Að búa til tekjur er vinna, Sólveig Anna

Þeir sem stunda atvinnurekstur búa til tekjur, fyrir sjálfa sig og aðra. Og það er vinna að stunda rekstur. Sólveig Anna formaður Eflingar segir

„Tekjurnar hafa ekki runnið í vasa þeir sem vinna vinnuna“

Ferðaþjónustufyrirtæki verða ekki til án vinnu. Maður þarf að vera sósíalisti til að skilja ekki jafn einföld sannindi.

Líklega trúir Sólveig Anna að peningar vaxi á trjánum. 

Útreikningar þrætuepli

EES: aukið framsal á fullveldi

Fyrirhuguð útvíkkun á þjónustutilskipun EES-samningsins felur í sér að lög og reglur á Íslandi verða að fá fyrirfram samþykki í Brussel.

Málið er tekið upp í leiðara norska dagblaðsins Nationen. Þar kemur fram að tilskipunin nær yfir lög og reglur ríkis og sveitarfélaga sem áhrif hafa á innri markað Evrópusambandsins.

Í gegnum EES-samninginn er Ísland aðili að innri markaði ESB. Tilskipunin mun fela í sér að lög og reglur íslenska ríkisins og sveitarfélaga verða að fá samþykki í Brussel áður en þær taka gildi á Íslandi.

EES-samningurinn var upphaflega gerður fyrir þjóðir á leið inn í ESB. Á seinni árum er samningurinn notaður til yfirtaka fullveldi Íslands. Þriðji orkupakkinn gerir ráð fyrir að yfirstjórn raforkumála flytjist til Brussel og núna ætlast ESB til þess að lög og reglur taki ekki gildi nema með samþykki framkvæmdastjórnarinnar.

Löngu tímabært er að Ísland hefji skipulega vinnu að komast undan EES-samningnum. Áður en það verður um seinan.

Pólitík dulbúin sem kjarabarátta

Forystumenn stærstu verkalýðsfélaganna, VR og Eflingar, eru stunda pólitík í dulbúningi kjarabaráttu. Ragnar Þór í VR reynir innflutning á mótmælum gulvestunga frá Frakklandi og Sólveig Anna í Eflingu boðar sósíalisma. 

Mótmæli gulvestunga og sósíalismi er hrein og klár pólitík, ekki kjarabarátta.

Ragnar Þór og Sólveig Anna ættu að gera þjóðinni greiða og hasla sér völl á réttum vettvangi, í stjórnmálum, í stað þess að sigla undir fölsku flaggi og þykjast ætla að breyta Íslandi með óeirðum á vinnumarkaði.

„Óþægileg tilfinning“ um átök

Hatur í Chicago, hungur í Reykjavík

Fórnarlömb fá samúð, því meiri sem þau eru verr leikin. Samúð er hægt græða á, bæði peninga og pólitísk áhrif. Leikarinn í Chicago, sá er sviðsetti hatursglæp gegn sjálfum sér, notaði sama áróðursbragð og sósíalistar í Reykjavík sem efndu til hungurgöngu.

Fáeinir tugir mættu í hungurgöngu sósíalista. Allir voru vel haldnir og í skjólgóðum fatnaði. Hungrið og fátæktin er ekki efnisleg heldur andleg.

Sósíalistarnir sem boðuðu til hungurgöngunnar leika sér að tilfinningum fólks til að vekja samúð. Alveg eins og ósvífni bandaríski leikarinn sem þóttist verða fyrir hatursglæp.

Hungur og fátækt er ekki til á Íslandi. Aftur er nóg til af endalausri frekju fólks sem krefst framfærslu en nennir ekki að dýfa hendi í kalt vatn.

Sígildur marxismi kennir að fólk eigi að vinna eftir getu og fá umbun eftir þörfum. Sósíalistar á Íslandi boða frekju og tilætlunarsemi: gerðu kröfur á alla aðra en sjálfan þig. Og leiktu fórnarlamb, það gefur bæði vel í aðra hönd og er vís leið til pólitískra áhrifa. 

Grefur undan trúverðugleika annarra

Verkföll búa ekki til verðmæti

Sósíalistar í verkó herja á ferðaþjónustuna, sem getur ekki velt auknum launakostnaði út í verðlagi. Alþjóðleg samkeppni veitir aðhald. Ferðmenn hætta einfaldlega að koma. Afleiðingin er færri störf og verr borguð.

Hótun um verkfall er nóg til að ferðaþjónustan skaðist. Ferðaheildsalar veigra sér við að kaupa gistingu og aðra þjónustu þegar verkföll eru yfirvofandi.

Mörg fyrirtæki í ferðaþjónustu eru lítil fjölskyldufyrirtæki. Þau verða fyrst til að leggja upp laupana þegar lamandi hönd sósíalískra verkfalla leggst yfir atvinnulífið.

„Sem mest tjón á sem skemmstum tíma“

Sólveig Anna er að deyja úr hungri, Egilssynir líka

Auðvaldið er alla lifandi að drepa á Íslandi. Sólveig Anna í Eflingu er að deyja úr hungri og auglýsir það með göngu. Lærifaðir hennar, Gunnar Smári sósíalistaforingi, er einnig nær hungurmorða eftir að hafa selt stórhýsi á 125 milljónir króna.

Sigurjón, bróðir Gunnars Smára, spilar golf á hungurlús, kemur frá Spáni í eymdina á Fróni að mótmæla. Í göngunni verður einnig Bára hljóðmaður, ekkert nema skinn og bein; hún fær enga vinnu nema við ólöglegar upptökur og er svöng.

Svengdin eftir sósíalisma er óseðjandi.

Kjarabaráttan snýst ekki um staðreyndir

Bára hljóðmaður og Pólverjarnir

Ísland er land tækifæranna í augum Pólverja sem koma hingað í tugþúsundavís í leit að vinnu. Sumir setjast hér að en aðrir koma á vertíð en halda síðan á heimaslóðir. Harðduglegt fólk upp til hópa.

Víkur nú sögunni að Báru hljóðmanni. Hún er íslensk og segist eiga bágt: 

Það er ekki mér að kenna að ég á ekki fyrir mat út mánuðinn. Það er sök þeirra sem skammta mér tekjurnar. Ég, eins og þúsundir annarra sem búa í þessu ríka landi, er dæmd til fátæktar. Það er þjóðarskömm.

Bára er vel vinnufær. Hún stóð vakt í 4 klukkustundir og tók ólöglega upp samtal grunlausra þingmanna. Bára getur vel unnið þegar hún nennir.

Pólverjum finnst engin skömm af þeim launum sem bjóðast á Íslandi. Þess vegna koma þeir hingað í hrönnum.

Við þurfum fleiri Pólverja en færri Bárur.

 

Sáttatónn - en ekki hjá sósíalistum í verkó

Verkföll skerða lífskjör. Það vita ábyrgir aðilar í verkalýðshreyfingunni. Starfsgreinasambandið og LÍV senda sína kjaradeilu til sáttasemjara.

Sósíalistum í Eflingu og VR liggur svo á að komast áfram með byltinguna að þeir ætla sér beint í verkföll og vilja engar sættir.

Launþegar í Eflingu og VR eru verkfæri sósíalískrar forystu sem vill stríð í þágu pólitískra hagsmuna.

LÍV vísar deilunni til sáttasemjara

Konur mannlegir skildir sósíalista

Með stolti kynna sósíalistar nýjasta vopnið í áróðursstríðinu: láglaunakonum skal fyrst fórnað í skæruverkföllum.

Láglaunakonur í ræstingum verða fyrstar til að missa tekjur sínar í hernaði sósíalista gegn samfélaginu.

Eins og jafnan er mikil reisn yfir aðgerðasinnum í verkó. Varnarlausum konum er att á foraðið til að sýna vald foringjanna yfir vinnumarkaðnum.

Verkakonur í verkfall 8. mars

Pólitísk verkföll í þágu sósíalisma

Sósíalistar ráða ferðinni í verkalýðshreyfingunni. Þeir stefna að breyttu þjóðskipulagi þar sem ríkið ræður ferðinni og skammtar fólki lífskjör.

Herskáir sósíalistar vilja ekki málamiðlanir. Það er allt eða ekkert.

Verði verkföll þarf að sýna fram á að ekkert fæst upp úr þeim.

„Félögin saman í öllum aðgerðum“