Fordómar vinstrimanna

Jón Þór þingmaður Pírata vissi ekki hver Pia Kjærsgaard var en vissi þó að hann hefði fordóma gagnvart henni. Eftirfarandi kemur fram í viðtengdri frétt:

Jón Þór var á fundi for­sæt­is­nefnd­ar Alþing­is í fyrra­dag þar sem til­kynnt var um komu Kjærs­ga­ard en gerði ekki at­huga­semd frek­ar en aðrir. Hann seg­ist ekki hafa áttað sig á því hver hún væri.

Aðalatriðið fyrir vinstrimenn er að hafa fordómana á hreinu. Síðan eru fundnir einstaklingar, hópar og málefni til að heimfæra fordómana upp á.

Svínvirkar.

Greint frá komu Kjærsgaard í apríl

Ekki hlusta, Helga Vala, þú gætir lært

Danir áttuðu sig á að samfélagið þeirra væri á að glatast í ómenningu hliðarsamfélaga - kölluð gettó á útlensku - og gripu til ráðstafana. Íslendingar gætu lært þá lexíu af Dönum að veita ekki viðtöku fleiri útlendingum en hægt er að aðlaga íslensku samfélagi.

Sumir, t.d. Helga Vala þingmaður Samfylkingar og þingflokkur Pírata í heild sinni, kjósa að hlusta ekki á reynslu annarra þjóða og stinga höfðinu í sandinn.

Lærdómur er ávallt hættulegur fordómum. 

Gekk burt þegar Kjærsgaard hóf ræðu sína

Píratar fyrirlíta fullveldið

Fullveldi markast af landamærum. Píratar eru á móti hvorttveggja landamærum og fullveldi. Fjárhagslegur og hugmyndafræðilegur bakhjarl Pírata er  auðmaðurinn George Soros, sem boðar opingáttarstefnu fólksflutningum og tekur ESB fram yfir þjóðríkið.

Píratar segjast sniðganga fullveldisfund vegna Piu Kjærsgaard, forseta danska þjóðþingsins. Það er yfirvarp.

Fullveldið er óvinur Pírata. Þeir þora ekki að gangast við óvináttunni opinberlega og finna sér afsökun. Í næstu skýrslu til Soros geta Píratar hælst um og sagst enn fylgja opingáttarlínunni.

Píratar sniðganga hátíðarfundinn

Stríðið færði okkur fullveldið

Jón Sigurðsson lagði grunninn að fullveldiskröfum Íslendinga með ritgerðinni Hugvekja til Íslendinga. En fyrri heimsstyrjöld gerði útslagið. 

Þegar Danir sáu fram á ósigur Þjóðverja hugðust þeir neyta færis og færa landamærin til suðurs. Í stríðinu 1864 misstu Danir lönd til Þýskalands sem byggð voru Dönum. 

Sumarið 1918 var ljóst að þjóðríkjaregla Wilson Bandaríkjaforseta yrði grunnur að friðarsamningum eftir stríð.

Danir bjuggu í haginn fyrir landavinningum við samningaborðið eftir stríð með því að veita Íslendingum fullveldi.

Blásið til hátíðarfundar á Þingvöllum

Rússahatur án foringja

Macron í París er vinur Pútíns; Merkel kaupir gas af Pútín og May í Lundúnum ræður ekki við eigin flokksmenn í Brexit-málum. Trump, eins og alþjóð veit, er sálufélagi Pútín.

Á meðan enginn er foringinn í Rússahatrinu verður það heldur flatt og ótrúverðugt.

Það eru helst frjálslyndir í leit að pólitík sem gefa sig í hatrammt Rússahatur. Og það segir meira um frjálslynda en Rússa.

Pútín: „Ég vildi að Trump ynni“

Salerni, mannréttindi og almannarými

Í heimahúsum eru salerni almennt ekki kynskipt. Á opinberum stöðum eru salerni að jafnaði aðgreind eftir kyni. Á seinni árum þekkist að sumir segjast hvorki karl né kona.

Það eru mannréttindi að skilgreina sjálfan sig. Maður getur verið kaþólikki, FH-ingur, tunglskinsglópur, meinlætamaður eða hvaðeina annað sem varðar einkalífið.

En rétturinn til að skilgreina sjálfan sig felur ekki í sér að aðrir eigi að taka upp framandi siði og háttu. Okkur þætti önugt að meinlætamaður krefðist þess að salernispappír yrði úthýst úr almannarými og að fólk notaði heldur fingur til að hreinsa bakhlutann. Viðbótarrök um að salernispappír mengaði náttúruna dygðu ekki til. Okkur er tamt að nota pappírsrúlluna.

Fólk sem hvorki telur sig dreng né stúlku, karl né konu, er það frjálst. En við það myndast enginn réttur á aðra, að þeir breyti viðurkenndri háttsemi.

Samfélagið kemur til móts við þá sem búa við skerta líkamsgetu, t.d. fatlaða og aldraða. En ,,trans­fólk og in­ter­sex­fólk", svo notað sé orðfæri formanns ,,mannréttinda- og lýðræðisráðs Reykjavíkurborgar" býr ekki við hömlun eða líkamlega bresti. Það vill einfaldlega vera öðruvísi. Sem er sjálfsagt mál. Jafn sjálfsagt og að við hin erum ýmist kvenkyns eða karlkyns.

Löng hefð er fyrir kynskiptum salernum og búningsklefum í sundlaugum og íþróttahúsum. Fáeinir sem vilja vera öðruvísi eiga engan rétt að breyta hefðinni.

Telja ákvæði um salerni úrelt

Sokkinn kostnaður Rússahaturs - á Íslandi

Obama fráfarandi Bandaríkjaforseti ásamt kaldastríðshaukum eins og John McCain stóðu fyrir stjórnarbyltingu í Úkraínu í félagi við Evrópusambandið. Markmiðið var að koma Úkraínu undir áhrifasvæði Nató-ríkja.

Stjórnarbyltingin 2014 hratt af stað atburðaráðs, borgarastyrjöld og innlimun Krímskaga í Rússland, sem varð tilefni vestrænna viðskiptaþvingana gegn Rússlandi.

Ísland, sem Nató-ríki, var þvingað til að taka þátt og kostaði það okkur mikilvæga útflutningsmarkaði í Rússlandi.

Rússar, vel að merkja, hafa aldrei sýnt okkur annað en vináttu, studdu okkur m.a. í landhelgisdeilunni við Breta.

 

Sammála um að sökin sé Bandaríkjanna

Framhaldshrunið, ESB-umsóknin, 9 ára

Í dag eru 9 ár síðan ólukkustjórn Jóhönnu Sig. samþykkti ESB-umsókn til Brussel. Umsóknin framlengdi fjármálakreppuna, gerði hana að siðferðishruni. Með umsókninni varð slagorðið ,,ónýta Ísland" að baráttumáli vinstrimanna. Vakandi og sofandi formæltu vinstrimenn öllu íslensku.

Icesave-samningarnir voru gerðir til að knésetja Íslendinga og tryggja að þeir færu á hnjánum inn í Evrópusambandið.

Atlaga stjórnar Jóhönnu Sig. að fullveldinu og stjórnskipuninni (það átti að stúta stjórnarskránni) mistókst. Þjóðin hafnaði Icesave í tvígang í þjóðaratkvæðagreiðslu og setti þar með skorður á framgang ESB-aðlögunar.

ESB-umsóknin dó drottni sínum áramótin 2012/2013 þegar Vinstri grænir þvoðu hendur sínar af handvömm Jóhönnu, Össurar og kratanna. Þar með hófst sáttarferli gagnvart Vg-liðum og leiddi þá til hásætis í stjórnarráðinu fimm árum síðar.

Ríkisstjórnin fundar í Snæfellsbæ

Trump þolir ekki ESB-Evrópu, 2 ástæður

Trump náði forsetakjöri út á stjórnmál sem kennd eru við sjálfsvitund. Til skamms tíma voru sjálfsvitundarstjórnmál séreign vinstrimanna. Kænska Trump fólst í því að hann virkjaði öflugustu sjálfsvitundina, sem er bandarísk þjóðernisvitund. Slagorðið ,,gerum Ameríku máttuga" skóp sigurinn 2016.

ESB-Evrópa er stofnuð til að ganga milli bols og höfuðs á þjóðernisvitund. Engin landamæri þjóðríkja og opingáttarstefna gagnvart flóttamönnum er hvorttveggja andstyggð í augum sitjandi forseta Bandaríkjanna.

Önnur ástæða fyrir óþoli Trump er að ESB-Evrópa lætur Bandaríkin niðurgreiða útþensluna í austur. ESB-Evrópa gerir Rússa, Pútín forseta sérstaklega, að höfuðóvini. Tilgangurinn er að samfylkja ESB-Evrópu gegn sameiginlegum óvini. ,,Hvort viljið þið að Evrópu sé stjórnað frá Brussel eða Moskvu?" er falska tvíhyggjan sem leiðtogar ESB-Evrópu reyna að selja. Hernaðarmátturinn á bakvið útþensluna er Nató, sem Bandaríkin fjármagna að stærstum hluta. Trump sá rautt þegar hann kom auga á samhengið.

Trump og Pútín eru pólitískir sálufélagar. Báðir eru hlynntir þjóðernisvitund og virkum landamærum. En ESB-Evrópa stendur fyrir fjölmenningu og opin landamæri. 

ESB-Evrópa er óvinur númer eitt. Af skiljanlegum ástæðum. 

ESB versti óvinur Trumps

Nató er ekki meðalhóf, því miður

Björn Bjarnason segir Nató stunda meðalhóf. Betur að svo væri. Nató hefði átt að leggja niður þegar Sovétríkin og Varsjárbandalagið gáfu upp öndina fyrir bráðum 30 árum.

Nató var stofnað til að verja Vestur-Evrópu fyrir kommúnisma í kalda stríðinu. Engin hætta er lengur af kommúnisma. Skýrleiksmenn eins og George Kennan og Walter Lippmann sáu fyrir að Nató ætti að hætta starfsemi þegar hættan af kommúnisma liði hjá, er rifjað upp í tímaritinu Nation.

Hernaðarbandalag án tilgangs leitar að óvini, býr hann til ef því er að skipta. Nató bjó til Rússland sem andstæðing með því að hlaða niður herstöðvum á öllum vesturlandamærum Rússlands. Það er ekki meðalhóf.