Trump þolir ekki ESB-Evrópu, 2 ástæður

Trump náði forsetakjöri út á stjórnmál sem kennd eru við sjálfsvitund. Til skamms tíma voru sjálfsvitundarstjórnmál séreign vinstrimanna. Kænska Trump fólst í því að hann virkjaði öflugustu sjálfsvitundina, sem er bandarísk þjóðernisvitund. Slagorðið ,,gerum Ameríku máttuga" skóp sigurinn 2016.

ESB-Evrópa er stofnuð til að ganga milli bols og höfuðs á þjóðernisvitund. Engin landamæri þjóðríkja og opingáttarstefna gagnvart flóttamönnum er hvorttveggja andstyggð í augum sitjandi forseta Bandaríkjanna.

Önnur ástæða fyrir óþoli Trump er að ESB-Evrópa lætur Bandaríkin niðurgreiða útþensluna í austur. ESB-Evrópa gerir Rússa, Pútín forseta sérstaklega, að höfuðóvini. Tilgangurinn er að samfylkja ESB-Evrópu gegn sameiginlegum óvini. ,,Hvort viljið þið að Evrópu sé stjórnað frá Brussel eða Moskvu?" er falska tvíhyggjan sem leiðtogar ESB-Evrópu reyna að selja. Hernaðarmátturinn á bakvið útþensluna er Nató, sem Bandaríkin fjármagna að stærstum hluta. Trump sá rautt þegar hann kom auga á samhengið.

Trump og Pútín eru pólitískir sálufélagar. Báðir eru hlynntir þjóðernisvitund og virkum landamærum. En ESB-Evrópa stendur fyrir fjölmenningu og opin landamæri. 

ESB-Evrópa er óvinur númer eitt. Af skiljanlegum ástæðum. 

ESB versti óvinur Trumps

Athugasemdir

[Ragnhildur Kolka, 16.7.2018 kl. 09:26]

Merkel getur sjálfri sér um kennt. Að gefa “erkióvininum” ótakmarkað vald yfir gasnotkun Þýskalands hefði opnað augun á blindum ketti. Svo augljós er tvöfeldnin.

[Jón Valur Jensson, 16.7.2018 kl. 13:12]

Verulega vel hugsuð grein hjá Páli hér, rétt eins og hans nýjasta grein: 

• Framhaldshrunið, ESB-umsóknin, 9 ára