Miðflokkurinn er 50% þjóðarinnar, restin af alþingi 30%

Helmingur þjóðarinnar er andvígur 3. orkupakkanum, tæp 20% lýsa yfir hlutleysi og innan við þriðjungur er fylgjandi, segir nýleg könnun. Miðflokkurinn talar fyrir 50 prósent kjósenda á meðan aðrir flokkar samanlagt eru fulltrúar 30 prósent þjóðarinnar.

Þjóðin býr vel að eiga hauk í horni þar sem Miðflokkurinn er. Aftur er verra hve afgangsflokkarnir á alþingi eru illa úr takti við þjóðvarviljann.

Afgangsflokkarnir starfa í þágu djúpríkisins, embættismanna í Reykjavík og Brussel, sem telja sig vita hvað almenningi sé fyrir bestu. Á nýöld var annað nafn á djúpríkinu - það hét einveldi.

Almenningur, fyrst í Bandaríkjunum 1776 og síðar í Frakklandi, 1789, gerði uppreisn gegn einveldinu. Nútímalýðræði og mannréttindi verða til á vesturlöndum í beinu framhaldi.

Alþjóðavætt djúpríkið rænir almenning ávinningi bandarísku og frönsku byltinganna. Brexit og sigur Trump, hvorutveggja árið 2016, er áminning um að almenningur er búinn að fá nóg af djúpríkinu. 

Miðflokkurinn er í sögulegu hlutverki, þjóðarflokkur gegn djúpríkinu. 

Met slegið í orkupakkaumræðunni

Miðflokkurinn stækkar, XD verður smáflokkur

Miðflokkurinn er málafylgjuflokkur fullveldis þjóðarinnar og eflist. Einu sinni var Sjálfstæðisflokknum treystandi að hafa dómgreindina í lagi og standa undir nafni. Ekki lengur.

Styrmir Gunnarsson fyrrum ritstjóri Morgunblaðsins og sjálfstæðismaður í 70 ár skrifar:

Afleiðing þess, sem nú er að gerast á Alþingi er að stórir hópar stuðningsmanna Sjálfstæðisflokksins treysta núverandi þingmönnum ekki lengur.

Það er alvarlegt.

Bernsk forysta XD gerir Sjálfstæðisflokkinn að smáflokki á 90 ára afmælinu.

Enginn bilbugur á Ólafi og félögum

ASÍ skammar Vinstri græna fyrir nýfrjálshyggju

Þriðji orkupakkinn er alþjóðavædd nýfrjálshyggja sem ASÍ gagnrýnir með aðstoð nóbelsverðlaunahafa í hagfræði:

Hnattvæðingin hefur um margt haft neikvæð áhrif að mati Stiglitz. Stór fjölþjóðafyrirtæki hafa mikið efnahagslegt vald á hnattræna vísu og því hafa líka fylgt pólitísk völd sem er hættuleg blanda eins og dæmin sanna.

Áður hefur komið fram að ASí hafnar 3. orkupakkanum.

Forysta Vinstri grænna er komin á kaf í alþjóðaútgáfu af nýfrjálshyggju. Hver hefði trúað því fyrir nokkrum misserum?

Vel á annað hundrað mál í biðstöðu

Flóttamenn yfirtaka fundi og opinbera staði

Flóttamenn yfirtóku fund Sjálfstæðisflokksins um daginn og núna fund með forsætisráðherra og háskólarektor. Flóttamenn lögðu undir sig Austurvöll í vetur og tjölduðu þar ólöglega.

Yfirtaka flóttamanna á opnu rými hér á landi veit ekki á gott. Þegar óboðnir gestir gera sig líklega að leggja undir sig heimilið er hætt við að heimilisfólki finnist að sér þrengt.

Yfirgang flóttamanna verður að stöðva með þeim ráðum sem duga. Við viljum gjarnan halda Íslandi friðsælu.

Mótmælti Katrínu og Jóni Atla

Góða fólkið og Bára hljóðmaður í vondum málum

Bára hljóðmaður braut af sér þegar hún tók upp samtal þigmanna á Klaustri, segir stjórn Persónuverndar.

Almennt gildir að gögn sem aflað er með saknæmum hætti eru ómerk og ógild.

Frá nóvember, þegar Bára braut af sér með ólögmætri upptöku, hefur góða fólkið stigið stríðsdans á opinberum vettvangi með afrakstur brotamanns.

Mun góða fólkið biðjast afsökunar? Frýs í helvíti?

Bára braut af sér

Tveir ósjálfstæðisþingmenn líma og afrita rökþrotið

Bryndís ósjálfstæðis skrifaði orkupakkagrein í Moggann í gær og Vilhjálmur sama þingflokks endurbirtir í Fréttablaðinu í dag.

Ósjálfstæðu þingmennirnir tveir segja það sama: Ísland þarf að samþykkja orkupakka ESB til að tryggja neytendavernd og samkeppni í raforkumálum.

Ha? Er ESB orðin háborg samkeppninnar í augum XD þingmanna? Og þurfa Íslendingar að leita til Brussel eftir neytendavernd? Eru rafmagnsmál íslenskra heimila í ólestri?

Þau Bryndís og Vilhjálmur auglýsa rökþrot Sjálfstæðisflokksins.

Hverja klukkustund sem Miðflokkurinn talar um þriðja orkupakkann á alþingi verður augljósara hvers vegna kjósendur ættu ekki að merkja X við D - Ósjálfstæðisflokkinn. 

Orkupakkinn ræddur fram eftir morgni

Landvernd: fólk á að deyja úr kulda

Kuldi drepur 20 sinnum fleiri manneskjur en hiti, er niðurstaða rannsóknar í Lancet, virtu tímariti á sviði heilbrigðisvísinda. Við sem búum á norðurslóðum hljótum að fagna hlýnun jarðar; fólk drepst síður úr vosbúð.

Hlýnunin er að vísu óveruleg, aðeins 0,3% á hálfri annarri öld, en stefnir þó í rétta átt.

En þá bregður svo við að trúarsamtök er heita Landvernd kalla það loftslagsvá þegar okkur hlýnar og færri krókna. Landvernd vill lýsa yfir neyðarástandi við jákvæðum tíðindum af árferði til lands og sjávar.

Hvað er eiginlega í gangi? 

Jú, það helst að Landvernd er deild í alþjóðlegum söfnuði sem trúir því að veðrið sé að fara til helvítis af mannavöldum.

Framkvæmdastjóri Landverndar segir tímabært að endurskoða helgisiðina og temja sér sterkari ógnarorðræðu því það sé ,,hrika­legt stríð við af­neit­un­ar­sinna."

Heilagt stríð, sem sagt, þeirra sem eru handhafar sannleikans og kallast góða fólkið.

 

 

 

„Hamfarahlýnun af mannavöldum“

Bryndis orkupakkasinni: Ísland kann ekki, getur ekki

Bryndís Haraldsdóttir einn þingmanna Sjálfstæðisflokksins, sem keppast við að þegja um orkupakkann í þágu djúpríkisins, bregður út af vana sínum og skrifar grein í Morgunblaðið. Lykilsetning: 

Innleiðing þriðja orkupakkans í íslenskan landsrétt, á þann hátt sem lagt er upp með, er ekki aðeins hættulaus, heldur eru reglur hans til hagsbóta fyrir Íslendinga vegna aukinnar neytendaverndar og reglna sem stuðla að aukinni samkeppni og jafnræði milli aðila, sem ætti almennt að stuðla að lægra verði.

Ef við gefum okkur, orðræðunnar vegna, að málflutningur þingmannsins standist vaknar spurning; af hverju þurfum við evrópskar reglur til að vernda íslenska rafmagnsnotendur?

Íslenskur almenningur býr við lægra verð og meira öryggi við afhendingu rafmagns en margur Evrópubúinn. Getur Bryndís, eða aðrir orkupakkasinnar, bent á hvar skórinn kreppir hjá íslenskum heimilum vegna rafmagnsmála? Nei, vitanlega ekki, enda eru rafmagnsmál okkar í góðu lagi - ólíkt Evrópu þar sem þau eru í ólagi.

Samkeppni mun ekki lækka raforkuverð á Íslandi. Enginn fjárfestir mun virkja og dreifa rafmagni til almennings á Íslandi. Íslensk heimili nota um 20% af þeirri raforku sem framleidd er hér landi. Það er ekki eftir neinu að slægjast fyrir fjárfesta á meðan Ísland er ekki með sæstreng tengdan við Evrópu. En 3. orkupakkinn eykur líkur á sæstreng enda Ísland þá komið með samevrópskt regluverk. Byndis þegir um þessa óþægilegu staðreynd.

Annað tveggja tileinkar Bryndís sér valkvæða heimsku þingmanna Sjálfstæðisflokksins eða hún veit ekki betur.

Hvort heldur sem er ætti hún að skammast sín fyrir jafn aumkunarverðan málflutning. Manni sundlar við tilhugsunina að hafa greitt Sjálfstæðisflokknum atkvæði sitt við síðustu kosningar.

 

Umræða um orkupakkann aftur hafin

Siðlausir Píratar

Þórhildur Sunna Ævarsdóttir þingmaður Pírata fær á sig dóm siðanefndar alþingis að hafa brotið siðareglur sem þingmönnum er ætlað að starfa eftir.

Samflokksmaður hennar Björn Leví Gunnarsson kemur í ræðustól alþingis og fer með nákvæmlega sömu orð og Þórhildur Sunna var dæmd fyrir.

Píratar auglýsa siðleysi sitt. 

Björn fór „ósæmilegum orðum“ um Ásmund

Engin orkustefna, bara orkupakki

Íslensk stjórnvöld hafa enga orkustefnu, segir í fréttum RÚV, aðeins þá stefnu að ESB eigi að hafa forræðið í raforkumálum þjóðarinnar.

Einmitt vegna þess að Miðflokkurinn og Flokkur fólksins hafa rætt í þaula málefni 3. orkupakkans hafa þessar upplýsingar komið fram og aðrar mikilvægar.

Ef ekki nyti varðstöðu Miðflokksins og Flokks fólksins hefði djúpríki embættismanna og sérhagsmunafla tekist að smeygja auðlindaklafa á þjóðina án umræðu.

Það er ekki málþóf að særa fram upplýsingar og rök um mikilsverð málefni. Miðflokkurinn og Flokkur fólksins vinna þjóðþrifaverk. 

Við kjósendur eigum að hvetja þingmenn Miðflokksins og Flokks fólksins til dáða og verðlauna frammistöðuna með atkvæði okkar í kosningum.

„Bersýnilega málþóf“