Launahækkun óþörf: dugnaður og heppni ræður stéttastöðu

Ísland er jafnlaunaland. Af því leiðir þarf ekki að hækka launin við gerð næstu kjarasamninga, aðeins leiðrétta þau m.t.t. launavísitölu. Dugnaður og heppni ræður stéttastöðu fólks.

Þeir heppnu velja sér foreldra sem eiga pening. Þeir óheppnu eiga um tvo kosti að velja. Að sætta sig við síðri afkomu en þeir heppnu eða duga sér og sínum til að færast upp um stétt eða tvær. Menntun er þar lykilatriði.

Ofanritað er samantekt á viðtengdri frétt. Þar segir að sex stéttir séu á Íslandi. Arfur og menntun ræður mestu um stéttastöðu fólks.

Á Íslandi frá miðöldum voru fjórar stéttir: stórbændur og embættismenn (prestar, sýslumenn) sátu efst; þar á eftir meðalbændur; þá fátækir bændur og loks vinnuhjú. Hreyfanleiki milli stétta þótti fullboðlegur. Með sparnaði og elju gátu vinnuhjú orðið leiguliðar, þ.e. fátækir bændur. Fátækur bóndi gat orðið meðalbóndi og sá meðalgildi stórbóndi. Sömu breyturnar voru að verki og í dag; arfur, dugnaður og menntun.

Niðurstaða: í jafnlaunalandi eru það ekki tekjurnar sem skipta höfuðmáli. Heldur dugnaður og heppni.

Eignaskipting mjög ójöfn á Íslandi

WOW borgar hæstu vexti í Evrópu

Ekkert flugfélag í Evrópu borgar hærri vexti en WOW, samkvæmt úttekt Bloomberg sem Viðskiptablaðið segir frá. Vextir endurspegla áhættuna sem því fylgir að veita WOW lán.

Lággjaldaflugfélög eins og WOW berjast í bökkum, einkum vegna hækkandi vaxta og hærra eldsneytisverðs. WOW flaug sitt fyrsta flug 2012 og hefur notið lágra vaxta, sífellt fjölgandi ferðamanna og lágs eldsneytisverðs í sex ár. Samt skuldar félagið lendingargjöld á Keflavíkurflugvelli, einn til tvo milljarða króna, og sækir neyðarlán á útlendum mörkuðum á okurvöxtum - 9 prósent.

WOW gefur reglulega út tilkynningar um góða sætanýtingu. Flugfargjald sem selt er undir kostnaðarverði skilar góðri sætanýtingu en samt taprekstri.

Stundin kemur ekki út - engin eftirspurn

Prentútgáfa Stundarinnar kom ekki út í gær, frestað um viku að sagt er. Stundin er gefin út fyrir Pírata og Samfylkingu en stuðningsfólk þessara flokka eru hvað líklegastir til að fylgjast ekki með fréttum, samkvæmt könnun MMR.

Ríkisstjórnin hyggst veita 500 milljónum í stuðning við fjölmiðla. Tilgangsleysi slíks stuðnings blasir við þegar um er að ræða fjölmiðla sem svara engri eftirspurn.

Ríkið heldur úti RÚV en þangað leita sífellt færri eftir fréttum. Í stað ríkisstuðnings er nærtækara að halda aftur af fjármunum til RÚV og láta markaðnum um að ákveða hvaða fréttamiðlar fá áheyrn - og þar með tekjur af auglýsingum og áskriftum.

Fréttir oftast sóttar á fréttavefi

Trump sigrar djúpríkið, blóð flýtur í Washington

Heimsfjölmiðlarnir brjálast: djúpríkið í Washington reyndi samsæri gegn lýðræðislega kjörnum forseta Bandaríkjanna. Djúpríkið, vinstrisinnaðir frjálslyndir embættismenn, reyndu að þvinga afsögn Trump vegna þess að hann þykir ,,óhæfur forseti".

New York Times, yfirlýstur andstæðingur Trump, afhjúpar samsærið. Ástæðan? Jú, á næstu dögum eru væntanlegar upplýsingar, samtöl og sms-skeyti embættismenna, sem sýna svart á hvítu að djúpríkið reyndi landráð.

Næstu dagar og vikur verður blóðbað í Washington þar sem Trump rúllar upp djúpríkinu. Veislan nær til Íslands. Það verður ekki hvítvín með forréttinum, - sem er humar.

Neitar ráðabruggi um að koma Trump frá

Rod Stewart kemur Halldóri til bjargar

Halldór Jónsson bloggari fékk á sig ágjöf fyrir að lýsa vandræðum ungra karla að halda aftur af sér í samskiptum við sterkara kynið. Poppgoðið Rod Stewart kemur Halldóri til bjargar og tónar sömu hugsun.

,,Ég átti aldrei á mínum yngri árum vinkonu án þess að vilja sofa hjá henni," segir skoska sjarmatröllið komið á áttræðisaldur.

Frumreynslan er erfiðust söng Roddinn fyrir margt löngu. Gildir enn.

Séríslenskir vinstrimenn, Nató og Pútín

Vinstrimenn í Bandaríkjunum og Evrópu leggja allt sitt traust á Nató. Íslenskir vinstrimenn eru klofnir í afstöðu sinni til bandalagsins.

Ástæður vinsælda Nató meðal vestrænna vinstrimanna eru einkum tvær. Trump forseti er gagnrýninn á Nató og Pútín Rússlandsforseti er á móti hernaðarbandalaginu. Bandalag frjálslyndra og vinstrimanna lítur á Trump og Pútín sem eitt og sama fyrirbærið. Almennt trúa þeir samsæriskenningunni um að Trump sé handbendi Pútín, - eigi forsetakjörið þeim rússneska að þakka.

Andstaða íslenskra vinstrimanna gegn Nató er af tvennum meiði. Í fyrsta lagi af þjóðernisástæðum. Nató-aðild og herstöðin á Miðnesheiði var eitur í beinum róttækra sósíalista og alþýðubandlagsfólks, sem voru upp til hópa þjóðernissinnar. Í öðru lagi voru margir þeirra elskir að kommúnisma og rússneska þjóðin, sem sú stærsta í sovétinu, í nokkru uppáhaldi.

Frjálslyndir vinstrimenn á Fróni, Alþýðuflokkur/jafnaðarmenn/Samfylking, voru aftur Nató-sinnar fram í fingurgómana.

Núna riðlast fylkingar vinstrimanna, þegar Nató efnir til heræfinga í heimabyggð. Log formaður Samfylkingar er orðinn róttækur sósíalisti í utanríkismálum og snuprar Nató. Óskoraður leiðtogi gamla alþýðubandalagssósíalismans, Katrín forsætis og formaður Vg, er aftur einarður talsmaður íslenskra öryggismála og talar fyrir Nató-aðild.

Vegferð vinstrimanna til þroska er vitsmunalega órannsakanleg.

Er trú mínum stjórnarsáttmála

Siðavald lífeyrissjóða

Lífeyrissjóðir geta beitt siðavaldi sínu, ef vilji er fyrir hendi. Ef lífeyrissjóðir tækju sig saman um siðaskrá fjárfestinga og t.d. gerðu kaupaukasamninga og aðrar slíkar sporslur að bannvöru myndu fyrirtæki á markaði taka mið af.

Lífeyrissjóðir eru stærstu fjárfestar í íslensku atvinnulífi. Hingað til hafa þeir heykst á því að beita áhrifum sínum og ekki sett aðrar meginreglur en kröfur um ávöxtun.

Löngu tímabært er að siðaveldi lífeyrissjóða sé beitt í þágu almennra sjónarmiða um að kaup og kjör skulu gegnsæ og ekki hygla útvöldum starfsmönnum, s.s. forstjórum og öðrum stjórnendum.

Lífeyrissjóðir fjárfesti ekki í siðlausum fyrirtækjum

Mest velsæld á Íslandi (staðfest)

Aðeins Noregur, þaðan sem við komum upphaflega, skáka okkur í samkeppni þjóðanna um velsæld.

Hluti af velsældinni er að við erum aldrei ánægð heldur síkvartandi um hve allt sé ómögulegt.

Já, í dag skulum við vera ánægð, líka yfir óánægjunni.

Ísland í 2. sæti félagslegra framfara

Samfylkingin úr Nató

Samfylkingin og þar áður Alþýðuflokkur studdu aðild Íslands að Nató. Logi Einarson formaður Samfylkingar setur fyrirvara við stuðning flokksins með því að þiggja ekki boð um að fylgjast með heræfingu Nató.

Á táknmáli stjórnmálanna þýðir fjarvera Loga að hann telji sóknarfæri fyrir flokkinn til vinstri. Aðalandstæðingur aðildar Íslands að Nató var Alþýðubandalagið, sem nú heitir Vinstri grænir. Í ríkisstjórn með Sjálfstæðisflokknum styðja Vinstri grænir aðild að Nató.

Logi og Samfylkingin hugsa dæmið þannig að sókn til vinstri skil flokknum auknu fylgi. Kannski að Logi skreppi til Venúsela að kíkja á sósíalisma í framkvæmd.

Lekinn, Einar Þór og Fréttablaðið

Ein­ar Þór Sverr­is­son tengist bæði Vinnslustöðinni og Fréttablaðinu nánum böndum, sem stjórnarmaður og lögmaður. Guðmundur Kristjánsson, sem á í útistöðum við Vinnslustöðina, geri því skóna að Einar Þór kynni að hafa lekið upplýsingum, sem hann hafði sem lögmaður Vinnslustöðvarinnar, til Fréttablaðsins - sem notaði meintan leka til að gera Guðmund tortryggilegan.

Í svari Einars Þórs, sem er ítarlegt, neitar hann ekki að hafa lekið upplýsingum. Lykilefnisgrein Einars Þórs er eftirfarandi:

Ég sem formaður stjórn­ar út­gáfu­fé­lags Frétta­blaðsins skrifa ekki frétt­ir Frétta­blaðsins, ákveð ekki efnis­tök, eða veit yf­ir­höfuð hvað birt­ist í blaði morg­undags­ins. Þannig er það, hef­ur verið og mun verða. Störf mín fyr­ir Vinnslu­stöðina í Vest­manna­eyj­um og út­gáfu­fé­lag Frétta­blaðsins tengj­ast ekki á nokk­urn hátt.

 

Guðmundur sagði ekki að Einar Þór skrifaði Fréttablaðið, heldur að Fréttablaðið gæti hafa fengið upplýsingar frá lögmanninum. Síðasta setningin í tilvitnaðri efnisgrein er augljóslega ósönn. Einar Þór lögmaður Vinnslustöðvarinnar og Einar Þór stjórnarformaður Fréttablaðsins eru einn og sami maðurinn. Það heitir tenging á mæltu máli.

Spurningin er: lak Einar Þór upplýsingum til Fréttablaðsins. Það er lögmæt spurning.

Stjórnarformaður 365 svarar Guðmundi