Föstudagur, 31. maí 2019
Fjölskylduflokkur Ingu Sæland
Móðir Ingu Sæland, stofnanda Flokks fólksins, fékk sigur í bótamáli gegn Tryggingastofnun, í dómsmáli sem var fjármagnað af Flokki fólksins.
Tryggingastofnun er aftur skattfé vinnandi fólks.
Áður hefur komið fram að sonur Ingu sé starfsmaður flokksins, sem fær framlög úr ríkissjóði líkt og aðrir stjórnmálaflokkar.
Sæland-fjölskyldan þrífst á skattfé almennings. Flokkur fólksins er aðeins dulnefni fyrir Fjölskylduflokk Ingu Sæland.
Fyrir hana er þetta fjársjóður | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (3)
Föstudagur, 31. maí 2019
Orkupakkinn getur beðið í tíu ár
ESB samþykkti 3. orkupakkann fyrir tíu árum, segi og skrifa tíu ár, og aðildarríkin fengu 18 mánuði til að setja pakkann í sín lög. Þetta er beint upp úr ESB-heimild um málið.
Orkupakkasinnar á Íslandi segja innleiðingu pakkans smámál þar sem enginn sé sæstrengurinn á milli Íslands og Evrópu.
Nú ef svo er, að orkupakkinn sé smámál, og þegar orðinn tíu ára í Evrópu, þá hlýtur hann að geta beðið innleiðingar á Íslandi í önnur tíu ár.
Hvers vegna að búa til leiðindi þegar auðvelt er að fá langtímafrest frá þeim?
Semja um dagskrá þingsins | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Föstudagur, 31. maí 2019
Bryndís, 2 plús 2 eru alltaf 4
Þriðji orkupakki ESB er forsenda fyrir einu raforkukerfi í Evrópu. Yfirlýst markmið ESB er að útrýma orkueyjum. Fyrir Ísland þýðir það aðeins eitt. Ef 3. orkupakkinn verður samþykktur kemur krafa um sæstreng.
Valkvæð heimska Bryndísar Haraldsdóttur og þingflokks Sjálfstæðisflokksins breytir ekki staðreyndum málsins.
Tveir plús tveir verða alltaf 4, alveg sama hve djúpt í sandinn menn stinga hausnum.
Vill að umræðunni linni | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (1)
Föstudagur, 31. maí 2019
Menntaður karl er stöðutákn, menntuð kona ekki
Menntun er stöðutákn, segir í viðtengdri umfjöllun um rannsókn Kristjönu Stellu Blöndal. En í fréttaskýringu á RÚV kemur viðbætt sjónarmið; menntaðar konur eru ekki stöðutákn.
Kennarastéttin er að stærstum hluta konur og virðingarleysi einkennir stéttina, segir altsó á RÚV.
Félagsfræðilega vandamálið - að menntun sé stöðutákn - mun þess vegna leysast af sjálfu sér; eftir því sem fleiri konur menntast og færri karlar verður menntun sífellt minna stöðutákn.
#hugsum-í-lausnum.
Foreldrar mínir eru ekkert menntuð | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)