýst markmið ESB er að útrýma orkueyjum. Fyrir Ísland þýðir það aðeins eitt. Ef 3. orkupakkinn verður samþykktur kemur krafa um sæstreng.

Valkvæð heimska Bryndísar Haraldsdóttur og þingflokks Sjálfstæðisflokksins breytir ekki staðreyndum málsins. 

Tveir plús tveir verða alltaf 4, alveg sama hve djúpt í sandinn menn stinga hausnum.

Vill að umræðunni linni

Menntaður karl er stöðutákn, menntuð kona ekki

Menntun er stöðutákn, segir í viðtengdri umfjöllun um rannsókn Kristjönu Stellu Blön­dal. En í fréttaskýringu á RÚV kemur viðbætt sjónarmið; menntaðar konur eru ekki stöðutákn.

Kennarastéttin er að stærstum hluta konur og virðingarleysi einkennir stéttina, segir altsó á RÚV.

Félagsfræðilega vandamálið - að menntun sé stöðutákn - mun þess vegna leysast af sjálfu sér; eftir því sem fleiri konur menntast og færri karlar verður menntun sífellt minna stöðutákn.

#hugsum-í-lausnum.

„Foreldrar mínir eru ekkert menntuð“

Össur: já, sæstrengur - Egill: nei, varla

Vinstrimenn eru tvístígandi um sæstreng, fái þeir 3. orkupakkann samþykktan á alþingi. Össur vill gjarnan sæstreng en Egill Helga er tvístígandi.

3. orkupakkinn er forsenda sæstrengs. Það vita allir, nema þingmenn Sjálfstæðisflokksins sem fara að hætti strútsins og stinga höfðinu í sandinn.

Ef því sem umræðan eykst um orkupakkann, þökk sé Miðflokknum, vex andstaðan.

Breiðfylkingin gegn valdaframsali orkumála til Brussel festist í sessi sem stjórnmálafl eftir því sem málið dregst á langinn. 

 

Valdleysi lægsta samnefnara

Ráðherrar töluðu ekki á eldhúsdegi, sem þó er gagngert ætlaður til að útskýra stjórnmál fyrir almenningi. Ég-veit-ekki ástand einkennir ríkisstjórnina.

Stóra málamiðlunin, samstjórn Sjálfstæðisflokks og Vinstri grænna, leitaði í lægsta samnefnara. Lið sem liggur í vörn skorar ekki og nær í mesta lagi jafntefli.

Í minnihlutanum er alls enginn samnefnari, þess vegna þarf stjórnin ekki að óttast samanburðinn. Miðflokkinn býður aftur upp á pólitík er hreyfir við fólki.

Áhrifavald í stjórnmálum fæst með hugmyndum sem fólk skynjar, fremur en skilur, að skipti máli. Lægsti samnefnarinn drepur hugmyndir.

 

 

 

Stjórnmálin krufin

Djúpríkið tapar, ASÍ andstaða klýfur vinstrimenn

Einörð andstaða ASÍ og verkalýðshreyfingarinnar gegn 3. orkupakkanum klýfur vinstriflokkana, sem leggja til frestun á innleiðingu orkustefnu ESB. Umræðan í þjóðfélaginu og á alþingi, undir forystu Miðflokksins, hefur leitt í ljós að stuðningur við orkupakkann er hverfandi.

Djúpríki embættismanna reyndi að læða orkupakkanum framhjá umræðunni undir þeim formerkjum að um væri að ræða tæknilega útfærslu, ekki framsal á fullveldi yfir náttúruauðlind. Þegar það brást var hótað að EES-samningurinn kæmist í uppnám.

ASÍ og almannasamtök eins og Orkan okkar mættu falsfréttum og hótunum djúpríkisins með upplýsingum og umræðu sem jafnt og þétt hefur leitt í ljós að innleiðing orkupakkans yrði upphafið að endi fullveldis þjóðarinnar í orkumálum.

Pólitískar afleiðingar umræðunnar koma í ljós á næstu vikum, mánuðum og misserum. Orkupakkasinnar standa þar höllum fæti. Djúpríkið á sér formælendur fáa, það sést á flótta vinstriflokkanna á alþingi frá 3. orkupakkanum.

 

Leggja til frestun orkupakkans

54 aukaleikarar á alþingi

3. orkupakkinn er mál næstu áratuga, snýst um forræði þjóðarinnar yfir náttúruauðlind sem við getum ekki verið án ef landið á að vera áfram byggilegt. Öll önnur mál á alþingi eru hégómi í samanburði.

Vinstri græn Bjarkey vekur athygli á því að 54 þingmenn nenna ekki að ræða 3. orkupakkann, en liggur á að játast ESB-valdi í raforkumálum þjóðarinnar.

Þessir 54 þingmenn eru í aukahlutverkum í stóru umræðunni.

„Á meðan bíðum við hin 54“

Áslaug: sjálfstæðismenn kjósi Miðflokkinn

Áslaug ritari Sjálfstæðisflokksins skrifaði grein í Mogga í gær. Lykilsetning:

Það er ekki hlut­verk Sjálf­stæðis­flokks­ins að standa vörð um úr­elt­ar hug­mynd­ir sem þóttu einu sinni góðar.

Sjálfstæðisflokkurinn sem stofnaður var 1929 tók sér nafn flokks frá heimastjórnartíma sem krafðist fullveldis og sjálfstæðis.

Áslaug ritari nefnir hvorki sjálfstæði né fullveldi í grein sinni sem skrifuð er í tilefni af 90 ára afmæli flokksins.

Ósögð skilaboð ritarans eru þau að þeir sem eru hlynntir fullveldi landsins ættu að snúa sér til Miðflokksins.

Takk fyrir ábendinguna, Áslaug.

Fyrirvaralaus sæstrengur

3. orkupakkinn tengir Ísland við regluverk ESB í raforkumálum. Regluverkinu er miðstýrt með það að markmiði að gera Evrópu að einum orkumarkaði. Í slíku umhverfi geta einstök þjóðríki ekki tekið sjálfstæðar ákvarðanir um sín orkumál.

Ef Ísland vill halda fullveldisrétti sínum í raforkumálum er aðeins ein leið fær.

Að hafna 3. orkupakkanum. 

Fyrirvararnir hindra ekki málsókn